منو قد التحدي ويتحداني ان شاءلله قبل دخول السنه الجديده وزني بيكون 50

[برونزية رشيقة]

بسم الله الرحمن الرحيم

اليوم الرابع​

الريوق
كلاص ماي وكوب اعشاب بالزنجبيل
وتفاحه واحده​

الغدا
سلطه مع سبانخ

للأسف مامشيت ماكان عندي وقت ادرس عيالي​

العشا تفاح

ابو الشباب يبلي كراتين تفاح سار استهلاك ​

بشوووونة ممكن طريقة عمل السبانخ ؟

 

[برونزية رشيقة]

شخباركم بنات وى الريجيم انا عندي مشكلة كان وزنى 88 كيلو نزلته ل 77 كيلو وطولى 172 سم بس ابي انزل 10 كيلوو بسس بس مو راضي ينزل ليشششش؟ مو عارفه مع العلم ان كل يوم 40 دقيقة رياضه واكلى كله تبع دايت كير وما بخربط ولا اشي ابي احد يفيدنى لاوصل لوزنى المثالى

هلا أخت صريحة جدا جدا .. أنا توني ماشية على رجيم الدكتور حسين دشتي .. وانصحج فيه وايد ينزل الوزن وبفترة قياسية .. تحبين نشجع بعض ؟؟؟؟؟

 

[زنوبة الحلوة]

هلا فيج برونزيه حبيبتي

حيااااااااااج:eh_s(17):

 

[كيكه توفي]

موفقين ان شاء الله

 

[أخر العنقود]

تريقت تفاحه بعدها سناك تفاحه بعد :eh_s(10): والغدا جم قفشة عيش على السريع وسناك ثاني شرايح اناناس والعشا جم حبة سمبوسة جبن وعصير برتقال كي دي دي:bbbiu: احس نفسي مو اوكي هاليومين لازم اشد على نفسي اكثر:eh_s(16): رشيقات منو شافت وزنها ونازله تبشرنا وتشجعنا:ch12:

 

[om_fajer83]

ريوقي وغداي شريحة توسته سمرا مع م ص قيمر ومسحة مربى
واكلت حبة بسكوتة رجيم وحبة بسكوت الياف و٤ قطع ككاو رجيم وموكا رجيم
والعشا طقطقت من عشا البيت وبيبسي دايت


بكرا راح التزم بالرجيم عدل مع اني مطبقته بس ودي التزم فيه حرفياً

 

[passion.666]

السلام عليكم شلونكم بنات شخباركم
ولهت عليكم وايد عندي اختبارات وبناتي عندهم امتحانات المنتصف الله يوفقهم بس هذا مايمنع اني صامده ومصره على الخمسين منو قد التحدي



بسم الله الرحمن الرحيم
اليوم الخامس

الريوق
ولا شى قعدت مبجر قطيت اليهال المدرسه وعقبها وصلت اللممشى

الجو روعه

مشيت اكثر من ساعه
وعقبها شربت بطلين ماي 600 مل

الغدا

اكلت سلطه مع دجاج

والعشا
تفاحه

الحمدالله مر اليوم على الخير​

 

[برونزية رشيقة]

هلا بنات .. هذي يومياتي

الريوق : نسكافيه مع نتفه كوفي ميت (بدون سكر)
5 مرتديلا
2 خيارة مقطعة شرايح .

السناك : جاي أخضر

الغدا : عدد 6 كفتة
ماعون صغير سلطة
ماعون صغير حمسة خضار ( بطاط - باذنجان - بصل - فلفل بارد - طماط مع شوية كزبرة ) هذا أنا شاكة أني ملخبطة فيه لأن البطاط ما يسمح فيه دكتور دشتي ألا بالمرحلة الثانية

المغرب : نسكافيه مع نتفه كوفي ميت .

العشا : ماعون كباب
4 جبن سلايسز
1 دايت كولا

وإلى اللقاء غدا !!!

 

[برونزية رشيقة]

بشووووونة حبيبتي .. نبي طريقة عمل السبانخ مالج ؟

 

[sh&t&m]

وانا انشالله وياااكم وزني حاليا 62 والهدف 55 بأذن الله وانا قد التحدي

 

[صريحة جدا جدا]

انا طولي 172 ووزنى 78 واذا مااكلت طول اليوم يصير 77 لا ينقص عقب جذي اذا كليت حسب الاكل بين 77 ونصف او 78 ابي اشترك وياكم وبحط من باجر شنو كليت بالافطار والغدا والعشا

 

[صريحة جدا جدا]

هلا أخت صريحة جدا جدا .. أنا توني ماشية على رجيم الدكتور حسين دشتي .. وانصحج فيه وايد ينزل الوزن وبفترة قياسية .. تحبين نشجع بعض ؟؟؟؟؟

اوكى بشترك وياج ونشجع بعض وبكتب يومياتى اهنى:eh_s(9):

 

[عصير برتقال]

بنات ابي اسئل عن بسكوت دايجستيف سمعت انه مايزيد الوزن صح ولا ؟؟

 

[زنوبة الحلوة]

عوافي عليكم بنات

وعصير برتقال بلى اذا كثرتي منه اكيد يمتن
انا يوم كنت مع الدكتورة هايدي السعداوي في جدول من الجداول ريوقي 2 بسكوت دايجستف مع نسكافيه
ماعتقد ان ما يمتن

 

[زنوبة الحلوة]

يومياتي لامس الاحد

قبل الريوق كان :

660. مل ماي + نسكافيه

الريوق :

صمونة هوت دوج معاها شريحة جبن سلايدز

الغدا كان :

خضره + شوربه سالاري + ربع دجاجة مشوية

والسناك كان :

تفاحة خضرا بس ماصورتها لاني اصور من التلفون وتلفوني ماكان عندي



والعشا كان :

شوربة سالاري + سلطة بالجبن
ماصورت
توني بصور وله يطفي الجهاز مافي شحن كللللش
وكانت السلطة حدها مشوقه وطعمهخا لذيييذ



وسلامتكم

 

[عصير برتقال]

عوافي عليكم بنات

وعصير برتقال بلى اذا كثرتي منه اكيد يمتن
انا يوم كنت مع الدكتورة هايدي السعداوي في جدول من الجداول ريوقي 2 بسكوت دايجستف مع نسكافيه
ماعتقد ان ما يمتن

اهاا :eh_s(10):

يعني اقدر اكل منه حبتين في اليوم

بصراحة طعم هذا البسكوت يجنن

 

[زنوبة الحلوة]

اوووووف حدة

انا اصلا هالجدول اللي عطتني اياه مستانسه عليه ومامليت منه والسبه هالبسكوت هههههههههههه

بس ترى عطتني اياه كوجبه ريوق

 

[برونزية رشيقة]

اوكى بشترك وياج ونشجع بعض وبكتب يومياتى اهنى:eh_s(9):

عااااااااشت صريحة .. عاااااااااشت صريحة:ggdw:
أنزين عندي اقتراح لج .. شكلج وايد متعقدة من الميزان كل سوالفج وزنت ووزنت .. إنسسسسسسسسسسسى الميزان!

سمعي اقتراحي لج وأنا أختج ::: خلينا نحدد فترة رجيم دشتي شهر كامل وعقب ما الشهر يخلص روحي أوزني .. أوكي؟

 

[برونزية رشيقة]

زنوبة : شنو مقادير وطريقة شوربة الساليري؟ أتشووق بالصورة يمي يمي ..

عصير برتقال : بسكوت دايجستيف يمتن من قالج ما يمتن..
أخذي دايجستيف لايت .. وبس من 2 إلى 3 بسكوتات وبالريوق أو بالسناك أكليهم ..

أنا قارية رجيمات الدكتور المطوع يسمح فيهم بفترة الريوق والضحى ..

وبالنسبة لفترة الليل ينصح المراجعين له أن ما يأكلون نشويات وكربوهيدرات بلليل من فوق الساعة 7 مساءااااااا ..

يحط لهم العشا ::: سلطة خضرا أو روب بالخيار .. أو برتقالتين وخس(كمية غير محددة)



استفيدوا مني ترى كلامي درر درر هههههههه وعندي معلومات وايد بالريجيمات بس ما أطبق .. جان واصلة 50 كيلو مو .....! خلاص مابي أقول وزني

 

[ورد ياسمين]

السلام عليكم
عادي ابدي معاكم ووزني 62