طالباتي مصخروني

[بنوتة طموحة]

هالفترة خليهم ينصمون بدرجاتهم سقطي أغلبية الصف

ومثل ما قالوا الخوات استدعاء ولي الأمر بيضبطهم عدل

 

[دحملية]

الله يعينج دشي الصف بنفس خايسه لاتعطينهم وجه خز يهم من فوق لتحت وستدعاءولي الأمر

 

[بحر الرمال]

المشكله اذا اهي نقصت درجاتهم مو بايدها لان مافي درجه عالسلوك
الحل انج تسوين استدعاء و الله هذا اللي ينفع فيهم, و صوري نسخه من الاستدعاء عشان اذا شقته البنت يكون عندج دليل
بس ماينفع الا الاستدعاء و بعدها كلمي الام او الابو بشكل جاد
خلف الله على اهلهم اللي قاطينهم جيل الخدم و السواق

 

[PuPa^^SWeeT]

بحر الرمال


اهيا درجة وحدة بسس :eh_s(1)::eh_s(1):


فقيرة هالدرجة :eh_s(2):


وكله يايين يتههاوشون عليها :eh_s(4)::eh_s(4):


يعني بنتج اتركت 49 درجة و ييتي على درجتي الفقيرة


:eh_s(10)::eh_s(10):

 

[ام لولوو]

جزاكم الله خيير وماقصرتوا صراحه

بس اقولكم هذولا مايحشمون احد اجيهم مطنقره ومنفسه ومعصبه يقعدون يضحكوون ويقطون كلام وانا مايمديني الحق على كلامهم وحده تقول هذي شبلاها معصبه ورفيجاتها يضحكون والصوب الثاني هم يقطون كلام واللي بالنص والللي مناك اقولكم الصف كله قلة ادب


والله تعبووني تعبوووني
وأستدعيت ولي امرهم ولا وحده جابتلي ولي امرها اللي تقول امي ماتت واللي تقول ماتقدر ويضحكون < وديتهم للوكيله الوكيله زفتهم ويالله باجر تجيبين ولي امرج ,, < يعني مسوي شي وثاني يوم تنسى وانا اللي اكلها معاهم !

انا فكرت انتقل من المدرسة ماقدر استحمل كورس كامل كل يوم يغثوني

 

[ام لولوو]

وانا مشكلتي ياأبلات مااعرف اصرخ وما اخرع طبعي هاديه !
مساع كلمت زميله لي بالوتساب وشكيتلها قالتلي انا اوريج فيهم باجر وان شاء الله عاد تسنعهم ___

 

[جيتك تعال]

قلبي معااك حبيبتي ... هذا جيل اخر زمن ...

طبعا البنات هالسنة مستخفيين ومستهبليين انصحك تتركين الصف نهائي

وما انصحك تعطينهم قلم وتكتب صفر لانهم ممكن يقطعون لك الدفتر

لانهم قليلات ادب ....ممكن تعطينهم اختبار قصير كل حصة 5 دقاايق بس يكون صعب شوى

وما اعتقد هالنوعيات ورااهم اولياء امور سنعيين لانه واضح من تربية بنااتهم انه اولياء اموورهم يبون يتربون من اول ويديد

تالي يربون عيالهم ...

 

[randomy]

المفروض المعلمة تكون حازمة من اول يوم

اشلون خليتيهم يوصلون لهالدرجه من قلة الادب

انا تعاملي بالخز لانا عيوني مبققه هههههههههههه

والحمدلله نسره ومريحه راسي

 

[ام لولوو]

جيتك تعال

ههههههههههههههههه
اي والله يسونها صفي هذا ما أستبعد عنه شي

 

[ام لولوو]

randomy


والله نعمه طبعج هذا ,

انا مبتلشه بعمري معطيتهم وجهه والمشكله اصاارخ من كل قلبي وازف وانقص ولا يفيد معطيني اكبر سكب

 

[ام لولوو]

ابلات منو بمدرسه المطلاع ؟ بالجهرا


يمدحوونها

انا مدرستي الاداره موشي كارفينا كررف

 

[ya al3rosa]

امبية انتى من صجج ساكتة
شوفى حبيبتى انا طالبة واايد بنااات يتمصخرون مو كل الابلات لا بعض الابلات
اتذكر لمن كنت بعاشر كانت عندنا ابلة اجتماعيات تخيلى ولا وحدة تقدر تتنفس بالحصة اقول ليش
لان اى وحدة تفتح الدفتر ولا الكتاب تاخذ الكتاب وتقطة بالارض
اى وحدة تسولف اتقومها لى اخر حصة
واهية حيل جادة مرات تضحك وتشرح بصوت عالى واى بنت نرزفتها اتزفها بصووت عالى
استدعاء ولى امر
اتهددهم بالصفر تعالى وقعى تقول البنات اهنى راح يبجون
لحظة انتى اشلون امخلية البنت تقولج كملى الدرس وانتى ساكتة من صجج هذى حدها قلة ادب ترزفيها وخليهم يزفتون بالشهادة عشان يتحسفون اصغار وجذى وبعد

 

[بـشـرى]

إذا انتي مو متهئيه ....


فنصيحة .. تنازلي عن هالصف .. وكلمي المديرة وقولي لها ماراح ادش على هالصف

 

[ام لولوو]

ya al3rosa

ما شاء الله عليج ياليت تجيني طالبه مثلج

لا ماسكت عنها زفيتها وصرخت عليها من كل قلبي والله بس مايهابون اححد حتى لما جت رئيسه القسم هم ما هابوها وستعبطوو وهم مو بس علي انا كل الابلات يشكون منهم بس انا اني معطيتهم وجهه مزودينها معاي بس والله خافستهم بالدرجات > والمشكله الحين مابيدنا درجات مثل قبل

وان شاء الله باجر ككككلهم عند الناظره واستدعاء ,,, والله حمستوني انا اوريهم نويتلهم باجر


مشكوره على ردج نورتي

 

[ام لولوو]

بشرى : لا وانا اختج بقب من المدرسه بكبرها لا ابلات ولا طالبات ولا اداره ,,

مشكوره على ردج نورتي

 

[صب القفشه]

الي تشاااعب وقفيييييها بكل حصه و خلييييها اجابل الطووفه اسبوع اسبوعين شهر !! لما اتمل و ما تقل ادبها

و اللي تاكل و تشرب قوليلها اذا كليتي راح اقط اكلج بالزباااله و اذا كلت قطططيييييه بالزبااله و الا خليها اهيا اتقوم اتقطه بالزبااله

و اللي اتعلج خليها اتقط العلج ووقفييها كل حصه لما تتسنع !

 

[marimor]

انا اقوووول دشي الحصه بشرررج

اي وحده تتطنننز صررخي عليها من قمة راسج او حتى تليها من نفنوفها عشان تخترع

ولا توقفيننها طررديها من الصف بكبببررره

وصففر بالاعمال ونادي ولي امرررها وقولييله بنته شنو مسويه عشان ماينصدم بدرجات بنته بالشهاده

 

[شرغوفة]

السلااااام عليكم اختي الغالية الله يعيينيج بس لاازم اتكوونين حاازمة ويااهم صرااحة عيب الي يسوون وشنووو اتقولج شرحي يالله وخلصينااا وين قااعدين وواي الله يستر على بنااتنااا يااارب والله انا بنتي توهاا بأولى ابتدائي ولله قبل ماترووح المدرسة اقولهااا حبيبتي لا تأذين الابلة ولا تتكلمين كلش بالصف ورااح استمر اقولهااا ليما اشوفهااا ان شاءالله متخرجة من الثانوية ان شاءالله لان البنت بتصرفاتهااا اتبين اشلوون تربيتهااا فبيت اهلهااا وموفقة حبيبتي ​

 

[عادت ذكرياتي]

وااااااااااااااااااي شنو هذا !!!!!


صدددددددمة


الله يعينج

 

[لياليـ]

بما اني طالبه او كنت مشاغبه بس الحين تغيرت
ليمن يشاغبون ناديلهم الناظره بنفسها اتيي والله السنه اللي طافت يابت لهم الوكيله مو الناظره بعدهزئتهم او زفتهم مافاد للمره الثانيه فصل اللي ها شوي فاد ببس تبين تقرصينهم فصليهم او الامتحانات صعبيها او لا تعطينهم درجه شفوي او سلوك او اكثر شي يخافون منه امتحان مفاجئ في سقوط او نجاح او الفصل او الاستدعاء يرجفووون
او ع فكره البنات مايسون جذي الى ليمن اتكون الابله ماعندها شخصيه احنا ابله رياضيات لانه ماعندها شخصيه انسوي فيها جذي
اتقبلي مروري