طالباتي مصخروني

[اريج الجوري]

الله يعينج حبيبتي انت اللي عطيتيهم المجال هذا وانت معلمة ماده أساسيه ،،،

إحنا شنقول ؟؟؟

انا معلمة علوم اسره ومستهلك والبنات ما يتنفسون بحصتي ،،،

نضحك مع بعض مرات ولا عمري سبيت او غلطت على بنيه كلش ،،،

لكن انا نظرتي تخرع والبنت اللي تتمصخر أعطيها خزه طويله اخليها ترجف ،،،

باعطيج امثله ،،،

مره شقيت دفتر العربي لطالبه لانها كانت تكتب الواجب بحصتي ،،، ومره بنت قاعده تتمصخر بالكلام خزيتها وقلتلها بنفس خايسه شنو المطلوب

منا اللحين نضحك على تفاهتج وسخافتج ،،،

والبنت اللي تأكل علج اخليها تقوم تقطه بكلينكس بعدين تحطه بمخباتها وزفيتهم قلت والله اللي تأكل علج مره ثانيه الزقه بشعرها ،،،

وكتبيهم تعهد وعطيهم استدعاء ولي امر واذا خلصت الحصه أخذي اشطن طالبتين سيده عند الناظرة وقوليلها ما ابي هذول يدشون حصتي الا اذا جابوا

ولي أمرهم وياليت يكون الاب أحسن ،،،

انا ماالموج لانج توج مستجده بالتعليم وانا كنت مثلج هاديه وما اعرف ازف بس البنات طلعولي قرون لين صرت قويه ،،،

بنفس الوقت لا تخلين اي ابله ثانيه تزفهم بدالج او حتى الوكيله لانه هذا يهز شخصيتج ويبين للبنات انج ما تعرفين تتصرفين ،،،

عند الناظرة سيده وعقاب بالطابور واستدعاء ولي امر وتعهد ،،،

وخرعيهم بالامتحانات القصيرة المفاجئه ،،،

ولاتنسين ان : لاتكن لينا فتعصر ولا قاسيا فتكسر ،،،

وبشرينا شصار معاج ،،،

تحياتي ...

 

[الشرقية]

مرحبااا اختي

بصراااحه الحين لو شنو تسوين اتوقع ما ينفع لانهم عرفوووج خلاص

المفروض من اول حصه تدشين عليهم تورينهم العين الحمرااا عشان يمشون سيدااا

وانتي ثالث سنه مو جديده بالمدرسه وتدرسين ثامن يعني الطالبات المشاغبات معروفااات
المفروض من اول ما تشوفينهم بصفي اي حركه منهم لو بسيطه تزفينهم عشان يهابووونج

ابتدي بدايه جديده ومن تدشين الصف زفي الطالبات ومصخريهم وهزيهم لانهم ما خافوا من وكيله ولا رئيسه قسم ولا منج يعني مو متربيااات زفيهم يمشون سيداااا.......

والله يعينج

 

[قصْر شآمخ~]

يا عممممممري الله يعينج عليهم

والله ألحين الإنسان المحترم اللي ما يغلط ويعامل الناس بـ لين ما يعيش ..
والكل يتمصخر عليه ..

شوفي أنا هم شخصيتي مو زيادة قوية
بس اللي ينفع مع البنات .. التعهد ..
وكلمة الدرس مشروح ..
بـ يسكتوووون ويطخون " طبعاً ممنوع إنج ما تشرحين الدرس " بس جذي خوفيهم
ولا تشرحين إلا لما يسكتون كلهم .. وقولي لهم ترى أنا ما يهمني تفهمون وإلا لا وحتى لو ما نجح الصف كله
عااااااااااااادي عندي حسسيهم إنهم ولا شي ولا تحطين لهم أي اعتبار
احتقريهم ..
لييين ما يتأدبون ..
لو قلتي لهم أنا نفس أمكم وإلا نفس أختكم >> هـ الكلام حافظينه وبـ يتطنزون

أنا أشوف إنه المعلمات مظلومات إذا مرة جا ولي أمر يشتكي علي لـ أني مسكت بنت من طرف قميصها .. خييييييييييير
البنت قليلة أدب شـ أسوي فيها .. والله بعض أولياء الأمور عبالهم عيالهم ملائكة وإحنا شياطين ..
وهم يقوون البنت على المعلمة ..

وبعد قولي لهم أي بنت متأخرة لا تدخل الحصة وراح أسجلها غياب وخوفيهم قولي البنت اللي تنكتب غايبة عن حصة تعتبر غايبة عن اليوم كله
وانتي انقلش يعني كل يوم قولي إذا سجلتج غايبة 3 أيام عن حصتي على طول استدعاء ولي أمر
وشوفي عاد ويه أبوج وهو كل يوم يقطج بـ المدرسة ومسجلينج غايبة ..

بـ يموتون من الخرعة هني .. ههههههههه

وصوري تعهد حتى لو جذب وخليه عندج هدديهم فيه مالت عليهم


الله يوفقج ياااااااااااارب

 

[سفيره الكويت]

سهالات للي تزعجج يلا طلعي بره وغياب وصفر بالشفوي

 

[PuPa^^SWeeT]

سفيرة الكويت


ممنوع تطردين طالبة من الحصة


لاازم اتحلين الاشكال يا داخل الحصة يا تنطرين الحصة اتخلص بعدين اتحلينها

 

[honey lust]

الجيل الحين اخترب والله ان قبل نحترم الابله و نقدرها و اذا صرخت نخاف

بس الحين الاهل مو عارفين يربون عيالهم مع الاسف

الله يعينج عليهم

بس اهمه اكيد حاسين ان شخصيتج مو قويه عشان جذي فالينها و مستانسين


و من امن العقوبه اساء الادب

 

[amami al-kuwai]

قولي للادارة ان انتي تبين تجتمعين مع اولياء امورهم وان البنات مصخوها

وفي جم حركة حلوه قالوها البنات

 

[Pop^*^CoRN]

كل حصه زهبيلج جم سؤال صعبين لدرس اليوم و اذا البنات تشاغبوا وقفي الشرح وقولي طلعوا ورقه وقلم و امتحان بالدرس

 

[ذهبيه مرصعه بألماس]

تبين الحل الاكيد

اول ما تدخلين الصف
قولي لهم امتحان قصير :
طلعو ورقه و قلم واللي ما تبي تمتحن تكتب اسمها عندي و تحط صفر عند اسمها و تروح للاخصائيه رجاءا ما ابي اضيع وقت

و قوليلهم
انا راح امتحنكم كل حصه
واللي ما تبي تمتحن تتفضل للاخصائيه بدون مطرود بس بالاول تحط صفر عند اسمها

حل ثاني للاسلوب الاستفزازي اللي يتعاملون فيه البنات معاج :

لا تدخلين الصف معصبه و لا تدخلين مبتسمه

خلج عادي
قعدي اول دقيقتين تعدين الصف
وحده وحده او تسوين نفسج تاخذين الغياب بدون لا تنادين الايماء

اللي تستهبل او تستعبط او ما تقعد عدل
اشري لها بصبعج بدون كلام
عالسبوره

و خلصي من البنات
التفتي للي عالصبوره

وسويلهم امتحان
( راح يتهزأون لمن ما راح يعرفون الاجابه)

اللي تحل صح تقعد لازقه بالطوفه اللي عند السبوره عشان ما تقدر تشوف البنات و بنفس الوقت تكون معاج بالدرس والشرح
و اللي ما تحل قوليلها لو سمحتي طلعي بره روحي للاخصائيه انا مبلغتها ان راح ارسلج البنات اللي ما ابيهم بحصتي عشان تكتبلج ورقة استدعاء ولي الامر ( راح يطخون)

حل ثالث:
تجيبين علبه فاضيه و اوراق صغيره و كل الاوراق تكون مكتوبه فيهم اسامي اكثر الطالبات المشاغبات عندج و استثني الطالبات المجتهدات او المؤدبات

تخلينهم علا حالة المشاغبه و قعدي كتبي و سوي روحج تطالعين و تكتبين
و اخر شي
قولي حق اكثر طالبه مشاغبه :
سحبي 5 اوراق من العلبه هاذي ( ضروري يكون اكثر طالبه مشاغبه و قليلة ادب )
و الاوراق اللي راح تسحبها راح تكون اسامي البنات اللي راح تستدعين اولياء امورهم واهي من ضمنهم

بجذي راح يحقدون عليها و اهي راح تنقمت لأنها قضت عليهم و على نفسها

و قوليلهم كل ما دخلت و لقيت الصف على هالنظام راح اكرر العقاب بنفس الطريقه !


اخر حل :

تدخلين الصف وتغيرين اماكن البنات

و تعطينهم امتحان
و بعدها تبدين بالتصليح بصوت عالي مع ذكر الاسم
و درجة الطالبه


و اي وحده تتمسخر عليج

قوليلها روحي الاخصائيه على طوووول و لازم تعطين الاخصائيه خبر بالموضوع !


تقبلي مروري

و عساج عالقوه

 

[رويال كلاس]

اب اب
الله يعينكم يا قلبي
​

 

[ƒⱥ6ǿØǿღ]

حبيبتي انا طالبه واعرف كل البنات شنو يسون الابلة تقولهم روححوا عند الاداره وتاخذهم الرائدة وتقول يلا خنروح ندوج ونرجع ونقول مالقينا الابله

واللله يسونها
شوفي انتي وقفيهم ورا واستدعي ابوها لان الام عادي اما الابو لا يهاوشها اكيدوخليج نفسيه بالصف اي وحده تتكلم خزيها وتوقف ورا

 

[aida khalid]

امبيييييه شهالبنات ليش جذي ويع يعني اذا سوو جذي يكون وناسه !!
صج ماينفع معاهم وصح سوي استدعاااء حق ابووها مو امها وتعاملي مع الدرجات ولا تتساهلين معاهم لانه اذا صرتي طيبه وياهم لو شوي بيتمادوووون اككككثر

صصج الله يعينج
انا طالبه او ناويه اصير مدرسه بس مدرسة حاسوب ابتدائي صبيان احسن شي صراحه الماده مو اساسيه وتاخذين راحتج وحتى تستانسين وياهم
يالله الله يكون بعونج انشاءالله

 

[_--_]

اب

اب

اب

اب

اب

اب​

 

[مشتطـه]

احنا ما كنتا جذي كانت صفوفنا محترمه حيل


هذي قلة تربيه

انا بعمري هذ1 22

لو ارجع طالبه بالمدرسة اظل محترمة حيل لاني تربيت عدل


بس الحين كل مراحل المدارس قليلات ادب
بعرف ليش



اقسم بالله لو انا منج احط صفررررررررررررررررررررر

 

[جـمـان]

هذه نتـجية الدلع الزايد , و منعهم للضرب .

هذيل البنات لو متربين مثل العالم والناس ما يسوون هالسوالف البطاليه .

سووي استدعاء ولي أمر و نادي البنت جدام امها , و قوليلها بنتج جذي وجذي وجذي

و اهي بمرحلة حرجه محتاجه النص الدرجه مو حرام انقصها و مستقبلها يروح .

و البنت الي تستعبط حمري عليها العين روحي لها حطي عينج بعينها وخلج على مستوى نظرها و شرشحيها من فوق لي تحت

درجاتهم طبعا خليها حضيض هذه نقطعه قوتج .

 

[مها2000]

والله اللي تأكل علج مره ثانيه الزقه بشعرها ،،،


مت من الضحك علي كلمتج ياريج الجوري

هههههههههه

بنات اخر زمن

يستاهلون والله

 

[amami al-kuwai]

قولي لهم استدعاء ولي الامر

 

[هب العطر]

السلام عليكم ورحمه الله و بركاته

اولا حبوبه عورتي قلبي وايد و الله يعينج على جيل المستقبل اللي يفشل بصراحه الا من رحم ربي


بعدين


اول شيء ركزي على شرحج , و اسلوبج , لازم تدشين الحصة بقوه و تكون افكارج مرتبه عدل عشان ما تعطينهم فرصه


ثاني شيء


اول ما تدخلين الحصة قولي لهم يحطون جناطهم يم الباب او على الطوفه عشان ما يطلعون منها و لا شيء لا حب و لا بيبسي و لا شي


ثالث شيء قولي لهم يقلبون الادراج بالعكس يعني تكون فتحه الدرج بالاتجاه المعاكس عشان ما تحط شيء بالدرج


رابع شيء : طشريهم بالحصه , يعني اذا كانوا شله مع بعض فرقيهم و طشريهم كل وحده قطيها بداهيه بعيد عن الثانيه


و هالكلام يصير على يد الاخصائيه الاجتماعيه او الوكيله .


خامس شيء : اللي تستهبل طرديها توقف يم الباب , بدون و لا كلمه لكن متى ؟ بعد ما تخلصين شرح حصتج كلها


سادس شيء : سوي امتحانات قصيره ام سؤالين ثلاث , و اول ما تشوفين وحده فيهم تهذر قولي لها تعالي امتحني خلال الحصة


بما انج فلته زمانج و ضامنه العلامه الكامله و قاعدة تتضحكين بالصف .




سابع شيء : تغافلي عن ( بعض ) الخرابيط اللي تصير ما دامت لا تعطل الحصه , مثلا اذا طالعتي الصف و شفتي وحده تتبوسم


ع الفاضي طنشيها , تطالع اللي يمها بنظره طنشيها , اشرحي ووجهي انظارج للبنات المنتبهات معاج .




ثامن شيء : قولي للبنات بالصف اذا فيه وحده مضايقتكم و مو مخليتكم تنتبهون , ييبوا اولياء اموركم يشتكون عليهم ان بناتهم ما ينتبهون و السبه فلانه و فلانه و فلانه من البنات بدون ذكر اسماء , و خصوصا المتفوقات راح يتجاوبون معاج و و بجذي بسرعه راح يطشرونهم كل وحده بصف و خل تفيدهم قله الادب حزتها .




تاسع شيء : احقريهم لا تطالعينهم حتى , تصرفي و لا كأنهم موجودين , و لا تستلمين منهم دفاتر , و اللي تييب الدفتر رديه لها بويهها قولي لها انتي راسبه عندي هالشهر و لا تتعبين نفسج , لمجرد التخويف .


و اذا رفعت ايديها طالعيها و لا تقومينها .


سوي امتحان قصير افتراضي تجريبي بس لا تقولين لهم انه تجريبي , و بلغي رئيسه القسم , و وزعي الاوراق ع الكل ما عدا المشاغبات , و طبعا بتطقهم البوهه , قولي لهم انتو امتحانكم بعد ما نشوف شبيصير فيكم هالسنه , و تحملوا نتيجه اللي تسوونه , و عموما انتو راسبين عندي هالشهر , و اذا فيه امتحان لكم فنموذجكم مختلف و اصعب من البنات وتمتحنون عند الادارة .


اسبوع اسبوعين و بيتعدلون ان شاء الله .

 

[البـتول]

سقطي كم بنت بالفترة الاولى
وفعلاً حركة الصفر تنجح وايد انا بنين ووماشية مع سنة رابعة وخامسة
ولم يشوفون الصدمة بدرجات الفترة الاولى وانه اهي بنفسها حطت صفر تحترم نفسها ذيج الساعة

 

[♥MaSteRiyA♥]

هههههههههههههههههههههههههه

صج احنا ميننين الابلة وطلعيلها قروون والمشرفه اتعوذ منا

والايداره حافظينا
بس الحركه الي تموتنا من الخووف
لمن تقولنا الابله تعالي اخذي قلم وحطي عند اسمج صفر
والله العظيم يسكتوون
نصيحه لا تخوفينهم بالايداره لانه الايداره موضه قديمه
الي تزعجج عطيها القلم تحط عند اسمها صفر بدفتر الدرجات​

خوش حركة لوووول خل أطبقها

حرااام حبيباتي راح يكسرون خاطري ​

وذكرتيني ب بناتي يا صاحبة الموضوع
شياطين.. بس مو لي هالدرجة
شطانتهم حلوة.. وشطار يبردون القلب​

وأعصب عليهم مرات بعدين أضحك ماقدر
بس يحبووووني كربونهم​

الله يعينج :eh_s(4):​