طالباتي مصخروني

[معلمه متميزه]

اختي واضح ان شخصيتج ما تنفع لهالمرحله حاولي تنقلين ابتدائي احسلج .. وتسلمين

 

[فلبينية عبدة]

●
●
●

up

up


●
●
●
​

 

[معلمه متميزه]

السلام عليكم ورحمه الله و بركاته

اولا حبوبه عورتي قلبي وايد و الله يعينج على جيل المستقبل اللي يفشل بصراحه الا من رحم ربي


بعدين


اول شيء ركزي على شرحج , و اسلوبج , لازم تدشين الحصة بقوه و تكون افكارج مرتبه عدل عشان ما تعطينهم فرصه


ثاني شيء


اول ما تدخلين الحصة قولي لهم يحطون جناطهم يم الباب او على الطوفه عشان ما يطلعون منها و لا شيء لا حب و لا بيبسي و لا شي


ثالث شيء قولي لهم يقلبون الادراج بالعكس يعني تكون فتحه الدرج بالاتجاه المعاكس عشان ما تحط شيء بالدرج


رابع شيء : طشريهم بالحصه , يعني اذا كانوا شله مع بعض فرقيهم و طشريهم كل وحده قطيها بداهيه بعيد عن الثانيه


و هالكلام يصير على يد الاخصائيه الاجتماعيه او الوكيله .


خامس شيء : اللي تستهبل طرديها توقف يم الباب , بدون و لا كلمه لكن متى ؟ بعد ما تخلصين شرح حصتج كلها


سادس شيء : سوي امتحانات قصيره ام سؤالين ثلاث , و اول ما تشوفين وحده فيهم تهذر قولي لها تعالي امتحني خلال الحصة


بما انج فلته زمانج و ضامنه العلامه الكامله و قاعدة تتضحكين بالصف .




سابع شيء : تغافلي عن ( بعض ) الخرابيط اللي تصير ما دامت لا تعطل الحصه , مثلا اذا طالعتي الصف و شفتي وحده تتبوسم


ع الفاضي طنشيها , تطالع اللي يمها بنظره طنشيها , اشرحي ووجهي انظارج للبنات المنتبهات معاج .




ثامن شيء : قولي للبنات بالصف اذا فيه وحده مضايقتكم و مو مخليتكم تنتبهون , ييبوا اولياء اموركم يشتكون عليهم ان بناتهم ما ينتبهون و السبه فلانه و فلانه و فلانه من البنات بدون ذكر اسماء , و خصوصا المتفوقات راح يتجاوبون معاج و و بجذي بسرعه راح يطشرونهم كل وحده بصف و خل تفيدهم قله الادب حزتها .




تاسع شيء : احقريهم لا تطالعينهم حتى , تصرفي و لا كأنهم موجودين , و لا تستلمين منهم دفاتر , و اللي تييب الدفتر رديه لها بويهها قولي لها انتي راسبه عندي هالشهر و لا تتعبين نفسج , لمجرد التخويف .


و اذا رفعت ايديها طالعيها و لا تقومينها .


سوي امتحان قصير افتراضي تجريبي بس لا تقولين لهم انه تجريبي , و بلغي رئيسه القسم , و وزعي الاوراق ع الكل ما عدا المشاغبات , و طبعا بتطقهم البوهه , قولي لهم انتو امتحانكم بعد ما نشوف شبيصير فيكم هالسنه , و تحملوا نتيجه اللي تسوونه , و عموما انتو راسبين عندي هالشهر , و اذا فيه امتحان لكم فنموذجكم مختلف و اصعب من البنات وتمتحنون عند الادارة .


اسبوع اسبوعين و بيتعدلون ان شاء الله .

حلولج عجيييييييييييييييييبه تصدقين عطيتيني افكار بس انا ابلة ابتدائصبيان واعتقد اشطن من البنات فظيعيييين .. كوبي وبيست خزنته عندي مرجع حقي .. يعطيج الف عافيه ..

 

[اريج الجوري]

وينج يا صاحبة الموضوع ؟؟؟

شصار عليج ؟؟؟

أخاف البنات كلوج !!!

لووووول

 

[ام لولوو]

السلام ,

عدت إليكم من جدييد


أول شي مشكورين كلكم وماقصرتوآ صراحه وصج أستفدت منكم وطبقت

ثاني شي بـ قوولكم شصار معاي ,,

كل اللي قلتوه طببقته دشيت الصف معصبه خذيت الغيااب بس هم كان في أزعاج , وخذيت المشاغبات وفرقتهم طبعاً قعد يردون علي لا مابي وشنو وليش وشحقه ومـنَ هـالحجي !
قلت بـ صوت عالي أذلفي هنآك او ولا كلمه قالت شنو أصغر عيالج انا تقولين أذلفي مسكتها من طرق ثوبها او وديتها للوكيله وقلت هذي مادش حصتي الا اذا جاني ابوها ,

ورديت الصف كلهم خايفين تسنعوآ شوي , بس فيه جم وحده قعد يستعبطون وليش تودين رفيجتنا
بس مو معلين أصواتهم حيل مثل كـالعااده

وثاني يوم جاني ابوها معصب وجايني هداد ليش تقولين لـ بنتي جذي

قلت شنو خير بنتك ماتحترمني ومومخليه البنات يفهمون بالحصه من أزعاجها ولا يقول أصلن انتي ماتفهمين
شدعوا فاهمين عليج البنات ولا شنو البنات رايحين عند الناظره وقايليلها الابله ماتفهم علبونا بيفزعون لفريجتهم

والناظره زفتهم وقالت توكم اتحجون وعطتهم محاظره واللي تقل ادبها على الابله راح ادق على ابوها وفصل على طول ومن هالحجي ,,,

وسولي سالفه حسبي الله عليهم صج تمصخرت بهالمدرسسه هالمراهقات لعبو فيني حتى لما ارد لبيتي
دايماً معصبه وضايق خلقي منهم حتى زوجي يقولي خلاص يبا لاداومين صايره نفسيتي أكسx

في منهم تسنعوآ وجتهدوآ وفي لحد الآن وانا خلاص وجهي منقص من الأداره ماراح أروحلهم
مججرد اوقع الصبح وأمشي ,

 

[حامل يديدة]

كثر الصراخ يفقدج السيطرة على البنات.......


وتغاضي عن توافه الأمور


انتبهي من الالفاظ الممنوعة والسب لانها تضعف موقفج

 

[LOLETA]

ياحياتي كسرتي قلبي


احسن شي دشي بقوة لازم تكونين قوية بشرحج ودرسج

ثاني شي


استدعي اولياء اموووووور

اخير شي



حاولي تكونين متوازنة ولاتصارخين على طول


اوكيك


تحياتي

 

[قاهره عذالي]

انا اقول خلج ناشفه معاهم
انا الحين الكبيره بالبيت
احس خواتي مايمشون الا بالصراخ
اذا شافوج طيبه وصوتج واطي مصخروج المفروض من البدايه تكونين ناشفه معاهم ومسويه حدود عشان يكون لج هيبه
انا اقول دشي ع الناظره وقولي لها الوضع وهي تصرف مع الطالبات
وتكفين الصوت الواطي ماينفع مع المراهقات
غيري من نفسج
بنت خالتي مره صوتها مقطوع اقولها ليش تقول من كثر ما اصارخ ع الصبيان بالمدرسه عشان اضبطهم

شوفي يمكن الناظره تسوي استدعاء ولي امر لكل طالبه
انا لو مكانج اقول للناظره خلاص مابي ادرسهم ابي صف ثاني وخليها تادبهم وانتي شوفي صف ثاني تدرسينه والله يعينج

 

[KelyAmanii]

هذولا مو بس قليلات أدب ..
لـ الأسف مو متربيات عدل =]

كآن المفروض عليهم احترامج واحترام الحصه !!

لا تعطينهم ويه ، لأن وربي البنات ما ينعطون ويه !

انتي معلمه ، لازم يكون لج شخصيه قويه ...

لازم تعرفين تسيطرين عليهم بـ قوه !

لا تقولين صوتي واطي وهاديه وطيبه ولآ غيرهـْ !!

خلي شخصيتج قويه ... خلي الطالبات يخافون منج ..

وبعدين انتي تدرسين ثامن ، يعني مو نفس الثانويه نظامهم بس 5 درجات بـ ايد الابله !

لا يعني 15 درجه بيدج .. اللي ما تحترمج نقصيها بـ الشفوي ،

طلعيها من الحصه ، حتى لو استانسوآ وهم طالعين .. عادي

نادي عليهم الناظرهـْ نفسها تهزأ فيهم .. خل تتخذ اجراء معآهم وتفصلهم

عشان يتعلمون شلون يحترمون =]

لازم النآظرهـْ بعد تتخذ اجراء عليهم ، ولازم تعاقبهم يوميا الصبح وبالطابور !

لازم يكون لهم فصل تأديبيا .. واذا استمروآ يتضحكون ويتطنزون عليج

خلي الادارهـْ تتخذ اجراء فصل نهائي لهم !!

والله والله والله .. البنات ماينعطون ويه كلّش ، ماتنفع معاهم الأبله الطيبه

كل ما كانت أبله طيبه مايمشون سيدهـْ !!

حاولي تغيرين من شخصيتج ، لا تكونين شديدهـْ بقوه !!

لكن خلي شخصيتج أقوى ، افرضي عليهم احترامج خل يمشون سيدهـْ =]

واذا مآ نفع هذآ كله معآهم ، عآدي قوليلي أعلمهم الاحترام عدل :$ لوول

أصلا انا ما كنت أسكت ع البنات اللي يسوون جذي ،!

بدون مبالغه : ايام كنت بـ 11 كنت بعداوه مع صف كاامل 23 بنت ...

كلهم شله وحدهـْ ويتطنزون على أبله مالي علاقه معاها ولا احبها ، عادي

لكن كنت اتنرفز من تصرفاتهم مع الأبله كنت اتهاوش معاهم عشان اللي يسوونه

وكانت الاداره تتخذ فيهم اجراءاتها من فصل ونقل لـ مدارس ثانيه !!

وبعضهم تعدّلت سلوكهم والله صاروآ يحترمون عدل ، تأدّبو =]

الله يعينج صراحه

 

[fri2010]

المشكله ان اذا طلبتي مساعده الناظره او الوكيله او الاخصائيه او المدرسه الاولى ينحسب سلبيه!!!!

والبنات صج مو بس قليلات ادب الا مو متربيات عدل وطبعا هالحجي حق البنات اللي يايين لنا من المتوسط

يعني بنات 11 و12 عسل ويهبلووون حتى لو تشيطنو شويه بخزه وحده يسكتون

اما عواشر يمه لحد يطيح بلسانهم

 

[PuPa^^SWeeT]

للاسف انه هالجييل

ياربي
فييه شي غريييب



هايبر زيادة عن اللزوم و قلة ادب و سنع وتربية


ما اقوول الاهالي مايربون

لا والله اتييني ام اتقوول انا مو قادرة على بنيتي


ياربي فيهم شي مو طبيعي


مو وحدة ولا ثنتين

 

[فلونة احلى وردة]

لا تزعلين مني بناتج ما يحبونج ولا يحترمونج
اذا ما حبوج على الاقل خل يحترمونج ويخافون منج
اقري عن ادارة الفصل بقوقل بتلقين دورات وتدريب طبقي الطرق كلها لما تعجزين غيري الصف وافتكي او طشري البنات فككيهم طلب هالشي من الادارة هذي اخر الحلول

 

[قلبي ابيض]

الله يعينج قلبي بس حاولي ماتاخذين وياهم وتعطين وايد

 

[قلبي ابيض]

هههههههههههههههههههههههههه
صج احنا ميننين الابلة وطلعيلها قروون والمشرفه اتعوذ منا
والايداره حافظينا
بس الحركه الي تموتنا من الخووف
لمن تقولنا الابله تعالي اخذي قلم وحطي عند اسمج صفر
والله العظيم يسكتوون
نصيحه لا تخوفينهم بالايداره لانه الايداره موضه قديمه
الي تزعجج عطيها القلم تحط عند اسمها صفر بدفتر الدرجات

امبيه لووول

صج جيل اخر زمن

 

[123tootaa_q8]

وانا بعد ناويه اصير مدرسة 

 

[الالماس2005]

انا ادرارية بمدرسة ثانوي ..وأشووف معلمات يدخلون على الصف يكونون الطالبات في قمة الهدوء ونفس الصف تدخل عليه مدرسة ثانية يكون قمة الأزعاج ..يعني لازم انتي اللي تديرين صفك اوبياخذون عنك فكره انك غير قادرة على ادارة الصف بشكل صحيح .. وسالفة الحب والبيبسي ليش اصلا تسمحين لهم ياكلون بالصف لو دخلت عليك المديرة بها الوضع من راح يحرج ؟؟؟ طبعاا انتي وغير التقييم ..اي سلوك انتي ما ترضينه عاقبيهم لاتسمحين لهم يتمادون ..وقولي لها انتي ارميه الحين قدامي ..واذا ما رضت أسحبيه من قدامها وارمية بالزباله .. أنا أدارية ومسوؤلة عن قسم كامل مكون من 5 صفوف بنفس المكان الصف فيه فوق 30 طالبة .. ولكن كلهم يخافون مني لاني اعاقب ولا ارحم اللي تخطي .. لدرجه اني اطرد اللي تاخر عن القسم لو كان جاية من البريك ومتاخرة اكتبها تعهد .. وترا البنت تمووت لاقلتي لها عطيني رقم ولي الأمر وخلي فيه تواصل بينك وبين الاولياء ....انتي بيدك الحل ..

 

[سفيرة العشق]

طرااااقاااااات قطيعة شهالبنات اي مرحلة ؟؟؟؟

 

[مطيريه شي]

تصدقيين انتي مثل ابلتناا الكيمياء

بس جد مراات تكسر خاطري لما اشوفها تشرح ومحد يمها

فأسوي نفسي منتبهه معاها وهي من تشوفني منتبهه معاها تقومني اجاوب

هي نفسج ودت بنات الاداره ونادت رئيسه القسم وحضرت لنا بس ما فاد

وكلموا البنات اللي مزعجينها ولا جاب نتيجه 

وعلى ما اظن هي نفسج 3سنه تعيين

ما ادري والله شقولج البنات خلاص عرفوج

بس انتيي حاولي تسقطيين اغلبيه الصف

عشان يكونون عبره لغيرهم

وصديقيني بيتسنعووون


هذولا ما يستاهلون درجه كامله

 

[مطيريه شي]

صح نسيت لا اقولج
احنا ابلتنا الكيميا لي صار ازعاج توقف الدرس
وعلى طول اختباار وكان علييه من درجاات الشفوي

 

[وهج الليل كول]

اب ابgfh