بنات طلبتكم شوروا علي ,,,,,,

[SiLenT Qween]

شلوونكم بنات

حدي متضايقه من زوجي

مو عارفه شسوي

الله يسلمكم انا متزوجه من 3 سنوات وعندي ولد والحين حامل

زوجي طيب بس ياهل

يعني ما ادري شلون يفكر

اقول لكم وانتوا احكموا

طلبت من مصرفه حق ولدي وعصب شدت بيني وبينه

قام دزني خفت على روحي وخرته عني

قام كسر اغراضي وعطوري ومكياجي كله

ولدي حبيبي عمره سنتين تم يطالع واهو خايف

انا انصدمت منه قمت خذت ولدي وطلعت برا البيت

رديت عقب وكان طالع قفلت غرفتي ونمت وخليته برا
انا ساكنه عند حماتي اللي اهي اخته

انا وامه بدور مأجرين عندها

االمهم انا خذت اغلااضي ورحت بيت اهلي

المشكله الثانيه

اخته اللي حماتي اللي قاعدين عندها

بنات سوت لي مشاكل حتى مع اهلي
بحكم انها زوجه خالي

حتى لما اسلم عليها وانا طالعه ماترد السلام وتلف ويهها عني

تكلمت معاها وايد ماكو فايده
وتغار مني حييل لابعد درجه

المشكله باب شقتي وياهم مو معزول
يعني بالطلعه والرده لازم امر

تدرون عاد اهي مو صغيره كبيره وانا كبر ولدها البجر

والحين يبي يتزوج
والمفروض نطلع عشان ولدها ياخذ شقتنا

المشكله اهي تقول للناس انا ماابي اخوي يطلع
وتتبع معاي اسلوب التطفيش
عادي اروح وارد القى بناتها يلعبون بداري
اسكت ماارد

بس بنات مليت مااقدر اتحمل
وخالتي معاي بنفس الدور وايد متدخله الله يهداها
يعني ابسط شي مفتاح غرفتي طول هالفتره كان عندها
ومايسير جذي لازم خصوصيه شوي

الحين

انا عند اهلي صار لي اسبوعين
ماابي ارد بس هم مااودي اتطلق

وعندي ولد وانا حامل

للعلم حماتي قالت عندي سحاره وراعيه خرز وانا سكت

والله بنات مو هاذي سوالفي
الحمدلله انا مرا اعرف ربي مصليه ومسميه
وحتى بعيد الام اشتري حق خالتي وحماتي هديه
يعني مو مقصره بس اهي قلبت علي
وانا حيل متضايقه
وحنى اول حمالي من القهر اللي حسيته خذيت تثبيت

والله بنات شوروا علي

ريلي يبيني ارد بس مو راضي اطلع بشقه

وانا كارهه وضعي هناك ماابي ارد اعيشه

خدامتي مايبونها يهاوشونها
وانا سحبت نفسي وماقمت انزل
عندهم
بس بنات والله مرت علي فتره كنت اختنق وانا قاعده وتعبانه حدي

امي تييني تسعفني
واهم حتى مايقولون لي شفيج


كارهيني

حتى عيالها ما يتكلمون معاي


والله مليت وتعبت

الله يخليكم شوروا علي

 

[SiLenT Qween]

اب اب

يلا بنات تكفوون ابي حل

 

[ام كوثر2007]

حبيبتي اول شي عسي الله يقومج بالسلامه ان شاء الله انتي والياهل .. يارب ..


ما اشوف الشي اللى حصل بينج وبين ريلج عشان مصرف يعطيج الحق الكامل انج تشيلين شلايلج وتروحين بيت اهلج ؟


حبيبتي طلبتي منه مصرف قال ما عندي خلاص طخي اشوي سكتي قولي خلاص متي ما الله رزقك ان شاءالله تعطيني

ليش ما تعرفون حق الرياييل انتو؟

ما تدرين انج لمن شلتي ملابسج ورحتي بيت اهلج .. في رياييل يطق عنده عرج الشهامه والرجوله والكبرياااء علي قولتهم ويقوول والله مثل ما طلعت بروحها ترد بروحها .. وطبعا وين المرا السنعه اللى ترد بيت ريلها بروحها ؟

وفي بعض البنات ياما تطلقوا بسبب هالسالفه نها تشيل ملابسها وتطلع برا البيت والطلعه كوني طلعه عقبها ورقه طلاق .

والسبب وين ؟؟ السبب بعقول الحريم اللى ما تفكر بباجر .. وعلي بالها لا طلعت مثل فلانه وعلانه بتحط ريلها خاتم ؟ لا ي قلبي مو كل الرياييل نفس زوج فلانه وعلانه ..


سالفت حماتج .. ما اقدر افتيلج فيها لاني قاعده اسمع من طرفج ما سمعت منها . عشان احكم منو الغلطان .

تقولين انها كبر امج يعني المفروض انج تحشمينها لو شنو سوت اول شي اهي مرت خالج ثاني شي اخت ريلج ثالث شي مرا عوده . ورابع شي انتو ساكنين عندها.


ولدها بيتزوج واحتمال كبير ياخذ الشقه .. سواء اخذها ولدها والا ما اخذها مردكم بطلعون من عندها .. ما راح تقعدون العمر كله مجابلينها ؟

يعني الصبر اللى صبرتيه من يوم زواجج لي يومج هذا مو قادره تحطين عليه صبر زياده لين اللله يكتب وتطلعون ؟

بالنسبه حق امه ... اهنيه انا ما اقدر اتكلم هذى امه ان شاءالله تقعد علي روسكم .. يكفي انها امه بركه البيت .. مو المفروض تشتكين منها لو انها حيزبونه ..

ونا صراحه اللى ما ارضااه علي امي ما ارضااه علي ام غيري والله حتي لو ماكنت ام ريلي اي حرمه عوده لها الحشيمه والكرامه ونطوف لها لو تحذفنا بنعل مكرم السامع ..


عسى الله يهديج ويهدي ريلج مو عشانكم عشان هالياهل اللى للحين ما شاف الدنيا ..

موفقه .

 

[اميره1980]

انتي مأجرة عند حماتج يعني مو ببلاش و انتي دافعة دافعة فلوس الايجار عيل خلاص ريلج لازم يكف الشر و يطلع شقة بره و ريلج مو شايف ان ماكو خصوصية بالبيت ؟؟ شلون عايشة جذي الله يعينج

 

[SiLenT Qween]

حبيبتي اول شي عسي الله يقومج بالسلامه ان شاء الله انتي والياهل .. يارب ..


ما اشوف الشي اللى حصل بينج وبين ريلج عشان مصرف يعطيج الحق الكامل انج تشيلين شلايلج وتروحين بيت اهلج ؟


حبيبتي طلبتي منه مصرف قال ما عندي خلاص طخي اشوي سكتي قولي خلاص متي ما الله رزقك ان شاءالله تعطيني

ليش ما تعرفون حق الرياييل انتو؟

ما تدرين انج لمن شلتي ملابسج ورحتي بيت اهلج .. في رياييل يطق عنده عرج الشهامه والرجوله والكبرياااء علي قولتهم ويقوول والله مثل ما طلعت بروحها ترد بروحها .. وطبعا وين المرا السنعه اللى ترد بيت ريلها بروحها ؟

وفي بعض البنات ياما تطلقوا بسبب هالسالفه نها تشيل ملابسها وتطلع برا البيت والطلعه كوني طلعه عقبها ورقه طلاق .

والسبب وين ؟؟ السبب بعقول الحريم اللى ما تفكر بباجر .. وعلي بالها لا طلعت مثل فلانه وعلانه بتحط ريلها خاتم ؟ لا ي قلبي مو كل الرياييل نفس زوج فلانه وعلانه ..


سالفت حماتج .. ما اقدر افتيلج فيها لاني قاعده اسمع من طرفج ما سمعت منها . عشان احكم منو الغلطان .

تقولين انها كبر امج يعني المفروض انج تحشمينها لو شنو سوت اول شي اهي مرت خالج ثاني شي اخت ريلج ثالث شي مرا عوده . ورابع شي انتو ساكنين عندها.


ولدها بيتزوج واحتمال كبير ياخذ الشقه .. سواء اخذها ولدها والا ما اخذها مردكم بطلعون من عندها .. ما راح تقعدون العمر كله مجابلينها ؟

يعني الصبر اللى صبرتيه من يوم زواجج لي يومج هذا مو قادره تحطين عليه صبر زياده لين اللله يكتب وتطلعون ؟

بالنسبه حق امه ... اهنيه انا ما اقدر اتكلم هذى امه ان شاءالله تقعد علي روسكم .. يكفي انها امه بركه البيت .. مو المفروض تشتكين منها لو انها حيزبونه ..

ونا صراحه اللى ما ارضااه علي امي ما ارضااه علي ام غيري والله حتي لو ماكنت ام ريلي اي حرمه عوده لها الحشيمه والكرامه ونطوف لها لو تحذفنا بنعل مكرم السامع ..


عسى الله يهديج ويهدي ريلج مو عشانكم عشان هالياهل اللى للحين ما شاف الدنيا ..

موفقه .

حبيبتي كلامج عين العقل

بس يوم سحبني حيل وانا مثل خرجه بايده
دزني حيل على الطوفه
خفت على نفسي وعلى بطني
واهو قام كمل وكسر اغراضي كلها

وامه والله حاطتها على راسي بس اهي الله يهداها متدخله وايد وانا ساكته وماتكلم

وحماتي بالطلعه وبالرده تسمعني حجي
وتتشكى مني عند اهلي
وانا حاشمتهاوساكته
تتصيد علي اي سبب تافه

وتهاوش خدامتي وماتبيها تنزل تحت

ماادري مااحس انها طبيعيه

واذا شافتني تعفس ويهها
كلمتها ماكو فايده ريلي كلمها هم ماكو فايده
وامي كلمتها هم ماكو فايده

انا بنفسي مو عارفه شنو تبي
ويوم طلعت ورحت بيت اهلي
كنت خلاص ملانه مو قادره اصبر
يعني ريلي يم ايده ويسب
واهله كارهيني
قلت خلاص حياة ما تسوى علي جذي

رحت عند اهلي


على العموم حبيبتي مشكوره على المرور

 

[SiLenT Qween]

انتي مأجرة عند حماتج يعني مو ببلاش و انتي دافعة دافعة فلوس الايجار عيل خلاص ريلج لازم يكف الشر و يطلع شقة بره و ريلج مو شايف ان ماكو خصوصية بالبيت ؟؟ شلون عايشة جذي الله يعينج

اي والله من اول ماتزوجت واحنا ندفع اجار لها
ويوم توظفت قلت حق ريلي زيد الاجار فشله

ريلي كل شي يشوفه بعينه بس ماادري ليش ساكت

وخالتي الله يهداها متدخله وايد

ابسط شي حتى باغراضي وغرفتي
بس مو قادره اكلمها اقول ميخالف خليها

اهم يبونا نطلع بس ماادري ليش ماتكلم اخوها
وليش خذت طريقه انها تعاديني

والله بنات من غير مبالغه حتى بالجمعات والعزايم
تعفس ويهها

انا اسوي روحي مو شايفتها
بس كل العايله ملاحظه وشايفه

 

[ام كوثر2007]

حبيبتي انتي عسى الله يعينج ويفرجها عليج ..

دام الحين شغلج الشاغل الطلعه .. انا اقول الحين ردي بيتج وتعوذي من بليس ..


وقعدي مع ريلج وقوليليه باسلوب حلو .. انكم ملزوم تطلعون بشقه اكبر .. عشان اليهال وعشان امه ..

وحتي لو بنفس المنطقه اذا ما يبي يبعد عن امه يعني .

وان شاءالله تفرج وحماتج مالج شغل فيها عفست ويها والا قعدت .. الزم ما عليج الحين تردين حق ريلج فكري بعيالج حرام ..

وان شاءالله مو صاير الا كل خير . طمنينا عليج .

 

[sosowaty]

الله يعينج يارب و الله انا انقهرت حدي

 

[SiLenT Qween]

حبايبي والله


الله كريم ويعدي الموضوع على خير


ما ودي اتكلم بخليها على الله

ادعوا لي

اليوم صار 16 يوم عند اهلي

بس مااحس انه بادر يكلم ابوي او شي

بس يدق علي

يعني ماادري والله بنات

بس شي يحز بالخاطر

يعني

كل اللي سواه
يرد علي ابي ايي اخذج

زين اللي صار والمشاكل

ماعنده رد


الله يهديه يارب

 

[++MesK++]

الله يعينج حبيبتي

 

[SiLenT Qween]

الله كريم

مشكوره على المرور

 

[Gifts&Occaions]

الله يعينج

 

[توتا حمرا]

دام دق عليج خلاص ردي مولازم تكبر السالفة أكثر ويكلم ابوج

 

[ابتسامتي عسل]

الله يفرج همك ويهدييهم يارب

مدام يكلمك يبي يرجعك ارجعي معه علشان عيالك

مفتاح شقتك غيرها علشان محد يدخل فيها

حلوه هذى ام زوجك عندها مفتاح خير وين جالسين هذى خصوصيه

ذ شافت مفتاح مغير ماعليك منها طنشي

وبناتها يدخلون غرفه والله حسيت غرفتك صاله لهم
رجعي واخذي موقف وخليك صارمه
غيري مفتاح غرفه هذى مملكتك خااصه فيج
اذ عصب زوجك قولي مفروض انت بنفسك تغير مفتاح
كل مطلعتي قفلي باي
وشغاله احسن خليها عندك احسن ماتنزل وتختلط فيهم يقولون لها شئ والا يهوشنها تسوى لج شئ مو زين
ولاطلعين من غرفتك ولا تتحتكين فيهم الا بضروووه خليك رسميه معهم

 

[SiLenT Qween]

الله كريم

مشكورين حبيباتي على المرور

 

[أم ميميتو]

حبيبتي الله يعينج بس دام اتصل ويبي يردج اعتقد مافي داعي يكلم ابوج السالفه مو تستاهل ومافي الا انج تشوفين الوقت المناسب تكونين طالعه مع زوجج او اي وقت مناسب و كلمي زوجج بهدوء ان صار لازم تستقلون و تطلعون فبيت بروحكم مو لانج مضايقه من اخته بس قوليله ان كل شي يصير بينكم الكل يدري عنه وهذا سبب المشاكل لان ما عندكم خصوصيه يمكن يستوعب الموضوع والله يعينج حبيبتي

 

[أم ريــــما 22]

الله يعينج ويسخره لج

 

[fairy girl]

الله يعينج حبيبتي

 

[SiLenT Qween]

حبايبي مشكورين على المرور

 

[أم توتو]

الله يعينج اختي