إللي عندها أي استفسار بخصوص الديكورات والبناء تتفضل ( للفائده فقط )

[tattoma]

هااي
يعطيج العافيه حبيبتي ابي اخذ رايج بجم شغله وياريت تفيديني
ابي اغير غرفتي انا متزوجه وغرفتي الحاليه لونها الطرفة ادعم فاتح والاثاث عسلي بحط ورق جدران وجذي بس محتاره من وين وشنو اللون ريلي حاب البرتقالي بس انا حابه الاحمرمع الاسود
وبغرفة بناتي عمرهم سنتين والثانية سنه ماني عارفة شنو اصبغ رسومات ورق جدران مادري ماعندي فكره كلش بس ياريت تساعدني يعني المحلات طريقة اللي اسوي فيها الغرفه مع العلم الغرفه صغيره 5 في 4
وابي اجهز مطبخ صغير ابي شغل ناعم حيل جنه بيت امريكي مابي شغل دفاشه لوول ممكن تقولين من وين
اسئلتي وايد لاني اول مره احوس على اثاث بداية زواجي اعتمدت ع زوجي والحين متوهقه بكل شي لاني ساكنه بيت اهل ريلي وتوني ابني شقة خاصه لي وماباقي شي تخلص ابي اخذ فكره
تحياتي لج

الله يعافيج حبيبتي
بالنسبة لألوان غرفة النوم، الأحمر والبرتقالي ممنوعين في غرف النوف لأنها ألوان نشاط وحيوية وما تساعد على النوم حسب علم النفس، وبما إن ألوانها حالياً ترابية استمري على هالألوان واختاري ورق جدران محايد.

إذا تبين ورق جدران أسعاره مناسبة عندج ديكوراما في حولي شارع تونس، وإذا تبين شي فخم عند الصراف في سن سيتي.

بالنسبة لغرفة الأطفال حجمها مناسب والأفضل تصبغينها لون للأطفال بس بدرجة فاتحة وتحطين الرسومات من إيكيا بس انتي ترتبينهم بطريقتج، أفضل من ورق جدران مشجر.

أما بالنسبة للمطابخ عندج: الفارسي، حسن أبل (حولي والشويخ)، أبيات (الشويخ)، الساير(الري)

 

[نونة حبيبها]

مرحبا ..
جالسة اجهز حاليا لشقتي ..ايش الجديد في السراميك تبع الارضيات؟؟هل تنصحوني بالخشب ولا
وابي افكار للجبس
كمان عندي المجلس مفكرة اسويه جلسه مغربية والحمام صغير ,,اكتفي بالمرحاض اعزكم الله والمغسلة ؟؟

 

[لهيب الثرى]

هلاااااااااااا مصصمتنا نتريااااااااااء الرد على الاسئله بس عندي سوال شوو نوع المستخدم فالسقف فهصوره عاكس هل هو فالميستك او شوو بضبط

 

[ملح الدنيا فيني]

بنات ابيكم تساعدونى

مقهوره وودى اتطلق لانه صدمنى بيت مو اللى بخاطري

 

[لهيب الثرى]

بنات ابيكم تساعدونى

مقهوره وودى اتطلق لانه صدمنى بيت مو اللى بخاطري

افا عليج عيني من الله خير لو مره مب عايبنج عرضيه للبيع واشتري واحد يدخل مزاج

او سوي واحد يديد

 

[ملح الدنيا فيني]

افا عليج عيني من الله خير لو مره مب عايبنج عرضيه للبيع واشتري واحد يدخل مزاج

او سوي واحد يديد

رافض رفضا قاطعا انى ناخذ غيره مشكلته الضيق وكله مقسم للاجارات وانا بسكن بجزء صغير وحده تصميمه اى شى

ابيكم تساعدونى تكفون يطلع حلو ومريح للعين لانه لووووووووووعه البنيان

وانا كارهه البيت من شكله الارف:eh_s(16):من شفته ما جفت دمعتى

 

[غصن الزيتون]

صباح الخير

حبيت أسأل انا ودي ازيد الاضاءة بالغرفة منو ايب اول مال الديكور والا الكهربائي

ماراح اغير الديكور لا بس فتحات صغيرة للاضاءة

شكرااا لج​

 

[tattoma]

مرحبا ..
جالسة اجهز حاليا لشقتي ..ايش الجديد في السراميك تبع الارضيات؟؟هل تنصحوني بالخشب ولا
وابي افكار للجبس
كمان عندي المجلس مفكرة اسويه جلسه مغربية والحمام صغير ,,اكتفي بالمرحاض اعزكم الله والمغسلة ؟؟

بالنسبة للسيراميك تحتاجين تروحين الشويخ وتدشين المحلات وتشوفين وتدورين لأن ماكو موضة معينة بالديكور!
الخشب حلو وفيه منه أنواع بس عيبه الوحيد الصوت مزعج إذا مشيتي عليه، وإذا خشب أصلي ممكن يجيب الحشرات

أما الجبس فموديلاته وايد وأنصحج يكون بسيط بغرف النوم وممكن تتفننين بالاستقبال أو الصالة

أما حمام المجلس طبيعي جدا مغسلة ومرحاض وما له أي داعي الأشياء الثانية، خاصة إن راح يكون للضيوف

 

[tattoma]

بنات ابيكم تساعدونى
مقهوره وودى اتطلق لانه صدمنى بيت مو اللى بخاطري

السلام عليكم

أول شي عسى الله يبارك لج في البيت الجديد وإن شاء الله ترضين فيه مع الوقت ويرتاح له قلبج وذكري الله ولا تبجين على أشياء ما تسوى، أهم شي الصحة والعافية وإذا الله فتحها عليج بيطيب خاطرج بإذن الله

أنا عارفة إن البيت من الأشياء المهمة عند كل الحريم بس لا تحاتين شوية شوية وراح يتعدل إن شاء الله، كل اللي أبيه منج تصورين لي واجهته على الأقل ونبدي معاج خطوة بخطوة ولا تهمج التكاليف لأن بالكويت الكل يقدر يعيش الحمد لله موجود الرخيص والغالي

صوري البيت من برا وحطي الصورة وأنا أقول لج وين تروحين وشتسوين

 

[tattoma]

هلاااااااااااا مصصمتنا نتريااااااااااء الرد على الاسئله بس عندي سوال شوو نوع المستخدم فالسقف فهصوره عاكس هل هو فالميستك او شوو بضبط
http://www.gulfup.com/show/x6fiwd1o4k3lh

هلا فيج حبيبتي

بالصورة مو مبين بالضبط ممكن يكون أكثر من احتمال ولكن بشكل عام تقدرين تحطين مرايا بالسقف، أو عاكس، أو أنواع معينة من السيراميك بس مو كل نوع سيراميك يطلع حلو، لازم نوعية معينة

 

[tattoma]

صباح الخير
حبيت أسأل انا ودي ازيد الاضاءة بالغرفة منو ايب اول مال الديكور والا الكهربائي
ماراح اغير الديكور لا بس فتحات صغيرة للاضاءة

شكرااا لج​

صباح الورد

راح تحتاجين كهربائي فقط والعملية جداً سهلة وما فيها تخريب ولا شي وممكن إذا اتصلتي عليه تقوليله نوعية الفتحة:هوليجين ولا سبوت لايت عادي عشان اييب معاه لمبات ويركبهم مرة وحدة

 

[الخاتم]

مرحبا حبيبتي اذا سمحتي راح تكونين الحكم بيني وبين زوجي....ان شالله تكونين بصفي....
عندي صاله الاستقبال من المدخل الرئيسي جزء عاليسار وجزء عاليمين اطول شوي من اللي عاليسار لان في امتداد جزء بسيط خارج البيت عالحوش، مقابل المدخل الرئيسي لهذي الصاله المدخل اللي يودي مغاسل الضيوف يعني كان ممر بالنص بين اليمين واليسار بس مو موجود بالصج، الحين عندي طقمين وطاوله طعام شنو الافضل ان تكون طاوله الطعام بروحها جهة اليسار والطقمين متقابلين جهة اليمين؟ او ان احط طقم جهة اليسار وطقم وطاوله طعام جهة اليمين؟ وطبعا لاحظي ان الطاوله اذا راحت جهة اليمين لازم تكون لازقه يم المدخل اللي يودي مغاسل الضيوف والطقم جهة اليمين في قبلها وفي الامتداد اللي طالع بره بالحوش.... ان شالله فهمتيني........مشكوره

 

[منى الدلوعه]

السلام عليكم بنسبه لي انا بابني فيلاتي الجديده وابغي تصميم ياقلبي ابغي نظام المسروق الي يجي دور تحت وغرف نوم فوق وشقه علمان ان مساحه الارض 625م

 

[ملح الدنيا فيني]

حيل عاجبنى هاللون وايد مريح للعين

 

[**لولي**]

جزاج الله خير صراحه موضوع مفيد وصراحه أنا تو مستلمه بيتي بسعد العبدالله وأبي منج افكار جديده لصبغ صاله الاستقبال لأني اول شي قلت بحط ورق جدران بطوفه وحده والباقي يكون ساده بس خفت من ورق الجدران انه يخرب او يتقشر لأني تكييفي مو مركزي يعني وحده لصاله فابي رايج بصبغات تكون جديده وفخمه لأني مااعرف بالصبغات الجديده وانتي تعرفين صاله الاستقبال لازم تكون كشخه او اذا تعرفين صباغ محترف يتفنن بالصبغ ويكون شغله جديد اتمنى تفيديني وهمن بلون الغنفات والصبغ بليز *

 

[زوينه المزيونه]

يعطيج العافيه ياالغاليه انا سويتلي غرفه يديده بداخلها حمام وغرفه تبدييل بس المشكله ان المقاول يقولي مايصير البيبان حق الحمام وغرفه التبدييل يكونون قبال بعض علشان المساحه ماتكفي وبعديين دخل البيبان على غرفه النوم صار في غرفتي ثلاث بيبان آسفه على الإطاله ابي المشوره شلون اغطي البيبان بشكل حلو وعلى فكره ليما الحين ماخلص البنا ودمتم سالمين

 

[tattoma]

مرحبا حبيبتي اذا سمحتي راح تكونين الحكم بيني وبين زوجي....ان شالله تكونين بصفي....
عندي صاله الاستقبال من المدخل الرئيسي جزء عاليسار وجزء عاليمين اطول شوي من اللي عاليسار لان في امتداد جزء بسيط خارج البيت عالحوش، مقابل المدخل الرئيسي لهذي الصاله المدخل اللي يودي مغاسل الضيوف يعني كان ممر بالنص بين اليمين واليسار بس مو موجود بالصج، الحين عندي طقمين وطاوله طعام شنو الافضل ان تكون طاوله الطعام بروحها جهة اليسار والطقمين متقابلين جهة اليمين؟ او ان احط طقم جهة اليسار وطقم وطاوله طعام جهة اليمين؟ وطبعا لاحظي ان الطاوله اذا راحت جهة اليمين لازم تكون لازقه يم المدخل اللي يودي مغاسل الضيوف والطقم جهة اليمين في قبلها وفي الامتداد اللي طالع بره بالحوش.... ان شالله فهمتيني........مشكوره

يا هلا والله حياج

طبعاً أنا فهمت شنو قصدج وبدون تفكير الطاولة تكون جهة اليسار بالجزء الصغير والأطقم تخلينهم بالجزء اليمين الأوسع

وفي النهاية أنا ما شفت المساحة ولا شكل التصميم يعني يمكن بالواقع يختلف، بس حسب الوصف لازم الطاولة تكون بروحها بصالة

 

[tattoma]

السلام عليكم بنسبه لي انا بابني فيلاتي الجديده وابغي تصميم ياقلبي ابغي نظام المسروق الي يجي دور تحت وغرف نوم فوق وشقه علمان ان مساحه الارض 625م

وعليكم السلام ورحمة الله وبركاته

حبيبتي ممكن تحددين لي بالضبط شنو المطلوب وأنا مستعدة أساعدج إن شاء الله

 

[ملح الدنيا فيني]

اختى اسماء انتظر مساعدتك لى بفارغ الصبر

 

[**لولي**]

جزاج الله خير صراحه موضوع مفيد وصراحه أنا تو مستلمه بيتي بسعد العبدالله وأبي منج افكار جديده لصبغ صاله الاستقبال لأني اول شي قلت بحط ورق جدران بطوفه وحده والباقي يكون ساده بس خفت من ورق الجدران انه يخرب او يتقشر لأني تكييفي مو مركزي يعني وحده لصاله فابي رايج بصبغات تكون جديده وفخمه لأني مااعرف بالصبغات الجديده وانتي تعرفين صاله الاستقبال لازم تكون كشخه او اذا تعرفين صباغ محترف يتفنن بالصبغ ويكون شغله جديد اتمنى تفيديني وهمن بلون الغنفات والصبغ بليز[:yaaaaaarb:size="4"][/size] *[/QUOTE بنتضارج. ]