متزوجه واحد متزوج وعنده عياال!! راضيه تصيرين شريجه !!عاادي عندج !!

[$ بنت علمي $]

السلام عليكم ورحمه الله وبركااته,,,


شلونكم يالغاليات...

صرااحه هالموضوع مادري ليش حاطته براسي وافكر فيه ؟؟؟:eh_s(10):

...

اذا انتي متزوجه رجال متزوج وعنده عيال ؟؟؟


شلون عايشه معاه؟؟

شلون تتحملين عياله ومرته الاولى وهم يطالعونج بنظره حقد واحتقار لانج اخذتي ابوهم؟؟

شلون تعاملج مع الناس كووونج بنيتي سعاااادتج على تعااسه غيرج؟؟؟


سؤؤؤؤؤؤؤالي

للمتزوجات واحد متزوج؟؟

ليش وافقتي عليه ؟؟؟:eh_s(1):

شلون رضيتي تصيرين شريجه .؟؟:eh_s(1):

شلون طاوعج قلبج تهدمين سعاااده غيرج ؟؟؟؟؟؟؟؟؟؟؟:eh_s(4):

وبسسسسسسسسسس

:eh_s(7):​

 

[manoooram]

وفقتِ باختيارك لموضوع حساس
تتعارض الأفكار ووجهات النظر فيه
في انتظار الأسباب منهم ؟؟

 

[$ بنت علمي $]

تؤه نزل موضوعي

حياج الله أنظر ردودهم

 

[ليالي الخوف]

الله لا يبلينا بانعدام الاحساس
الي تخرب سعاده بيت و اسره الله يخرب بيتها
و فيه الي يتحججون ان اهوا مو مستانس مع مرته .. عيل ليش ياب منها عيال ؟ ليش عايش وياها كل هالفتره ؟
اخاف لاعبه دور البطله المنقذه ... بصراحه الي تدش على ريال متزوج انسانه تافهه


موضوعج وايد مهم يعطيج العافيه ...

 

[قدساوية 99]

مستحييييل أرضا أتزوج واحد متزوج وعنده عيال

 

[عبالي حبيبي]

اساسا الحياه تكون مستحيله مع واحد متزوج


جحييييييييييييييم لااعتقد انه يحتمل بس انا ماابي اشمت

الله لايبلانا يارب ولايحطني بهالمكان




خواتي رجعت عدلت مشاركتي عشان اضيف شي مهم

كون انه احنا نعبر عن راينا باننا نرفض زواج من رجل متزوج هذا حقنا

بس بنات تكفــــــــــــــــــــــــــــــــــون تذكروا ان الله سبحانه هو من شرع الزواج للرجل باكثر من مراه

فلاتعترضون على امر كل وحده تكتب رايها وتحترم ان هالشي من شرع الله



عموما خالتي تزوجت من رجل متزوج صاحب مركز مرموق وعنده ولد وبنت
لماخطب خالتي قال ان مرته فيها وفيها بس مايبي يطلقها والي خلى خالتي توافق انها كانت مطلقه قبل والريال محترم وخايف ربه مايتفوت

سالوا عنه طلع حجيه صحيح وان المره كله تهد ريلها وتسافر
وكل همها دوامها وسفراتها وماتطلع حق الريل كلــــــــــــــــــــــــــــش

ومن خذ خالتي بعد سنه طلق الاولى بدون مايكون لخالتي ذنب بس لانه ارتاح ويا خالتي ويقول وحده هايته مابيها على ذمتي


عشان جذيه بنات نصيحه لاتهيتون ريايلكم وتهدونهم
والله يسخركم حق بعض

وشكرا

 

[منو انت]

صحيح ان اي وحده فينا ترفض فكره ان يكون لها شريجه تشاركها بيتها وزوجها واكيد ولا وحده فينا توافق على هالشي مهما كانت الظروف

بس بعد لاتنسون ان هذا يرجع للقسمه والنصيب وهذي ارزاق الله يوزعها مو بيدج ولا بيد احد ثاني واعتقد لكل بنت تزوجت متزوج ظروف

والشخص اللي يتزوج على مرته علشان سبب معين اقدر ابلع السالفه بس اللي يقهر ويرفع الضغط اللي يتزوج بدون سبب وفوق هذا يكون مقصر

بحق مرته الاولى وعياله ومرته الثانيه يدلعها ومايقصر عليها اكره هالنووووع


وطبعا لاتنسون ان الزوجه الاولى لها حق الاختيار تكمل معاه او لا *

 

[عادت ذكرياتي]

أب


أب

 

[المرتاحة]

شوفي اختي مع اني ماني من انصار الزواج الثاني لكن في حالاات تحتاج الي زواج ثاني

لا تقولين لا

ترى احنا مجتمعنا غالبيته يشوف الزواج الثاني بعين وحده

اذا كان الزوج قادر انه يفتح بيتين و يتحمل المسؤولية و يتحمل غيرة زوجاته وقلبه صخر على قولتهم وشخصيته قوية بدون ما يكون قاسي عليهم طبعا راح ينجح واعتقد نادرين هالنوعية من الرياييل بزمنا

انا اذكر شفت برنامج الدكتور فيل كان مقابل زوج مع زوجته و عشيقته

عنده من زوجته عيال و همن عنده عشيقة ويبات عند زوجته يوم و عند عشيقته يوم و يقول انا احبهم ثنتينهم ما استغني عنهم وهم بعد يحبونه ويبونه والزوجه ما عندها اي مشكله ان زوجها تكون له عشيقه لانها اعترفت انها احيانا تنشغل بدوامها مو متفرغه لزوجها .. وقعدوا طول الحلقه يبون يحلون المشكله و مو عارفين اشلون

قلت بقلبي سبحان الله لو انهم مسلمين جان انحلت مشكلتهم بالزواج

 

[أم علي الرفاعي]

على الرغم من انه حلال

لكم مجتمعنا او احنا الحريم ما نتقبل


وفيه خراب لبيوتنا !!

 

[Unusual]

دكتوووورتي بالجاااامعة .. مرة قالتلنا انه اختها انسااانة تحب العلم ..
ووقتها كله عمل في عمل .. بالاضااافة انها تحب حريتها وماتحب انها تتقيد بزوج ومسؤولياته ..
وكانت قبل الزواااج دايما تقول انا مو بحاجة رجل كاااامل ،، احتاج نصف رجل !!!
ووووبعد تقول انه ماعندها قدرة تقابل الرجال ٣٦٠ يوم بالسنة <<< هالجملة ماانساها من كثر ماضحكتني ..

عشااان كذا كانت تبي واحد متزوج ،، ونالت مطلوبها ،، والحمدالله ع قولة اختها حاليا مبسووطة بحياااتها ..
جابت الاطفال اللي تحلم فيهم .. وفي نفس الوقت محققة ذااااتها وعاااايشة بالطريقة اللي هي تبغاها .. بدون قيوووود ..

<<< وعشان ماتقولوا ليه الدكتورة بتحكيلكم سااالفة زي كذااا .. هاذي السالفة انقالت لنا لما كنت ادرس احوال شخصية ..
وكان كل الدرووووس تتعلق عن الزواج ف طبيعي بنتطرق لمسألة الزواج الثاني .. ومع تفاعل البنات حبت تعرض لنا تجربة اختها ..
و على قووولتها هي ماااضرت الأولى بشي ولا تدري عنها .. يمكن هي جرحتلها مشاااعرها بس فعليا ماسوت شي يغضب الله ..

عموما كل وحدة لها ظرووووفها .. وشخصيا الله لا يحطني بهيك موقف ..
^_^

 

[$ بنت علمي $]

 

[$ بنت علمي $]

ياليت وحده من هالمتزوجات تتجرأ

وتشاركنا بالمووووووووووووضوع

 

[manoooram]

بنت علمي
الموضوع هذا حلاته حاطته بقسم الزوجية هناك يردون عليج

 

[dalo0osh]

والله بهالاياام كل شي عاادي بس عيووون الريايل زااايغه والبنااات ماعندهم اهل ورااهم ولا شحقه راضين تتزوج واحد متزوج وعنده عياال

 

[جلكسيه اس 3]

اي والله ياريت المتزوجات من متزوج ايفيدونا

 

[brettey]

الله حلل بس بعض الرياييل ×××× بيتزوجون وبس
انا مع الريال ان يتزوج في حالات فقط اذا اهي عاقر او مريضه حيييل ماتقدر تقوم بواجباتها او ماذيته وملعوزته او وماتعطيه حقه الشرعي نهائي
لكن تقوم فيه وفي عياله وتكون بينهم مشاكل بسيطه ويتزوج عليها واهي مافيها شي ظلم واكبر ظلم
وحسبي الله ونعم الوكيل على خرابات البيوت
ولا تقولون اذا عاقر مو من حقه لا من حقه
لاتقولون ان المره اذا زوجها عقيم تضحي وتصبر لان بقول شلي حادها تصبر الامومه نعمه لاتقدر بثمن

 

[أحلى البشر]

عاد تشوفينهم بالردود اي تزوجي عادي اي وافقي ولو زوجها اللي بيتزوج عليها جان مارضت يقهروني هالنوعيه من البشر

 

[$ بنت علمي $]

بنت علمي
الموضوع هذا حلاته حاطته بقسم الزوجية هناك يردون عليج

مااحب ادخل هالقسم

 

[SH5SH5]

بصراحه استنكرت الهجوم وبنفس الوقت كارهه هالشي

يعني ماحب التعدد لكن مافكرت تفكيركم ..

والله لا يحطنا بهالموقف ..