من بكرا رجيم دشتي لمده شهر للجادات فقط حياكم

[Aci Hayat]

بنات ترى أنا سألت دكتور عندنا عن الرقص

قال الرقص لو ماكن تقريباً نص ساعه مافيه فايده
قال يعني مو ترقصين 5 دقايق وتجلسين 10 دقايق راااحه وتكملي
لا خلييييك متواصل نص ساعه لنتيجه كويسه
سواااء أي رقص فهمتوااا


هو قالي وحبيت أخبركم :eh_s(7):

 

[بطوووطة$بيضة]

يابنات انا قاعدة اضعف الحمدالله ...بس مو قاعده امشي اخاف جسمي يترهل ...مالي خلق كلش احس اني متكسره ....شكلي بقول حق اخوي يهد جلب وراي يمكن اتحرك ماعنه ما اظن شكلي بنسدح عالارض واقول للجلب سوي فيني اللي تبيه ...

 

[فوشيهـ]

هههههههههههه بطووطه ياحليلك

اشتركي طيب في نادي عشان تتشجعين تسوين ريااضه مع الجماعه

وكم لك بطووطه بالدايت ؟!
​

 

[بطوووطة$بيضة]

حبيبتي فوشيه كنت مشتركة بس لما يخلص اشتراكي ارد انتفخ مرة ثانيه ....وعندي جهاز مشي بلبيت وقمت امشي عليه....صارلي عشرة وانا اسوي دشتي .... خل اقولكم شنو كليت اليوم عالفطور سويتلي بيضه كسرت وحده ولا القى فيها دم  وكسرت وحدة ثانيه وخلطت معاها بقدونس وبصل وقليتها وكليت قطعه جبن وزيتون وشربت ماي.......عاد اليوم بنروح مخيم مادري شنو اكل هناك وتعرفون المخيمات احلى مافيها الاكل راح امسك نفسي وماراح اخربط ....الله يستر

 

[فوشيهـ]

ايه اهم شي لاتخربطين لان ماشاءالله تبارك الله عليك نازله نزول حلوو

انا سابع يووم لي الله يعين

بنات بسألكم عن حبوب "بران" عادي اكلها مع الدايت ؟!

انا باخذها عشان الامسااك ..

كنت بشرب الشااي المسهل"شاي الضيافه" بس لما قريت مواضيع البنات عنه تصرووعت يقولون يجيب مغص قووووووي ..

ف ابي اعرف اذا عادي اخذ بران او لا ؟! هي حبوب نخاله زي منتو عارفين
​

 

[بطوووطة$بيضة]

يابنات خربتها ...باجر بروتين صافي ....كليت كيك وجوكليت وبلاوي

 

[فوشيهـ]

لييييييييييه بطوووطه حرام كنتي ماشيه مره مضبووط

يبي لك طققق << تردها لها هههههههه

خلاص التزمي وخليكي شطووره ماتخربط ابدا

انا ثاني يوم من البروتين ماحسيت بفرق كبير .. غير ان وحشني الخس والخيار هع
​

 

[فوشيهـ]

لييييييييه نايمييييييييييين اليووووووووووم

بنت مشرررف وكووووووتن كاندي وينهممممممممم


اكلت اليوم

الفطور : ولا شي صاحيه متاخر

الغدا : حبة تشكن برجر وحده من ساديا .. من غير بقسماط .. وكم حبة كفتة لحم صغار مع شويية مايونيز وشوية سبرايت دايت من غير سكر ومن غير كافيين

العشا : تونه وشوية مايونيز وسبرايت دايت


سناك .. كابتشينو دي كاف وظرف ونص سبلندا

وبس
​

 

[فوشيهـ]

سويت لي ايس كريم بنات توني

لان الدوره قربت ومابي اخرب الرجيم ابدا .. ف ابي اكل من الشي المسموح لي ..

حطيت كووب كريمة خفق

وملعقتين كاكاو بودره مرر "الي حاطته فوق"العلالي"

و3 بكيتات سبلندا

وخلللللللطتهم وحطيتهم بالفريز وباكله بكره طبعا مو اليوم


عادي صح ؟! مع ان بكره ثالث يوم بروتين ..
​

 

[بنت مشرف ق5]

فوووشيه

خلي الحلو بعد باجر ،، احسن عشان لاتخربين يومين البروتين كمليهم ٣ لايضيع تعبج

بطوووطه

ليييييييييييش اللخبطه ليييش
تدرين الحين رديتي من يد ويديد !!!!
يعني كأنج ماسويتي شي طول هالايام




يومي السادس (٦)

الريوق ..ماكو قعدت متأخره ورحت النادي
الغدا ..مشويات ( كباب وتكا) مع الثوم مال المشويات + تبوله بدون برغل+ دايت ببسي
الحين اشرب زنجبيل وشاي اخضر ونعناع
ماشربت ماي اليوم ، بس بحاول اشرب نص لتر بعد شوي اذا مالاعت جبدي < صايره اكره الماي
العشا ...بخليه عالوحده ( اومليت مع ملعقة جبن كرفت وخس)


احس بطني منتفخ ، وقت البيريود قربت


كـــاندي وينج لاتخليينا

وبس :d

 

[فوشيهـ]

بالعافيه بنت مشررف يابعددي

ايه افكر اخلي الايس ككريم بكره احسن لي


بنات امس قبل مانام شربت غرشتين ماي ف طول الوقت قايمه للحمام وانتو بكرامه وراجعه السرير

اخر مره قمت حسيت بدوووووووووخه ووجهي صار اصففففففففر وحسيت بررررجع خلاص واذني تصمخت

خفففففففت ناديت امي الفجر جلست مععااي شووي لين فكت مني .. بس مسكني الم ف بطني وظهري زي الم الدووره ..

وماراح الا لين دخلت الحمام "احم"

انا الدوره اساسا قربت باقي 4 ايام بس .. ف ماعرف هالألم منها او لا ..

الله يستر ..


بنت مشرف بعد كم اسبوع عندي عرس .. ف اكيد راح الخبط بالاكل .. ف بهالحاله شسوي؟! ارجع اعيد شهر مره ثانيه ؟!

اساسا بس يجي وقت العرس بيكوون لي 3 اسابيع بالدايت .. وانا ابي اسوي المرحله الاولى شهر ونص ..

يعني بعد العرس يكون اساسا باقي لي 3 اسابيع بعد .. حرام اعيد الشهر .. بس يمكن اسوي بعد يوم العرس 3 او 4 ايام بروتين واكمل الي باقي لي عادي ..


صح علي كذا ؟!


انا بحاول ما اخرب طبعا بس انتي عارفه العرووس ..

وخاصه انه عرس بنت خالتي .. واختي بتسوي توزيعات كوب كيك تهبل <<تشهيهم هههههههه



كوووووووووتن وي نيييييييد يوو
​

 

[فوشيهـ]

عندي خبرين واحد حلو وواحد مو حلو



الي مو حلوو .. جاتني الدوره الحين

كل شهر تتقدم كم يوم طفشتني


الخبر الحلوو

قست وزني في ميزان اختي .. هو رقمي .. بس ماعرف اذا كويس او لا بس شكله كويس يعني ..

الزبده طلع وزني معععععع الدووره








68,9 قمة الونااسه بس ابي اقيسه بعد الدووره احسن عشان يبان كم نقصت مضبووط ..



باركوووووووووووووليييييييييي
​

 

[مس مونتريال]

مرحبا بنات كيف الحال​

تسلمين كوتن كاندي على الرد
​

(اوكي اول 3 ايام نو خضار لا ورقيه ولا غيره

مسموح 7 اب دايت علبه وحده بليوم او ببسي دايت و خالي من الكافين

ماء بكثثثثره

الفطور بيض بيض بيض 3 ايام

الغدا دجاج او لحم او سمك او تونه او بيض ( مسموح ملعقه وحده مايو ) انا اقترح اشتري قودي الايت مافيه كارب

العشا نفس الغدا بس انا اخليه تونه

و من رابع يوم دخلي الخضار مثل خيار بصل اخضر جرجي خس خيار سبانخ ملفوف سلري بقدونس فجل بمقدار كوبين الي ثلاث اكواب ( يكون الخضار مقصص لمن تكيلين الكوب ... ممكن تكيلينه بلعين مو ضروري بلكوب )

و تدخلين الجبنه تكون هارد تشيز افضل مقدار 30 جرام في اليوم ( يعني لا تتوقعين الجبن وجبه كامله ابشريه مثل انكهه على اسلطه او الحوم او البيض فقط لكسر المذاق )

راح اطبق لبروتين الخالص وراح اشوف الحرق عندي ​

 

[فوشيهـ]

بطووووووطه وينك اليوووووووم


كووووووووووتن


بنت مشرف طلي ثاني :$


<< جالسه طفشانه ههههه
​

 

[بنت مشرف ق5]

انا موجووده كل يوم اطل عالقروب مانسيتكم

فوشيه

مبروووووووووووووووووووووووووووووووك :eh_s(15)::eh_s(9)::eh_s(9)::eh_s(9):


ماشاء هذا وانتي عليج الدوره:eh_s(15):
نطري بعد لما تخلص راح تنزلين اكثر
صارلج اسبوع بالضبط صح ؟
جم نزلتي بالضبط

ماياتني الدوره مع انها وقتها الحين
شرايكم بناات اشرب دارسين ( قرفه) ؟؟؟
تدرين انا موعد قياس وزني خليته 1/14 بعد اسبوع الله يستر :yaaaaaarb:



بالعرس اكلي ستيكات وسيزر سالد من البوفيه
وشربي قهوه عربيه وانتي قاعده انا جذي اسوي

اصلا انتي اذا شفتي شكلج بالفستان وجسمج المنحوت بتتحسفين تخربينه بكب كيك ماتسوا :bbbiu:





باليل بدخل اكتب يومياتي

 

[مدرسه عاطله]

واللى عندها نحافه تعمل ايه

 

[بنت مشرف ق5]

مسس مونتريال


يالله ششدي الحييييل وانا معاج
احسج متحبطة شووي شدي حيلج
تقريبا اكلي بروتين صافي + النسكافي وملعقة الجبن كرفت باليوم

صدقيني بينزززل الوزن بسرعه
خصوصا اذا خلقصتي دوره وانتي بكرامه

 

[فوشيهـ]

اللللللللله يبارك فيك بنت مشرررف حبيبتي


انا اليوم ثامن لي .. ونقصت 3 كيلو و 600 جرام بالضبط ..


وبقيس ان شاءالله بعد الدوره بيووم ..ان شاءالله .. بيكون تاريخ 16 ..هالشهر طبعا ..


خلي يوم قياسك معااي عشان نسوي سووووووووبراااااااااااايز لبعض ونشجع بعضضض :$


ماقدر اقيس بـ 14 معاك بكون لسى دوره وانتي بكرامه :$



وعلى سالفة العرس ماراح يكون بوفيه .. لانه عرس صغنون ف كله ذباايح .. ماني خايفه من الرز لاني اساسا من اول ما اكله مره.. واذا باكل .. باكل على قدي شويات بس ..


اقدر اقضيها سلطات .. بس انا خايفه من الحلا .. لان اختي من كم يوم جالسه تكلمنا عن الكوب كيك والتوزيعات الي بتسويها للعرس وتورينا الصوور ..



ورييييييييييقي يقطرررررررر وانا اختك .. ف انا عارفه اني باكل بهاليووم وخاصه الكوب كيك لانها الدبه مشهيتني عليه من بدري ههههههه



بس بعدها برجع بروتين صاافي ان شاءالله واضبط وضعي .. واسبوعين او ثلاثه وادخل والمرحله الثانيه ان شاءالله ..



والقرفه مسمووح فيها حبووبه اشربيها عادي .. بس لاتكثرين مره عشان ماتنزل الدوره قويه مره .. تهلكك :*_*:


وياااارب تكونين نازله مثلي واكثر بعد .. لبى انتي ..
​

 

[بنت مشرف ق5]

خلاص اوووكي اخلي وزني معاج تاريخ ١٦
وان شاء الله اكون خالصه دوره


مااااشاء الله تبارك الرحممن نزولج حلووو ، انا شفيني ماانزل الا كيلو بالاسبوع هذا وانا اسوي رياضه <<< مشروع حسد لوووول اتغشمر :d

نصيحة اخت والله ابيلج الخير دام نزولج حلو لاتخربينه بالرز والكب الكيك لاااحقه عليهم



شربت زنجبيل وشاي اخضر مالقيت دارسين

اليــــــووم الســــابع ( ٧) ::

الريوق ..نسكافي
الغدا ..اومليت + م جبن كرفت + شاي اخضر
العشا ..بيكون تونه ومايو ودايت كولا ان شاءالله

وبشرب لتر ونص ماي
وماراح اسوي رياضه اليوم كلش يقولون مو دينه قبل الدوره

حبيتي والله فوووشيه تستاهلين كل خير ياقلبي ؛***





*

 

[abaliabal]

السلام عليكم بنات
انا دشتيه فاشله

مع اني اكثر وحدة اعرفله واعرف اقيس الكاربز بس افشل وحده في تطبيق النظام
اول كنت احاول انزل خمسه الي سبعه كيلو

لكن الحين انا مضطرة انزل
^
^
^
^

^



^



30 كيلو

اجل 30 كيلو

والحمد هالمرة قررت اني اطبقه يعني اطبقه

وماراح يكون باذني ماي

ورتبت نفسي مع الريوق ومن باجر راح ابتدي

فتوكلت علي الله

وابي دعواتكم

وان شالله راح تلقوني نازله عالاقل هالشهر 10 كيلو


والله ولي التوفيق


حشى حرب



بنات دعاوتكم وتصبحون علي خير