شلون تسوون القهوة العربية .. بشرط تكون لذييذة عيزت وانا اجرب

[om MaRyooM]

السلالالالام






مادري اذا مكان الموضوع هني او لا


المهمممممممم






ابي طريقة القهوة العربية ... ماعرف اسويها

كل ماسويها ماتطلع ناااطعة حيل


:eh_s(7):

 

[LoLaTi]

اب
اب
اب

 

[كلنا عشاق لكن]

إن شالله الخبيرات مايقصرون
السؤال يشوق للمتابعة :eh_s(9):​

 

[شيهانه 23]

ابقولج طريقه قهوتي <<< مدمنه قهوه

اييب فنيال قهوه (تكون حمستها حلوه وركزي على الحمسه يعني ماتكون خفيفه والافضل انها تحمس بالبيت)
واحطه بالدله + م ص هيل + نص م ص قرنفل + نص م قرفه (يعطي نكهه عجيبه) واصب عليهم الماي (يكون مغلي ) الى نص الدله او اقل شوي
واقصر النار علييها واخليها تطبخ ززززززززين يعني تقريبا 10 دقايق بعدين ازيد الماي واخليها على النار 3 دقايق
بعدين اسكر النار عنها
واحط ببراد القهوه م ص خلطه قهوه (تلقينها بالسوبر ماركات) واصب القهوه بالبراد وبالعافيه
واي سؤال انا حاضره

 

[om MaRyooM]

مشكووورة يعمري


بس شنو خلطه االقهوة هذي اي صوب تنباع وشسمها بالظبط

 

[دآنة آلرشآيده]

حبيبتي اخذي قهوه محوجه احسن لج
اذا ماتضبطينها​

 

[لذة الشوق]

بقولك طريقتي حطي فنجان ونص قهوه بالدله مع ملعقه صغيره قرنفل وملعقه هيل بعد صغيره واحط ماي واخليه تطبخ واحط براد القهوه ملعقه ونص وسط هيل وشوية قرنفل وخلطة القهوه واحط ملعقه كوفي ميت الكل راح يسالك عن القهوه

 

[om MaRyooM]

^
^

شنو هذي خلطة القهوة

وين الاقيها



ومشكورييييييين

 

[NaThYa85]

اول شي الي يقولون فنجان ولا مادري شكثر ترى قهوة عن قهوة تفرق

أنا ما انصح بالمسمار كلش واذا لا بد حدج حبتين ثلاث مو اكثر

ثاني شي في عند محلات التمور او بعض الجمعيات بهار قهوة اسمه (القصيم) هذا طال عمرج سحر علبة لونها ابيض عليها كتبة برتقالية ورسمة زرقا سعرها دينار

مثل مكعبات الماجي بالنسبة للأكل 

حطي منه قفشة صغيرة بالمطارة مو اكثر مع شوية زعفران اصلي وقفشة صغيرة هيل مطحون وصبي فوقه قهوتج العادية وشوفي الطعم

جربي وطمنينا وعليج بالعافية مقدماً 

 

[om MaRyooM]

مشكورة


ماقصرتو بنااات


بجرب هالطرق واشوف ايهو احلى وحدة

 

[سوسو حبيبتى]

NaThYa85 حسيت انك فاااااهمه عددددددددددل..ماشاء الله سنعه

 

[حجيه هيونه]

شوفي

اكو قهوه اسمها ام ابراهيم

انا دوم اشتريها واطبخها وقبل احطها بالمطاره احط شوية هيل مطحون وشوي زعفران


كل من شرب منها ماشاء الله مدحها


<-- ماتحب القهوه

 

[توتاتوتا]

القهوه تعتمد على الحب اذا محموس عدل او لا يعني اشتري من المطحنه قهوة رقم 3 و غالبا تكون اغمق شي الي قبل القهوه التركيه المحروقه

حطي بالغوري فنجال و نص او فنجالين اذا تحبينها ثقيله و الماي قياسه على حسب الترمس الي تستخدمين يعني عبي الترمس ماي و كانه القهوه و ثم صبيه على الغوري و زيدي ثلاث ارباع ماي لان يتبخر الماي وقت الطبخ و خليها تطبخ 10 دقايق ..<< وزن الماي و القهوه كان هو مشكلتي لين ضبطته و اذا ترمس صغير حطي فنجال او فنجال الا ربع

انا ماحط شي مع القهوة شي و هي تطبخ احط في الترمس هيل و زعفران و اذا تبين شوي مسمار

 

[متواضعة]

 

[barbya_q8]

انا مجربة قهوة ام ابراهيم السموحه حجية هيونه تلوع الجبد مو حلوة كلش مجربتها عند ناس ولاعت جبدي ويابولي منها وحاولت بكذا طريقة طعمها مو حلو مادري يمكن طريقتج اهيا تخليها حلوة

الصراحة ماكو على قهوة بن العميدددددددددد وبس لا اضافات ولا تحمشين ولا شي اهو يحطلج شوى شقرة وغامجة ويخلطهم ويطحنهم شمي الريحه بس وتحطي بالمطاره شوي هيل وبالماي الي بتغلين فيه القهوة تحطين عاد مقدراج 3 او 4 قفشان على حسب الماي وقفشة كوفي ميت ولما تغلي قصري عليها لما تهدي وعقب صبيها بالمطاره تهبل

 

[((!ورد جوري!))]

أناأستخدم قهوه أم إبراهيم وايد حلوه بس خليها تفوح عدل وبعدين حطي بالمطاره قفشه هيل وشويه زعفران جم حبه مسمار اذا حابه وشويه خلطه القهوه وإدعيلي

 

[<<لمار>>]

للاسف ماعرفلها كلش

 

[مظلومة حيل]

انا اقولجاول شي قايسي المطارة اترسيها ماي وحطية بالدلة و حطي بالدلة فنجان قهوة
و بالمطارة حطي فنجان هيل فرش و زعفران و شوية مسمار ناعم و ملعقتين شاي من حليب كوفي ميلت و خلي الدلة لين تفور القهوة عقبها حطية بالمطارة
تهبل احسن طريقة واممممم

 

[ورود كويتيه]

الله يسلمج القهوه اذواااااق في ناس تحبها ثقيييله وفي ناس تحبها خفيفه وفي ناس تحبها زنجبييييل واجد وفي ناااس تحبهاا مسماااار حييل على حسب .. فانتي شلون تحبينها زودي الشغله اللي تحبيلها وخففي اللي ماتحبينه ...

انا مثلا احبهااا خفييييفه ومايله للبياض ماحبهااا سوده فاكثر الماي بالغوري واحط فنجال الاربع قهوه عاديه مطحونه واحط معها الحليب كوفي ميت بالغوري واخليها تطبخ عشر دقايق تقريبا وانا طبعا ماااااااااحب واكره المسمار فما احطه كلش واحط بالدله قفشه هيل وزنجبيل شوي نتفه طازج وزعفران رشه ..... وبس

:eh_s(7):

 

[manoooram]

اعرف اسوي قهوة بس لو بكتب ماراح تفهمين علي
الا بالنظر

وما شالله البنات كفوا ووفوا