شلون تسوون القهوة العربية .. بشرط تكون لذييذة عيزت وانا اجرب

[ام كوثر2007]

شوفي

اكو قهوه اسمها ام ابراهيم

انا دوم اشتريها واطبخها وقبل احطها بالمطاره احط شوية هيل مطحون وشوي زعفران


كل من شرب منها ماشاء الله مدحها


<-- ماتحب القهوه

هذى القهوه عجيبه يا حجيه .. وانصحج فيها ام مريووومه ..


صج عجيبه لا ويوصلوونهاا لج للبيت بعد .. تسويها مرا ويبيعونها بس مو بكل مكان

ريلي طاح علي مكان اعتقد بالمهبوله او الفنطاااس وكان فيها رقم المكان دقينا وطلعت عندهم خدمه توصيل

سعرها تقريبا ثلاث دنانير وشي .. بس صج روعه وما عليها حسافه اذا تبين الرقم عطيني خبر
​

 

[om MaRyooM]

مااااااااااااقصرتوووو بعد جبدييييي


واللي عندها رقم قهوة ام ابراهيم تسدحه هني

 

[شيهانه 23]

اسمها خلطه القصيم تلاقينها بالجمعيات

 

[حجيه هيونه]

بنات ترا قهوة ام ابراهيم اكو نوعين

انا كان عندي النوع الاصلي جاني من السعودية ولقيت نفسه مره بالجهرا


بس ماروح الجهرا وايد فلما خلصت طلبت من واحد رقمه بالجريده ومحله بجمعية العارضية اظن

بس الى عنده مو الاصلية


عاد طاحت بجبدي


المهم ان حصلت رقم الي يبيع الاصلي بحطه لكم هني

 

[glory]

معلش حبايبي أنا كمان أحب أتعلم القهوة العربية
في الكويت ما كان عندي مشكلة أروح وأشتريها محوجة جاهزة وبعد ما تنطبخ أحط عليها زعفران وهيل
بس أنا الحين عايشة بدولة أجنبية وبدي أشتري قهوة نية وأعملها
يعني كيف أحسن طريقة لتحميص القهوة في البيت اللي تعرف وشو أحط عليها لما تنطبخ
أو أعملها لحالها وبعدين أحط الهيل والزعفران بس في الترمس وشكرا

 

[كويتية82]

ام مريومه انصحج بقهوة ام ابراهيم بلاااااا منازع تهبل

واللي قالت تلوع الجبد وماتضبط حبيبتي اكيد تكثرين القهوه بالدله انا جم مره كنت اكثر قهوه تطلع تلوع الجبد اهي مايبيلها تحطين وايد مجرد قفشه ونص او قفشتين اذا قياس مطاره كبيره

وموجوده ام ابراهيم عند اللي يبيعون التمور بالجمعيات والاصليه ب3 ونص

وخلطة القصيم موجوده بالجمعيات

تحطين بالمطاره قفشه وسط من خلطة القصيم وقفشة الحوس 3 هيل ومسمار جم حبه عدلين 5 او 6 حبات لاتحطين مطحون ولاتحطين شي عالقهوه واهي تفوح حطي شغلج كله بالمطاره وحطي بالمطاره شوي زعفران نتفه لاتكثرين لان الخلطه فيها زعفران وقهوة ام ابراهيم فيها زعفران
خليها تفوح عشر دقايق وبعدين صبيها بالمطاره
اللي تفوحينه بس مااي وقهوه فقطططط ...

وانصحج لاتضفين حليب وكوفي ميت وزنجبيل وهالسوالف لان تغير طعم القهوه
شلون تصير قهوه عربيه وتضيفون لها حليب ؟؟؟

ادري شرحي موذاك الزود بس اتمنى فهمتي طريقتي

جربي طريقتي وادعيلي

انا مدمنة قهوة عربيه وجربت كل الطرق واحلى طريقة اللي ذكرتهاا

وبس

هذرت وايد ​

 

[بــــدره]

السلالالالام






مادري اذا مكان الموضوع هني او لا


المهمممممممم






ابي طريقة القهوة العربية ... ماعرف اسويها

كل ماسويها ماتطلع ناااطعة حيل


:eh_s(7):

اختي انتي حطي طريقتج بالتفصيل عشان نشوف وين الخلل فيها

 

[بــــدره]

بنات انا ما تضبط معاي قهوة ام ابراهيم تطلع كللللش مو زود مادري ليش !!

انا اخذ قهوه ساده من سوق التمر او من المطحنه الدوليه و اسويها بروحها بعدين احط الشغلات السريه بالمطاره نفسها

تطلع نكهة القهوه شي

 

[اطياب طيبه.أم عبدالله]

انا علمتني طريقه القهوه وحده الله يذكرها بالخير من اهل قطر تعرفت عليها وصرنا خوات

القهوه اييبها بالخيشه تقعد عندي 6 شهور فيها 10 كيلو اتييني من السعوديه اطلبها طلب خاص

اخذ فنجان من ملوت القهوه واترسه قهوه واحطها على الغوري واهو فيه ماي على النار والغوري الاصفر الحجم الصغير العادي

واقلبها واحط عليها ثلاث ارباع فنجان من الخلطه القصيميه تحصلينها عند اغلب الحوايين بكل مكان اتيي علبه بيضه مغطاتها زرقه ويسمونها بهار القهوه واضيف عليها شوية مستكه اشتريها من الجمعيات صوب البهار وصوب الزعفران واحط زعفران وزياده هيل مطحون و 5 حبات قرنفل حب ( مسمار ) وشوية حليب كارنيشن واقلبهم واخليهم على نار هاديه وتغلي لمدة ربع ساعه

تدرين هالقهوه كل من ذاقها عندي لازم يسئلوني عنها .. صرت تخصص قهوه عربيه عند العايله .. جربيها صج راح تعجبج وطعمها بالظبط نفس اللى يقدمونها لنا بالبنوك واحنا بالانتظار

 

[اطياب طيبه.أم عبدالله]

لا بنات ام براهيم كلش ما تظبط ما ادري ليش مهما ازيد الكميه ما تطلع حلوه ليش ما ادري

 

[المها الابيض]

اختي انتي من وين تشترين قهوتج؟؟
انصحج روحي مطحنه نسيم الصباح
وخليه يخلطلج رقم 1،2 تطلع حلوه موقامجه ولا
فاتحه
وانا احط علي نص القوري 5 ملاعق كبار واخليها
تطبخ والهيل بالمطاره

 

[الـــتـــرف]

قهوتنا نشتري خيشه ونحمسها بالبيت

بس انتي لانج ماراح تعرفين

اشتري قهوه الزهره تكون باجياس صغار جاهزه
واشتري علبه خلطه القصيم
والهيل الطيب
هذولي كلهم تلقينهم بالشويخ شارع التمور

وقياسج يعتمد ع حسب قياس الغوري

مثلا الغوري الوسط

تحطين ثلاث ارباعه ماي مغلي وفنجان واكثر من النص قهوه
وقفشه خلطه القصيم

وتخلينها تطبخ 10 دقايق وتكونين حاطه بالمطاره قفشه صغيره هيل وقفشه صغيره كوفي ميت وشويه زعفران وبس

وترا قهوه ام ابراهيم كللش مو حلوه

 

[كويتية82]

بنااااااااااات قهوة ام ابراهيم مايبيلها تكثرين قهووه

كل ماقللتي تطلع احلى

انا احط قفشه وحده واخليها تطبخ عدل تطلع تهبببببببببببببل


جربوها من غير لاتكثرون قهوه تطلع شييي​

 

[BiiShOoO]

البنات ما قصرووا و تسلم اايادي

 

[om MaRyooM]

مشكورييييييييييييييين



بجرب كل الطرق وبشوف منو الفايز

خخخ

 

[حبيبه العلي]

اسهل طريقه فوحي الماء بابريق القهوه اذا كبير حطي فنجال ونص قهوه واذا ابريق صغير حطي فنجال

واشتري خلطه القصيم وحطيها بعلبه اكبر وضيفي عليها شوي هيل نصف فنجال وملعقه من (قرنفل وزنجبيل وحليب

بودره )
http://www.google.com.sa/imgres?q=خ...art=0&ndsp=12&ved=1t:429,r:10,s:0&tx=94&ty=54


كل ما سويتي القهوة حطي منها مقدار ربع فنجال او نص وخليها تطبخ شوي وبعدين طفي النار وانتظري شوي وصبيها

بالترامس وبالعافيه

 

[Heaven Light]

جربي قهوة الفارس .. سعرها 5 دنانير .. بس ترى فيها مسمار (قرنفل) وهذا رقمهم

60338008

وام ابراهيم شريتها وطاحت بجبدي مو حلوة كلش !


وفي بعد قهوة شربتها عند رفيجني حلوة اللي شافتها عفية تقولنا من اي جمعية هذي صورتها

​

 

[lovely-girl]

حبيبتي الطريقه عندي و انا اختج,,,​

شوفي يا قلبي انا دايمااا اشتري قهوتي من مطحنه الصباااح​

في منها بالفحيحيل و الصباحيه​

و ضاحيه عبدالله المبارك ومادري وين بعد,,​

المهم اسمها (( قهوه السبع حوايج)),,فيها كل شي حتي الزعفران لو تبين يحطلج...​

انا اشتريها واحط فنجان و نص بغوري القهوه واخليها تطبخ على رواااقه..
وبهاللحظه اكون مزهبه مطاره القهوه وحاطه فيها الاتي:::​

م.ص هيل
شويه مسمار
شوي زنجبيل مطحون
زعفران
حليب مبيض ال كووفي ميت​

بعد ماتطبخ بو 12 دقيقه تقريباا
الصراحه انا ما حسب لها اشوفها واعرف انها خلصت​

بس تقريباا يعني ​

المهم اشيلها واحطها بالمطاره وشمي ريحتها :rerrerek:
وعقبها اتقهوي مع حلووو,,​

اعدل مزاجي و علي و عليكم بالعافيه...​

اتمني اني فدتج و اسفه اني قرقت وااايد,,​

 

[om MaRyooM]

مشكورين

جذي حيرتوني لووول

ماقصرتو

 

[GiRLiTa]

القهوة اشتريها من مطحنة نسيم الصباح اكو بالفحيحيل وكيفان بالمول وجمعية صباح السالم 2 اخذ قهوة نيباريه وسط لا فاتحه ولا غامجه
المقادير 6 قفاش كبار متروسه قهوة مع 4 قلاصات ماي وخليها تطبخ على نار هاديه وحوسيها بالبدايه وبعدين خليها على راحتها لما تغلي وتفور

بالدله قفشة وسط هيل مطحون وشوية زعفران اذا تبين تضيفين كوفي ميت ضيفي قفشة صغيرة
عاد مو تصبينها على طول خليها بو 7-10 دقايق بالدلة علشان تتنكه بالهيل والزعفران وتاخذ الطعم
وعليييج بالعافيه