يا متزوجات تساعدين ريلج من معاشج ؟؟ اللي تساعد ريلها واللي ما تساعده دشو خلونا نتناقش

[مسوووكه]

السلام عليكم ... :eh_s(17): :eh_s(17): :eh_s(17):

المتزوجات ابي اتناقش معاكم بموضوع ( انتو تساعدون ريايلكم من معاشكم ) ؟؟؟

- يعني مثلا انتي عليج تشيلين ماجله البيت - او نص قيمة ايجار - او عليج خدامه - او- او الخ ..


:bbbiu: :bbbiu: :bbbiu:


انا اعرف وااايد متزوجات يساعدون رياييلهم ! :eh_s(15): :eh_s(15): :eh_s(15):
وبعد اعرف واايد متزوجات ما يساعدون رياييلهم ! :eh_s(10): :eh_s(10): :eh_s(10):


و الصراحه حابه اخذ راي الاغلبيه ! :rerrerek:


- في بعض المتزوجات يقولون :
اي ريلي ويستاهل اساعده وانا مو قاعده اساعد واحد غريب وما فيها شي اذا اهو عنده ديون وعليه ظغط اشيل عنه بعض الامور وهذا ريلي ياما شالنا ولازم اساعده بوقت الحاجه .. و ... و .... و ....

- وفي بعض المتزوجات يقولون :
لا شحقه اساعد ريلي ؟؟ مابي اعوده .. ليش اهو مو ريال ؟؟ غصبن عليه يصرف علي وعلى عيالي شحقه زوجي بس اسم .. لا ما يستاهل ومو كفو .. مالي شغل عليه ديون ما عليه كيفه مشكلته انا معاشي لي بروحي و ... و ...


وفي بعض متزوجات يقولون :
ما اساعده واساعده يعني ! مثلا جم طلعه مطعم انا ادفع ! او 3 او 4 مرات بالسنه لمن يكون ما عنده حق جمعيه انا اشيل عنه الماجله و .. و...

سؤالي .. :eh_s(7):

1- تساعدين ريلج ؟؟؟
2- بشنو ؟؟؟ (قيمة ايجار - خدامه - ماجله) ذكري شنو المبلغ ؟؟ >> اللي مو حابه تقول عادي
3- ليش قاعده تساعدينه ؟؟ وليش مو قاعده تساعدينه ! (كل الحالتين تذكرون ليش)


يالله خلونا نبلش .. :eh_s(17)::eh_s(17)::eh_s(17):

 

[مسوووكه]

ليش محد رد

 

[قلبي محمد]

موضوع حلو
ان شاءالله المتزوجات يفيدونج
تقبلي مروري

 

[شقره كيوت]

امممممممممممم ..

اي انا اساعد زوجي .. بس مو دايما !
يعني على حسب مرات اذا محتاج انا ادفع عنه ..
مممممم
مثال .. اذا سافرنا انا علي الهدايا والاغراض اللي بشتريها .. اهو عليه التذاكر والسكن والاكل بس

 

[برستيج دلوعه]

الصراحه












انا مو موظفه بس حابه اشوف راي البنات ....

 

[انا لحبيبي .]

انا مو موظفه ، بس لو كنت موظفه بساعد لانه الحياه هالايام بدها مساعده

واذا الزوج بقدر هالشي ومنيح ساعديه ليش لأ اذا كان راتبه ضعيف وما بساعد

 

[قمر كويتي]

شوفي حبيبتي انا اساعده من كيفي ساعات يعني مثل الاخت الي من قبل بالسفر ساعات انا اشتري الصوغه او مثلا ساعات اهو يكون محتاج حق تصليح سيارته ومعاشه خلص اعطيه اساعده واهو يردهم لى مسكين بس ما اعطيه فلوس منى والطريج
اهو الى يدفع معاش الخدامه والشقة والماجلة لان الصراحه ماعنده غيري يعني اذا ماصرف على بيته يصرف على شنو
وانا زوجي اذا صارت عنده فلوس وايد مايعرف لازم يلعب فيها يا يشتري سوالف مالها داعي يعني ما يعرف ايمع الفلس الحمر :9
واهو طيب ويستاهل بس عاد ما اخربه اقعد انا اصرف واهو ايمع فلوسه لا
مره ماكان عنده فلوس نسافر انا عزمته بس ما ابين له ان انت الفتره هذى ماعندك لا انا اييبها من ناحية اني عازمته
وكل واحد وظروفه وموعيب ان الوحده تساعد والى ماتساعد الريال يكون ماله داعي يعني مو مر عليهم يوم ونقص منه شي
انا لو زودجي مثلا ما نقص منه فلوس حق سيارته ما عطيته ليش اخربه :0

 

[ام كوثر2007]

انا ينزلي راتب شهري

وهو ما يحب اني احط من معاشي شي حق هالبيت لانه الحمدلله معاشه راهي وييزينا ..


لكن انا كل شهر اشتري حق عيالي الشغلات اللى يحتاجونها يعني لا بغوا شي ما اروح اقوله عيالك يبون هالشي اروح واشتريلهم من معاشي عادي يعني

وحتي خدامتي مرات ايي شهر مثلا يتاخر علي معاشها اعطيها انا .. ولا يا بيعطيها اقوله عطيتها .. والحمدلله ما تعود علي هالشي .. لانه انا معاه ندري انه فلوسنا وحده

سواء نا عطيت او اهو عطااا .. بس اهو دايم يحب يدفع لانه ملزوم وهذى مسؤوليته

يعني بالعربي جذى اخر شي نفكر فيه اهي منو دفع ومنو ما دفع ..

وانا بيني وبينج اشوف انه الحياه شراكه .. واللى تقول يتعود .. لا يا قلبي الريال الكفووو ما يتعود ويعتبر هالشي طيب منج لا اكثر ...

 

[بطوووطة$بيضة]

الحين ماشالله اغلب البنات يطلعون من بيت اهاليهم كاملين مكملين سيارات وعندهم وسفرات ورايحين...وماركاتهم معاهم ولبسهم السنع...يعني الريال شنو عنده ابيشتري ماجله واجار بس هذي الشغلات الثابته الللي لازم يدفعها ...والحين اغلب البنات اي شي ابخاطرها جنطة ولا ساعه اهيا تشتري من معاشها...والمعاشات الحين زادت والحمدالله بعد كل هذا تعالي ساعديه وتعالي عطيه كلش ماله داعي...

 

[miss_cuta]

انا مو متزوجه بس اللي تقول ليش اساعده وماله داعي احس هاذي حدها انانيه ومو كفو سوووري يعني
يعني شنو فيها ترى رييلج هذا شهالنذاله ليش قلبج اسود عليه ساعديه شنو ما يحتاج اساعده ومو لازم !!
الحين هذا بو عيالج
وواايد عبالكم المعاشات تكفي
الحين اللي بالحكومه جم توصل معاشاتهم خنقول شهادته دبلوم
جم معاشه ؟ ٦٠٠ ؟ خنقول ٧٠٠ متزوج يااالللله قولي ٨٠٠

اجارات هالايام جم ؟ ٣٠٠ ؟ ٤٠٠ ؟؟
معاش خدامه جم ؟ اقساط سيارات جم ؟ ماجله البيت جم ؟ مطاعم جم ؟ طلعات وغيره جم ؟ فواتير تلفون جم ؟
والريال بيصرف على نفسه بعد وبيشتري حق نفسه ؟

انزين ياااااا الفاهمه ما فكرتي ان الريال عنده كل هذا وحضرتج قاعده تطمشين بس ادفع ادفع وانتي معاشج قاعده تفسفسين فيه على وناستج ؟

يعني هذا مو حرام عليج ؟ الا اذا مافيها احساس ونذله هذا شي ثاني
علاقل تصرف على بيتها وعيالها وتساعد رييلها اللي خلى الكل وخذاها
مو قاعده تعطيين واحد غريب


وااااااااي بعض الردود تبط الجبد تبييع رييلها علشان فلووس

شهالزمن الي احنا فيه اصلا هالشي من غير سوال طبيعي تساعد اذا رييلها يحتاج مساعده من هالناحيه
ولا انه يروح يتسلف وينقص ويهه ترى صورته من صورتج جدام الناس

 

[*E.B.D.A.3*]

الاشياء الجايده عليه مثل الاجار وماجله البيت
اما الباجي كله بيناتنا ..
اصلا بوكنا واحد ومرات ماننتبه منو الي قاعد يصرف على الثاني
يعني اذا طلعنا ستاربكس، واهوه حجز طاولة انا اروح اطلب وادفع بنفس الوقت وما الاحظ اني دفعت عنه ..
واذا شفت اكو شغله ناقصه بالبيت مثلا الشامبو ، وصابون المواعين، وبعض الكماليات، انا من نفسي اروح اشتري وارد
وفي بعض الامور لمه مايكون عنده كاش او شغله ، وانا عندي كاش ادفع عنه ..

اما احتياجاتي الخاصه ، لا حده انا الي اشتريها من جيبي مع انه يسالني قبلها تبين فلوس؟ لكن اذا شفت ان الجيب مكفي اقوله عندي
واذا خلصت علي فلوسي ، رقبته سداده :d

عموما انا اكره مبدأ ان الزوجه تكون عاله على زوجها
واكره مفهوم "المرة المو سهله" المنتشر بين الحريم ، انه ماتنقي من جيبها فلس واحد
وكل شي على افى زوجها!!! على اساس انها بتربيه !!! وياكرهي لمه يتيمعون وكل وحده تقول اخر انواع الخدع الي مارستها عشان تخلي زوجها اهوه الي يصرف!!!
كل مره تقدس هالمفهوم اشوفها ناقصه، الله يكملها بعقلها ..

الحياة بالنهاية شراكه بينكم .. اشلون تبينه يشاركج بكل شي، اذا انتي عاضه على فلوسج وماتبين تندين؟

 

[ElN00R]

الله عطاه القوامه يستمتع فيها الرجلالطبيعييحب يكون رب الاسره ليس تاخذون حقه منه
لا تساعدين الا اذا طلب
وان ماصرف عليج ترى بيصرف على غيرج
كيفكم

 

[بــــدره]

كافي ان الموظفه تشيل نفسها و تخفف عليه مصروفها الشخصي

اما ان تساهم معاه شهريا بأكثر من جذي مشكله ,, لان مع الوقت بيتعود الزوج و بيعتبره حق من حقوقه و تصير مشاكل اذا قالت له ماقدر اعطيك

 

[ام مريوومة]

انا عن نفسي ربة منزل يعني ما اشتغل
بس لو اشتغل اول شي احس مصاريفي علي ماباخذ منه شي واذا راتبه زين الباقي عليه واذا احتاج شي وانا عندي عاد ادفع بداله يعني الحياة الزوجيه مشاركه بكل شي وانا يعني ما اشووف فيها شي يعني ماراح تصرفين فلووسك على احد غريب كله على بيتك وعيالك وزوجك طبعا يعني احس عادي مافيها شي

 

[باقة ورد]

لا انا معاشي بجيبي وعمره ما طلب مني شي يحط على ذوحة ديون وما يطلب مني بس انا من نفسي اذا شفت معاشة خلص ولا ما كفى عادي اخذ حق عيالي اغراض او اطلب من المطعم و ادفع و ماعندي مشكلة يعني اذا عنده ما يقصر ابدا واذا فلس انا رقبتي سدادة وبس

 

[ماني من الناس]

انا ماتوظفت ليحين

بس من علم الاتيكيت والذوق ان الرجل لين طلع مع امرأه طلعه اين كانت مطعم او سوبر ماركت انه اهو اللي يدفع ذوقيا كهيبه له كرجل انه جنتل مان

 

[om_3azoz]

انا موموظفه ليلحين بس لي توظفت اكيد بساعده لان مومقصر معاي انا ولا مع عياله الحمدالله

 

[شـيـوخـهـ]

اساعده لان الي بينا اكبر من سالفه منو عطى الثاني الفلوس
المسؤليات كلها شايلها ولو صار عليه قاصر ماراح اقصر معاه
ولي احتاج انا الي بعطيه من غير منه لانه شايلنا وشايل البيت والعيال
يعني لو الرجل مقتدر يعني قدرته الماليه كبيره ممكن ما اساعده بس لو كان
على الله وعلى هالمعاش ومايقصر ولا يذكر سالفه هذي فلوسي وليش صرفتي او وين فلوسج يستاهل يتعامل بالمثل

 

[ام منوره]

انا اولا اهو مايرضى ادفع وحتي اغراضي ولبسي ومكياجي وكل شي عليه وثانيا انا صار فيني طبع ماقمت ادفع ولا شي الا طبعاااااا اذا مر بظروف ادفع واهو يحس بالنقص اذا دفعت يقول انا ليش ريال انا المسول و معاشج حقج حتي لو تحرقينهم
واصلا افضل انه يدفع لانه يحس بالمسوليه وعلشان مايصرف على غير لانه الريال اذا شاف عنده فلوس راهيه يفكر يتزوج او يلعب فيهم وغيره وغيره

 

[شيخه_البيض]

من وجهة نظري الريال يظل ريال لو شنو كان الموقف

والصرف وهالامور بوقتنا هذا تعتمد على الريال

المره مالها شغل

يعني اذا اهوا يبيها تصرف بتصرف واذا مايبيها تصرف ماراح يخليها تصرف

موضوع مفيد جدا