يا متزوجات تساعدين ريلج من معاشج ؟؟ اللي تساعد ريلها واللي ما تساعده دشو خلونا نتناقش

[حآلية الذوق ~]

حبيبتي اذا محتاج و يستاهل ماي عيوني اعطيه

لاان هالزمن يحتاج او اقلل من مصروفي

 

[ماني من الناس]

مو السالفه كل واحد يمد ريله ع قد لحافه يعني ليش الوحده تصرف فوق معاش زوجها او تاخذ لها اشيا بالتقسيط او تحط عليها قرض

انا رافضه مبدأ القروض بتاتا نعيش ع قد الموجود والباقي نجمعه

ليش الواحد ياخذ اشيا اكبر من امكانياته وبعدين مايصير عنده فلوس بجيبه حق بترول لسيارته !!


هنيه النقطه التخطيط الصح والقناعه اهي اللي تمشي الامور وتعطي كل واحد دوره


والرجل اصلا منه ومن نفسه يستمتع بدور ان اهو صاحب القوامه واذا فقده يحس بالنقص اصلا فطرته جذيه

 

[om-3azo-83z]

تبون الصج ترا شرعا الريال ملزوووووووووووووم يدفع كل شي يصرف على بيته و مرته حتى لو تشتغل ملزوم فيها و ما يقدر يلزمها تصرف على البيت لازم من كيفها
بس الحياه الحين تغيرت لازم تتساعدون عشان تامنون مستقبل عيالكم و تبنون بيوتكم
انا ما اشتغل صح بس انا من اول شي مفهمته ان البوك واحد ما نختلف منو دفع و منو ومنو
اذا خلصت دراستي انشالله و اشتغلت راح نتساعد هذا مو معناته كل معاشي له لا يعني قسم شغلنا مره انا علي الماجله مرره علي الخدامه اذا يبت و انا رافضه فكره الخدامه اخاف من سوالفهم جذي

 

[swanyway]

يختلف من رجل لرجل

في رجال مايحبون احد يساعدهم ويحسون انه تقليل من رجولتهم , مثل اخوي يقول اذا هي جالسة تصرف اجل انا وش شغلتي بالبيت مالي سنع

ونفس الشئ اشوف كثير من الريايل هذا تفكيرهم , بالنسبة على حسب معاشة راهي ماراح اساعد لكن راح اهدي ساعة مفرش نوم مطعم اعزمة او احجز له فندق او سباة الخ

لكن معاشة موب راهي ويادوب لا نتساعد عشان تمشي الحياة مابيه يصير مضغوط و تقلب نفسيته ويصير عصبي و يقلب البيت والعيشة نكد بنكد

واللهم لك الحمد على مارزقتنا واعطيتنا من غير حول منا ولا قوة

 

[حكآية قلب]

انا اساعدة علي حسب

ماعاشه مايكفي

قرض اجار البيت يكسر ظهررره


و انا شايله نفسي عنه و اساعدة لما اشوف معاشه خلص

و الحياة جذي اصلا

 

[standat]

اذا يستاهل وله موااقف معاااي ليش لا لو يطلب عيوني

 

[om al ghaleen]

معاشي حقي وحق عيالي
مو مسؤوله عن باجي المصاريف
اهو ريال ليش علشان بس حق المتعه ؟!
شنو واجباته ميخالف اساعده اذا عندي شي زايد
بس اذا محتاجتهم لا والله الوحده بعد الولاده بتسنع عمرها
وكل هذا يكلف ..

لا والله الفلوس عزيزه وتعز نصرف ع البيت بحدود المعقول

والريال اذا كثرت فلوسه كثرت مشاكله يورط نفسه بأشغال وسوالف اهو بغنى عنها
الانسان كلما كان على قده الله يرزقه اكثر


عن نفسي اما مقتنعه باللي اسويه لي ولي عيالي
وحتى عيالي اعطيهم طيب مني ولا اهو مسؤول عنهم ..
اهو بو عيالي وعلى راسي بعد بس مسأله اصرف عليه هذا اكبر عيب بأصغر القبايل


طلعت برا الموضوع بس فيه رد نرفزني :eh_s(4):
\\

 

[قمرية الفيس]

اذا احتاج اساعدة ليش لا خاصة اذا اهوى ماقصر فيني بس بشرط اساعدة بشغلات البيت او سفر اما شغلات برة واشياء غامضة امتنع الصراحوجة وماله حق يزعل لانه اذا انا طلبت منه هذا من حقي اما اذا اهوى طلب هذا شي ثاني يرجع على نوع الرجال ونوع الطلب

 

[مسوووكه]

اب اب اب

 

[الثالثه]

انا اساعده بكل شي
والحمدلله

 

[english muffin]

اي بس بطرق غير مباشرة

 

[Lulu_Perla]

موضوع حلو
و كان يحيرني اول ما تزوجت..

احنا ساكنين في بيت اهله يعني ما علينا اجار
و عقب الزيادة معاشي صار اكثر بوااايد من معاشه
هو عليه الماجلة و الخدامة و بنتنا اغراضها هو يشتريها من لبس و حفاضات و كل شي يخصها


مرات انا اكون طالعه و اشتريلها اللي يعجبني..
ما ايي و اقوله هات ابي اروح اشتري للبنت.. الا مرة وحدة كنت حامل و احهز و قاصرتني الفلوس عطاني مبلغ زين اكمل تجهيزي
ولا تجهيز البنت تقريبا هو دافع كل الاساسيات

يعني الاساسيات مايخليني ادفع
و عادي عندي ادفع يتسلف مني و لا يتسلف من احد غريب
انا مرته و هو ريلي نشيل بعض

ماقصر معاي ليش اقصر معاه..؟؟؟


هذا رايي

و بعد بنات كل وحدة ريلها غير..
ساعات تلاقين معاشه زين.. بس مبدي وناسته على مرته.. و مخليها هي تصرف عالبيت.. ليش هي تصرف عليه و هو مقصر عليها..! عرفتوا شلون
اما اذا كان المعاش مو زود و هو مستضيج ليش ما تساعده..؟؟؟


و مثل ما قالت وحدة من البنات..
اذا هو ريال و سنع مراح يتعود انتي تصرفين عليه
اصلا رجولته ما تسمحله مرة تصرف عليه

 

[راجية الرحمة]

انا ادفع راتب الشغالة والسواق واذا جا اخر الشهر وماعنده شي اساعده
لان بيني وبينكم احس مكان المرة الصحيح بيتها ومجابل عيالها وزوجها
وبما انه سمحلي بالعمل لازم يستفيد ولو شوي
والا شالفايدة طالعة ومخليه عيالي وبيتي للخدامة وارجعله دايخة وادور الراحة من الدوام
وبالليل ادور النوم شيجبره يتحمل الوضضع اذا ماشاف فايدة

 

[Um Tuki]

امممممم
احنا بالبحرين معاشاتنا على قدنا

انا و زوجي مرتبين روحنا

اول ماتنزل معاشاتنا
اول شي نصرف من راتبه ندفع اجار الشقة و الفواتير و نشتري الظروريات لما يخلص راتبه نبتدي نصرف من راتبي

و بطاقة البنك اتكون عندنا احنا الاثنين
لما اطلع اخذ بطاقته
و لما يخلص ياخذ بطاقتي


و ريلي حبوب يستاهل اني اساعده عشان تمشي حياتنا

 

[الكويت&الكويت]

قواكم الله
حلوه ردودكم
وعلي حسب تجاربكم
انا عن تجربه والله اقول الرياييل موكفو يابنات
بالاول راح ينحرج ويقولج ليش ما ليش ويكون صادق فعلا
بس مع الوقت ومن كثر تصرفاتنا احنا الحريم اللي نتدخل بالامور الماليه وكل شوي هاك وهاك بداعي ومن غير داعي تخلينه اهوه يبدا يتكل عليج
وهذي صارت وايد لناس اعرفهم
وتذكرو يبنات
المال السايب شنو يعلم؟؟
عفيه عالشطار
ولاتجيني وجده عقبها اتأفأف انها اهيه اللي تصرف عالبيت
تري الغلط كله من تحت روسكم

 

[S0oo0s0oo0]

رفع

 

[زهور لجوري]

انا اقول ان الحياة تعاون وان المرأة تساعد زوجها قدر الامكان ومو عيب عليها بالعكس هذا تشكر عليه وتكبر في عين زوجها ويقدر لها وقفاتها واما انا الخدامة ادفع معاشها شهريا وادفع نصف الاجار وهذا مني انا والحياة مثل ما قلت تعااااااون

 

[الهام 2009]

رفع

 

[عذبة السجآيآ]

بالنسبه لي موموظفه الحين بس الحمدلله مصروفي ماشي من عند اهلي من عند زوجي يعني كأني استلم معاش كامل

ولحد يقول ليش تاخذين من اهلج وانتي متزوجه ,, لان ابوي الله يخليه لي هذا شرطه يمشي معاشي عنده لم اتوظف الله يخليه لي

المهم

احيانا لم اكون طالعه مع اهلي او معاه او بروحي وشفت شي عاجبني او تذكرت شي ناقص بالبيت بالعكس اجيبه وزود بعد

يعني هذا بيتي وملكي وحلالي انطر الرجال متى ماعطاني ؟؟ واهو مايقصر رايته بيضا يكفي كل شي عليه فـ مايضر لم انا دفعت من حر مالي بالعكس جذي تحسين بالمشاركة والوناسة والتعاون وكل شي

الحياه مواكل وشرب وطلعات بس ؟,,, الحياة مشاركة بكل شي بكل شي

والله يخليهم مايقصرون بصراحه

 

[Zaina-al-zaina]

الله عطاه القوامه يستمتع فيها الرجلالطبيعييحب يكون رب الاسره ليس تاخذون حقه منه
لا تساعدين الا اذا طلب
وان ماصرف عليج ترى بيصرف على غيرج
كيفكم

درر كلامج درر 