يا متزوجات تساعدين ريلج من معاشج ؟؟ اللي تساعد ريلها واللي ما تساعده دشو خلونا نتناقش

[Patcholli]

اذا كان محتاج ويستاهل ماراح اقصر معاه

 

[مذهــلــه]

والله حبيبتي انا موظفه وريلي بعد ومعاشه زين الحمدلله

نظامنا مو مقسمين المسؤوليات يعني مثلا اذا شي ناقص بالبيت انا اييبه او اهو
خدامه للحين مايبت

السفر متقاسمين مثلا حجز فنادق علي وتذاكر عليه
الصوغات مشترك وحرام هو يشتريلي بعد اذا شي عاجبني

احس الحياه الزوجيه مشاركه واذا يستاهل ويبين بعينه ليش مااساعده بالعكس ،، حرام تخسرين الريال عشان هالموضوع الفلوس تروح وترد الحمدلله

 

[مسوووكه]

انا ماتوظفت ليحين

بس من علم الاتيكيت والذوق ان الرجل لين طلع مع امرأه طلعه اين كانت مطعم او سوبر ماركت انه اهو اللي يدفع ذوقيا كهيبه له كرجل انه جنتل مان

شكرا حبيبتي :eh_s(7)::eh_s(7):

 

[قموشه21]

ماكو فررق

الماجله والبيت والسيارات عليه .. والخدامه همن شهر انا وشهر اهو جذي متفقين

وهمن ملابس ولدي ساعات يشتري له بس احنا الحريم لازم نكشخ وايد فاروح اشتري لولدي ملابس ماركة يعني ملابس ولدي علي وهالشي ماكو فرق انا واهو واحد

همن ساعات ينقص خبز اجبان حليب البيبي شامبو جذي انا اييبها .. يعني كلنا انقط ومانحس انبينا فرق

للامانة مايقصر معاي ولو ما ابي اقط همن مايقولي ششي .. بس انا احب اسااهم لان بالنهايه هاذا بيتي وولدي وكله ملكي

 

[HapPineSs]

اي اكيد اساعده هذا ريلي ... فلوسي فلوسه و فلوسه فلوسي ...
انتساعد بأجار البيت .. ساعات انا اعزمه على مطعم او العكس .. ساعات انا اسير عالجمعيه اشوف شنو ناقصنا من اغراض بعد ما يشتري اهوا من الجمعيه.. اذا خلص معاشه و انا عندي اعطيه وهم اهوا يعطيني لا احتجت .. مستحييييييييييييل اخش عنه شي واهوا محتاجني

 

[miss swan]

انا الصراحه اساعده بس مغصوبه وساعات احتسبها صدقه
مثلا نقص شي اييب من الجمعيه
اغراض الحلو حق يمعتنا وبس اساسيات البيت عليه
واذا قصر شي حق الياهال اييب وساعات يردهم لي لاني معودته انه مسؤوول على مصرفنا حتى لو اشتغل
وبصراحه انا مقهوره من تهوره اول الزواج والقروض اللي خذاها بضرف سنه ضيعتنا واحرمتنا لمدة خمس سنين
وعلمته انه غلطته اهو يتحملها احنا مالنا ذنب
والحين صج تعلم عقب ماضغطت عليه خليته يفهم مسؤولية الزواج عدل​

 

[عروس فبراير]

للحيني طالبه
بس اكيد بسااعده

 

[om.googi]

أي أكيد أساعده اهو مو يصرف علينا ومو مخلي علينا قاصر شحقه ما أساعده اذا كان كفو وطيب ..​

 

[PuPa^^SWeeT]

انا اساعده

اهوو مايقصر لو عنده يشيل كل شي ولا يروح يشتريلي ويسويلي


يستاهل عيووني اصلن

 

[ورود كويتيه]

والله احس المره الموظفه كله مشاكل مع زوجها على المعاااش ...

منو يدفع للخدامه ؟؟ منو يجيب اغراض البيت ؟؟ شمعنا انا ! وليش مو انتي ..؟

وهكذاااااا ..


الله يعين

 

[Freakya]

أنا من وجهة نظري ان الريال ملزوم يدفع الأساسيات

اما الكماليات المرة تتكفل فيهم

 

[مسوووكه]

انا لي الحين طالبه
بس اكيد لي توظفت معاشه و معاشي واحد
الحياة الحين صعبه ولازم نتشارك

صراحه يضحكوني الردود الي يقولون اشتري حق عيالي من فلوسي
ترى هذول عيالج مافيها منه هذي بعد

مشكوره حبيبتي على مرورج الطيب

 

[111hhh]

يعطيكم العافيه

 

[ماني من الناس]

امبيه تفاجإت صراحه من الردود احنا نظامنا كلش غير


حتا لين اطلع مع اخوي وبناته سواء قبل او بعد زواجي اهو مايرضا اني ادفع دينار واحد مسكين وراي وراي


ماشي ع نظام الجنتل مان عشان جي تلاقيني متعوده ان الرجل الجنتل اهو اللي يسوي هالحركات وهالشي يعطيه رقي لشخصيته وهيبه صراحه


وهالشي يعود للتربيه اذا ربيتي الولد عالقوامه الصح يتصرف جي مع كل امراه سواء امه اخته زوجته بنته

 

[الفردان]

بصراحه انا مو متزوجه

ورايي من راي مس كيوت

يعني لازم واحد يساعد الثاني

عالاقل اهوا الاجار و انتي الماجله

خو الماجله جم بتطلع 80 دينار ؟؟ هم ولا جنج مسويه شي

ترا هم حرام مسكين يبي يلبس يبي يطلع

عيب تفلسين الريال

وتخلينه عالحديده

مو حلوه ترا

 

[كويتية تكفي مية]

والله اهو حسب الزوج ان كان كريم وطيب ويستاهل اساعده ليش لا

اما ان كان جعص وكل شي بالحسره لا والله اشيل ايدي من كل شي

بالنسبه لي توني ماعندي خدامه لان ماعندي عيال وساكنين عند اهله فما عنده مصرف الا الماجله
اتوقع مع تقدم الحياة ان زادت ديونه اكيد بشيل عنه شي الحياه مشاركه وتعاون
واحنا اسره وبيني وبينه عشره وعيال فراح اخذها من هالمبدأ وخلوا النظره السلبيه الريال
موكفو لو عطيتيه ماي عينج انا احسن الظن وعلى الله الباجي

 

[انت مناي]

انا توي بسنه اولى جامعه
بس لما اتخرج واتوظف
انشاء الله يمكن مو اكيد اخفف عنه
شوي من ناحية مصروفي
اما غيرها لا اهو اللي يتكفل
بكل شي ليش اساعده
اهو الرجال واللي لازم يتحمل
المصاريف كلها

 

[سارة ة]

بنات خلوا سالفة القووامة للرجل
بس اذا ريلج مااعنده وعنده ظروف واقساط يبوق يعني!!! والا تساعدينه خلونا بالواقع شوي يعني معاشه حده حده لازم يكون فيه تعاون ومشاركة مافيها شي اذا الوحدة ساعدت ريلها بالعكس راح تكبر بعينه ؟ وخل سالفة يتعود والا مايتعود لا حبيبتي الريال الطيب واللي فيه رجولة يقدر مرته ويحترمها ويعرف ان معاشها مو من حقة بس مع هذا اذا محتاج مايخالف لو تساعده

 

[نوال الزعبي 1]

اذا احتاج اساعده

 

[Q 8 Y A t]

تبين الصج ؟؟؟


انا اكاتبة رد فوق


لكن اقول الحين



مو كفووووو ينتساعد


مو كفوووو


خلو فلوسكم لكم ابرك