مراهقه واحب بس ابي نصيحه منكم تكفوون

[عـواشـه]

السلام
بدخل الموضوع علطوول ..
بنات انا عممري 14 سسنـــه وبعرف هالششي الي قاع ـد اسسويه غلط ولا صصح وبليز بفضفض لكم بس تكفون انصحوني مو تعاتبوني اوكي ؟؟

اول ششي انا يا بنات يوم كنت بسادس كنت الحمدلله متفوقه ودرجاتي زينــه وهم كل اهلي فخورين فيني وحتى يوم كنت بالابتدائي ..
بس يوم دخلت سسابع اول اسبوع كنت ششاطره يعني .. الموهم دخلت بباص من بعد ماكنت بسياره عششان اتعرف على بنات جدد من بنات جيرانا وجذي ..
ولقيت رفيجتي الي بالابتدائي طلعت بباصي استانست حدددي .. الموهم قالت تعالي قعدي يمي
راحت وفتحت الدريشه وقعد على حافه الكرسي عشان تطططل من الدريشه وانا كنت جنبها وقدامي بنتين وهم هم رفيجاتي بس موحيل .. يعني علاقه سسطحيه :rerrerek: .. الموهم مع الايام قامت تصير لي مشاكل وووايد واايد من بدا الكورس الثاني ..
عرفتني رفيجه روحي على عمها 16 سسنـه وكانت تشبكنا على الفون ونسولف وجذذي .. وكانت تعطيني ارقام شباب وايميلاتهم وانا اضيف واسوولف واكلمهم من تلفون البيت بعد !!! .. عقب جم يوم تعرفت على شله 3 بنات وكانو بصفي بس زادت علاقتي معاهم
رحنا على يوم تمشينا وجتني البنت الي اقولكم عرفتني على عمها وقالت بقولج ششي قلت قولي
قالت باذني انا معجبه فيج
انا انصدمت
صدداقه 8 سنين وتقولي انا معجبه فيج !!
وعقب صارت تخربط لي بالمسن وجذي وعقب ماقلت لامي قالت عطيها بلوك ديليت وانا نفذت هالشي
بس البنت راحت ونششرت عني اشاعه اني طالعه مع واحد ومسوين الي خبركم .. والاشاعه انتشرت بالمدرسه !!

وصارت سسسمعتي ×××× منها ..
بعدين لما ارجع البيت وبكل صصراحه ماعندي احد اسولف معاه اهلي اربع وعشرين ساعه نايمين اروح واقرقر مع رفيجاتي ..

وصارت مشاكلي واايد وايد ..

يوم صرت بثامن هالسسنه جوني بنات اصغر مني وكانت وحده منهم كبري بس عايده السنه فهي بسابع وقالت بمشي معاج بالفرصه انا معجبه فيج ..
اول شي ماوافقت بس رفيجاتي اقنعوني .. عقب وافقت ومشيت معاها وخلني اقولكم صصارت عندي سوالف الاعجاب وهالخرابيط !! وخلاص تقدرون تقولون صااايعه ..
رحت الباص وعلموني البنات الهبال والفصله بالباص وانه نقطط ارقام على الشباب وجذي وصرت معاهم على هالسوالف لدرجه ودوني عند الوكيله هالكورس 15 مره بسبة الباص ..!! والبنات ماودو اساميهم ادري ظلم بس هم انا كنت غلطانه ..
عاد جا يوم من الاختبارات الفاينل وخلص اختبارنا الساعه 10 وكان اخر يوم لاختبارات الفاينل وطلعنا من باب السيارات مو الباصات ورحنا تمشينا وكان في واحد يخز خز مو طبيعي اخلصكم واقول هالشخص انا احبه بس مااعرف عنه ششي ..
وكان كل يوم يطلع عند باب المدرسه وانا كذا اطلع بس اششوفه واجي انا مادري اذا جاي عشاني ولا لا بس هو ماعنده خوات لانه ماعمري شفته جايب اخته دايم يروح يطل يرجع سيارته ..
اكمل لكم دخلنا غرفة الانتظار واستهبلنا وقالو باصنا يروح
فاخذتها فرصه اني افصل وكانت الساعه 11 ونص طلعنا وفصصلنا واستهبلنا والحقونا 5 سيارات وقلنا يرجع المدرسه لانه مانقدر ننزل بيوتنا وورانا 5 سيارات فيها قبايل هذي ..
وكان الششخص يسوي حركات وصصخه لي وانا علطول قعدت ورفيجتي الي بباصي الاصلي مو الباص هذا الي جمعو فيه البنات المتأخرات عن الباصات كانت معاي وقالت عادي يبا ريلاكسس .. ورحت كملت استهبلت وجذي ولحقنا لي مدرستنا
رجعنا وودونا للمديره واخذنا تعهدات ورجعنا ع الساعه 12 ونص ..
يا بنات احس انه مشاكلي بالمدرسه وخصوصا بالباص كثرت بس غريبه ما يشتكون الا علي مع انه رفيجاتي العن مني سوالفهم .. الحين ابي حل لا تقولون اطلعي من الباص ترا صصعبه ماحب اروح انا بسياره بروحي امل والله
تكفون يا بنات ابي حل ابي ارد عاقله ماني عارفه ششلون ... :eh_s(2):

ورجاءا اي وحده بتسب او بتتطنز انا اقول لا ترد اذا سالتوني ليه اسوي جذي برد وبقول لكم انا بالبيت ماعندي احد وربي ماني عارفه شسسوي يا بنات مابي ادخل بمشكله ثانيه غير هذي مليت

 

[عاشقة هواك]

تبين نصيحتي لا تركبين الباص مره ثانية

ولا تماشين رفيجاتج لان ما وراهم الا عوار الراس

وابتعدي عن سوالف الشباب ورب الكعبه راح تندمين قد شعر راسج

لا تقولين يحبني وانا احبه ترى ما في حب اصحي جذابين عادي يقولج ويروح يقول حق غيرج احبج

ماكو احساس يلعبون بمشاعر البنات ويدمرونهم انا اقولج جذي انصحج مابي منج شي لو اقولج

سوالف البنات مع الشباب شنو صار فيهم ورب الكعبه تخترعين تقولين احنا عايشين بالكويت ولا وين

الله يستر على الجميع نصيحه من اخت ابتعدي عن سوالف الشباب وهالبنات الي ترافجينهم اكثر من جذي

شوهوا سمعتج وسمعة اهلج او وخري عن كل البنات واهتمي بدروسج دام تكلموا عنج هذيلا ما منهم فايده

 

[عويتقة]

يا روحي انتي وااااااايد صغيرة وما تعرفين انو ها السوالف ما وراها الا وجع الراس وضيق الصدر وسمعتك الي راح تتوصخ واسمحيلي اقولك انك هبلة لان صديقاتك بيتمصخرون وتلزق السالفة فضهرك يعني هاولا مو رفيجات هادول اعداء احسن حل هو انك ما تركبين الباص ابدا ابدا روحي بالسيارة وفي الطريق اشغلي روحك بقراة شي محبب لك مثل المجلات او شي تحبينه لانك صدقيني راح تندمين باشر

 

[بدوردا الأموره]

ماشاالله عليج اعتقد انج ذكيه فما لا داعي نقولج اللي تسوينه صح ولا غلط؟؟

واي واحد تحبين اللي يوقف عند المدرسه ولاعم ريفيجتج؟؟

 

[ام الدرر]

حبوبة
ماسألتي نفسج شنو نهاية اللي انتي فيه
كلمتي اول مرة وصارت لج سالفة وماتبتي
شناطرة تصير لج مصيبة وفضيحه عشان تتوبين
ياعمري اخذيها نصيحه
البنت حلاتها باخلاقها وادبها
فكري هالشباب اللي يلحقونكم شيقولون
اقلها بقولون رايحة فيه
اشتري نفسج حبوبة وعزيها
ماراح اقولج شتسوين انت عارفة
كل اللي تسوينه بطلي عنه
التزمي بدينج ولا تخونين ثقة اهلج
عسى الله يهديج ويصلح حالج ويستر على بنات المسلمين ​

 

[Tom ♥ Jerry]

,

تملين برضا ربج و لا تستانسين بـ معصيه ربج !
حبيبتي ترا الدنيا مو بس لعب و ظحك و استهبال و شباب و حب و خرابيط
لا يا قلبي كل انسان له صحيفه و كل شي تسوينه رآح يسجل بهالصحيفه .،
خلي صحيفتج تصير بيضه قابله للـ مشاهده .، لآنه بعد عمر طويل
يوم تطلع روحج و تموتين رآح تمر عليج هالصحيفه بـ شكل سريع جدآم عينج
و بعدين بتقولين يالتني مآ سويت و لا حطيت و لا رحت و لا ييت .،

يا قلبي كونج انتي كتبتي هالموضوع آكيد معناتهآ آنج تدرين و متأكده 100% !
آنه الي تسوينه غلط و لا يرضي ربج و لا آهلج و لا نفسج حياتي
آبتعدي عن رفاق السوء و كل مكآن ممكن يجرج لـ طريج الحرآم ( مثل الباص )
روحي و تعالي بروحج وآيد ابرك ، أو آنه قولي حق البنات لو سمحتو
انا سوالف شباب و خرابيط مآبي خلاص .،
يايين المدرسه ندرس عشان نتخرج و بس .. و سكرو الموضوع
و الي عاجبها تظل وياي و الي مو عاجبها مآ تشوف شر :/ آهم شي ربج و دينج و حيائج
ترا البنت بدون حياء تصير نفس الصبي مآكو فرق بينهآ و بينه .،
حآفظي على حيائج و خلج سمعتج حلوة و طيبه ، ليه قالو اسمج كلهم حطو ايدهم على راسهم
و قالو و نعم التربيه بنت اصول .، لا تخلينهم يقولوون ليه طرو اسمج
اي فلانه هاذي الله يستر عليها تكلم هاذآ و هاذا و ذاك و فلان و علان و فلنتان

ديري بآلج على نفسج حبيبتي ؛$

 

[Patcholli]

توج صغيره وسمعتج صارت اكس .. عيل لو صرتي بسن الزواج شراح تصير ..؟؟

 

[سمو الغلآ]

حبيبتي مو كلنا عندنا احد بالبيت كبرنا ونسوالف وياه

بنت عمتي وحيده امها
وامها مطلقه وابوها مايدري عنها ..
وكاهي ماشاء الله عليها تبارك الرحمن محترمه ومافي احسسن منها معنه علاقتها مع امها مو ذاك الزود

ردي البيت بسياره خلي الباص وحاولي تنقلين..

واستغفري وادعي بصلاتج ربي يثبتج ويبعد عنج عيال الحرام

 

[حلم ينتظر حقيقه]

أختي الغالية إنتي اللي سويتيه خطأ.وهذا الشيء إنتي عارفته وهذا أهم شيء حبيبتي لاتروحين مره ثانيه مع الباص وصديقاتك. صديقات سوء واحدري منهم أاشد الحذر وأهم خربوا سمعتك يعني وش تبعين منهم شفتي خربوا مستقبلك وشوهوا سمعتك يعني نصيحه أتركيهم. ترى أنا أخاف عليك تمادين إنتي وصديقاتك وتسوين أشياء. تندمين أشد الندم اليوم إذا كان تشويه سمعه وشباب ودمار مستقبل ودراسه وش تنتظرين أكثر من كذا !!!!! الله يوفقك ويرزقك ويستر عليك يااااااارب ويهديك ويصلحك يااااارب

 

[حلم ينتظر حقيقه]

سوري إذا فيه أخطأ أملائيه لأني شابكه من البلاك بيري

 

[ليلو جبريت]

هههههه ياحلوج اهم شي انج صرتي صايعة .

ياحبيبتي انتي في مرحلة صعبه ، وعارفه في هالعمر تبين تحبين وتعيشين قصة حب وتكونين مو مستقرة بسبب الهورمونات

انا اقولج حبي بس مو بها الطريقة سوالف تقطين ارقام وهالخرابيط بتضرج وبعدين ماراح تلاقين حد يحبج صج

عقلي شوي وركزي وابتعدي عن هالرفيجات وخلهم يتحجون

 

[مُخملْ]

حبيبتي اسمعينيْ : ،
دامجْ يتي هني تدورين الحل يعني انتي تحسين في نفسج
ان اللي تسوينه غلطْ لكن تكابرين عشان لاتتركينهْ ،
قبل الحَلْ بقولجْ شي :
انتي بعمْر الوَردْ شوتبينْ في سوالف الشباب ؟
كل من مالقى اللي يسمعه في بيته لجأ لهالشي ؟ لا ي حبيبتي
كل الانسان يمشي على فطرته السليمةْ ، ربّج خلق الميل الطبيعي
بين الجنسين وحكمه بالحَلالْ .
تكلمينهمْ ، مافكرتي مرة شوالفايدة ؟
لعب ؟ وناسة ؟ تقضية وقت ؟ فراغ ؟ حُب ؟
يَ قلبي انتي هالاشيا مافيها لعب ولاوناسة ، انتي قاعدة
تلعبين بشرف عايلتجْ ، سمعتهم ! تنزليهم للارض ؟!
دام دخلتي بهالمواضيع وانتي بهالعمر شراح تعدلين في
سمعتج لي كبرتي ؟!
يكفّي ان اللي فالمدرسة كلهمْ طايحة من عينهم ْ! تتخيلين !؟
واللي تفصلين جدامهم وتفرين رقمجْ وتسوين كل شي عشان
تجذبين انتباههم شوتتوقعين نظرتهم لج ؟ يحبونج ولايحترمونج ؟
انتي مثل اللعبة في ايدهم وعلى قولتهم-ربها وهي صغيرة-!
يشكلون فيج على مزاجهم ولي ملّوا لقوا الف غيرج، ماهميتيهم!
ومنواللي ماكلها غيرج أنتيْ. ،

تبين الحَلْ ؟
ماراح اقولج اطلعي من الباصْ ، انقلي لمدرسة يديدة واقطعي كل علاقاتج
باللي عرفتيهم في مدرستجْ ، وقبلها استغفري ربجْ وتوبي له عشان لاترجعين لهالطريج
مرة ثانية ولاتزِلّين بعدها في نفس الشي ، انقلي لمدرسة ثانية سمعتج فيها نظيفة ونظرة
الباجين لجْ حلوة عنجْ ، ردي انتي اللي كنتي قبل سنة ! لاتنزلين نفسج لمستوى مِنحدرْ اكثر.
انتي فيج بذرة خيرْ ، ونظيفة لكنْ السبب من رفقاء السوء اللي صادقتيهمْ ،
تعلّمي من خطأجْ هذا ولما تين تنتقين ربعجْ انتقيهم بصورة صحْ ، لاتين وترافجين اي حد في طريجج
اعرفي اللي جدامج واخلاقهم وكل شي فيها قبل لاتصادقينها ،

ردي اهتمّي بدراستجْ وارجعي لربجْ ، تررا اللي تسوينه اكبر سبب له هو ضعف الدين وقربج من ربجْ
اقريْ كل يوم صفحة من القرآن وادعي في صلاتجْ وربي بيّسرلجْ،
تقرّبي لآمجْ /اهلج ، حاولي وقت ماتشوفينهم تسولفين وياهم تاخذين وتعطينْ ، امج حاولي تسولفين وياها
اكثر ، تقرّبي منها ، فرحيها بشي تحبه ، قوليلها شي من اسرارج عششان توثق فيج اكثرْ
،

الله يحفظجْ حبيبتي ويوفقج ويسهل امرج ويهديج ويصلح بالجْ ويبعد عنج هالناسْ اللي ماتخاف ربها

​

 

[ترانيم القصيم]

هلا و غلا حبيبة قلبي ,, وشلونك ,, عساك بخير ^^

اسمعي يا الغاليـة كانك تبين النصيحة و الشور .. و أنتِ مثل أخيتك الكبيرة ^__^

شوفي يا عسل .. يا لبى قلبك :

حتى أكون صريحة معك ,, و لازم الواحد ما يجامل بالنصيحة ,, ^^

كلامي ممكن يكون صاعقة على رآسك ,, بس لازم تسمعينه لأنوهـ لـ مصلحتك ..

أنتِ إذا استمريتِ على هالطريق .. راح ينتهي بك المطاف :

( يا بسجن الأحداث .. بسبب قضية أخلاقية ) ,

( يا مذبوحة من قبل أهلك ) ,

( يا بنت تايهة تدور بالشقق مع الشباب ) و تتنقل من واحد لواحد ,

و تصيرين عاد علك بحلوق الناس و تخلين آللي يسوى و آللي ما يسوى يحكي فيك بالشينة


هذي الصراحة ,,

إذا استمريتِ على هالطريق ,, لا تستبعدين إن نهايتك تطلع عن الإحتمالات آللي فوق

لا تحسبين إن نهايتك تكون ( مُشرّفة ) دامك ماشية بما يُغضب الله جل جلاله ..

أنـا ما أقدر أجاملك حبيبة قلبي :eh_s(2): ,, بس إذا أنتِ صغيرة و تطلع منك هالحركات ,, إذا كبرتِ وش ممكن تسووين ؟ :eh_s(2):

والله حرام آللي تسووينه بنفسك يا الغاليـة ,, أنتِ صغيرة و بريئة ,, ليه تدمرين نفسك !!

أنـا ما أقصد أجرحك يا الحبيبة الطيبة ,, أنـا أحبك في الله و خايفة عليك يا الغاليــة :eh_s(2):

لا تنسين إن هذي سمعة ,, و سمعتك يا الغالية و إن كانت خاصة فيك .. تراها شراكة بينك و بين أهلك

فـ آللي يمسك راح يمسهم ,, لو تشوّهت سمعتك راح تتشوّهـ سمعة خواتك و أمك و أخوانك و أبوك !

وش ذنبها أختك بكرة ما تتزوج و يرفضونها العرسان و السبة سمعتك أنتِ ؟

تدرين إنك بهذي الأخلاق ما تضرين نفسك لوحدها ,, أنتِ بكذا تضرين نفسك و تظلمينها و تظلمين أهلك كلللللللللللهم !

أحيي فيك معرفتك لغلطك ,, و أحيي فيك رغبتك في التغيير و أنـا مبسوطة منك كثير يا عسل ^__^

بس كان لازم أسمعك هذا الكلام لأني يا الغالية ما أقدر أجاملك في النصيحة ,, لأني لو جاملتك أكون كذا ( خدعتك ) !

فاتقِ الله يا الغالية ,, ترى حرام آللي تسووينه و ما يجوز ,,

و لا تفكرين إن هالشباب آللي يلحقونك يلحقونك عشان خفّة دمّك !

تراهم - و اسمحي لي يا الغاليـة - تراهم يحتقرون البنت آللي تعطيهم وجه و تستهبل عليهم و تسووي حركات و ما يحترمونها نهائيًا ,,

و يتكلمون بشرفها و سمعتها عند الناس و تصير علك بحلقوهم ,,

ترضين هالشي على نفسك يا الغاليـة ؟ :eh_s(2):

أتحدّاك :eh_s(2):

شوفي هالمقطع حتى تتضح لك الصورة أكثر :

http://www.youtube.com/watch?v=3ljC_FB0e70

احترامي و تقديري

ترانيم القصيم

 

[^LILY^]

حبيبتي حطي ببالج شي
مافي رجال بدنيا احن عليج من ابوج او اخوج او عمج او خالج او جدج
واذا طحتي بايد واحد غيرهم مراح يرحمج

اخذي نصيحه من وحده عارفه الدنيا صح

الحين بقولج شوي كلام جرئ ومراح استحي منج
حبيبتي هذا يخزج والله مايبي منج الا اغلى شي عندج
وهو شرفج

ديري بالج حبيبتي
وبالنسبه للارقام اللي تقطونها للشباب
حبيبتي انتي بين بنات , توقعين هالبنات اللي يطالعونكم ما يعلمون اهلهم
مايعلمون اخوانهم !!!!

يمكن مراح تعرفين قيمة كلامي الحين الا اذا كبرتي
اختي الغاليه والله احبج , بس حرام امج ماربتج جذي
حرام تخلين الحريم يتكلمون على امج

على فكره اذكر لما كنت بالمتوسطه كانوا البنات
يتطنزون علي ويقولون يالعيوز ليش !!
عشاني كله انقد عليهم وماكنت اوافق على حركاتهم
صحيح كنت فصله مع الابلات بس من ناحيه هالسوالف اصير مثل الرجال بوجيهم

ولله الحمد الحين عمري 19 وفي بنات يقولون لفيجاتي
ياحظكم فلانه رفيجتكم

شفتي ان الصح هو الباقي

حبيبتي تمسكي برايج ولا تنازلين عن افكارج لخوفج من انهم
ينقدون او يتحجون عليج

 

[^LILY^]

حبيبتي اتمنى كلامي ما يزعلج
والله ان اختي كبرج وانصحها مثل ما انصحج
اصلن تخيلت انج اختي
اهي تشتكيلي وانا انصحها

 

[Hijazih]

هلا و غلا حبيبة قلبي ,, وشلونك ,, عساك بخير ^^

اسمعي يا الغاليـة كانك تبين النصيحة و الشور .. و أنتِ مثل أخيتك الكبيرة ^__^

شوفي يا عسل .. يا لبى قلبك :

حتى أكون صريحة معك ,, و لازم الواحد ما يجامل بالنصيحة ,, ^^

كلامي ممكن يكون صاعقة على رآسك ,, بس لازم تسمعينه لأنوهـ لـ مصلحتك ..

أنتِ إذا استمريتِ على هالطريق .. راح ينتهي بك المطاف :

( يا بسجن الأحداث .. بسبب قضية أخلاقية ) ,

( يا مذبوحة من قبل أهلك ) ,

( يا بنت تايهة تدور بالشقق مع الشباب ) و تتنقل من واحد لواحد ,

و تصيرين عاد علك بحلوق الناس و تخلين آللي يسوى و آللي ما يسوى يحكي فيك بالشينة


هذي الصراحة ,,

إذا استمريتِ على هالطريق ,, لا تستبعدين إن نهايتك تطلع عن الإحتمالات آللي فوق

لا تحسبين إن نهايتك تكون ( مُشرّفة ) دامك ماشية بما يُغضب الله جل جلاله ..

أنـا ما أقدر أجاملك حبيبة قلبي :eh_s(2): ,, بس إذا أنتِ صغيرة و تطلع منك هالحركات ,, إذا كبرتِ وش ممكن تسووين ؟ :eh_s(2):

والله حرام آللي تسووينه بنفسك يا الغاليـة ,, أنتِ صغيرة و بريئة ,, ليه تدمرين نفسك !!

أنـا ما أقصد أجرحك يا الحبيبة الطيبة ,, أنـا أحبك في الله و خايفة عليك يا الغاليــة :eh_s(2):

لا تنسين إن هذي سمعة ,, و سمعتك يا الغالية و إن كانت خاصة فيك .. تراها شراكة بينك و بين أهلك

فـ آللي يمسك راح يمسهم ,, لو تشوّهت سمعتك راح تتشوّهـ سمعة خواتك و أمك و أخوانك و أبوك !

وش ذنبها أختك بكرة ما تتزوج و يرفضونها العرسان و السبة سمعتك أنتِ ؟

تدرين إنك بهذي الأخلاق ما تضرين نفسك لوحدها ,, أنتِ بكذا تضرين نفسك و تظلمينها و تظلمين أهلك كلللللللللللهم !

أحيي فيك معرفتك لغلطك ,, و أحيي فيك رغبتك في التغيير و أنـا مبسوطة منك كثير يا عسل ^__^

بس كان لازم أسمعك هذا الكلام لأني يا الغالية ما أقدر أجاملك في النصيحة ,, لأني لو جاملتك أكون كذا ( خدعتك ) !

فاتقِ الله يا الغالية ,, ترى حرام آللي تسووينه و ما يجوز ,,

و لا تفكرين إن هالشباب آللي يلحقونك يلحقونك عشان خفّة دمّك !

تراهم - و اسمحي لي يا الغاليـة - تراهم يحتقرون البنت آللي تعطيهم وجه و تستهبل عليهم و تسووي حركات و ما يحترمونها نهائيًا ,,

و يتكلمون بشرفها و سمعتها عند الناس و تصير علك بحلقوهم ,,

ترضين هالشي على نفسك يا الغاليـة ؟ :eh_s(2):

أتحدّاك :eh_s(2):

شوفي هالمقطع حتى تتضح لك الصورة أكثر :

http://www.youtube.com/watch?v=3ljc_fb0e70

احترامي و تقديري

ترانيم القصيم​

فعلا كل كلمة قلتيها صحيحه !!! :icon30:
​

 

[cute lulu]

حبيبتي حطي ببالج شي
مافي رجال بدنيا احن عليج من ابوج او اخوج او عمج او خالج او جدج
واذا طحتي بايد واحد غيرهم مراح يرحمج

اخذي نصيحه من وحده عارفه الدنيا صح

الحين بقولج شوي كلام جرئ ومراح استحي منج
حبيبتي هذا يخزج والله مايبي منج الا اغلى شي عندج
وهو شرفج

ديري بالج حبيبتي
وبالنسبه للارقام اللي تقطونها للشباب
حبيبتي انتي بين بنات , توقعين هالبنات اللي يطالعونكم ما يعلمون اهلهم
مايعلمون اخوانهم !!!!

يمكن مراح تعرفين قيمة كلامي الحين الا اذا كبرتي
اختي الغاليه والله احبج , بس حرام امج ماربتج جذي
حرام تخلين الحريم يتكلمون على امج

على فكره اذكر لما كنت بالمتوسطه كانوا البنات
يتطنزون علي ويقولون يالعيوز ليش !!
عشاني كله انقد عليهم وماكنت اوافق على حركاتهم
صحيح كنت فصله مع الابلات بس من ناحيه هالسوالف اصير مثل الرجال بوجيهم

ولله الحمد الحين عمري 19 وفي بنات يقولون لفيجاتي
ياحظكم فلانه رفيجتكم

شفتي ان الصح هو الباقي

حبيبتي تمسكي برايج ولا تنازلين عن افكارج لخوفج من انهم
ينقدون او يتحجون عليج

كلامها عين العقل

وسوالف الاعجاب بالمدرسة انا صارتلي شخصيا يقولون احبج وما ادري شنو ويدزون رسايل يامالهم العافيه .... انا اول مايقولولي جذي علطوول ازفهم واقولهم عقلو :eh_s(14): وانتي الله يهداج ابسررعه سمعتي كلامهم المفروض توقفينهم عند حدهم ترا محد راح ينفعج اذا صار شي وكلهم راح يقطونها فوق رااسج اخذيها مني وعطي رفيجتج اكبرر اسكب ولي فات مات انسي كل شي سويتيه وابدي صفحة يديده اول شي تووبي لربج :rerrerek: والله كريم

 

[كسرنى الهم]

حبيبتى خلينى اقولج البنات ماقصرو
فى كلامهم اتمنى انج مو بس تقرين وانتهى الموضوع لا
اقرى كل كلمه انصحوج فيها وركزيها فى بالج عدل
لانج توج صغيره وماشفتى الحياه ومشاكلها عدل
بس لكبرتى بتذكرين كلامى وكلام كل بنت انصحتج
حبيبتى والله حرام تكفين انتبهى لنفسج كلامج مره خطير
شباب وقط ارقام وغيره وغيره اتمنى انج تركين كلشي وتركين هطريج وتنتبهين لدراستج
وتخلينها همج كله ولا تفكرين بهسوالف ديري بالج ماتدرين بكره يتخاونون عليج احد مراح ينفعونج
البنات بشي بتمين عمرج كله ندمانه وكلمت ياليت ماتنفع اتمنى من كل قلبى تبشرينى بعدين
انج تركتى هطريق ولج منى الدعاء عشان الله يهديج وتركين هطريج

 

[عاشقه الشامري]

دير بالش على نفسش ولا تخلين الشيطان يتمكن منش وانتي عاقله وتفهمين انصحش تبتعدين عن صديقات السووء تلهين نفسش بأشياء مفيده لش حاولي تختمين القران كل شهر تحفظين جزء من القرأن تصومين الاثنين والخميس تصلين صلاة الليل تكثرين من الستغفار والتسبيح والتهليل وتنصحين خواتش الطالبات وزميلاتش يعني انتي تشوفينهم يسوون غلط بس ما نصحتيهم ووجهتيهم كان راح تاخذين اجر بس انتي قلدتيهم تدرين ليش لان نفسش ضعيفه وايمانش ضعيف ما تخافين من ربش ما تستحين من ملائكتش وهي تسجل في صحيفتش ما تخافين من موت الفجأة وانتي على ذنب ومعصيه شلون تواجهين ربش بتقولين بنات الباص خربوني مالش عذر انتي تدرين الي تسوينه غلط بس مستمره فيه لان ايمانش ضعيف حاولي تجاهدين نفسش البنت اذا ضاعت سمعتها وشرفها خلاص ما تضيع حياتها وانتي الحين صعب تخلين الطريق هذا تدرين ليش لان اللي يسوي ذنب ومعصيه صعب يتركه بسهووله نصيحه من اخت حاولي تجاهدين نفسش وتوبين لله توبه نصوحه وعسى الله يوفقش ويستر عليش ويهديش ويهدري بنات المسلمين

 

[وَِطَنْ ~]

.


البنات كفوو وفوو ،

حبيبتي انتي صغيييره انتقلي مدرسة ثانية

وارجعي مثل ماكنتي متفوقه وشاطرة

وفكري في ربج واهلج ،

وهالخرابيط نهايتها نددددددددم