تجمع حوامل :: مستشفى الفروانيه :: ومراجعات

[نونه الزعفرانه]

ان شاء االله تولدين بالسلامة يارب

 

[فلافل وبطاط]

لا بوادر ولا شي للحين ... واتحرك وامشي الراس نازل حيل
قالي اعطيج ٤ ايام واسويلج دخول طلق صناعي وانا مابي

 

[قلب مغليك]

فلالفل
الله يسهل عليج ان شاءالله وتولدين طبيعي

 

[فلافل وبطاط]

ام عفاف ولدت ... الحمدلله على سلامتها وربي يقوم وليدها لها بالسلامه

انا للحين صامده يابنات ما ولدت ...

 

[فـراوله]

بنات مستشفى الفروانيه فيها سحايا ودي اروح بس مو قادره
من هالمرض للي منتشر

انا رحت طوارئ ليلة راس السنه وكنت ناسيه سالفة هالمرض
بس بعد يومين تذكرت وصرت اوسوس


الله يستر



*​

 

[فلافل وبطاط]

بنات انا طوفت موعدي كان 25-12
واخر موعد ولاده 29-12
ومافي اي طلق او تجاديم كلش ...
مغص خفيف يروح ويرد ...

يوم 2-1 رحت العيادات وقلت لهم اني مطوفه الموعد
وقالت الدكتوره حالا روحي ييبي ملفج ... ويبته وحولتني
على دكتور ايمن .. وشاف وزني وضغطي ونبض البيبي و
قال راح اكتب لج دخول لازم اتدشين وطلق صناعي وانهرت
وقعدت ابجي وقلت له مابي ،، وهو مصر اني ادخل لاني كملت
41 اسبوع ...
ولما شافني انهرت .. بصمني ووقعني وطلعت على مسؤوليتي بعد
ما سويت تخطيط ...
ورديت ييت لهم الصبح ودخلني دكتور الطوارئ غرفة الولاده الساعه
10 الصبح على طول لان ملفي بالطوارئ...

وولدت الساعه 11 وثلث بالليل تاريخ 3-1 ... وطلعت من المستشفى بعد
ماقالولي ان السحايا منتشره ولازم اطلع بسرعه واللي بلغتني دكتوره
معرفه بالفروانيه ...
ولا ادارة المستشفى ما يابوا طاري شي كلش ... حسبي الله عليهم ...

 

[Eng.Kokoro]

وليييش ماقالوووولج !!! زين سوت الدكتوووووره

والحمدلله على سلامتج

 

[الجادل1984]

بنات دايماً خلوا هالدعاء بلسانكم "بسم الله الذي لايضر مع اسمه شيئا في الارض ولا في السماء وهو السميع العليم" وان شالله مايضرج شي لانج استعنتي فيه مجررررربه والله يكفيكم من الشر امييين وتولدووون بسلااااامه ويا بيبياتكم 

 

[معاالي]

السلام عليكم

بنات نبي تجاربكم لأني ناويه أولد عندهم

واليت اللي عندها تجربه تحطها هنيه

 

[نمله ذربه]

ابب

 

[فلافل وبطاط]

الله يسلمكم ويعافيكم ..

انا حطيت لكم تجربتي فبجري وبالثاني
والحمدلله اهتمام وولاده من احسن مايكون ..

بس لو يهتمون بغرفهم اللي بالاجنحه شوي اتصير ولادة الفروانيه بيرفكت..

غرف الولاده حلوه ونظيفه وكل وحده بروح انا قبل قايليلي ان مع بعض
وبينكم ستاير هههههههههههه بس لا كل وحده بغرفه ..

وانا اولد عندهم عالكمام .. وعندهم ابرة ظهر .. بس انا ما اخذها ..

 

[معاالي]

فلافل بطاط

يعطيج العافيه

بس نبي تجارب ثانيه من البنات

 

[لياحه بنت لواح]

الحمد الله عالسلامه للي ولدو
والفال للباقي الله يسهل عليهم

انا بحملي الثاني ولدت عندهم ولادتهم حلوه اهم شي الغرف نظيفه كأنچ بخاص
واللي تولدچ سستر بس الدكتور بين فتره وفتره يطل عليج ويروح

وكل شي بيد ربكم
والي يسهل الله توكلو عليه

والله يسهل عليكم وتولدون طبيعي

 

[فلافل وبطاط]

امبي ليش سستر ولدتج ...؟؟؟

انا فبجري وبالثاني الدكتور ولدني .. اول مره دكتوره
وثاني مره دكتور ... وحتى وقت الطلق لما حطولي صناعي
٤ دكاتره على راسي ... ولما قمت اطلق بالليل دكتوري الاستشاري
والمناوبين كلهم يو يشوفوني .. عشان قالوا اذا مافي امل طبيعي
كانوا بولدوني قيصري ...

بس والله ماخلوني ..

والسستر كانت بس اتحط الدريب والابر وجهاز النبض والضغط واتجهز
الاغراض وتكرمون اتوديني الحمام .. وسوت لي مساج بعد الولاده حق
ريلي لانها تشنجت من الشد ...

وصج السهاله من الله ربي يسهل عليكم ...

 

[بيادر أمل]

.
.
الحمدلله ع السلامة لكل من ولد
السهالة من الله سواء كانت الولادة في خاص او حكومي
انا في بجري ولدت عندهم صج غرفهم نظيفة وعناية والدكاترة يمرون بين فترة وفترة بس عند حزة الولادة كانت السستر بس موجودة هي ولدتني والحمدلله
الدكاترة موجودين بس اذا صارت الحالة ولادتها سهالة ما يوقفون عندها لكن اذا استعسرت تلاقينهم حولها
.
.

 

[معاالي]

مشكوره بيادر

والله يسهل علي الجميع

 

[بيادر أمل]

.
.
حياتي العفو ما سوينا شي

انا الحين في التاسع ان شاء الله هالولادة في الفروانية وراح انقل تجربتي الثانية لكم
.
.

 

[$الماسة الكون$]

الله يتمم علينا وعليكم ويثب حملكم وتسهل ولادتكم يارب

 

[فلافل وبطاط]

بيادر عيل يمكن لان عندي توصيه ولدوني الدكاتره ...!!!
وفعلا ثاني ولاده كنت مستعسره لان دخلت بدون طلق
وحطولي طلق صناعي وهم ماكو شي ولما طلقت عند
نزلة الراس وقف الطلق ...

الله يسهل عليج يااارب ويهون الطلق ويقومج بالسلامه
مع البيبي ...

 

[معاالي]

بيادر

الله يهون عليج علي باقي البنات وعلي

وتولدين بالسلامه*