تجمع حوامل :: مستشفى الفروانيه :: ومراجعات

[فلافل وبطاط]

بسانت
والله يهبلون بالمراجعات والسونار ... وانا كنت بنفس الوقت
اسوي سونارات وتحاليل بعياده خاصه ... وخرعوني ورديت
يبت السونار حق دكتوري بمراجعتي بالفروانيه وحولني حق
دكتوره ساميه رئيسة قسم السونار عشان يتأكد ...
لو احد ثاني جان ماعترف بسونار الخاص وقالي خلج على سونارنا
الاول ...

والولاده انا بجريه ولدت عندهم ... احتجت الواسطه والتوصيه لما دخلت
الولاده بس قبلها لأ عادي ...

 

[فلافل وبطاط]

غرقانه منو تأخر وبشنو ؟؟؟؟
مافهمت

 

[غرقانه]

اقصد تاخرتي فتح التجمع لانو خلاص هذا شهري وشهرك

ديسمبريات 

 

[فلافل وبطاط]

اتصدقين ايه ... ومادري شنو اللي خلاني افتحه من الاساس
يالله يستفيدون اللي بعدنا من تجاربنا ...

 

[غرقانه]

اب اب اب

 

[فلافل وبطاط]

موعدي يوم الثلاثاء ...

 

[ام نواف العجمي]

انا بعيالي الثلاثه بالفروانيه كلهم والله اقسم بالله معاملتهم زينه وتهبل بس في بجري الي ولدوني دكاتره اثنين ما اعرف اساميهم وسسترات بعد كان عندي اكثر من ثلاث بس بولدي وبنتي والله اقسم بالله الي ولدتني سستر وكانت وحده بس وكانت تطلع وتجي ولما حسيت ابي اولد قلت لهاااا سستر تعالي شوفي قالت بيبي يجي تحت وهي ولدتني والله ولما طلعت البشيمه جاني دكتوور ووخياطني بس والله ويشهد علي ربي ان كان رعايتهم تهبل

 

[فلافل وبطاط]

الله يخلي عيالج ويبلغج فيهم يارب ....
والولاده سهاله من الله ...

والله يسخر الناس الطيبه للناس الطيبه

في وحده كاتبه موضوع تسأل عن الفروانيه
مادري منو قايلها يطقون ....!!!

انا خالتي اولدت بخاص ربطوها بالسرير هي
بنفسها قالت لنا لانها تصارخ وتبي تنزل وترافس
يعني انتي يايه تولدين تحملي مو داشه هوشه ...

وفي ناس لسانهم متبري منهم مايحشمون وايدهم طويله
والسستر هذا شغلها يعني شنو بتسوي لنا زود غير انها
تساعد باللي تقدر ...

الله يرحم زمان المراه تولد بالبيت ... لا كمام ولا ابرة ظهر ....

 

[غرقانه]

يطقووووون ليش بكيفهم




 

[ام عفاف الكويت]

انا بنضم لكم
يبت عيالي الاثنين بالخاص
هالحمل عندي مشاكل صحيه وعمليه فقالوا روحي الحكومه
استخرت واختي الغاليه فلافل سبب انه شجعتني اولد هناك
الله يريحها
ويارب يسهل علينا وعليكم

 

[غرقانه]

حياج ربي

 

[~LiBrA~]

لوول فلافل حولوني الحين المستوصف اراجع بالفروانيه
لان دشيت شهري
بس احاتي الزحمه يقولون زحمه ووايد اجانب ماحب جذي

باجر بروح وبشوف الوضع شلون

 

[فلافل وبطاط]

ام عفاف حياج حبيبتي وربي يسهل عليج

ليبرا محد زحمه مواعيد الكويتيات العصر ...
انا اروح عال ٥ هدووووء اعطي الكاتبه كرتي وملفي جاهز
عندها اخذه وادش اعطيه دكتوري غرفه ٢ ههههههههههههه

انا لان مراجعاتي هناك ف بس يحطون المواعيد بعد الدوام يعطون
كشف حق الكاتبه عشان الموعد اللي بعده اتجهز الملفات عندها ....

والله يسهل عليج يارب ...

 

[فلافل وبطاط]

ليبرا مادري عندج فكره ولا لا ان حتى مدخل امراض النسا والولاده
بروح يم مبنى الجلديه ...

يعني ماتوقفين عند الحوادث وزحمة المستشفى

 

[~LiBrA~]

فلافل

مشكورة قلب

اي ادري جم مرة رايحه المدخل بروحه

اشوه انا عبالي مع الاجانب الصبح كنت اروح حق المجلس الطبي وتلوع جبدي استغفر الله من اللويه الصبح

عاد اليوم رحت مو عشان احط موعد

استغفر الله الله كاتبلي اليوم ادش مستشفى الفروانيه هههه

راحت علي نومه وقلت خلاص ماني رايحه اروح الاحد احط موعد

قعدت الساعه 10 ولا نازل علي دم جان طيراااان الفروانيه

لما رديت البيت استوعبت اني ماعطيتهم ورقة التحويل مالت المستوصف عشان يعطوني موعد نسيت

 

[طيف الندى]

قوووه حبوبااات
اشلوونكم ان شااء الله زينين
بناات للامانه اشلون مستشفى الفروانيه ناويه اولد فيه
لان بحمالي الاول جاني تسمم وبغيت امووت والدكتوره اللي كنت اراجع عندهااا بالخااص ماكتشفت التسمم اهمال منها لاني كنت احس بالم فضيع بالراس وانتفخت وهم عادي عندهاا لين رحت صدفه لمستشفى حكومي وقالوا قيصري بسرعه
مااتحمل تاخير ساعه
فمن جذيه توبه توبه توبه مستشفيات خاصه

 

[ام عفاف الكويت]

اب اب
في تجارب يديده

 

[فلافل وبطاط]

ادعولي ... يوم الاحد ٢٥ موعدي والثلاثاء ٢٧ اخر موعد ولاده

بس اولد اسدح لكم تجربتي الثانيه ... وربي يسهل علي وعليكم

ليبرا ولدت ... بس اتوقع بالخاص مو بالفروانيه ...

 

[فلافل وبطاط]

اهلين طيف ...

والله انا كنت بجر ولي السابع اراجع بالسلام ...
وكل اسبوعين ادش عالدكتور كان يعطيني مواعيد
وانا اروح قط بهالفلوس ،، ومادري عن شي ...

لو مو الحكومه جان مادريت ان معاي فقر دم حاد زياده
على الثلاسيميا اللي فيني .. مع اني من دخلت وانا اقول
حق الدكتور ترا معاي ثلاسيميا وهو طاف ... ولا مهتم ...

والله بشهرين عدلولي نسبة دمي والحمدلله ولدت عندهم احلى
ولاده طبيعي ... ربي سهل علي ...

مع ان اغلب الاهل محتجين ليش حكومه وليش مو خاص ،، ومرت
ولدنا وبجرها ونبيها بمستشفى زين بس الوالده الله يحفظها لي
لو مو هي وزنها علي اني اروح افتح ملف بالحكومه جان مادريت
عن حالي ...

والخاص لما راجعته بتحاليل الحكومه قالي اكون صريح معاج اذا احتجتي
دم اضطر انقلج بالاسعاف الفروانيه @@ او اذا اتعرفين احد يوفر لج دم وقت
الولاده من بنك الدم استقبلج ...

 

[ام عفاف الكويت]

ماولدتي
واي عمري يارب تولدين بسهاله بدون طلق صناعي تحركي