الحمدلله علي سلامتكم لكل اللي ولدو ويارب يسهل علي اللي ماولدوا
الفروانيه متغيره مو مثل اول طبعا لأحسن متغيره
انا ولدت بنتي سنة2007 عندهم كانو الممرضات عندهم انتي وحظج
بولادتي بنتي دخلت بالليل كانت الممرضه الله يجزاها خير حنونه وايدعلي
ولما تغير الشفت ياتني وحده حسبي الله عليها قلبها جاسي
ماتقعد عندي كلش ولاتدري عني مع انها حطتلي طلق صناعي
وانا هاديه ماصرخ لما حسيت اني خلاص بولد اناديها ماترد علي
حسبي الله ونعم الوكيل فيها ولدت بنتي وهي ماياتني ياتني متدربه
شافت البنت اطلعت خلاص راحت ونادتها
اخترعت لما شافت بنتي قعدت اتحسب عليها جدامها
ريلي كان بيشتكي عليها بس انا مارضيت قلت ربها وكيلها
عاد لما كتبولي الدكاتره خروج رد دكتور الاطفال وقالي نبي نسوي تحليل
حق البنت لانها طولت ماقطعت الحبل السري وخذت دم زايد ن حاجتها
وممكن ايسبب لها تكسر بالدم
حسبي الله ونعم الوكيل
المهم ان الفراونيه الحين احسن بوايد جنج بخاص
اول شي يهتمون وايد فيج مو شرط توصيه
ثاني شي غرف الولاده يديده ونظيفه
وثالث شي وأهم شي ان الممرضات تغيروا انا ولدت سنة2011 فيها
والممرضه كانت طيوبه ولما ياء وقت تغيير الزامات
قت لها سستر بليز ابي ممرضه قلبها طيب عفيه وصيهم علي
قالت تطمني الحين كل الممرضات تغيروا كلهم زينين مو مثل اول
الظاهر اكثرت الشكاوي عليهم لووووووووووول
وصج مثل ما قالت ياتني ممرضه حنونه بعد
وولدون 2 دكاتره لان حالتي كانت صعبه شوي وخطر
تخيلو كانو كاتبين علي غرفتي دكتوره ليدي
ويوني الدكاتره يبون يفحصوني مارضيت ال الدكتور بس انقيس بطنج
وخليتهم
ولما قربت ولادتي ماكان في دكتورات قالت الممرضه ماكو غيرهم تبينهم
قت لها اي شي المهم اولد لوووووووووووووووووووووووول
فصخة الحيا لما يتني الصجيه
بنات نصيحه خلو الخاص عنكم الخاص بس يبي فلوس واذا صار
شي عليج بالولاده لاسمح الله قطوج علي الحكومه
بنت خالتي لما ولدت بالخاص ولدها انولد عنده مشكله بالتنفس
شوفوا ريلها حرام احتاس من مستشفي لمستشفي
يدور حضانه له
الحين الفروانيه عنايه واهتمام وممرضات حنونات
طولت عليكم ولا جان قت لكم قصة ولادتي
ربي يهون عليكم ويرزقكم هون الطلق وحسن الخلق
واي شي انا حاضره
