وش رايكم في زوج مدخن ؟؟ بليز ارائكم

[سومه ال فارس]

السلام عليكم ياصبايا

ودي استشيركم في موضوع وياليت ماتحرموني من ارائكم :
اختي تقدم لها واحد خوووش ولد بصراحه محترم وطيب وسمعته حلوة بس مشكلته (مدخن) :eh_s(4):
وش رايكم في الرجل المدخن وهل من المعقول ترفضه عشانه مدخن .. والي متزوجه مدخن كيف حياتها معه لن معروف عن التدخين الرائحه الكريهه . وتسبب امراض كثيرة وتسبب ضعف للجسد والصحه العامه
**قال الوالد له ماتفكر تبطل تدخين . قال وربي حاولت بس ماقدرت لن لي 10 سنوات مدخن وحاولت كثير بس للاسف ماقدرت بس احاول اخفف وان شاء الله ربي ييسرها علي وابطل **

لا تحرموني من ارائكم الله يرزقكم سعاده الدارين ويحفظكم ويحفظ احبابكم يااااااااااااارب ..

وشكرااا:eh_s(17):

 

[ام فواازي]

ماشوف فيها شي خالي مدخن قبل يتزوج و حياته ماشيه والحين عنده 5 و اختي زوجها مدحن و عندها 4 دام زين تستخير

 

[نونو العصله]

عادي
ريلي يدخن
والحياة ماشيه
اذا زين خليها تشوف نصيبها

 

[G!RLooNa]

عادي ترفضه لانه يدخن و اذا تقدر تتحمل ريحه الدخان و ما تبي ترده عشان باجي مواصفاته خل توافق بس ما يدخن عندها

انا امي تقولي ماراح اوافق على ريال يدخن :d

 

[غنج بدويـه]

وييييييه من صجج
أهم شي الاخلاق والسمعه اما التدخين هي وشطارتها تقدر تخليه بعدين يدخل نادي صحي وراح يخففها حييييل
وانا زوجي يدخن بس مخففها حييييل الحمدلله ..

 

[فلنتينو]

عادي مافيها شي

 

[نوتي الدلوعہ]

م اتوقع يعيب الرجال انه يدخن بالعكسس عاااادي جدا
بس الاهم الاخلاق والدين

والله يوفقها ويتتم عليها

 

[أشبـاهـ المطـر]

بنظـري يا عزيزتي الانسـان المدخن
إنسان ناقم على نفسـه ورجعي وغير حضاري !


نعيش بزززخم إعلامي والكل يعرف ان تدخين سبب رئيسي
لسرطـان وامراض كثيره وكل 8 ثواني يموت مدخن ووو ....إلخ

إلى الان من 10 سنين يعني من 2002 مو قادر يقطعها !
امـره عجيب مو قادر هذا كلش ما فيه صبر ولا عزيمه
ترا الامر بسيط بس بحوشه صداع اول اسبوع وفي مستحضرات
تساعد على تخلص من نيكوتين العلم تطور ..


أرى أنج تعدين النظر بالموضوع
والله يكتب الي فيه الخير...​

 

[اميره1980]

هالشي لازم اختج تقرره اذا تقدر تعيش مع مدخن
اذا فيها حساسية من الدخان ما راح تقدر تعيش وياه صعبة
انا لو ريلي كان يدخن يمكن اكون ميتة الحين ما استحمل ريحته و لا الدخان اقعد اكح على طول لدرجة ارجع دم و انتي بكرامة
اذا اختج تستحمل تتوكل على الله
مبروك مقدما

 

[om_3azoz]

شل مشكله اذا مدخن زاني اهو استغفر الله ,,

انا ريلي يدخن والحمدالله حياتي ماشيه بما اني عندي عيال مايدخن بالشقه ينزل تحت يدخن ,, او بحمامنا بس

 

[اانثى ولاكن]

اذا ماتتحسس من الدخان عادي بس الحمدالله ريلي مايدخن

 

[نونو العصله]

ههههههههههههههههههههههههههههههههههه
اللي يدخن رجعي
عيل نص الكره الارضيه رجعيين ومتخلفين
في معجون اسنان و علج و غسول الفم
اذا صار عنده عيال
هو من نفسه بيدخن بره
واذا تحبينه بتحملين ريحته
الحين ريال زين و اخلاق ومحترم ويحبني
اخلي كل مميزاته و اركز على زقاره
شدععوه
مافي احد خالي عيوب

 

[خوووخه w]

انا زوجي مدخن عااااااادي بس شنو قلت له مادخن داخل البيت او عندي لانها تزعجني رييحت الدخان والمصيبه اني توحمت على ريحت الزقاير كل مااشمها تلوع جبدي وهو يجيني ريحته دخان يااااو اف بس ترا ماتمنعه ع انه يتزوج عادي

 

[خلطات المذهله]

اكره التدخين واشوفه اهلاك للنفس والمال وماتخيل حياتي مع زوج مدخن لله الحمد
لكن من ناحيه اجتماعيه موعيب انه يدخن المهم مايضرج بالتدخين السلبي

 

[noynoy]

اذا يغسل و يفرش و يتعطر
ماراح تأثر عليها الريحه

 

[^توجان^]

زوج مدخن = معاناااة

 

[Beyoncee]

زوجي يدخن
يعني مو عيب اغلب الرياييل مدخنين
الريال اذا اخلاقه ماعليها التدخين مايعيب

 

[Ḿ Ϊ$$. Ḿ Ē Ḿ Ē]

وييييييه من صجج
أهم شي الاخلاق والسمعه اما التدخين هي وشطارتها تقدر تخليه بعدين يدخل نادي صحي وراح يخففها حييييل
وانا زوجي يدخن بس مخففها حييييل الحمدلله ..

بهاذي ويااج :rerrerek::rerrerek::rerrerek::rerrerek::eh_s(15)::eh_s(15)::eh_s(15)::eh_s(15):

 

[مغرومة]

انا اشوف مافيها شي عادي

 

[" ام حمود "]

عادي مااشوف فيها شيء ، وايد يدخنون ومستمرين حياتهم
ومايأثر بشيء