عرسي بعد شهر و عندي مشكله مأرقتني .. هيلب

[مس جولاي]

السلام عليكم بنااات ..​

انا عندي مشكلة و صراحه حييييييييييييييييييييييييل مأرقتني :eh_s(11):​

انا عرسي بعد شهر تقريبااا .. و المعرس شخص غريب يعني ما اكلمه ولا اشوفه و ما اعرفه ​

دورتي بنت الحلال كانت منتظمه سنه كامله تجي بوقتها لا تاخر ولا تجدم ​

و هذا الشهر قبل عرسي غدرت فيييييني :eh_s(16):​

والحين على الحسبه راح تجيني قبل عرسي بيوم او يومين و حتى يمكن يوم العرس​

وين المشكله ؟؟؟ انا اقولكم ... اولا انا اول يومين يجيني عواااااااااااار الله لا يوريكم لدرجه اني ماقدر اتحرك ..
شلون راح امشي بالعرس و اقعد ... و غير ان تكرمون اول الايام على طول لازم تغيرون
شلون بيصير هالشي مع نفنوف العرس العملاق ؟؟؟​

بعدين الرجااااال ما اعرفه و اول يوم علي دوره شلون اتصرف والله ام الفشله و انا انام مثل الربيانه اول جم يوم يعني مادري شلون ... فاهميني ؟ ​

السواااااااااااااااااااااااال ؟؟؟ شلون اقدر أأخرها ؟ اقدر اخذ حبوب تاخير الدوره ؟؟
لها تاثير ؟؟
شنو آثارها ؟​

تكفووووووون هيلب الله يخليكم :yaaaaaarb:​

 

[*მէօ0օომ ~❥]

اممممم عادي قوليله ولاتخافين هذا ريلج مو واحد غريب ههههه عادي مارده بيتعود
وعادي ترى قوليله

 

[ياغروري]

ااااب

بسس انا انصحك انك ما تاخرينهاا
واذا على العوار اخذي لك ابره من h
انا اذا كانت عندنا مناسبه وجتني الدوره
اخخذها وحده بوحده ولا كانها جتني اصلا
وربي يوفقك ويسهلها عليك يارب

 

[طراطيش]

خذي حبوب تاخير الدورة خواتي وصديقات اخذوها عادي بعضهم عادي ما اثرت عليهم والبعض قالو العوار اكثر شوي

بس انا انصحك تاخذينها تجنبا للاحراج طبعا خذيها قبل الدورة ب4 او3 ايام وكل يوم حبة

 

[مس جولاي]

مشكورين على الرد ..

بس انا ما ابيها يعني مو وقتها كلش .. خلي سالفه قوليله و يتفهم

ماراح ارتاح بالمشيه بالقعده و نفسيا ... الخ (((((((

الحبووب لهم تاثير سلبي يعني ؟؟

 

[kwait doll]

الحبوب زينة ما تأثر اخذيها ترفعلج الدورة احسلج

 

[مس جولاي]

خذي حبوب تاخير الدورة خواتي وصديقات اخذوها عادي بعضهم عادي ما اثرت عليهم والبعض قالو العوار اكثر شوي

بس انا انصحك تاخذينها تجنبا للاحراج طبعا خذيها قبل الدورة ب4 او3 ايام وكل يوم حبة

العوار قصدج يوم جت الدوره ؟ و غيره ما كااان اكو تاثيرات ؟

و مشكوووره حبيبتي

 

[مس جولاي]

"كويت دول" مشكوووره حبيبتي ..

انا بصراحه مو سامعه شي بس اللي سالتهم قالوووولي لا تلعبين بهرموناتج مو زين و مادري شنو

بس كلام عن تجربه و واقع محد قالي :/

 

[ضي الدنيا]

انا خذيت حبوب رفع الدوره يوم رحت العمره ..

خذيتها قبل الدوره بثلاث او اربع ايام ناسيه ..

الصيدلي عطانيها وقالي ما تاثر و اول ما تخلصين بتردين وقفيها وبتنزل الدوره فعلا اول ما خلصت اعتمرت وقفت عنها وعقبها بيوم وليله نزلت ..



اخذيها من الصيدليه والصيدلي يعلمج متى تاكلينها بالضبط وماتاثر لا للبنت ولا للمتزوجه قالي جذي ..



اسمه noor .. نور ... دقي سئلي ..



الله يوفقج ويسعدج ويهنييج ياا غنااتي .،

 

[مس جولاي]

مشكووووووووره اختي ضـــي ..

 

[فرفورهـ]

انا يمكن فوق 5 مرات كليت حبوب الي تاخر الدوره وانا مو متزوجه عادي قبل لا اسافر وقبل رمضان عادي مافيها شي اخذي الحبوب عشان شلون تحفين وشلون تسوين حمام مغربي وتتنضفين لا اخذيهم عادي

 

[مس جولاي]

يا لبى قلبج يا فروفووووووره ... مشكوره

 

[Janna-q8]

عادي انا كنت اخذ حبوب رفع الدوره قبل لا اتزوج و ما ضرتني

 

[لمى الهاجري]

شوفي اهتمي بالدورة شربي اشياء تدفي ونجبيل حاي احرمر جاي اخضر يانسون عشان ما يعورج بطنج الدورات الياية واذا مستحية منه خلي حد من اهلج لااو قولي حق امه اذا انتي منحرجة او لمحي له

 

[رحماك ربي **]

وعليكم السلام

اول شي الف مبروووك

وتلاخبط الدورهـ عندك من التوتر

وانصحك تاخذين عصير الاناناس ممتاز وينزلها

وانصحك ماتاخذين حبوب واذا ملزمه عالحبوب استشيري دكتورهـ

الله يسهلك​

 

[مس جولاي]

جنى .. لمى .. مشكووووورين على الردووود

 

[مس جولاي]

"رحماك ربي" .. مشكور حبيبتي يباااارك فيج

 

[ana almessa]

مبروك حبيبتي
انا ياخيتو مثلك تجيني قبل الزفاف بيومين او ثلاث بس ماعندي طاري اخرها وبعد الزواج باسبوع ابتلش فيها والزوج بعد ماراح يقدر انك تعبانه 6 ايام!!!فهمتي
عشان كذا ناويه اكل الحبوب بالشهر هذا واقدمها 4 ايام عن موعدها المعتاد والشهر الثاني بعد اقدمها 4 ايام وبشذي بتكون خالصه منها قبل العرس بيومين او ثلاثه
وسمعت حبيتي من الناس (انو وحده اخرتها 15 يوم ويوم جتها نزيف لمده 15 يوم ) واااو اتخيل نفسي 15 يوم دوره بتنشفين من الدم وتدهور صحتك بوقت ودك تكوني بكامل صحتك واناقتك ...
واذا حابه اعلمك الطريقه انا ان شاء الله الأسبوع الجاي ببدأ فيهم
وبالتوفيق خيتو

 

[دلوعة أبوهآ]

مآدري ..
بس الله يسهل لك ..

 

[احلا عجميه]

اكلي الحبوب عشان ترتاحين عادي مو مضره