السلام عليكم ورحمة الله وبركاته :eh_s(17):
قبل لا اكتب هالموضوع ،،
ابي احط تنويه وتنويه هاااااااام ..
ياريت الي تبي ترد على الموضوع تقراه كامل من اول كلمه لي اخر كلمة
مو بس تقرى العنوان وتكتبلي رد عليه !!
للاسف لقيت ان هاذي سياسة اغلب الردود !
فــ رجاءً كل الرجاء .. اقروا الموضوع كااااامل !! لان اي رد مبني على تقاعس عن تكلمه الموضوع
مراح اكلف على نفسي عناء الشرح ، وراح اكتفي بـ رد واحد فقط " أقري عدل "
...
اقتضى التنويه
....
يؤسفني تاييد الغالبية الساحقه لتغيير الماده الثانية لان بس فيها اسم "الشريعه الاسلامية"
و اهم جاهلين 100% ، عن الحقيقه الكامنه وخبايا هالماده والنتايج المترتبة عليها !!
لمه نناقشهم شيقولون ؟
" هاذي شريعه ربنا ولازم نطبقها ونلتزم فيها " ،، للاسف، هالشي مايدل الا على سذاجه المؤيدين وسطحيه تفكيرهم !!
بل وبكل سذاجه عبالهم الموضوع ومافيه بس تغيير حرفين مو اكثر !!!
والي يزيد الطين بله ، لمه نقولهم ( احنا معارضين ) ، تكون ردودهم تكفيريه درجة اولى ،،
تحت حجه " ومنو يرفض شريعه اسلامنا ودينا " ... للاسف ، ان المقصود بالشريعه اهني مو الشريعه الجميلة الوردية الي نعرفها !!
بل هي شريعتهم اهم ومو شريعه الاسلام ، ويستخدمون هاللفظ كــ قناع تتستر خلفه مقاصد كثيرة فيها انقلاب صريح على الدولة وعلى الدستور .
وعشان يلوون ذراع المعارض، يحطون جم ايه وحديث، عشان الي يعارضهم يطلع بمظهر المعادي للدين والاسلام !
وهذا اخبث تصرف !! لمه يتم التلاعب بالدين والتستر خلفه !!
وين هيبه الدين !!؟؟ وهل وصلنا مرحله ان الايات لعبه وقناع نتستر من وراه !! تعالى كلام الله طبعا !!
الصراحه مادري من وين ابلش الموضوع !
لكن راح ابلش من الماده نفسها ، وادش بالعميق والمعقد /
( الماده )
تنص الماده الثانية على ان الشريعه الاسلامية مصدر من مصادر التشريع .
والاسلامين قالو هالشي يهمش الدين ، ويصطفه على صوب ..
ولكن هالكلام مو صحيح ،
في المذكره التفسيرية للماده نفسها شنو كان مكتوووب ؟؟؟
" على المشرع الأخذ من الشريعة الاسلامية ما وسعه ذلك "
هاذي صفه الزامية تلزم المشرع على الاخذ من الشريعه الاسلامية ، ما وسعه ذلك، اي في اطار مايخلق تعارض بين القانون اليديد والقوانين الثانية القديمة .
وهالكلام سليم وجميل !! وعلى هالاساس تم اسلمه وايد قوانين وكان لقانون الاحوال الشخصية النصيب الكبير !!!
لا وزياده على جذي ، اكو قانون جرم المجاهره بالافطار وعاقب المتشبهين بالنساء ومنع الخمور وعاقب الي يشتريها ويتاجر فيها ،
و الكثيييير من القوانين المتاسلمة مراح يكفي الموضوع لو بذكرها !!
فعلى اي اساس يتم تصوير الدولة وجنها مو قاعده تشرع قوانين اسلامية وكافره !
ومراح ترد لدينها الا لمه تصير الماده " الــــ مصدر التشريعي " ... ؟؟
ماعليش .. اذا بعض الاخوات عندهم تحفظ على حد السرقه وعلى حد القتل ،، طيب منا للاعضاء الافاضل!
خل يقدمون صيغه قانون، ويتداولونها ، وراح يكسبون الجلسات لان الغالبية الحين اسلاميين !!
هل يحتاج الامر ، الى الــــــــ ، جتى نطبق الشريعه في دولة تطبق الشريعه اصلا ؟
وفي دولة الزمت المشرع بانه يتقيد بالشريعه الاسلامية في مذكرتها التفسيرية ؟؟
في دولة عطت الضوء الاخضر والاصفر والابيض بانهم يشرعون كل القوانين الاسلاميه اذا يبون ؟؟
( العواقب المترتبة على الماده )
اولا ، اذا فينا فينا نتكلم عن الدين ، واذا تبونا صج نقلبها حوار ديني !
فشرهتي على الي اقسم طول هالسنين على صون الدستور وحمايته واحترامه
واليوم اهوه يبي يقدم مشروع ، ينقض قسمه بـــ الله تعالى !!
يمكن البعض يتهياله ان الموضوع بسيط جدا بس الــــــــ !!!مافيها شي بس الف ولام !!
لا ،، ياريت الموضوع الف ولام
اول مخالفه :
- للشرط الدستوري الي ينص على ان " التعديل يكون لمزيد من الحريات " .
بمعنى ، اذا حطينا الــ ( الف واللام ) هذا يعني بان الدولة ستكون تحت وطأة شمولية الشريعه الخاصه بتلك الفئة ،
ولاحظوا ماقلت "اسلامية " .. لان اصلا ماكو شي اسمه اسلامية والسلام عليكم ورحمة الله وبركاته !!
الشريعه ، اي شريعه فيهم ؟
سنيه والا شيعية ؟
اذا شيعيه عيل اي مذهب فيهم ، زيدي علوي اثنا عشري اسماعيلي إلـــخ ؟
واذا سنية ، عيل اي ملة فيهم ، شافعيه ، مالكية، حنبلية، حنفية؟
راح نعتمد على اي فقه ؟ على اي شريعه بالضبط ؟
واذا اعتمدنا جدلا على المذهب السني\المالكي، فهذا يعني حصر المصادر على مصدر واحد فقط!
مما يعني "اوتوماتكيا" نبذ المصادر الاخرى، فينتهي الامر بنا بتهميش الفئات الاخرى،،، "الاقصائية"
وهالشي يجرنا الى رقم اثنين .
ثاني مخالفه :
- ماده 35 " حرية الاعتقاد مطلقة ، وتحمي الدولة حرية القيام بشعائر الاديان "
اذا حطينا الالف واللام ، وحكمتنا شريعه من منظور سني، فلا يخفى على عاقل (تكفير طوائف الشيعه من قبل رجال الدين)
ومحاربة الحسينيات والمطالبة باغلاقها ، والحملات المضاده التي يشنها متطرفي السنة في يوم عاشوراء
معليش ، انا ودي اسال سؤال حق كل سني متطرف يبي يبيد الشيعه ،،
هل انت راضي بحال السنة في ايران؟
انت شايف شلون دولة ايران تصكر مساجد السنة وتضطهدهم ؟ تحرمهم من حقوقهم وتمارس عليهم اقوى انواع العنصرية !!
هل تبونا نصير ايران ثانية ، بس هالمرة على سنة ؟
وهل احنا مانرضاها على انفسنا لكن نرضاها على غيرنا ؟؟
فمن الطبيعي جدا ،، ان تغيير الماده الثانية راح يضر بالماده 35 من الدستور .
وراح تنتهي الدولة بحروب اهليه رسميا !! وشفتوا الكويت اليوم ؟ راح تكون شي من الماضي !!
ثالث مخالفه واخطرها :
- احنا لمه نحط الشريعه الاسلامية المصدر الرئيسي،فاحنا بهالحجي خليناها في مرتبه اعلى من كل مرتبه !!
تقول الماده الرابعه : الكويت إمارة وراثية في ذرية المغفور له مبارك الصباح
وعلى الرغم من وجود الماده 175 الي تمنع تنقيح الماده الرابعه .
لكن لو طلع لنا اثنين او ثلاث ، ببطلان الحكم لانه مخالف لاحكام الشريعه الي تستلزم عدم التوريث في المنصب.
فاستنادا على الماده الثانية الي تقول " الشريعه هي المصدر الرئيسي" يكون بطلان الحكم صحيح!
لان هالشي من الناحيه الدستورية مو مخالف واستناده صحيح! فاهوه ياب شي من الشريعه اي كلام "رباني" ماينتقارن بكلام "بشر"
وعليه ، يسقط حكم ال صباح !!!
وهذا اهوه الهدف الاخير ، من تغيير الماده !!
الاخونجية طول عمرهم يبون يوصلون لسدة الحكم لكن مو عارفين شلون ...
بس عن طريق تغيير الماده ووضع مصطلح هلامي يتمدد ويتمغط حسب اهوائهم
راح يقدرون يبلشون كل شي خطوة بخطوة ..
اولا : السيطرة على الشعب لان استنادهم قوي وهو "الاسلام" فيقدرون يتحكمون بالشعب يمين ويسار
ويقدرون يطلعون الي يعارضهم بصورة الكافر والرافض لشريعه الله
وبجذي، يقدرون يخضعون الشعب تحت سيطرتهم .
ثانيا: اقصاء كل الفئات والمذاهب والديانات الاخرى .. فـ راح تصير تلك الفئات مضطهده في بلدها الي لطالما عاشت فيه وخدمته وعطته من جهدها وحبها .
ثالثا : واخيرا ،، قلب الحكم ، واسقاط ال صباح ، ايضا استنادا على الدين ، فماكو مجال احد يقولهم لا ،
لا دستوريا ولا دينيا ...
وبالتالي ينجح مخططهم !!!!
ودليلي البسيط جدا على ان كلامي صحيح هو التالي :
ليش ما يرضون بان الشريعه تكون مصدراً ، وعليها يشرعون كل قوانينهم مثل مايبون ؟؟
شرحنا وقلنا ، ماكو شي يمنعهم بالعكس، المذكره التفسيريه قالت لازم الي يبي يشرع ،غصبا عليه ياخذ من الدين !!!!
فليش مايكتفون ؟؟ وليش هالماده مو كافيه بوجهة نظرهم ؟؟
والا لان اهناك في مخططات بعيده المدى ؟؟ ودعوة للانقلاب ؟ واسقاط الدستور و الاسرة الحاكمة؟؟
لي اهني اختم موضوعي
ورجاءً بس !! الردود الطائفية ياريت ماشوفها بهالموضوع !!!
القصد من الموضوع كله اهوه توضيح للناس الي تايد التعديل وماتدري اصلا شنو يعني التعديل !!
بس سمعوا "تطبيق الشريعه" يالله فوقه فوقه !!
قبل لا اكتب هالموضوع ،،
ابي احط تنويه وتنويه هاااااااام ..
ياريت الي تبي ترد على الموضوع تقراه كامل من اول كلمه لي اخر كلمة
مو بس تقرى العنوان وتكتبلي رد عليه !!
للاسف لقيت ان هاذي سياسة اغلب الردود !
فــ رجاءً كل الرجاء .. اقروا الموضوع كااااامل !! لان اي رد مبني على تقاعس عن تكلمه الموضوع
مراح اكلف على نفسي عناء الشرح ، وراح اكتفي بـ رد واحد فقط " أقري عدل "
...
اقتضى التنويه
....
يؤسفني تاييد الغالبية الساحقه لتغيير الماده الثانية لان بس فيها اسم "الشريعه الاسلامية"
و اهم جاهلين 100% ، عن الحقيقه الكامنه وخبايا هالماده والنتايج المترتبة عليها !!
لمه نناقشهم شيقولون ؟
" هاذي شريعه ربنا ولازم نطبقها ونلتزم فيها " ،، للاسف، هالشي مايدل الا على سذاجه المؤيدين وسطحيه تفكيرهم !!
بل وبكل سذاجه عبالهم الموضوع ومافيه بس تغيير حرفين مو اكثر !!!
والي يزيد الطين بله ، لمه نقولهم ( احنا معارضين ) ، تكون ردودهم تكفيريه درجة اولى ،،
تحت حجه " ومنو يرفض شريعه اسلامنا ودينا " ... للاسف ، ان المقصود بالشريعه اهني مو الشريعه الجميلة الوردية الي نعرفها !!
بل هي شريعتهم اهم ومو شريعه الاسلام ، ويستخدمون هاللفظ كــ قناع تتستر خلفه مقاصد كثيرة فيها انقلاب صريح على الدولة وعلى الدستور .
وعشان يلوون ذراع المعارض، يحطون جم ايه وحديث، عشان الي يعارضهم يطلع بمظهر المعادي للدين والاسلام !
وهذا اخبث تصرف !! لمه يتم التلاعب بالدين والتستر خلفه !!
وين هيبه الدين !!؟؟ وهل وصلنا مرحله ان الايات لعبه وقناع نتستر من وراه !! تعالى كلام الله طبعا !!
الصراحه مادري من وين ابلش الموضوع !
لكن راح ابلش من الماده نفسها ، وادش بالعميق والمعقد /
( الماده )
تنص الماده الثانية على ان الشريعه الاسلامية مصدر من مصادر التشريع .
والاسلامين قالو هالشي يهمش الدين ، ويصطفه على صوب ..
ولكن هالكلام مو صحيح ،
في المذكره التفسيرية للماده نفسها شنو كان مكتوووب ؟؟؟
" على المشرع الأخذ من الشريعة الاسلامية ما وسعه ذلك "
هاذي صفه الزامية تلزم المشرع على الاخذ من الشريعه الاسلامية ، ما وسعه ذلك، اي في اطار مايخلق تعارض بين القانون اليديد والقوانين الثانية القديمة .
وهالكلام سليم وجميل !! وعلى هالاساس تم اسلمه وايد قوانين وكان لقانون الاحوال الشخصية النصيب الكبير !!!
لا وزياده على جذي ، اكو قانون جرم المجاهره بالافطار وعاقب المتشبهين بالنساء ومنع الخمور وعاقب الي يشتريها ويتاجر فيها ،
و الكثيييير من القوانين المتاسلمة مراح يكفي الموضوع لو بذكرها !!
فعلى اي اساس يتم تصوير الدولة وجنها مو قاعده تشرع قوانين اسلامية وكافره !
ومراح ترد لدينها الا لمه تصير الماده " الــــ مصدر التشريعي " ... ؟؟
ماعليش .. اذا بعض الاخوات عندهم تحفظ على حد السرقه وعلى حد القتل ،، طيب منا للاعضاء الافاضل!
خل يقدمون صيغه قانون، ويتداولونها ، وراح يكسبون الجلسات لان الغالبية الحين اسلاميين !!
هل يحتاج الامر ، الى الــــــــ ، جتى نطبق الشريعه في دولة تطبق الشريعه اصلا ؟
وفي دولة الزمت المشرع بانه يتقيد بالشريعه الاسلامية في مذكرتها التفسيرية ؟؟
في دولة عطت الضوء الاخضر والاصفر والابيض بانهم يشرعون كل القوانين الاسلاميه اذا يبون ؟؟
( العواقب المترتبة على الماده )
اولا ، اذا فينا فينا نتكلم عن الدين ، واذا تبونا صج نقلبها حوار ديني !
فشرهتي على الي اقسم طول هالسنين على صون الدستور وحمايته واحترامه
واليوم اهوه يبي يقدم مشروع ، ينقض قسمه بـــ الله تعالى !!
يمكن البعض يتهياله ان الموضوع بسيط جدا بس الــــــــ !!!مافيها شي بس الف ولام !!
لا ،، ياريت الموضوع الف ولام
اول مخالفه :
- للشرط الدستوري الي ينص على ان " التعديل يكون لمزيد من الحريات " .
بمعنى ، اذا حطينا الــ ( الف واللام ) هذا يعني بان الدولة ستكون تحت وطأة شمولية الشريعه الخاصه بتلك الفئة ،
ولاحظوا ماقلت "اسلامية " .. لان اصلا ماكو شي اسمه اسلامية والسلام عليكم ورحمة الله وبركاته !!
الشريعه ، اي شريعه فيهم ؟
سنيه والا شيعية ؟
اذا شيعيه عيل اي مذهب فيهم ، زيدي علوي اثنا عشري اسماعيلي إلـــخ ؟
واذا سنية ، عيل اي ملة فيهم ، شافعيه ، مالكية، حنبلية، حنفية؟
راح نعتمد على اي فقه ؟ على اي شريعه بالضبط ؟
واذا اعتمدنا جدلا على المذهب السني\المالكي، فهذا يعني حصر المصادر على مصدر واحد فقط!
مما يعني "اوتوماتكيا" نبذ المصادر الاخرى، فينتهي الامر بنا بتهميش الفئات الاخرى،،، "الاقصائية"
وهالشي يجرنا الى رقم اثنين .
ثاني مخالفه :
- ماده 35 " حرية الاعتقاد مطلقة ، وتحمي الدولة حرية القيام بشعائر الاديان "
اذا حطينا الالف واللام ، وحكمتنا شريعه من منظور سني، فلا يخفى على عاقل (تكفير طوائف الشيعه من قبل رجال الدين)
ومحاربة الحسينيات والمطالبة باغلاقها ، والحملات المضاده التي يشنها متطرفي السنة في يوم عاشوراء
معليش ، انا ودي اسال سؤال حق كل سني متطرف يبي يبيد الشيعه ،،
هل انت راضي بحال السنة في ايران؟
انت شايف شلون دولة ايران تصكر مساجد السنة وتضطهدهم ؟ تحرمهم من حقوقهم وتمارس عليهم اقوى انواع العنصرية !!
هل تبونا نصير ايران ثانية ، بس هالمرة على سنة ؟
وهل احنا مانرضاها على انفسنا لكن نرضاها على غيرنا ؟؟
فمن الطبيعي جدا ،، ان تغيير الماده الثانية راح يضر بالماده 35 من الدستور .
وراح تنتهي الدولة بحروب اهليه رسميا !! وشفتوا الكويت اليوم ؟ راح تكون شي من الماضي !!
ثالث مخالفه واخطرها :
- احنا لمه نحط الشريعه الاسلامية المصدر الرئيسي،فاحنا بهالحجي خليناها في مرتبه اعلى من كل مرتبه !!
تقول الماده الرابعه : الكويت إمارة وراثية في ذرية المغفور له مبارك الصباح
وعلى الرغم من وجود الماده 175 الي تمنع تنقيح الماده الرابعه .
لكن لو طلع لنا اثنين او ثلاث ، ببطلان الحكم لانه مخالف لاحكام الشريعه الي تستلزم عدم التوريث في المنصب.
فاستنادا على الماده الثانية الي تقول " الشريعه هي المصدر الرئيسي" يكون بطلان الحكم صحيح!
لان هالشي من الناحيه الدستورية مو مخالف واستناده صحيح! فاهوه ياب شي من الشريعه اي كلام "رباني" ماينتقارن بكلام "بشر"
وعليه ، يسقط حكم ال صباح !!!
وهذا اهوه الهدف الاخير ، من تغيير الماده !!
الاخونجية طول عمرهم يبون يوصلون لسدة الحكم لكن مو عارفين شلون ...
بس عن طريق تغيير الماده ووضع مصطلح هلامي يتمدد ويتمغط حسب اهوائهم
راح يقدرون يبلشون كل شي خطوة بخطوة ..
اولا : السيطرة على الشعب لان استنادهم قوي وهو "الاسلام" فيقدرون يتحكمون بالشعب يمين ويسار
ويقدرون يطلعون الي يعارضهم بصورة الكافر والرافض لشريعه الله
وبجذي، يقدرون يخضعون الشعب تحت سيطرتهم .
ثانيا: اقصاء كل الفئات والمذاهب والديانات الاخرى .. فـ راح تصير تلك الفئات مضطهده في بلدها الي لطالما عاشت فيه وخدمته وعطته من جهدها وحبها .
ثالثا : واخيرا ،، قلب الحكم ، واسقاط ال صباح ، ايضا استنادا على الدين ، فماكو مجال احد يقولهم لا ،
لا دستوريا ولا دينيا ...
وبالتالي ينجح مخططهم !!!!
ودليلي البسيط جدا على ان كلامي صحيح هو التالي :
ليش ما يرضون بان الشريعه تكون مصدراً ، وعليها يشرعون كل قوانينهم مثل مايبون ؟؟
شرحنا وقلنا ، ماكو شي يمنعهم بالعكس، المذكره التفسيريه قالت لازم الي يبي يشرع ،غصبا عليه ياخذ من الدين !!!!
فليش مايكتفون ؟؟ وليش هالماده مو كافيه بوجهة نظرهم ؟؟
والا لان اهناك في مخططات بعيده المدى ؟؟ ودعوة للانقلاب ؟ واسقاط الدستور و الاسرة الحاكمة؟؟
لي اهني اختم موضوعي
ورجاءً بس !! الردود الطائفية ياريت ماشوفها بهالموضوع !!!
القصد من الموضوع كله اهوه توضيح للناس الي تايد التعديل وماتدري اصلا شنو يعني التعديل !!
بس سمعوا "تطبيق الشريعه" يالله فوقه فوقه !!
