وأخيرا رحت لندن ( فبراير 2012 )

[katkota76]

عليج بالعافيه أنا اول ما أشوف صورة الطيارة طايره يطير قلبي اعشق السفر وامنيتي اروح لندن الله يكتبها لي هالصيف ان شالله
كملي متابعينج:eh_s(9)::eh_s(9)::eh_s(9):

الله يعافيج حبيبتي
ومنو اللي ما يعشق السفر انا لو يحصلي كل شهر سفره ما اقول لأ 
الله يكتب لج احلى سفره بهالصيف انشاالله ويكتب لي انا بعد 

 

[اخت خالتهم]

وناسة تبارك الرحمن
كملي انا ولا مرة رحت لندن افكر اروح هالسنة
وشنو فيها غير السوق ما احب اتسوق بالسفر

 

[(TigerWoman)]

الحمدالله على سلامتج :eh_s(17):

عندي ملاحظه لو شايله الصوره اللي فيها الحرمه حرام يمكن تنتشر بالنت

وكملي متابعتج :rerrerek:​

 

[katkota76]

سعودية عسل .... مشكورة عالمتابعة

أخت خاتلتهم .... شوفي لندن اذا ما تبين سوقها مايسوى تقعدين فيها اكثر من ٣ ايام بس في مناطق بره لندن تهببببببل .. انا قبل ما اتزوج رايحة لندن ٥ او ٦ مرات يمكن بس ما كنا نقعد في لندن كنا كله نقعد في مناطق بره لندن ... انا صارلي الحين ١٥ سنه مو رايحة لندن ... وهالرحلة هدفها الاول راحة واستجمام وقعدت في لندن ٦ ايام تدرين آخر يوم ما ندري شنسوي خلصناها كلها 

 

[katkota76]

الحمدالله على سلامتج :eh_s(17):

عندي ملاحظه لو شايله الصوره اللي فيها الحرمه حرام يمكن تنتشر بالنت

وكملي متابعتج :rerrerek:​

الله يسلمج حبيبتي
ابيه تصدقين ماحطيت بالي عالصوره 
بس اشوه ويها مو مبين
انا ما اعرف اظلل الويوه اللي تعرف تقولي عشان اذا صادفتني صورة جذيه مره ثانية
ومشكورة حبيبتي عالتنبيه

 

[katkota76]

مشكورين يا مشرفات عالتثبيت

الحين بحط آخر جزء من اليوم الاول

عقب ما وصلنا الفندق وارتحنا شوية طلعنا ندور مطعم نتعشى فيه واول مطعم شفناه بويهنا كان

مطعم بيتزا هت
وشفنا نص الكويتيين اللي معانا بالطيارة بهالمطعم 
وطلبنا كان سلطة وبتزا خضار وبطاط ودجز

بس الصراحة بيتزا هت مال الكويت احلى من مالهم

وبعدين طلعنا وتمشينا لي الفندق

وجذيه خلص اليوم الاول لنا بلندن
باجر انشاالله اكملكم اليوم الثاني ​

 

[Om_Ksha]

وااااو يعطييببج العاااافيه ،،، ننطر اليوم الثاني

 

[دلوعة أبوهآ]

وااااااااااااااااااااااو
تهبل لندن وهي مغطيه بالثلوج ..
ودي ازورها بعز الشتآ ..



كملي متآبعينك ..

 

[دلوعة أبوهآ]

وناسة تبارك الرحمن
كملي انا ولا مرة رحت لندن افكر اروح هالسنة
وشنو فيها غير السوق ما احب اتسوق بالسفر

:eh_s(1):
اخت خالتهم آكيد تمزحي صح ..!
أحد يروح لندن ومايتسوق ويشتري ...!
اصلا لندن شفيها غير السووق ؟؟


وااااااااااي انا اسافر مخصوص للشوبينق ولا افكر بطبيعه ولا شي ثاني

بس لندن شوبنق شوبينق شوبينق ..
احس لو ماتبين شوبينق وين تروحين فيهآ ...؟
حدايق + متاحف بس ...! تصير ممله


حلاة السسسسوق :eh_s(9):

 

[غند-777]

يعطيج العافيه عالتقرير بانتظار الباجي

 

[عليا الغيوض]

واصلي حنا معاك
,,,,,,,,,,

 

[فواكه الموسم]

اللللله الللله بريمارك المفضل لدي سوالفه غريبه وعجييييببببه يارب اكتبلي اروح مره ثانيه وعليج بالف عافيه
شكل تقريرج ممتاز ويشوق مع الصور

 

[ذات الهمة العالية]

الحمدالله على سلامتج :eh_s(17):​

عندي ملاحظه لو شايله الصوره اللي فيها الحرمه حرام يمكن تنتشر بالنت ​

وكملي متابعتج :rerrerek:​

أى والله انتى ثانى وحدة اشوفها حاطة موضوع يجنن بس الصورة تعور القلب

يبوووووا لو احد من اهلنا صج يكرهون الصور فمابالك منتشرة بالنت

لأن فى ناس مو عادى عندهم

 

[ذات الهمة العالية]

صدقينى واضح ويها

 

[katkota76]

مشكورين بنات عالتشجيع
وانشاالله بعد شوي بكمل

ذات الهمة ... ما ادري انا ما اعرف اشيل الصورة اذا تعرفين علميني

 

[kochica]

عليج بالعافيه كتكوته ((فيوله))شكله بدايه تقريرج بالتفصيل نبي باجي الرحلة .... لا يوقف لا يوقف

 

[منيرة خالد]

وااااااااااااااااااااااااااو لندن يا حلوها من ديره


تسلمين على التقرير من البداية مبين انه حلو مثلج متابعه كملي

 

[katkota76]

كوجيكا ومنيرة .... تسلمون حبيباتي

 

[عزاااه]

اب اب لا وقف

 

[katkota76]

اليوم الثاني

قعدت من النوم والدنيا بعدها ظلمه يمكن كانت الساعة 7 الا
تريقنا بالغرفة وكان هذا ريوقنا

طلعنا ورحنا بقالة يم الفندق شرينا منها خطوط حق تليفوناتنا اسمها ليبارا وشرينا بعد بطاقة الباصات اويستر

كنا ناوين نروح لندن آي ورحله بالنهر
ركبنا الباص اللي يم فندقنا وودانا اكسفورد

وهني توهقنا لان احنا ما نعرف حق الباصات واول مرة نجربهم
وكان معانا ارقام الباصات اللي تودي لندن آي بس مو عارفين باي محطة باص نوقف
بس الانجليز يهبلوووون ووايد خدومين وساعدونا وفهمونا لما عرفنا شويه طريقة باصاتهم

هالصور صورتهم واحنا نحوس وندور محطة الباص اللي نبيها

ولقينا الباص اللي نبيه وصعدنا

وهاذي لقطات واحنا بالباص

آخر صورة ترافلجار سكوير ( اللي اهيا ساحة الحمام قبل بس ما ادري وين راح الحمام )

يتبع ...

​