ساكنة بايجار ولا عندج بيت ؟؟ تعالي قوليلنا

[PuPa^^SWeeT]

وضع خاص

صج نتي وضع خاص

الوحييدة اللي مرتاحة فينا

 

[PuPa^^SWeeT]

اب اب اب
اب اب
اب

 

[kbssma]

انا عيل محكورة بشقه صغيره عند حمولتي واعيالي انحشروا واحنا عيزنا ندور شقه للاجار تكون بسعر مناسب وموقع امين ما لقينا ادعولنا الله يفرجها علينا وعليكم قولوا امين امين يارب قادر ياكريم يارب

 

[PuPa^^SWeeT]

الله يفرج علييكم

 

[PuPa^^SWeeT]

اب اب اب
اب اب
اب









حياااكم بنااات

 

[! بــدويه وآآيــد !]

،


انا ساكنه بأجار شقه صاله وحمامين ومطبخ وغرفتين وحده نوم وحده غسيل
يمنا شقه ساكن فيها دكتور مصري وامه وزوجته هاديين ماعمرنا سمعنا لهم حس وزوجي يقول الرجال محترم
وفوقنا اثنين واحد نفسيه وبس يدور الهواش وصوت رجوله استغفر الله دبابه ازعاج و24 ساعه يصرخ على مرته واسمع صوت راسها ينطق بالارض استغفر الله عيشني بعذاب نفسي الله يفرجها على مرته
والي يمه اهو ومرته ماعمري سمعت لهم صوت واصلا الحريم عمري ماشفتهم كلش ولا سلمت عليهم مع ان صار لي سنه ونص تقريبا

بس الممر الي ندش فيه شققنا وصخ وصخ وصخ اهو غبار او شي يتلزق عالارض حتى لو تمطر مايمسحون الماي : (
وحاط له مظله تكفي حق شخص واحد ولما قاله زوجي مدد المظله قال تقاططوا وسووا لكم مظله !
ونركب الليتات اليوم باجر كلهم طافيين !
والبيلر اليوم نصلح هذا باجر يخرب الثاني :/
لا والسالفه الحلوه اول مازوجي راح يشوف الشقه قال له ادفع لي فلوس عشان تركب سيراميك وتصبغ @@ وراح زوجي دفع له 300 دينار عشان يركب سيراميك فوق الكاشي ويصبغ

بس الحين زوجي عرف له لما يطق علينا كل راس شهر يبي الاجار يقوله زوجي نظفوا الممر وندفع ويروح ينظفه هنديهم ويدفع

وبنطلع من الشقه شهر 5 او 6 ومايندرى وين بنأجر والا شنو بيصير

والا اذا عالبيت ورانا مشوار طويل طويل احنا تقديم 2010 :/

الله يعين

 

[بيت التوت]

الله يوسعها عليكم ويرزقكم بالبيت اللي تتمنونه عاجل غير آجل يارب العالمين
وتتوسعون انتو وعيالكم

 

[Melazlaza]

بوبا وراج وراج
مواضيعج دايما عالجرح

انا بشقة صغيرونة والله مرتاحة بس منووو مايتمنى البيت
احس عشم ابليس بالجنة لوووووووووول
لا لا شنو هالتحبيط

جني قمت اخوره

ان شالله كلها سنتين وبيوتنا تنطرنا لووول يعني صدقني يعني

 

[توتاتوتا]

انا فبيت حمولتي و شقتي كبيره ومرتاحه وماعندي مشكله ننتظر لان مانبي مناطق بعيده
بس مشكله بيتهم الكهربا عليها ضغط لو يعدلونه ياسلام :‏)‏

وأنا وراكم بعد :‏)‏

 

[PuPa^^SWeeT]

بدوية وااايد فعلا في ناس مزعجين



انا ساكنة بشقة حاليا


تخيل الشقة اللي تحتها كل تمسكني اتقولي ازعاج

اول شي صدقتها


بعدين استوعبت



انا اصلن ما اكوون متواجدة بلبيت حزت اللي اتقول ازعاج




غرييبة




ملزلزة ياقلبي انتي


بالعكس حيااج


جيكي على مواضيعي و دشي الي يعجبج



توتا الله يسخر حمولتج لج


بيت التوت مشكووورة عالدعوة الحلوة

 

[عود ومسك]

مساء الخير شلونكم

انا قلت قبل هالمره اننا بأجار
بس في شي مضايقني
ودي افضفض لكم
احنا بجنوب الجهرا طبعا الحكومه مافيها خدمات وتو قبل اسبوعين فتحو فرع القطعه
بس للحين مافي تلفونات
اللي متعجبه منه البيوت الجديده اللي بالقطعه التوزيع الجديد
ياناس عارضينهم للاجار ب700 و750 ياربي ليش يسوون فالناس جذي بيت حكومه بأخر الدنيا بهالسعر
بتقولون بيت كامل بس انتو تخيلو
منو يقدر يدفع هالمبلغ اذا كان اكثر اللي يسكنون عوايل صغيره لان البيت صج كبير لكن كله 4 غرف فوق وصاله
وتحت غرفه 1
لو بيسكنونه بيت حموله نقول اوكي يقدرون عالاجار لكن ماراح يكفيهم
احنا تخيلو كنا انا وامي الله يرحمها واختي اللي اصغر مني واخوي وبنتي
البيت بالمساحه من عقب ما توفت امي حسينا انه كبير علينا
لكن بعدد الغرف يادوب يكفي
حتى اختي الكبيره لما تجي تنام عندنا نطلع اخوي من غرفته
يعني لو انا عندي عيال غير بنتي ماراح يكفينا
انا متضايقه حيل والله راعية البيت مره تنحط عالجرح يبرى حنا نعرفها من كنا صغار كانو جيران جدتي
دزت لنا رساله بعد وفاة امي بسبوعين زوجها يبي يزيد الاجار ميه قلت لأختي لا تستحين وقوليلها اننا ما نقدر وان امي توفت لان امي الله يرحمها ويغفرلها كانت شايله نص الاجار والباقي على اخوي فا الحين تغير الوضع كلنا بنقط حتى اختي المتزوجه بتقط معانا عشان نكمل الاجار
المشكله وين..انه يبي يزيد الاجار ميه والكهربا والماي من سكنا علينا
وغير هذا اللي حاطين بيوتهم على 750 على شنو ياربي؟
على بيت فاااضي مافيه سنترال ولاشي وبيت بأخر الدنيا قسما بالله اختي اللي اصغر مني تعبت وشقت وهي تطق درب لي الصالحيه دوامها هناك
والله لما سكنا الحمدلله كان وقت المنحه العام راحت منحتي ومنحة اختي على وحدات البيت
فا انا مستغربه شلون يعرضون بيوتهم بهالسعر ويضيقون على الناس وبدون سنترال ولا وحدات
يعني في بيوت على 600 دشيتها قبل لا ناخذ هالبيت
اقسم بالله تستاهل ال600 لانه مجهز مطبخها والتكييف سنترال وديكورات
اما بيتنا هذا احنا اللي جبنا الوحدات واحنا اللي جهزنا المطبخ وصبغناه
فا انا ابي اي وحده من اهل جنوب الجهرا وطلع بيتها تقول لرجلها يرحم خلق الله من غلاء الاجارات ويحمدون ربهم
مافيها شي لو اجر البيت ب500
والله كل ما اشوف اعلان على 750 اضحك واقول بشوف منو ياخذه الا اذا عايله كبيره وحموله بياخذونه ويضيقون على نفسهم هذا شي ثاني

 

[PuPa^^SWeeT]

صاااجة



ساعات المؤجر مايفكر يريح اللي بياجر



لاا اهم شي يلهط فلووسه و يمشي

 

[عود ومسك]

صاااجة



ساعات المؤجر مايفكر يريح اللي بياجر



لاا اهم شي يلهط فلووسه و يمشي

المشكله ان زوجها طماع
والمره ماشاء الله عليها ماعليها كلام
وقال زوجها ان لو مايبون فيه غيرهم وقالتله انا مابي مستأجرين غيرهم الله يجزاها خير
والمشكله الاكبر ان هي الله يرزقها ماعندها عيال وساكنه في بيت حمولتها وزوجها دايم يسافر ويخليها وقالتله ماراح اسكن بيتي لين الله يرزقني بعيال
المصيبه اننا مجهزين بيته
يعني الرجال لما يسكن ماراح يسوي شي غير انه يجيب وحداته
احنا صابغين الارضي كله حتى دوانيته
الله يهديه ويهدي هالناس اللي ما يفكرون بغيرهم
اجرو بيوتكم بس بالمعقول
يعني بيت بعيد وفاضي تبونه ب750 وهذا بيت حكومه يعني مو قسيمه وتعبان عليها ويبي يطلع فلوسه
احنا قبل هالبيت كنا في بيوت ثانيه تأذينا من اصحاب البيوت او المستأجرين الثانين وغير الحكره
قبل كنا في بيت راعي البيت حرم بنتي انها تطلع تلعب بالحوش تخيلو وقطع الماي من الحوش ويقول ليش تغسلون بالهوز غسلو بطشت!!!!
فا مانبي نتأذى عقب وفاة امي

 

[PuPa^^SWeeT]

الله يعيينكم




اي والله



راح يسكن و هو مرتااح

 

[هُدوء]

لا آلحمدلله ريلي قبل لايتزوجني عنده بيت له بروحةة .. ومآقدمنأ على الاسكآن
لان عندنا بيت ! غير جذي ريلي عنده شقق مآجرهأ مآشاء اللةة !!
صرآحةة الله يعينكم
اما الاجآر مآراح تحسين برآحتج وتحسين ان هالبيت موبيتج !
~~> حآسةة بأختي مسجينه ميننهم صاحب البيت كل مآيا المعاش يدق عليهم ليما يهد حيلهم ويردون
واذ ماردوا يجي ويطقطق في البيبان حمدلله والشكر وعلى شنو بالله الصبغ والاثاث ووحدات التكيف كله من جيب ريل اختي ،
ان شآء الله ربي يرزقكم بيوت آلعمر وتعيشون وتتهنون فيهآ ،

 

[PuPa^^SWeeT]

الله يتمم عليج


ومشكوورة عالدعوة

 

[UniquẼ ♥ ώomaN]

أجار وشقتي الحمدالله وسيعه وبروحنا مافي مؤجرين غيرنا لان أهل البيت بس مأجرين شقه وحده بس الاجار يخرب الميزانيه

 

[بنت الاحلام]

الحمد لله شقه ملك ومفكته من الاجارات لانها بهدله ونار

 

[PuPa^^SWeeT]

شلوون تاخذين شقة تملييك


وين احسن مكان





احاول اقنع ريلي

يقووولي لاا بيت احسن



انا صرااحة احب المكاان ملمووم مثل دور و نص وبسسس




ماحب الزحمة و المكان الوسييع و كبير

 

[PuPa^^SWeeT]

http://www.q8yat.com/t1020027.html


موضوع عن تربية الابناء




بس طلووو ماراح تخسرون شي


وانشالله يعجبكم