هل انتي بالتسعين؟؟ حياج تعالي ننزل لي الثمانين

[السيدة ندى]

اليوميات:

طبعا كنت صايمة وو الافطار:

1 كوب حليب خالي الدسم 90
3 تمرات 50

2 رغيف اسمر رفيع 280
3 برجر مشوي 240
خضار مشوية وسلطه 100
سفن اب 50

العشا
1 رغيف اسمر رفيع 140
بيضة مفيوحه 80
شوي سلطة

1 كوبب حليب 90
3 تمرات 50

كوب شاي اخضر
8 كوب ماء

الاجمالي 1170 سعرة حرارية

رياضة اوربتراك نص ساعه حرقت 350 سعرة

 

[abaliabal]

السلام عليكم
:eh_s(8):
الحين راح اكتب كل البنات الي دشوا وحطوا اوزانهم
وفي بنات خلال هالفترة نزلوا :eh_s(15): وايد من اوزانهم فراح نحسب من اخر وزن محطوط احسن

خل نتفاءل:eh_s(7):

والان نقدم لكم صاحبات اوزان التسعيييين تحت عنوان


((درب الكيلو الرايح ..... مايردش:eh_s(14):..... ومع السلامة والقلب دعيلك:yaaaaaarb)

abaliabal 91.4 ____91

ساكون منجزة 92.3 ____90.1

algamar 92 ((وما سمعنا عنج من زمان ردي يا بعد قمري))

كيكة محروقة 95 ___94.3

am rakan 90 ___88.5

واي بفضفض 93 ___91

free spirit 91.2

غارقة باحزانها 99 ___96.6

السيدة ندى 98.4 ___97.4

dnyay_mll 90

نورسينا 99

بطووطة$بيضة 98

معشوقة خالد ماندري جم؟؟؟؟؟؟؟


ما شالله
والفائزة هي

am rakan:rerrerek:

اللهم بارك لها وعساها ماتردهم

الحين في احد ناقص مانتبهت عليه؟؟؟

والي حاب يضيف نفسه بسرعة ووزنه

وينج معشوقة خالد ماشفت وزنج ويمكن اكون دايخة فما انتبهت نبهيني

وهذا كاس الدوري الاول
:q8:

والحين

الوعد بالميزان يوم الاحد الياي 62/2 اوكيك مع عيد التحرير الله يحررنا من هالاوزان التعبانه

((اكول انجعمي صدقتي روحج المتحدثة الرسميه لا يطردونج باجر برة القروب ××××))

ودمتم

:33_1185028183:

 

[abaliabal]

ها يا سيدة ندى وصلت المعلومات كامله

وحطي اخلر وزن عندج

..
...
..
..
. منو تسوي التوقيع؟؟؟

 

[abaliabal]

سوري السيدة ندى
العتب علي الكيبورد



تقبل الله منج .... صيامج

 

[شيخة الغراشيب]

موفقه غناتي ودي معاكم أجوف الثمانينيات
وزني 95 وطولي 161 وأنا حاممل بالشهر السادس

 

[algamar]

معاكم ياحلوات
بس ظروف الله يعيييين
العيال يوم يتعبون كانك انتي الي تعبانه ربي يعيييين
ولله يعدي هالازمه ع خير ..

تخبيصاتي كلها في حدود الدايت
يوم اكل تشوكلت اكل تشوكلت ددايت وووو
وضعي ماشي ,,

البريود اليومين هذي فالوضع مو شئ ..

ان شاء الله الاحد االجاي وزني 88 او تحته ..
الرياضه بحاول ارجع موقفته من يومين


ناويه اشرب لي بعد لبان مر وشمر هاليومين
عشان يشد لي ترهل الحمل
جبتهم بس باقي ابدا فيهم ..

ربي يعيينا , ,

 

[دنيا جديدة]

المستغفرين بالا سحار

استغفر الله العظيم الذي لا اله الا هو الحي القيوم واتوب الليه
ركعتي الليل 5 دقاييق ماتاخذ وقت
واذا بنفسج شي ادعي الله واسألية المغفرة واستغفري بع الصلاة لان الا ستغفار

يمحي الذنوب ومنة عجل الدعاء

 

[dnyay_mll]

تستاهل ام راكان ويااارب نودع هالتسعييين والثمانين ونوصل لي الستينات ان شاءالله

عشاي عالساعه 2 كليت خبزه سمره خفيفه حطيت فيها 2 قطعة هوت دوق و2 قطعة جبن خالي الدسم وملعقة ماسترد وملعقة مايونيز لايت وملعقة كاتشاب مع 1 حليب كاكاو قليل دسم و5 حبات زيتون اسود

والتخبيصه الوحيده اليوم 1 ايس كريم كاكاو عن خاطري هههههههه
والحين بحط راسي وانام

هذي الخلطه شافتني وحده بالعطار وانا اسال العطار عن شي يضعفني قالتلي عندي خلطه خذيتها من دكتوره مصريه في التلفزيون وضعفت عليها صج تقول باسبوعين ضعفت 7 كيلوات ماشاءالله وخذيت رقمها ودزتلي الرابط بالواتس اب
الخلطه اهي

كوب ماي مغلي بالكوب نفسه حطي شريحتين ليمون
وملعقة كمون
وربع ملعقة دارسين بودر
ونص ملعقة زنجبيل بودر
تغطين الكوب وتخلينه عشر دقايق
وبعدها تشخلينه وتشربينه قبل الوجبه بثلث ساعه 3 مرات باليوم
تقول الدكتوره انها تحرق الدهون وتنزل السوائل بالجسم وتوخر الالتهابات وعوار المفاصل والظهر والرجل
انا عجبتني الخلطه لان مبين من مكوناتها انها تضعف واقنعتني الدكتوره بكلامها
وان شاءالله بحاول من باجر امشي عليها

ونشوفكم باجر على خير

 

[am rakan]

صباح الخير ياحلوين ان شاء الله تنحفو جميع ريوقي كالعادة توست بر وكوب حليب قليل الدسم واستكانة شاي والحين جالسه اشرب شاي اخضر وزنجبيل وليمون وكمون وامس سويت رياضة لمدة ساعة

 

[abaliabal]

صبحكم الله بالخير والنور والنوير

الحمدلله بعد نوم عميق يتخلله صيحات بنتي المباركة وحنات ولدي

اقوم واوزن وانصدم يالرقم

ماراح اقول اخاف اقبس علي روحي

فرحت بسرعه وسويت الريوق
كوب حليب نص دسم وسكر واحد سليندا
وتوستتين سمر ولبنه خفيفه الدسم

والحمدلله


بس والله استانست

احس الواحد اذا يبي يسوي ريجيم قاسي لازم يكون باجازة ومرتاح من جميع النواحي

اكتبلكم عالكي بورد وفي وحدة متعلقه فيني وعالكرسي جنها قردة صغيرة وتزفني تبي تكتب

قمة الراحة !!

 

[سأكون مُنجِزة]

مرحبا بالحلوااااااااااااااااات

اليوم فطوري كان

تفاحة+ جبنة

السناك

خياااارة

ومواظبة على شرب الماااااء

ونشوف لاحقا شو الباااقي​

 

[سأكون مُنجِزة]

صبحكم الله بالخير والنور والنوير

الحمدلله بعد نوم عميق يتخلله صيحات بنتي المباركة وحنات ولدي

اقوم واوزن وانصدم يالرقم

ماراح اقول اخاف اقبس علي روحي

فرحت بسرعه وسويت الريوق
كوب حليب نص دسم وسكر واحد سليندا
وتوستتين سمر ولبنه خفيفه الدسم

والحمدلله


بس والله استانست

احس الواحد اذا يبي يسوي ريجيم قاسي لازم يكون باجازة ومرتاح من جميع النواحي

اكتبلكم عالكي بورد وفي وحدة متعلقه فيني وعالكرسي جنها قردة صغيرة وتزفني تبي تكتب

قمة الراحة !!

مرحبا مرحبا وأهلا وسهلا وحيا الله حبيبتنا الأستاااااااااااااذة


امممممممممممممممم

حاسة أن الاخبار بتكون حلوووووة قريب بإذن الله

من ميزانك

و ربي يتمم لك يااااااااااااااااارب


\\

عندي اقترااااح

لتشجيع عضوات الفريق على النزول

شو رايك نعتبر المركز الأول

الي تقدر تنزل من وزنها ـأكبر عدد من الكيلوات خلال المدة المحددة

في كل أسبوع

يعني بغض النظر عن وزنها كم

لأن يا الغالية نلاحظ تفاوت بالأوزان

فمثلا

الي تشترك معانا ووزنها ببدايته كان 100 وبأول أسبوع وصلت 95

والي وزنها الأصلي 90 وبعد أسبوع تصير 87

في هذه الحالة الفايزة تكون الي نزلت أكبر عدد من الكيلوات

وموه الي دخلت مرحلة الثمانينات

لسبب بسيط ان الي اوزانهم أصلا كبيرة راح يحسون بإحباط

لأنهم داخلين بوزن كبير

عل عكس الي داخلين بأوزان أقل منهم

اقتراحي انو نتنافس ضمن مجموعتنا على ان كل وحدة منا

تبذل قصارى جهدها انها تنزل أكبر عدد من الكيلوات

حتى نطلع كلنا بسلام وأمان من مرحلة التسعينات الغبية

ونوصل للثمانين

بالتالي أصحاب الأوزان الكبيرة راح يتشجعون ويحسون أن

القضية مو صعبة

مع التشجيع والتعزيز خاصة اذا نزلوا بعدد كبير

هذا بس مجرد اقتراح

ونشوف راي الأستاذة

وبعد إذنها رأي الجروب

تمااااااااااااااااااااااامو حبيبتي​

 

[السيدة ندى]

اليوم انا بادية بداية مو حلوة خبصت في الريوق ونفسيتي محطمه حيل ومحبطة

 

[نورسينا]

السلام عليكم

الفطور :1شابوره دايت+ 2تمر

الغداء:همبرجر صغير

العشاء:اتوست بر+1م لبنه دايت

8 اكواب ماء+ شاي اخضر


وزني/99

 

[abaliabal]

السلام عليكم

اولا ام راكان ال هيخليج نبي الخلطات بالتفاصيل الممله
وثانيا دنياي ملل همن كاتبه سوالف نبي نعرفها بالتفاصيل الممله

ثالثا السيدة ندى لا تحاتين يمكن جسمج محتاج وكملي باجي اليوم
ووين الجدول

ورابعاً يا احلي منجزة

اكيد هذي اهي الطريقه بالمنافسه المفروض الي ينزل اكثر

وامبي تنوني طلعت الدفتر وتوني انتبه انا حاطة في بالي انه ام راكان نزلت كيلوين ونص مو كيلو ونص؟؟؟

وبالعكس اذا بنحط الي فازت

بتكون غارقه باحوزانها لانها منزله 2.4 اكثر منج يا منجزة ب .200 جرام

اسفين ام راكان مو من نصيبج الكاس بس تظلي براس القايمة

 

[السيدة ندى]

بالنسبة للجداول انا اسفة توني مفرمته جهازي وما عليه البرنامج اللي يسووي الجدول سوري اعتذر والله كنت ناسية لو في وحده ثانية تقدر تسوي ياريت

 

[abaliabal]

افا عليج حبيبتي ما قصرتي بالعكس

وان شالله البنات يساعدونا غير اني كتبن البنا تشكثر انزلوا

الحين بس نبي توقيع.... مين ؟ مين؟ مين؟؟؟ اما اما اما ((علي قوله عبدالعال بمسرحيه ريا وسكينه))

يبيله فاصل كوميدي

 

[السيدة ندى]

الفطور كان حليب كوب 90 سعرة
3 تمرات 50
3 صمونات صغار 330
كاكاو ليون الصغير 155

اجمالي الفطور 625 سعرة

 

[غارقة بأحزانها]

السلام عليكم
مثل ماتعرفون اني اتبع ريجيم التمر واللبن

من امس بادية فيه
عاد امس تريقت 6 تمرات مع ماي
والمغرب كليت روب مع بذر الكتان مع 5 تمرات
وللاسف بعدها تهاوشت ويا زوجي وتميت ابجي وابجي
لين مت من عوار راسي وبطني
جان ارجع كل االلي بجبدي تكرمون

واليوم كلش ما اشتهيت
بس غصبت نفسي ب3 تمرات مع فنجان قهوة عربية
والحين تغديت 5 تمرات مع لبن قليل الدسم

والسيدة ندى انا اخر مرة قست وزني كان السبت الصبح
وكان 96،5

 

[السيدة ندى]

اليوم غداي كان 2 قطعه كبيره معكرونة بالبشاميل قليل الدسم يمكن فيهم حوالي 1000 سعرة

سويت رياضة نص ساعه على الاوربتراك حرقت 350 سعرة

شربت كوب شاي اخضر اصلي من معجزة الشفاء