اطباق لذيذه ( سهل - متنوع - منقول - متجدد ) تابعونا

[Classic Lady ’]

كيكة
للعضوه / vip.alhilal

كيك بيتي كروكر بالشوكلآته تحطّينه في صينيّة دآئريّه ..
إذآ أستوى تخلينه لين يبرد بعدين تقلبينه على صحن ثمّاً تقلبينه على صحن ثآني
يعني يصير كأنّه الكيك يوم كآن في الصّينيّة بس صآر في صحن
بعدين تبعدين عن الكيك 2 سم تقريباً وتفرغينه لين تصير الكيكة مفرّغه من جوّآ بس خلّي القآعده سميكة شوي ..
بعدين تجيبين 3 سنكرس وتقطعينه صغآر وتحطينه في الكيك و 10 حبّآت أوريو مكسّر وتحطينه في الكيك بعد
وتخلطين 4 حبّآت جبن كيري وتقريباً نص علبه نستله
وتصبّينهآ في الكيك ثمّاً تصبين هيرشي وتحطينهآ في الثلآجه
وبالعآفيه

 

[Classic Lady ’]

للعضوه / هكونآمتآتآ

الطريقه:

كاس حليب محموس
وكاس سميد محموس
وكاس سكر
نعجنهم بعلبه حليب بوني <مممكن اقل من علبه وممكن اكثر
نضيف البوني بالتدريج لما نحس الخلطه صارت عجينه متماسكه
نكورها ونزينها بشكولاتا (اي نوع شوكولاتا خام يذوب بحمام مائي)
ممكن تضيفين اي شي تحبينه
جوز هند
بسكوت اوريو مجروش
بسكوت شاي
حبيبات هيرشي​

 

[Classic Lady ’]

كيكة القرفه
للعضوه / جزر بالعصير

المقادير والطريقه
تسوين كيكة زبادي اللي هي
في الخلاط
علبه زبادي وبنفس العلبه سكر وبربع العلبه زيت حبتين بيض 2ملعقه طعام قرفه وتخلط بعدين نضيف بنفس علبة الزبادي دقيق وملعقه ب ب تخلط سوا نجيب صينية الكيك وتدهن نضيف نصف الخليط بعدين نسيح نصف اصبع زبده على النار ونبعده ونكسر عليه 7حبات بسكوت دايجستف تكسير كبير ونصف ماعقه قرفه نقلبها بشويش سوا ونصبها فوق خليط الكيك بعدين نرجع نحط الباقي من الخليط وتدخل الفرن محما مسبقا واذا طلعتيها صبي عليها وهي حاره حليب مركز واتركيها تبرد وبعدين قطعيها
​

 

[Classic Lady ’]

الكيكة ( كيكة الزبادي )
للعضوه / @Roodena@​

المقادير :
علبة زبادي
3 بيض
ملعقة كبيرة BB
وتقيسين بعلبة الزبادي :
علبة سكر
علبة زيت
2 علبة طحين
الطريقة :
تضعين السكر والبيض في الخلاط وتخلطينهم جيداَ مدة 5 دقايق ..
ثم تضعين جميع المقادير ما عدا الطحين وتخلطينهم جيدا ثم تضعين الطحين تدريجيا حتى يتجانس
ثم ادهني الصينية بالزيت وضعي الخليط ودخليها الفرن تقريبا نصف ساعة على نار هادئة ثم اختبريها بمنقاش وحمريها من فوق
أما الخلطة حطي اللي يعجبك أنا حطيت ( نستله وقشطة وجبن ) وزينتها بالهرشي
وبالعافية​

 

[Classic Lady ’]

كيكه الجزر
للعضوه / Galb _ AbOoha و Melissa

نحتاج إلى :

" بالأكواب المعيَارية "
_ 4 بيضات .
_ ملعقتين صغيره باكينج بودر .
_ 2 كوبين سُكرٌ .
_ كوب جوزَ مُكسرَ.
_ 4 أكواب جزر مبشور .
_ كوب زيت .
_ 2 كوبين دقيق .
_ ملعقتين صغيره كربونات الصوديوم .
_ ملعقتين صغيره سنِمون " قرفه مطحونه " .


طريقة تحضيرها :

1 | في الخلاط نضع السُكرَ ، البيكينج بودر ، الدقيق ، السنِمون ، وكربونات الصوديوم ،
ثُمَ تكسرَ البيضات فوق الخليط بمعدل بيضة واحدة كُل مرَه ، وأخيراً نضيف الزيت .
2 | تُخلط ولمَا تمتزج جيداً نُضيف عليهم الجزرٌ والجوزَ .
3 | يُخبز الكيك في فُرن مُحمَى سابقاً على درجة 375 F لمُدة 35 إلى 40 دقيقة ،
حتى يخرج عود الأسنان نظيفاً بعد غرزه فيه .


الفروستنق :

_ جبنة فيلادلفيا 226 غرام .
_ 1 كوب سُكرٌ باودر .
_ ملعقة صغيره فانيلاَ سائله .


طريقة عمل الفروستنق :

_ نخلط الجبنة ، السُكرَ ، والفانيلاَ معاً لحدَ ماتختلط جيداً وتكون ثقيله نوعاً ما .
_ نضع الفروستنق عالكيكه لمَا تُبرد ، في الأخير رشيت عليها شوية سينامون وعين الجمل


، ​

 

[Classic Lady ’]

عصير الفواكه
للعضوه / فليطحيه

آنا حطيت سفن اب ومرات ابدله ماوتن ديو + رواخ تفاح +هولستن فراوله او توت +
قطع من الفواكه ( تفاح - كيوي -فراوله -ومرات احط برتقال )
النعناع في هالمره نسيته مرات احطه بس موب كذا في الجيك لا في قوالب الثلج
وخليه بالثلاجه من ساعتين لاربع واذا جاء وقت التقديم
وشفتي الفواكه تغير لونها بدلي بقطع جديده

وبالعافيه .,

​

 

[Classic Lady ’]

صينيه التوست
للعضوه / F T A M I

# الطبقه 1 /
توست لوزين منزوع الأطراف رصيه بصينيه وبلليه حليب سائل من فوق بس مو كثير
يعني شي بسيط لاجيتي تضغطية بيدك حسيتي بليونته يعني مو يتسبح حليب

# الطبقة 2 /
دجاج مقطع مكعبات + بصل شرايح + م.ص ثوم
نشوحه على طاوه مع الزيت ونضيف عليه ( بهارات + كمون + روزماري (إكليل الجبل) + آجينوموتو +
رشة قرفه + رشة هيل مطحون + رشة كركم + ملح + فلفل أسود + ماجي )
نقلبهم ونخليه ينضج , ثم نضيف علية (بطاطس مقطعه مكعبات صغيره مسلوقه +
ملفوف مقطع شرايح نحيفه وطوليه + فلفل أخضر شرائح طوليه + جزر مكعبات صغيره
أو مبشور / انا حطيت معاه هنا قرنبيط مقلي لأنه كان موجود عندي يعني موب لازم تحطيه)
وبس نخليهم على نار هاديه حتي يستوي .

# الطبقة 3 /
(علبة قشطة + 2 م . ك جبن سائل + ملح + فلفل )
ونرش فوقه كميه قليله مره من جبن تشيدر مراعي أو موازريلآ .

# ندخله الفٌرن من تحت 10 دقايق , ونحمره من فوق وبس عوآفي على قلوبكم

 

[Classic Lady ’]

سلطة الزهرة بالبصل الأبيض والذرة
للعضوه / غرور أنثى

خس أمريكي / ممكن عادي
بصل أبيض مقطع جوانح خفيفة مررررة ومرشوش عليه ملعقة خل ( تخفف ريحته وحدته )
زهرة مقلية
ذره
تحطون الخس بأرضية الصحن بعدين تخلطون الزهرة / الذره / البصل وصفوه من الخل
تبلوهم بشوية ملح + بابريكا وانثروهم ع الخس ..
الصوص
علبة زبادي
م ك مايونيز
م ك طحينة
رشة فلفل باودر أحمر ( نبي شوية حرارة بالصوص )
فص صغير ثوم
م ص جبن بارميزان
ملح / ليمون ( حسب الرغبة )

حطيت الصوص فوقها ورشيتها بالبابريكا وبقدونس وشبت
بنات ترا البقدونس والشبت كل ما كثرتوا أحلى

​

 

[ABEER FLOWER]

Classic Lady ’

مشكوره ع الوصفات الرائعه

: )​

 

[Classic Lady ’]

classic lady ’​

مشكوره ع الوصفات الرائعه​

: )​

العفو


.

 

[Classic Lady ’]

السلطه اللي بالنص
للعضوه / احترت فيه

بالنسبه للسلطة اللي بالوسط

مقاديرها خيار وجزر وخس وبطاطس مقليه تقطعيهم كلهم شكل واحد
بعد كذا تجيبي صينيه وتبدأي ترصي الخضار بالترتيب او عشوائي اللي يريحك وفي النهايه تحطي البطاطس مكعبات مقليه وبعدها

الصوص وهو عباره عن ملعقتين كاتشب وملعقتين مايونيز وملعقه زبادي ورشة ملح وفلفل اسود وعصرة ليمون

 

[Classic Lady ’]

السلطه
للعضوه / احترت فيه

هذي السلطة للجميله فيرورشير
حزمة خس مقطعه ونصف حزمة بقدونس وخيار مقطع ارباع وعلبة ذرة

الصوص (علبةزبادي + 3ملاعق مايونيز + ليمونة + ملح + كمون )

نضع الخضار في صينية التقديم ونصب الصوص علية
نرشة جبن تشدر وخبز محمص وسماق

 

[Classic Lady ’]

البطاطس الحاره بالجبنه
للعضوه / P.pink

الطريقه :
اول شي اقلى البطاطس بالزيت وبعد مايخلص حطيه بالمقلاه واظيفي له كاتشب وشطه سومطرا واخلطيه على نار منخفضه واظيفي له شويه اوريقانو واخر شي حطي فيه جبن سائل وخليه شويه وبعدها
وبالعافيه عليكم

 

[Classic Lady ’]

صينية ميني ساندويش بالحشوه
للعضوه / **m!sS fLoWeR**

ميني صامولي بان دور نقصه بالنص ونحطهم بصينيه
نجهز الحشوه
نكشن بصل مع زيت ونحط صدر دجاج مقطع قطع صغيره
ونخليه لين ماينضج وبعدين نحط بهارات وملح
وفلفل اخضر وبصل مقلي وبطاطس مقطع مربعات ومقلي وكزبره مفرومه
ونضيف 2م ك صويا صوص و2 م ك كاتشب
ونطفي
ونحط الحشوه فوق الصامولي
اخر طبقه
1قشطه -2م ك مايونيز -2 م ك جبن سايل
نخلطهم سوا
ونصبه فوق الحشوه
ونرششش جبن موزاريلا
وندخلها الفرن من فوق
تتحمر ونطفي

 

[Classic Lady ’]

السينابون
للعضوه / جل ربي من براها




أول شي العجينه ::
2 ونصف كوب دقيق
رشة ملح
نصف اصبع زبده لين ( بدرجة حرارة الغرفه )
- تخلط حتى تتجانس ثم يضاف إليها :
2 م ص خميره
ربع كوب سكر ناعم
- وتخلط ثم يضاف إليها :
بيضه
نصف كوب حليب دافيء
ثلث كوب ماء
- وتعجن وإذا احتاجت زياده دقيق زيدي بس لا تكثرين خليها لينه افضل اهم شي لا تكون تلزق باليد ،،
وتترك تخمر مدة ساعه ...
- تفرد العجينه على سطه مرشوش بالدقيق وتدهن بالزبده اللينه ويرش عليها :
سكر بني + سكر ناعم + قرفه + شوي نسكافيه + شوي كاكاو بودره
وتلف وتقطع وتوضع في الصينيه وتترك لتخمر مدة ساعه ..

توضع في الفرن على درجة حرارة 350 وتترك حتى تنضج وتحمر من اعلى

زينتها بالنستلة مع الكيري مع شوية شوكولا هيرشي وجوز

 

[Classic Lady ’]

عجينه فطاير
للعضوه / سلف خمسة

المقادير:

- المجموعة الأولى :
فنجان قهوة سكر
2 ملعقة كبيرة خميره فوريه
2 كاس ماء دافي
ذرة ملح
2 كاس دقيق

- المجموعة الثانية :
نصف كاس زيت
3 كاسات دقيق

الطريقة:
- تخلط المقادير المجموعة الأولى مع بعض و تترك لمدة 10 دقائق .
- بعد العشر دقائق يضاف لها مقادير المجموعة الثانية و تعجن جيدا و تستخدم على طول .
- مثل ما شفنا العجينه تنقسم لقسمين و تتخمر عشر دقايق في القسم الاول و تضاف عليها باقي المكونات , يعني مجموع الطحين في العجينه هو خمس كاسات .

 

[Classic Lady ’]

سلطه

هي سلطة البطاطس والباذنجان اللي في كتاب النخبه بس زدت عليها اشياء وغيرت الصوص

الطريقه هي
باذنجان وبطاطس مقطع مكعبات ومقلي ..
خس ..
فلفل رومي ..
مربعات خبز مقلي ..

اضافتي انا ( جرجير+ فاصوليا حمرا)

(طبعا كمية الخضار حسب عددكم )

نجي للصوص
علبة زبادي + ملعقتين مايونيز + عصير ليمونه كامله + ملح + فلفل اسود + حبه او حبتين ثوم مهروس )

حطي الخضار فوق بعض او اخلطيهم سوا وبعدين صبي الصوص وبعدين الخبز المقلي واخر شي رشة سماق وبالعافيه
​

 

[Classic Lady ’]

صوص البطاطس
للعضوه / وفاء~

1 زبادي
2 م ك جبن سائل
عصير ليمونه
بقدونس مقطع صغار
سماق
شوية ثوم
شوية خل
نعناع شوي مررررره تقريبا ورقتين

 

[Classic Lady ’]

خبز الثوم
للعضوه / مُخملية!

صامولي فرنسي < الطويلة

تقطعينها شرايح زي كذا ..
وتصلحين خلطة :
فصوص ثوم ..
بقدونس ..
زبدة ..
جبن سايل ..
ملح ..

وتدهنين كل قطعة من الخلطة وتدخلينها الفرن تتقمر وبالعافية

 

[Classic Lady ’]

آلتورتيلآ
للعضوه / كـۈكن هِـش

آلمقآدير :
1 - صدور دجآج على حسب آلكميه أنآ عملت صدرين
2 - كآس جزر مبشور + خس
3 - نص بصله متوسطه آلحجم
4 - زيتون أخضر وأسود
5 - مكعبين مآجي
6 - جبن سآئل
7 - مقدآر كآس جبن موزريلآ
8 - بهآرآت , فلفل أسود , أحمر , كزبره , بهآر مشكل

آلطريقه :
نسلق آلدجآج مع مكعب مآجي وشوي كزبره مجفف
بعد مآ ينسلق نقطعه لقطع صصغآر
نضيف له آلجزر وآلخسس ونخلطهم سوآ
نحمي آلزيت في مقلآه ونضيف له آلبصل لين يذبل
نحط خلطه آلدجآح وآلخس وآلجزر مع آلبصل يتشوحون شوي
أخر شي نضيف لهم ملعقتين جبنه سآيله ونطفي آلنآر دآيركت
آلحين يجي دور آلزيتون نضيفه للخلطه
طبعآ في نآس آلحين بيسألوني ليه مآ أضفت آلزيتون مرتن وحده مع آلخلطه
بقول لكم مآيسير
لأن آلزيتون لمآ نحطه في حرآره نآر وزيت يقلب طعمه مررر
يعني أنتبهووو ...
آلحين نجي نفرد خبزآت آلتورتيلآ ونحشيهم وكل وحده نحشيهآ نرشش عليهآ موزآريلآ ونلفهآ
ودآيركت ع آلصخآن لين تنشوي
ونلفهآبقصدير ونقسمهآ بآلنصصص ..
وهني وعآفيه </B>