اطباق لذيذه ( سهل - متنوع - منقول - متجدد ) تابعونا

[Classic Lady ’]

بمكرونة البآشميل
للعضوه / فيندي

أول شي هآتي أي مكرونه إنتِ تفضلينهآ واسلقيهآ بمويه حآره +ملعقتين زيت+شوي ملح
والحين نحضر حشوة الدجآج :

نشوح البصل والثوم مع زيت وشوي زبده .. ثم نضيف دجآج صدر مقطع مكعبآت ونحط عليهم ملح+شوي كمون مطحون+كزبره نآشفه+شوي دبس آلرمآن تقريباً ملعقه صغيره مليآنه

وفلفل أسود , وبعدهآ نضيف صلصة طمآطم وكثررري منهآ أنا تقريباً حطيت ثلاث ارباع البآكيت

يعطيهآ حموضه خفيفه وطعم خيآل خصوصا اذا اجتمع مع دبس آلرمآن

بعد ماتتجآنس صلصة الطمآط مع الدجآج وطبخت شوي , نطفي النآر عليهم ونضيف فلفل رومي+بصل اخضر كلها نقطعها قطع صغيره+جزر مبشور ونخلطهم مع الدجآج

اما صلصة البآشميل:
تحطين فالخلاط:
4 جبن كيري او اللي مثله المرآعي
ملعقتين جبن سآيل
كوبين وربع مويه
4 ملاعق كبيره دقيق ابيض
2 ملعقه كبيره حليب بودره
شوي زيت
ملح+نصف حبة الماجي وفلفل اسود

تخلطينهم فالخلاط وبعدها تحطيته فقدر وتحركينه لين يثقل ,مثله مثل اي بشآميل
لما يخلص نآخذ من البشآميل مقدار بسيط ونخلطه مع المكرونه ونضيف معاه شوي جبن موزاريلا
وبعدها تحطين نص المكرونه بصينية بايركس ونجيب شوي من الباشميل ونصبه فوق المكرونه
وبعدها نجيب النص الثاني من المكرونه ..ثم فوقه باقي الباشميل ونرش عليه جبنة موزاريلا
وتدخلينهآ الفرن تتحمر من فوق وبألف صحه وعافيه

ملاحظه: الصينيه اللي استخدمتهآ صينيه بايركس كبيره

 

[Classic Lady ’]

بسبوسة بالقشطة اللذيذة
للعضوه / راكانه

المقادير:

2 بيضه
رشة فانيليا
علبة قشطه
بيالة زيت
كاس جوز هند
ملعقة صغيره بيكنج باودر
3/4 كاس سكر
1/2 كاس سميد
1/2 كاس دقيق

للتزيين: علبة قيمر صغيره

الطريقة :

نخلط جميع المقادير مع بعض ماعدا السميد والدقيق

وبعد 3 دقائق نضيف السميد والدقيق وتخلط ...ثم يصب في صينية بايركس صغيره ونزين الوجه بخطوط من القيمر

وتدخل الفرن على درجة 170 درجة مئويه لمدة 25 دقيقه وتخرج وتسقى بالشيره...

وتزين بالمكسرات

وبالعافيه

 

[Classic Lady ’]

المآفن
للعضوه / L I K E L Y

جدددن سهل ..
صبي خليط البيتي كروركر بالشوكولاته في القوالب اللي تحبينها ودخليه الفرن ,
لمن يخلص فرغي اللي بالوسط يعني احفري لك حفره بوسط الكيك وصبي عليها اي خليط سايل تحبينه ..
انا احط نوتيلا + "كريمة"بيتي كروكر بالشوكولاته + شوي جالكسي ذايب اذا عنك + قطع كتكات عشان يقرمش او سنكرس
ثم غطيه بفتات الكيك واقلبيه وزينيه بـ ايس كريم فانيلا ويقدم حار وبالعافيه

 

[Classic Lady ’]

الكلوب ساندوتش
للعضوه / حلـم ~

- اول طبقة توست محمّص
- ثاني طبقة الحشوه وهي
تونه + خس مقطع شرايح صغيره + شوي ليمون + فلفل اسود + ملح نخلطهم مع بعض
- ثالث طبقة توست محمّص
- رابع طبقة طماطم شرايح + جبن سلايس
- خامس طبقة توست محمّص

وبس تقطعونه ارباع

 

[Classic Lady ’]

حلى البيض
للعضوه / سٌـبآتـْ

الحلوات اللي طلبوا الحلا ..
الطبقة الاولى ( باكت بسكوت اولكر كامل مطحون ) عن نفسي احطه بكيس واكسره عشان مابيه يكون مطحون مره .. مع ربع اصبع زبده
الطبقة الثانية 6 حبات جبن كيري + نص علبة نستلة ..
الطبقة الثالثة عالنار علبة قشطه مع كيس كريم كراميل عالنار شوي بس يادوب القشطه تاخذ لون الاصفر ..

 

[Classic Lady ’]

الكلوب الذيذ
لللعضوه / احسآآآآس جديد

الحشوه تونه اسهل واسهل الي مو حاب يغيره بدجاج او المرغوب
نحمس طماط مكعبات مع فلفل رومي بزيت زيتون ونحط التونه المصفيه من الزيت ونضيف شوي صلصه طماط وشوي م ص صويا صوص معتدله نخليه يتسبك شوي ثم
نضيف شبت وكزبره مفرومه وملح شوي ونسكر النار ونحشي التوست
ناخذ شريحه ندهنها شوي مايونيز ثم خس وجبن شرايح والتونه ومخلل
اخر شريحه ندهنها بخليط
من شوي زيت زيتون وبابريكا عشان تعطي لون جميل
نحمرها ع الصاج او التيفال الين يذوب الجبن وتتحمر
​

 

[Classic Lady ’]

حلا بسيط لكن طعمها لذيذ
للعضوه / T5aref.01

وهذي الصينية اللي رآح نستخدمهآ . راح تكون اختيارية لان الطبق
راح ينحط في الثلاجة

نمسك كيك الساريتآ وتفـــتـفـــوو كذآ

بعد ما فتتنــآهـ نغطي الصينيه به

هنآ راح نسوي الخليط .. مع مراعاة انو لازم مع كل علبة قشطة
نحط 3 اصابع تويكس ..

بعدين نخلطططططططهم

نمسك الخليط ونصبــوووهـ على الكيك ..

ونغطي الصينية بالخلييييط

بعدين نآخذ الفليك ونـفـتـتـه على الخليط ,,

بـعد ما غطينا الخليط بالفليك فلاك .. نحط الصينية بالثلااجة لين شوي يبرد الخليط ويتماسك

 

[Classic Lady ’]

تكساس فرايز
للعضوه / ج‘ـنَــــآטּْ

المقادير:
قشري بطاطا وسط واقليها واتركيها ع جنب
نجهز الصلصه
مقاديرالصلصه
علبة صلصة طماطم - نص حبة طماطم مقطعه مكعبات صغيره - فلفل بارد او حار مقطع صغيرـ بصل
التوابل((ملعقه صغيره فلفل اسود - ملعقه صغيره كمون - ملعقه صغيره كزبره - ملعقه صغيره بابريكا - ملعقه كبيره اوريغانو او الزعتر الناشف - ملعقه كبيره ملح))
ملعقه كبيره خردل - ملعقه كبيره جبنه سائله - ملعقه كبيره طحينه
صدر دجاج مسلوق ومفتت

الطريقه

كشني البصل واضيفي الفلفل والثوم
وضيفي الطماطم والصلصه والدجاج والتوبل

اذا اتسبكتك اضيفي كوب ماء حار واتركيها تثقل
ثم اضيفي الجبن والخردل والطحينه
واتركيها ع جنب

نجيب الصحن ونحط طبقات بطاطا صلصه جبن شيدر وموزرلا
وفي الاخير موزؤيلا وندخلها الفرن تذوب
,,

 

[Classic Lady ’]

كفته البطاطا بالتونه
للعضوه / ج‘ـنَــــآטּْ

5 حبات بطاطا مسلوقه ومهروسه
نحط معاها علبه تونه
وكزبره وبقدونس وملح وفلفل
و3 ملاعق جبن
ونعجنهم سوا ونشكلهم

ممكن نحشيهم جبن شيدر
وفي بيض وبقسماط وع الثلاجه تتماسك ونقليها ف زيت ساخن

نقدمها مع صوص
جبن ومايونيز بنفس الكميه وفلفل اسود

وبالعافيه

 

[Classic Lady ’]

تونة بالطحينة
للعضوه / **عزوف الصمت**


عبارة عن بصل مقطع صغار وتحمريه في شوية زيت وتحطي فوقها طماطم مقطعة صغار وخليها الين تتسبك مع بعض
وحطي البهارات فلفل وكمون وملح وفلفل رومي مقطع صغار
وحطي علبة تونا كبيرة مصفيتها من الزيت وقلبيها مع بعض وحطي اربع ملاعق طحينة وقلبي وخليها شوية على النار
وقدميها مع خبز وشطة ومايونيز
لذييييييييييييييييييذة جدا
وهذي الصور

اضغطي هنا لمشاهدة الصورة بحجمها الأصلي

 

[Classic Lady ’]

كفته بالتونة
للعضوه / **عزوف الصمت**


معرووفة ولذييذة جدا
عبارة عن بطاطس مسلوقة ومبشورة وفوقها علبة تونا كبيرة مصفية مويتهاوبيضة وكزبرة مفرومة وثوم مفروم وشوية فلفل حار بودرة على حسب الرغبة وملح وفلفل وكمون
وبس اعجنيها كلها مع بعض وشكليها على شكل اصابع او مدورة براحتك وغمسيها في بيض وبقسماط واقليها وقدميها مع بطاطس مقلية
وبالعاااااااافية
وهذي الصور

اضغطي هنا لمشاهدة الصورة بحجمها الأصلي

 

[Classic Lady ’]

مكرونه
للعضوه / كل الغــــلا

صحن فيليه دجاج ..​

مكرونـه مشكـله ..​

فلفل رومــي ..​

مـآجـي​

كريمـة الخــفـق ​

علـبة قشطـة ..​

زيـتون حلقات ..​

صـلصـة الصـويـآ​

طمـآطـم صـلصـه ..​

جبن الموزاريلا​

طريقـتهـآآآ ..​

قطعي البصـل صغـآآإآر واحمصيه بـشويه زيت مع مكعـب مـآجي

اضغطي هنا لمشاهدة الصورة بحجمها الأصلي

وبعـد مايتحمـص اضيفي قطع الدجـآج والفلفل الرومــي ​

وحركيهم شووي لمدة دقيقتين على نـآر هـآدئه ​

اضغطي هنا لمشاهدة الصورة بحجمها الأصلي

​

اخلطي بكـآسه ملعقة طمـآطم صلصه و صلصة الصويا ​

انا صبية عليهم نقطة موويه بس علشان يتجانسون سواء​

اضغطي هنا لمشاهدة الصورة بحجمها الأصلي

​

وحطيتهم على اللي بالقدر​

اضغطي هنا لمشاهدة الصورة بحجمها الأصلي

​

وقتها اكون انا سالقه المكرونه المشكله ..

اضغطي هنا لمشاهدة الصورة بحجمها الأصلي

​

واحطها على اللي بالقدر واحركهم سوآآء ​

واخلط بالخلاط كريمة الخفق و مكعب ماجي وعلبة القشطة ..​

معلش القشطة سقطت سـهوآآ من التصووير

اضغطي هنا لمشاهدة الصورة بحجمها الأصلي

​

ونحطهم على المكرونه ونحركم ونحط الزيتون الحلقات ونتركهم لمدة دقيقتين بس ​

اضغطي هنا لمشاهدة الصورة بحجمها الأصلي

​

ونضيف جبن الموزاريلا

اضغطي هنا لمشاهدة الصورة بحجمها الأصلي

​

ونخليها على نار هادئه رايقه لمدة وجيزه​

وبعـدهـآ قدميهـآآ سـآآخنه ..​

اضغطي هنا لمشاهدة الصورة بحجمها الأصلي

​

 

[Classic Lady ’]

نقانق بجبنة البرميزان
للعضوه / نـور الفجـر


نقانق مسلوقة ومقطعة

طماط + بصل + ثوم + فلفل اخضر وسط مابين الحار والبارد

كزبرة+ نعناع

جبنة برميزان

نحمر البصل والثوم في الزيت

نضيف الطماط

نضيف الفلفل والاريغانو والملح والفلفل الاسود

نضيف النقانق ونحرك

بعدين نضيف الكزبرة والنعناع

اخر شي نضيف الجبنة

ونحرك ونغطي الطابي ونخليه شوي
و نقدمه

 

[Classic Lady ’]

تبوله
للعضوه / فطوم علي

المقادير :
بقدونس
بصل ابيض
طماطم
برغل ابيض

الطريقة
نفرم البقدونس فرم ناعم بس ننتبه لايكون فرم اكثر من الناعم والا راح يتحول الى اقرب للعصير
نقطع البصل الابيض والطماطم الى مكعبات صغيرة
البرغل ننتبه ان مايكون اكثر من البقدونس والا راح تصير سلطة البرغل

التتبيلة تكون قبل التقديم بفترة بسيطة
شوية ملح الليمون وعصير الليمون وزيت الزيتون
وتخلط وتقدم

 

[Classic Lady ’]

فتة الكشري
للعضوه / تنهيده!

* المقادير
*2 بطاطس مقطع مربعات ومقلي..
*2 كوسا مقطع مربعات ومقلي"..
* 2باذنجان مقطع مربعات ومقلي ..
* ذره + حمص + فاصوليا حمرا
خيار,فلفل رومي ملون , طماط < حسب رغبتك
*2 علبه زبادي
* كاس عدس مسلوق+ كاس ونص مكرونه مطبوخه
* الطريقه
* نضع في صينيه البطاطاس المقليه والكوسا والباذنجان
* نضع بعدها العدس
* بعدها نضع المعكرونه المطبوخه
* بعدها نضع الذره والفاصوليا
*نسوي خلطه عشان نشربها قبل الزبادي وهي ليمون + خل + فلفل اسود + ملح ..طبعاا شوي مو تكثرون
* بعدها نسوي خلطه الزبادي .. زبادي + ثوم باودر + ملح + خل + ليمون ويزين بالنعناع المجفف او السماق
وتدخل الثلاجه لتبرد​

​

 

[Classic Lady ’]

حلى بأكواب وردات
للعضوه / لديَ حلمْ

المقادير :

علبة بسكوت شاي
نصف اصبع زبده
قشطه
3 جالكسي ساده

الطريقه :

يطحن البسكوت ويعجن بالزبده ويرص في القوالب هذي
ثم القشطه والجالكسي في حمام مائي وتصبينها فوقهم
وبعدها تبشرين جالكسي او فليك للتزيين وبالثلاجه ساعتين

قوامه يجي سائل شوي

 

[Classic Lady ’]

حلى الجوزاء
للعضوه / لديَ حلمْ​

​

المقادير :​

بسكوت جوزاء
1 كوب سميد محموس
1 حليب نستله
1 ملعقه قشطه​

الطريقة :​

تحطين اول شيء القشطه بصحن ع جنب عشان بنستخدمها بعد شوي
تحمسين السميد وتراه يتشقر بسرعه انتبهو يطلع ريحة حرق
تجيبين بسكوتتين وتلصقينهم ببعض بالقشطه اللي حطيناها ع جنب
ثم تغمسينها بحليب النستله وتغطينها بالسميد
تزينينها بالهيرشي كافي
وبالسكين بخفة يد تقطعين البسكوت بشكل مثلثات او بشكل طولي​

 

[Classic Lady ’]

حلى القوالب
للعضوه / لديَ حلمْ




المقادير :

قوالب بسكوت جاهزه
1 حليب نستله
4 جبن كيري
بسكوت جوزاء
بسكوت اوريو


الطريقة :

بسكوت الجوزاء تاخذين كسره صغيره وتحطينها بكل قالب بسكوت
ثم تخلطين ( النستله + الجبن ) بالخلاط وتصبينها فوقها
الاوريو توخرين عنه القشطه وتحطينها


اذا تبينه اطعم سويه قبل بيوم يصير طري مرره

 

[Classic Lady ’]

بسبوسة الجالكسي + حلى القوارب + حلى بسكوت السمسم
للعضوه / لديَ حلمْ






البسبوسة
اول صف

المقادير :

3 بيضات
فانيليا
بيالة زيت
1 ملعقة كبيرة نسكافيه
1 ملعقة كبيرة شوكليت باودر
1 ملعقة كبيره باكينج باودر
قشطه
سميد
سكر
جوز هند
1 حليب نستله
جالكسي او فليك


الطريقة :

( البيض + الفانيليا + الزيت ) في الخلاط
ثم تضيفين عليهم ( القشطة + النسكافيه + الشوكليت + باكينج باودر )
وبعلبة القشطة نفسها تعبينها سكر مره وحده و على الخليط
ونفس المقدار جوز الهند والسميد
تصبينها بصينيه وبالفرن 20 دقيقه
لما تطلعينها تصبين عليها حليب النستله وهي حاره عشان تتشربه
واذا بردت ابشري فوقها جالكسي او الفليك


........................


حلى القوارب

المقادير :

لعمل القارب نحتاج
نصف كوب دقيق
3 جبن كيري
نصف اصبع زبده

الخلطه

3 جبن كيري
1 حليب نستله
بسكوت رينجو


الطريقة :

تجيبين نصف كوب الدقيق والجبن ونصف الزبده المذوبة وتعجنينهم سوا وتضبطينها صح بالقوالب بعد ماتدهنينها وبالفرن 15 دقيقه
تتركينها لما تبرد وتفكينها
ثم حليب النستله مع الجبن بالخلاط وتصبينها جوات القارب
وتزنينها بكسره صغيره من الرينجو والهيرشي

.........................

حلى بسكوت السمسم


المقادير :

بسكوت ديما بالسمسم
1 كوب حليب محموس
1 قشطه
مالتيزر


الطريقه :

تحمسين الحليب لما يتشقر وتعجنينه بالقشطه
وتجيبين البسكوتتين وتحطين العجينه الجميله بالنص وتسكرين عليها
وتحطين المالتيزر فوق وتزنينها بهيرشي

 

[Classic Lady ’]

كوب كيك
للعضوه/لديَ حلمْ





استخدمت كيكة الزبادي مرره حلووه وطريه وطالعه من فوق تلمع


المقادير :

1 زبادي < بتكون العلبه المقياس
1 سكر
1 زيت
3 دقيق
3 بيضات
فانيليا
1 ملعقة كبيرة باكينج باودر
سنكرس او مارس


للتغطية :
نستله ونسكافيه مذوبة بشوية مويه


الطريقة :
( السكر + البيض + الفانيليا ) تخفق
ثم باقي المقادير ما عدا الدقيق
يضاف الدقيق على دفعات الى ان ينخلطون كويس
تدهن قوالب الكوب كيك وتحطين فيها الورق وتصبين شوي وتحطين قطعة من الشوكليت اللي حابه وتصبين شوي فوقه
وتدخل الفرن نصف ساعه على نار هادئه
بعد ماتطلعينه تشربينه بالنسكافيه بالملقعه الصغيره مو كثير
وبطرف السكين تدهنينها بحليب نستله وتزينينها بشوكليت باودر او غيره