اطباق لذيذه ( سهل - متنوع - منقول - متجدد ) تابعونا

[Classic Lady ’]

{ كيكة التيراميسو ,,
للعضوه / Khloe

المقادير والطريقه ,,


في صينية متحركه نقطع كيك امريكانا شوكولاته شرائح
وتصف بشكل دائري نشربها بشوي نسكافيه
بعدين نحط فوقها هالخلطه
( علبة صغيرة حليب سعوديه بارد + 3 مغلفات دريم ويب + 2 مغلف كريم كراميل +
قشطتين + ملعقة طعام نسكافيه + جبنة فيلادلفيا 200 جرام )
نضربهم في خلاط الكيك لحد مايصير معنا كريمة غليظه شوي )
نضع طبقه ثانيه من الكيك وفوقها طبقه من الخلطه
ونزينه بالفليك او الكاكاو باودر
حطيتها في الفريزر من الليل وقدمتها بعد العشاء


وهذا شكلها قبل التقطيع

 

[Classic Lady ’]

البسبوسة المحشية
للعضوه / شفايف توت




كوب سميد
كوب حليب بودره
نص كوب سكّر
نص كوب زيت
بيضتين
قشطه
ملعقة باكنج بودر
ملعقة كاسترد
شوي حليب سايل


الجميع بالخلاط اليدوي لحد مايكون عندي خليط متجانس

الخطوة 1
نصب نصف المقدآر الخليط بالصينيه وندخله الفرن من تحت لمدة ربع ساعه
خلا هالوقت نعمل

الحشوة
1قشطه
2 زبآدي
7 فنآجيل حليب بودره
4 فنآجيل سكّر </B>


الخطوة 2
نطلع الصينيه من الفرن ونصب فوقهآ الخلطه وع طول بالفرن من فوق
دقايق بس لحد ما تتمآسك بدون ماتشقر


الخطوة 3
نحط البآقي من البسبوسه [ اذا لاحظتي انها صارت ثقيلة ضيفيلها شوية حليب سايل ]
وع طول ع الفرن من فوق بس ونتركهآ لحد ما تتحمر كويس ربع ساعة تقريبا


الخطوة 4والاخيرة
نصب عليها الشيرة [ ربع كوب شيرة بس لاني ابغاها تكون لمعة مو اكثر]وندخلها الثلاجه عشان تبرد وتتماسك اكثر

 

[Classic Lady ’]

سوفليه
للعضوه / FoNa

المقادير

(أ)
كأس ونص حليب بودره
كاس ونص نسكويك بودره
كاس ونص ماء

(ب)
نص اصبع زبده
1 فنجان سكر
ملعقتين دقيق

(ج)
بيضيتين
1 ملعقة بكينج بودر
1 ملعقه فانيليا

الطريقه
نحمي الزبده ونضيف لها الطحين بالتتدرج ثم يضاف السكر
بصحن ثاني نخلط مقادير (أ) بالخلاطه اليدويه ونضيفها على الزبده والطحين بالتدرج
بعدين نخلط مقادير (ج) ونضيفها للخليط ويكون على نار هادئه ونحركها لدقيقه بس مانبيها تغلي
نسكب الخليط بالصحون ونزل رف الفرن لانزل مستوى ونشغل النار من فوق
تتكون طابقه زي التشققات
وخلاص نطلعه وبالعافيه

 

[Classic Lady ’]

لقيمات
للعضوه/ بنت أبوووي

مئرمشه من برا , وطريّه من قوه

المقادير ..
3 أكواب دقيق
بيالة شاهي زيت ..
بيالة شاهي لبن ..
بيالة شاهي حليب بودرة
بيالة شاهي نشاء..
كاسين ماء ..
ملعقة كبيره خميرة..
ملعقة صغيرة بكنج باودر..
تخمر من ساعة الا ربع الى ساعة تقريباً ..
قبل القلي مباشرة تحطين عليها بيضه و تحركينها وتبدين
تشكلينها وتقلين

 

[Classic Lady ’]

~ فتة الحمص ~
للعضوه / مس ديزاين..

المقادير
حمص
حمص معلب حب
كوب لبن رايب
2 خبز ايراني
فلفل اسود كمون و ملح وسماق
كزبرة مفرومة
نعناع ناشف
ثوم مفروم
ملعقة صغيرة خل اسود
عصرة ليمون
الطريقة
نولع الفرن من فوق ونحط الخبز الايراني
لما يتحمر ويقرمش نكسره ونحطه في صحن التقديم
نخلط مقادير الفتة الباقيه مع بعض ونبقي شوية حمص حب عشان التزيين
نضيف الخلطة على الخبز الايراني ونحرك
ونزينه بالحمص والسماق والنعناع الناشف
وزيت زيتون

 

[Classic Lady ’]

حلا الحليب المحموس
للعضوه / غرور أنثى

طريقته
بسكويت جوزاء
ونحضر خلطه مكونه من
كاس حليب محموس / بيالة سكر/ كاس بسكويت مطحون
علبة قشطة
نعجنهم سوا ونحشي الجوزا فيهم
ونسوي خلطه من نستله / 4 حبات كيري
ونغمسهم فيه
ونجيب جوز هند محموس ولوز محمص ونغمسهم بعد النستله
واذا خلصت نربطهم بشرايط

​

 

[Classic Lady ’]

كيكه محشيه بسكويت وكراميل
للعضوه / تبطي هقاويك





للكيكه

2بيض +كوب سكر +علبه زبادي +نص ك زيت +فانيلا (تخلط في خلاط زين )

بعدين تضيفين في صينيه كوب دقيق +2 م ك بكنج بودر


تجيببين صينيه التشيز اصغر حبه في الطقم وتحطين ورق زبده وتدهنيه شوي زبده

الحشوه

نص علبه بسكويت شاي مكسر كبير+نص كاس سكر بني +نص اصبع زبده +م ص قرفه +
م ص نسكافيه + علبه كريمه كراميل


تذووب الزبده وبعدين تحطين السكر وبعدين البسكويت والنسكافيه +القرفه +الكرميل

تقفل النار عنها تسووينها قبل تبدين بالكيكه




للتشريبه

توفي سائل




للوجه

نص علبه نستله +4 كيري

يصب الخليط بصينه التشيز وتحطينها بصينه اكبر وتحطين الحشوه قبل تدخل الفرن




تترك بالفرن ساعه الاربع الين تنضج وبعدين تطلع من الفرن وتشربينها توفي سائل






وتصب خلطه النستله على وجهها

 

[Classic Lady ’]

القشطيه
للعضوه / ام عمر11

مقادير العجينه
هذي العجينه اخذتها من منال العالم روووعه وقد ماتجلس ماتقسي والطعم

3 كاسات دقيق
م كبيره خميرة
3 ملاعق سكر
ربع كاس زيت
ربع كاس زبادي دافي <<اذا موموجود استبدلته بلبن مافرق في الطعم
رشة ملح - نص ملعقه صغيره بكنج بودر
كاس ماء دافيء

تعجن وتعجن وكمان تعجن

الحشوة
قشطه
كم حبة جبن كيري انا احط حبتين كيري وحبتين مثلث
رشة سكر

بعد ماتخمر تقسم العجينه نصين تفرد في الصينيه
ويضع عليها الحشوه مره احط في الاطراف جبن تشدر مبشور ومرات لا
ويفرد القسم الثاني ويغطي فيه الحشوه وتسكر زين من الاطراف
امسحه بحليب مبخر ورشة حبة بركه وعلى الفرن
بعد الاستواء حليب نستله او عسل كله جميل
استني عليها شوية تبرد لان القشطه تطلع مع التقطيع

 

[Classic Lady ’]

صينية الشاورما
للعضوه / وش تريد

الطبقة الاولى
اول شي تقطعين بطاطتين ع شكل مكعبات وتقلينهن وتحطينهن بالصينيه
الطبقه الثانيه
تسلقين دجاجه وتقطعينها بيدك قطع يعني (كأنك تنتفين بريشها) بعدين تقطعين بصل حسب الرغبه وتشوحينه مع زيت وتكبين فوقه الدجاجه اللي قطعتيها مع فلفل اسود وملح طبعا حسب الرغبه وتصفينهن كطبقه ثانيه بالصينيه

الطبقه الثالثه
بالخلاط جبنة سايله على كيفك انا احيان احط ثلاث ملاعق واحيان نص العلبه وعلبة قشطه وملعقة مايونيز او على كيفك بس انا مااحط مايونيز يكفي الجبنه والقشطه

اخر شي تدخلينها الفرن وتشغلين ع النار من فوق ومتى ماحسيتيها تماسكت طلعيها

وصحه وهنا

 

[Classic Lady ’]

التمريه
للعضوه / طويلة الرمش / ~

ب البدآيه اللي سألوآ عن الصوصآت
هيرشي ( توفي , شكولآته ) | نستله | طحينيه سآيله

التمريه م تكلفت فيها ب صرآحه أخذت التمر وً عجنته بدون أي إضافات
وً شكلته بعدين غمسته ب | بسكويت شآي , أوريو , سمسم , شعيريه بآكستآنيه , جوز هند |

 

[Classic Lady ’]

البسبوسه
للعضوه / نبضي نادر

لعيون اللي طلبت البسبوسه

المقادير كلها قيسيها بعلبة القشطه

علبة قشطة-علبة سكر-علبة زيت-علبة جوز هند-علبتين سميد-

بيضتين-ملعقه كبيره باكنج باودر-

تخلطينهم مع بعض وتصبينهم بالقوالب والا بصينيه وع الفرن ماتطول اذا كانت النار حاميه

وبس بالعافيه
​

 

[Classic Lady ’]

سلطه الفواكه
للعضوه / Om ShaHoOoOdY

المقادير والطريقة :

- قطعي كل الفاكه اللي تحبينها الى مكعبات صغيرة
هنا قطعنا .. كيوي .. مانجو .. فراولة .. اناناس ... تفاح .. رمان ...موز ...عنب

نضع عليهم هذا الصوص :
بخلاط الكاس
علبة زبادي
نص كأس بودرة عصير مانجا (مثلا ماركة تانج)
2 ظرف دريم ويب
شوي فانيلا
وتقريبا 3 كاسات موية باردة ( اذا ودك الصوص اثقل قللي الموية )

وبس
وبالعافية عليكم

 

[Classic Lady ’]

طماط محشي بالبيض وصلصة البستو
للعضوه / نـور الفجـر

المكونات على حسب الكمية اللي تبونها



انا استخدمت اربعة انتوا ممكن تسوون الكمية اللي تبون


ناخذ حبات الطماط ونفرغ محتواها

بعدما نفرغها تقلبها ونخليها ونروح نجهز الصلصة

صلصة البستو

مكوناتها

ريحان - صنوبر - زيت زيتون - جبنة البرميزان - ثوم

نحطهم كلهم بالخلاط

انا ما كان عندي ريحان استخدمت النعناع

ولكمية الطماط اللي استخدمتها


خذت خمس ملاعق طعام زيت زيتون
فص ثوم ممكن تخلينها 2
ملعقة طعام صنوبر
ملعقة طعام جبنة البرمزان
كوب ونص ورق ريحان وممكن يستبدل بالنعناع
ملح وفلفل اسود

نحطهم كلهم في الخلاط

اخذ الطماط واحطه في صينية الكب كيك

وفي كل طماطة ملعقة مع صلصة البستو

وفوق الصلصة نكسر بيضة ونرش فوقها من جبنة البرمزان والصنوبر والملح والفلفل الاسود

وعلى حسب الرغبة ممكن نحط قليل من الصلصة فوقها

ندخلها الفرن 200 درجة لمدة نص ساعة

يقدم في طبق مزين باوراق الخس

والطعم ماشالله لذيذ

 

[Classic Lady ’]

فطائر التوستر
للعضوه / بحب بلدي

المقادير:
٤ كوب دقيق
١/٢ كوب حليب بودر
فنجان قهوة سكر
م ص ملح
١/٢ كوب زيت زيتون
٢ كوب ماء دافئ
٢ م ك خميرة فورية
م ص ب ب


الطريقة:
نخلط كل المواد ماعدا الدقيق و ب ب والملح

ثم نضيفه للدقيق ونعجن كالعادة كل ماعجنتي كويس كل ماكانت النتيجة كانت احلي

الطريقة:
تعجن وتخمر وتقطع واختصاراً للوقت حطيت الحشو مباشرة داخل العجين
والصور توضح

 

[ركووزه]

يعطيج العافيه 

 

[أم حسون]

يعطيكم العافيه

 

[العمهوجه]

ماشاءالله
الله يعطيج العافيه ماقصررتي
مشكووورة

 

[المقتدره]

واااااااااو الله يعطيش العافيه والله حسيت بالجوع

 

[نوت قطر]

اللة يعطيكم العافية ماقصرتى يابطة ونورا فديتكم ساعدتونى فى عزيمتى ربي يبارك فيكم وفى صحتكم على الافادة

 

[كريستال]

مشكووورين ويعطيكم العافيه