ابوي وقف مع زوجي وسبني ذبحني والله ذبحني

[هيبة كلامي]

انا كتبت موضوع بس مادري ليش مانزل للحين

منقهره والله منقهره قهرني ابوي الي اعتبرته سند لي في هالدنيا
انا وزوجي بينا مشاكل ويمكن هي صج مشاكل تافهه لأنها كلها عناد وكل واحد يحاول يفرض شخصيته
على الثاني وابوي وقف مع زوجي وسبني ولعني جدام زوجي قهرني اول مره اشوف ابوي جذي وقاعده اقوله اتفاهم معاك بروحنا وصرخ علي لمن تشبع كيفك بس مو جدامه تهيني سكتني وقالي انا ماعندي دلع بنات وصالحنا انا وزوجي وطبعا كله بصراخ علي وانا الحين احس مالي وجه جدام زوجي لأن ابوي ارخصني بعينه حيل ومحتاره ماني عارفه. شلون اعامل زوجي ماودي انكسر حيل وطبعا زوجي متشقق حيل واحس اسلوبه اني كسرت عينج

 

[ام فواازي]

يمكن صج انتي ماعندج سالفه وزعلج ماله داعي هذا ابوج مهما سوى يظل ابوج
وبالنسبه لزوجج لاتحاولين تفرضين رايج عليه لانج ماراح تقدرين بس بالمسايس والتدلع بتكسبينه و تلفين رايه ويمشي شورج وهو حسباله انه سي السيد اما اذا بتبدين بالمشاكل وتستمرين عليها اعرفي انج انتي اللي بتكونين الخسرانه بالاول والخير

 

[شادن33]

ما اعتقد ابوج مايحب مصلحتج
يمكن انتي الغلطانه واهو وقف مع الحق حبوبه

 

[FJ style]

حبيبتي لاتزعلين
بس مبين انج عنيدة وشخصيتج قوية
والظاهر ان ابوج ين وتعب من مشاكلكم اللي كل دقيقة مدخلينه فيها

ليش ماتحلون مشاكلكم بروحكم
لا تسوين سالفة(ازعل واروح بيت ابوي)
ولي متى بتتهاوشون
زوجج يفرض رايه ممكن
لكن انتي تفرضين رايج وتعاندين
ما ينفع راسين ببيت واحد
تعرفين المثل اللي يقول :مو حافظته بس السفينه اللي فيها نوخذتين تطبع

حبيبتي البنت ماتكون جذي راسها يابس وتفرض شخصيتها والا شخانته اهو ريال وانتي انثى وين الانوثة ولين الجانب من المرا

انا اقول تعوذي من ابليس وهدي طبعج شوي

 

[بيتي بوب بس كويتيه]

انتي الغلطانه مشاكلج المفروض ما تطلع من بيتج
وأتوقع من كثر ما عاندتي سوا جذي

 

[لحن التياعي]

الله يسخره لك يارب

 

[شقاوةحلم]

ماعليه يمكن لابوك جانب حق باللي سواه معاك وصدقيني الرجال مايتادب من ابوج او اخوج مايتادب الا منج ومن تصرفاتك معاه
ونصيحه اذا كنتوا متزاعلين هدي واسكتي لين يخلص كلامه حافظي علي هدؤك ..
خليه يقول اللي يقوله ..وبس يهدا ويشوف سكوتك بيغير رايه ولو مشى رايه ببعض الامور. ترى اهو الرجال والمفروض تسمعين كلامه
المره هي اللي تتحمل مو الرجال ..
الله يصلح مابينكم ..ولاتهتمين الوحده كافي يكون ابوها موجود بالحياة يعزها لو
ولو حاول زوجك يتفاخر او يحسسج بانكسارك قولي له ابوي مربي بنات يشيلون البيوت وتفاجاء من مشاكلنا وابوي يغليك ويعتبرك رجال قد المسؤليه
كذا تخلينه يستحي ..

 

[مناير ...!]

يمكن صج انتي ماعندج سالفه وزعلج ماله داعي هذا ابوج مهما سوى يظل ابوج
وبالنسبه لزوجج لاتحاولين تفرضين رايج عليه لانج ماراح تقدرين بس بالمسايس والتدلع بتكسبينه و تلفين رايه ويمشي شورج وهو حسباله انه سي السيد اما اذا بتبدين بالمشاكل وتستمرين عليها اعرفي انج انتي اللي بتكونين الخسرانه بالاول والخير

هالبنيه انا دايم معاها
الله يهون عليج ام فوزي ويسعدج دايم ردودج تبرد جبدي
:eh_s(17)::rerrerek:

 

[RO0O7Y KUWAITYA]

انا معاج ان البنت اتحسن عزها ببوها خاصه قدام الرجال واهله
بس دام هذا موقف ابوج يمكن له وجهه نظر غير بس الاكيد يبي مصلحتج
وخلاص لا ادخلين احد بمشاكلج

 

[المرتاحة]

والله مادري شقول لج بس اللي سواه ابوج صج يحر حتى لو كنتي غلطانه المفروض ما يسبج جدام ريلج بس يمكن ابوج زهق من هواشكم وسوا جذي علشان يفتك من الحنه، بس رياييل هالوقت ما ينفع معاهم جذي، الحين اللي عليج نطري جم يوم لين يهدأ ابوج وروحي كلميه بهداوه مو عتاب بس بيني له شعورج اشلون انكسرتي جدام زوجج

 

[فوفو22]

دام انها

مشاكل تافهه

ليش تدخلون اطراف ثانيه

خلوهم للمشاكل الكبيره يعينون ويعاونون

عموما الاب قصده الاصلاح

وتوبيخه لج

ما يضر وينقص من قدر البنت

كل اب يمون على عياله وبناته

هدفه الاصلاح

فوفو

 

[قموووره]

يا حبيبتي هذا تصرف حكيم من ابوج بالعكس
انتي فكري تهقين ابوج بيعز ريلج عليج؟؟؟ بيحبه اكثر منج؟؟ اكيد لا
بس اهو بهالتصرف ريلج راح يحب ابوج ويتقرب منه والمعزه بينهم راح تزيد بعدين ابوك بيكسبه فراح يسوي خاطر لبوج فيما بعد
بعدين اقصد بعد فتره ريلج اذا اختلف معاج لانه يحب ابوج وما يبي يزعله ما راح يخليج توصلين لابوج اذا اختلفتو وبهالطريقه ابوج قاعد يربي ريلج انه ما يطلع مشاكله بره عرفتي؟
ادري انتي تحسين انج ضحيه وتلاقين ابوج بينه وبين نفسه مخنوق من ريلج وباط جبده بس ما يقول جدامج علشان ما يقويج عليه
عرفتي الحين ان تصرف ابوج حكييييييييم انتي بنته وماله غناة عنج والله لو يمسج شي تلاقينه يمكن ما ينام من كثر ما يحاتيج بس هذا ابو يبي يتطمن على بنته ويبي يحس ان بنته عند ريال يستاهلها لانه الله يعطيه طولة العمر مو دايم لج فعشان جذيه قاعد يربيه وهم ما يبي يكسره جدامج
الله يخليلج ابيج ويطول بعمره واشوف روحي حبي راسه اهووووووووووووووه​

 

[" ام حمود "]

هذا ابوج وع شنو تحقدين عليه وماافي ابوو ينزل من قيمة بنته الا
واهوه خايف عليها ، ابوج يعرف طبعج اكثر من ريلج بس وخري عن مشاكل
التافهه ع قولتج وع زوجج كل شي بالمسايس تقدرين تكسبينه حبوبه

 

[كريستال]

ماعليه يمكن لابوك جانب حق باللي سواه معاك وصدقيني الرجال مايتادب من ابوج او اخوج مايتادب الا منج ومن تصرفاتك معاه
ونصيحه اذا كنتوا متزاعلين هدي واسكتي لين يخلص كلامه حافظي علي هدؤك ..
خليه يقول اللي يقوله ..وبس يهدا ويشوف سكوتك بيغير رايه ولو مشى رايه ببعض الامور. ترى اهو الرجال والمفروض تسمعين كلامه
المره هي اللي تتحمل مو الرجال ..
الله يصلح مابينكم ..ولاتهتمين الوحده كافي يكون ابوها موجود بالحياة يعزها لو
ولو حاول زوجك يتفاخر او يحسسج بانكسارك قولي له ابوي مربي بنات يشيلون البيوت وتفاجاء من مشاكلنا وابوي يغليك ويعتبرك رجال قد المسؤليه
كذا تخلينه يستحي ..

ماقصرت :eh_s(7):

 

[granted]

انا اقول الموضوع فيه ايجابيه الي اهي ريلج بيحسب حساب لخاطر ابوج بماانه وقف معاه بالمشكله وبيحاول يصيرمبيضها جدامه ويعني انا خوش واحد عرفتي
ولو اني ماعجبني تصرف ابوج الله يهداه شحقه يكسر فيج جدام الغريب

 

[دلوعة صلوح]

مهما يسوى هذا ابوج يبى مصلحتج .

 

[ناتشوو]

اتوقع انج انت السبب وصلتي ابوج لهالمرحلة
فقد اعصابه
يا انج كنت تراددينه او غلطت ع زوجج قدامه

يابنياتنا
اتقو الله
بالوالدين
لا تصيرون هم عالقلب

 

[Tom ♥ Jerry]

.


درس لج
مره ثانيه لا تتهاوشين ويا زوجج على اتفهه الاسباب
و لا تدخلين اهلج بحياتج الزوجيه كلش

انتي وحده عاقله و كبيره و فاهمه تقدرين تمشي الامور و تمشين الحياه
تعيشين مرتاحه مع زوجج بدون تدخل اي آحد

لو قسى عليج ابووج لمصلحتج .. ما يبيلج العناد و الطلاق لا سمح الله و الشي الي مو زين
خلج ويا ريلج و من اليوم ابدي صفحه يديده صفحه بيضه و غيري طبعج
و خليه ينسا الي صار باسلوبج الحلو و تصرفاتج الي صج تحسسه انج و نعمه الزوجه

 

[حبيبي فهوودي]

رايي مع ام فواازي رايها عدل مدل

 

[عشق حائل]

يمكن بطيتو جبد ابوج من مشاكلكم المفروض ماتدخلون احد بينكم مهما كان حلوها بيتكم
وابوووج مستحيل بينزل قيمتج عند زوجج بس هو يبي مصلحتج اصلا لو تسالين امج بتقولج ابوج قسى عليج لمصلحتج ويبي لج الزين ولا بالصدق هو مايتمنى يفشلج قدام احد بس خذيها مني الابو مهما قسى كله يبي مصلحتج ومايبي العذال يتشمتوون فيج وجعلج ماتذوقين يومه يارب​