يومياتي بالصور لرجيم عذاري لمده اسبوعين

[لطيفــة]

السلام عليكم ورحمه الله وبركاته

بكره باذن الله ببدي معاكم يومياتي بالصور لرجيم عذاري لمده اسبوعين

واتمني تجربتي تفيدني وتفيدكم يارب

الرجيم سهل وحلو وفيه شويه جوع وانا اول مره اجربه



السبت
الفطور :توست + شريحه جبنه قليله الدسم وشاي أقهوة ( أنا أحط شريحة جبنة قليلة الدسم

الغدا : 2/1 دجاجة مشوية + سلطة خضراء + خضار مسلوقة .. ( الخضار تجي مجمدة في أكياس بس أسلقيها )

العشا . كوب كبير عصير برتقال ( طازج طبعاً أنتي تعصرينة) + علبة زبادي قليل الدسم

كليها طبعاً آخر الليل مو مع البرتقال
......................


الأحد

الفطور : 2 بيضة مسلوقة مع شاي ( بدون سكر الا من سكر الريجيم )

الغدا . سمكة مشوية كبيرة + صحن سلطة خضراء ..

العشا . شابورة ( طبعاً بر ) مع قطعة جبنة ( اللي ذكرتها فوق """) مع شاي أو قهوة ( شاي اكيد )
.............................

الاثنين

الفطور : بيضة مسلوقة + برتقاله + شاي أو قهوة

الغدا :لحم مشوي غير محدود الكمية مع حبة طماطم أو خيار ( أنا أستبدلته بدجاج ) ...

العشا . كوب حليب قليل الدسم ويفضل منزوع + شابورة ( بر ) ...
.............................

الثلاثاء

الفطور : شريحة جبنة قليله الدسم + توست + شاي أقهوة .

الغدا . نوع واح من الفاكهة ... ( أنا كنت آكل التفاح )

العشا . لبن قليل الدسم مع توست ( بريد بر )
.......................

الاربعاء

الفطور : 7 حبات تمر مع قهوة طبعاً مو شاي

الغدا . دجاج مشوي بدون جلد غير محدود الكمية .

العشا . 3 بيضات مسلوقات مع توست .... ( أنا كنت أحط البيض في المقلى من دون زيت وأقلقلة .. وأحط شوية

جبنة فيتا قليلة الدسم علشان يلينة ) ...
...................

الخميس

الفطور. مفتوح الغدا . مفتوح

العشا . مفتوح

........................

الجمعة

الفطور :. جبن قليل الدسم + 2/1 خبزة + عصير برتقال ...

الغدا . لحم مشوي غير محدود الكمية ( أستبدلية بدجاج اذا تبين ) + لبن قليل الدسم ويفضل منزوع ....
العشا . مفتوح
ملاحظة : مفتوح تعني اختيار أي وجبة مما سبق في الريجيم ( لا تستانسين واجد ) ..:eh_s(4):



ومن بكره ببدي يومياتي وبحط وزني

 

[لطيفــة]

اليوم السبت ٣/١٠ اول يوم لي
وزنت ( ٧٢.٢ )
قمت الصبح بدري واخذت فطور شريحه توست محمصه وجبنه سلايس قليله الدسم وقلاص شاي بدون سكر
( نسيت اصوره )
والغدا كان علي الساعه ٢ الظهر اخذت
نص فروج صغير وسلطه خضرا بليمون

 

[oshi_q88]

موووفققة حبيبتيُ
متتآبععين لج

 

[мίѕѕ 5оОо5α]

خوووش ريجيم

استمرررررري

وانا بعد ببدا فيه ان شاءالله

يارب نوصل للوزن اللي نبيه

ابيييييييي الـ٥٠

 

[لطيفــة]

تسلمون بنات

اليوم بعد المغرب شربت قهوه عربيه
وحسيت بجوع واخذت تفاحه

والحين عصرت لي برتقال من غير سكر
والزبادي بالليل اخذه

ماسويت رياضه ولا اشتغلت بالبيت واجد ... قلت اول يوم مالي خلق للدوخه والجوع

وهذي مجموع وجبتي الليله

 

[الأميرة جوري]

ريجيم عذراي منو دكتوره او عضوه معانا واذا عضوه من وين متبعته او من كيفها ونزل وزنها ؟؟

 

[ياشايل الظبى]

هالرجيم قديم اسمه لعضوه بمنتدي ثاني اسمها عذاري
ويقولج انها انزلت عليه ١٥ كيلو ب٢٠ يوم او ٣ اسابيع
ولقيت تجارب بنات شكثر يمدحونه
سوي بحث بقوقل وتلاقين معلومات وتجمعات له


اتمني اني افدتج جوري
وموفقه لطيفه .. ومتابعه تجربتج

ومن تخلصين بجربها

 

[لطيفــة]

خوووش ريجيم

استمرررررري

وانا بعد ببدا فيه ان شاءالله

يارب نوصل للوزن اللي نبيه

ابيييييييي الـ٥٠

ان شاء الله
حياج معاي ونشجع بعض

 

[لطيفــة]

ريجيم عذراي منو دكتوره او عضوه معانا واذا عضوه من وين متبعته او من كيفها ونزل وزنها ؟؟

هلا هذي رجيم شكثر بنات جربوه ونزلوا عليه وهي عضوه
قلت خل اجربه واشوف جم بنزل عليه
بس منين جايبته ومن معطيها اياه مدري والله
بس الاكيد نزل وزنها <<< عقبالنا يارب

 

[لطيفــة]

هالرجيم قديم اسمه لعضوه بمنتدي ثاني اسمها عذاري
ويقولج انها انزلت عليه ١٥ كيلو ب٢٠ يوم او ٣ اسابيع
ولقيت تجارب بنات شكثر يمدحونه
سوي بحث بقوقل وتلاقين معلومات وتجمعات له


اتمني اني افدتج جوري
وموفقه لطيفه .. ومتابعه تجربتج

ومن تخلصين بجربها

مشكوره علي المعلومات وصج شكثر يمدحونه :eh_s(15):
وحياج معاي نشجع بعض

 

[لطيفــة]

صباح الخير
اليوم الاحد ثاني يوم
اليوم شوي قرصني الجوع مدري ليش

فطرت الصبح بدري بيضتين مسلوقه مع قلاص شاي بدون سكر ... وصج حسيت اني شبعت
وهذي بيضاتي

وبعدها سويت لي خلطه الليمون والجنزبيل والكمون والقرفه

المشروب هذي يمدحونه وطعمه مقبول
وهو ملعقه كمون
ونص ملعقه جنزبيل
وربع ملعقه قرفه
وشريحتين ليمون بقشرها
وصبي عليها ماي مغلي وخليها لين تدفي واشربيها

وغدا اليوم سمج يممممم يمي
من الصبح وانا اتبله ...وبشويه بالفرن
ويارب تتم هاليوم علي خير

 

[لطيفــة]

غداي اليوم كان سمك بالفرن و٥ حبات ربيان بعد مشوي
واخذت قلاص ليمون

السناك كان برتقالتين ... وحده الضحي قبل الغدا والثانيه بعد المغرب

وعشاي اليوم ان شاء الله شابوره وجبنه وقلاص شاي

وبجذيه ينتهي يومي واللهم لك الحمد
اليوم احس اني خفيفه

 

[لطيفــة]

سناك اخذت برتقالتين
بعد الظهر وبعد المغرب

وهذي عشاي الليله
شابوره بر
وجبنه قليله الدسم سلايس
وشاي

اللهم لك الحمد خلص اليوم علي خير

 

[om_fajer83]

استمري موفقة

 

[لطيفــة]

مشكوره ام فجر
والله يرزقج بالذريه الصالحه

 

[sweet lady]

موفقة

 

[لطيفــة]

صباح الخير علي الجميع
اليوم الاثنين ثالث يوم لي بالدايت
فطرت الصبح بيضه وحبه خياره وشاي < اشتهيت الخياره الصبح

وطبعا امس بالليل سهرت للساعه ٤ الفجر ولما جيت انام حسيت بدوخه من الجوع
واخذت لي قلاص لبن خالي الدسم ... ونمت لا اخربها

باقيلي برتقاله باكلها شوي قبل الغدا اذا حاشني جوع

وهذي فطوري

 

[dandon87]

بلتوفيق حبيبتي

متابعة

 

[Somi Al zadjali]

مووووووووووووووفقه حبيبتي يارب تنزليين للوزن اللي تبين

 

[لطيفــة]

تسلمون بنااااات علي المتابعه

اليوم غداي كان شوي لحم مشوي و٦ حبات ربيان بعد مشوي ... وقلاص رمان بدون سكر < طبيعي

والمغرب اخذت قهوه عربي بس
والحين باخذ زيادي كسناك قبل العشا

عشاي اليوم حليب قليل الدسم وبحط معاه نسكافيه وشابوره

وان شاء الله جذيه اكون خلصت ثالث يوم والحمدالله