مرق لحم وباميه وعيش أبيض بالصور

[ماما فله]

السلام عليكم شلونكم بنات
هذا غدانا أمس وأنا أطبخ قلت أصور وأنزله بالمنتدى ​

أول شي عقب ما نغسل اللحم لين ينظف من الدم اللي فيه نفوحه مع شرائح الليمون علشان تروح منه الزفره ونخليه تقريبا من نص ساعه لي ساعه الا ربع​

​

تالي نشخله ونغسله ​

​

نحمس البصل بشوي دهن مع كزبره خضره إذا ما عندج حطي بصل أخضر وهذا اللي انا سويته​

​

نضيف البهارات وورق الغار وليمون الاسود وفلفل أخضر​

​

​

نضيف اللحم​

​

تالي الطماط​

​

ونخليه لين يذوب الطماط بهالشكل​

​

تالي نصب عليه ماي حار مع معجون طماط وملح ونحط الملح آخر شي ونحركه بين فتره وثانيه ونخليه ساعه ونص او ساعتين لين ينضى اللحم
وكل ما قل الماي نزيده​

​

تالي نضيف البطاط والجزر​

​

وآخر شي نضيف الباميه علشان لا تذوب بالمرق​

​

وهذا الشكل النهائي ​

​

ويقدم طبعاً مع العيش المشخول​

​

وسلامتكم
وإن شاء الله يعجبكم طباخي :eh_s(7):​

 

[ام الاسيرالشهيد]

شكرا على الموضوع
وتسلم الايادي

 

[جارة القمر]

تسلم ايدج




وعليكم بالعافييييييييييييييييييية

 

[سمسمة كويتية]

تسلم ايدج و بالعافية

 

[ماما فله]

الله يعافيكم يارب 

 

[beauty rose]

شكلها يشووووق احب المرق ثقيل

و انوووت عالباااميه

تسلم ايييدج حبيبتي و عليكم بالعافيه

 

[صابرة رغم الجروح]

شهيه

تسلم ايدج حبيبتي

 

[a7вĸ мσσστ]

يسلم ايدك

 

[أحلى همبه كويتية]

ما شاء الله شكله لذيذ
عوافي عليج


ولو ان الكثيرين يعرفون المشخول بس ياريت تكتبين طريقتك

 

[اينااس]

تسلم الايااااااادى

مشهى الاكل

 

[مولي؛]

ماشاءالله روعة

 

[D e W]

السلام عليكم

تسلم ايدج اختي .. قاعده اتعلم طباخ و موضوعج الموصور فادني جدا
يا ريت تحطين شنو بهاراتج اللي استعملتيها + الكميه .... وشكثر خليتي البطاط و الجزر يطبخون قبل لا تحطين عليهم الباميا )

 

[ام وليد hamood]

اسمحي لي حبيبتي بالمداخله يمكن هذي طريقتج س اذا تبين مرقة البامية الثقييييله الحمممرة اول شي تحمسين البصر وبهاراتج الحب وكل شي ماعدا الطماط والملح وتحمسين اللحم عدل عدل عشان تروح كل الزفره وبعدهلا تحطين الماي وتخلينه ليما يستوي اللحم وعقبها شيلي اللحم وصفي الماي من كل شي وبعدين حطي شووويه دهن وحمسي توم حب و اللحم شووويه وحطي الطماط بالخلاط وحطي المعجون على اللحم وخليه ينحمس شوي وحطي الطماط والملح والباميه الصغييره المصريه عرفتيها وخليه يتسبك على قولتهم وبعدها وحطي ماي اللحم بعد وخليها تصير ثقيله وشوفي الطعم تاكليين اصابعج وراه ذي طريقتي ... لان مرقه الباميا ماينحط معاها شي لا بطاط ولا شي ..وتقبلي مروووري .... وتسلم ادييييييييينج

 

[زَهر تِشرينْ]

.. }
​

​

​

يم يم عجيبة المرقة تسلم الايادي حبووبة​

​

​

​

​

​

​

{ :eh_s(17):​

​

 

[دمعة وفاء]

الصــرااحة عجيب ،، يعطيج الــف الــف عافـــــــــــــــية

 

[منااااااال]

شكله وااااااو

تسلم ايدينج حبيبتي​

 

[اناظرك وكلي حزن]

روووووووووووعه اشويه عليه تسلم يدج

 

[ABEER FLOWER]

ماشاء الله

عجيييييييييييييب

تسلم إيدج وبالعافيه يارب​

 

[زوجة عزيز]

يعطيج العافيه

 

[ماما فله]

ما شاء الله شكله لذيذ
عوافي عليج


ولو ان الكثيرين يعرفون المشخول بس ياريت تكتبين طريقتك

الله يعافي قلبج حبيبتي

ابد طريقتي افوح الماي مع شوية زيت وقفشتين ملح وشريحة ليمونه عشان الجدر لا يسود ولى غلى الماي احط العيش واخليه يطبخ عشر دقايق بالضبط وتالي اشخله وبنفس الجدر احط شوية بصل جوانح وشوية زيت مع شوية كركم لين يشوقر البصل وتالي اشيله بماعون على صوب واحط العيش واحط عليه البصل والزيت واغطيه واقصر عالجوله لين يبخر الجدر وسلامتج وتعيشين