اللي مستغنية عن الخدامة و متحكمة بشغلها برة البيت و داخله اتدش

[om.aboodi]

انصدمت قلت له اوكي خل عيالك عندك وقلبي يفرفر والا ينصدم اي تسوينها ين ين بالاخير هدي بس احس مخليني لليهال بس ماهمني بس انا حالتي كسيفه ومحسسني ان احس واحد فلوسه كلها لامه ماني جليله اصل ولاني قايله لاتعطي امك وربي مابي يروح اجري بس لو اقولكم تنصدمون من مواقفي معاهم وشنو كنت ايب لها الحين وقفت بس لانه ان حبتك عيني وللاسف ريلي اذا راضي على ياحلاته وان قلب حقد الدنيا شدعوة عشان قلت ابي خددامه والله بنات قبل يقولي اهم شي راحتج شنو خدامه ويابلي ثنتين وكان عندي ولدي وحامل بس مشاكلهم وايد ووذلفتهم بس ربي يعطيني الصحه عشان عيالي لان بدوني بيضيعون مالهم احد واقعد كل يوم ابجي بليل بس هم الحمدالله يارب على كل حال اسفه دخلتكم بالف سالفه بس بموت لاسكت

 

[om.aboodi]

الحجي اللي فوق ياني يبي يتزوج يقول تعبت روحي مع عيالج بعدين كملوا هههه

 

[اطباق ماي ورد]

واي ابي وقت المهم بنات انا كتبت من قبل ام 3 اطفال بسبح ادخل الصغيرة معاي قبل بالدرايه الحين كبرت احط كرسي واللي بره هواش تعبت من الكرف يعني احس ظلمت عيالي من ضغط الشغل بلبيت قمت كله اعصب واصرخ محملتهم مسئوليه حرام بالبدايه مرتاحه بس احس ماسويت شي جني خدامة وطلعت الحره فيهم ابي وقت اربيهم مافي مت اللي يحرني انا ماقط كلش عالخدم بس ابيها تساعد بالتنضيف بالملاابس للعلم ماعندي اهل يساعدون امي حتي ماتبي ازورها الله يهديها خالتي ام ريلي على بالي بتمدح اثاريها فرحانه اني تعبانه بس بنات تكسفت جني عيوز لاطلعه لاروحه للعلم موراعيه طلعات حتي مواجيب مافي انقطعت والريل يتحلطم يبي نطلع بروحنا يعني ضروفي جذي شسوي وتقط امه نغزات على امي امي مرا متزوجه لاهيه بعيالها وريلها والكل لاهي خافي الله بناتها 2 و3 وعيالهم كبار انا الحين صار فيني دسك خليت ريلي يطلع اليهال بعد قلبي من زمان ماطلعوا ورحت المستشفي وربي عزت على نفسي بروحي رايحه وانا 3 قيصريات مت وريلي مانتحاجا الحين ليش قلت ابي خدامه تصدقون امه مارضت تقول لااشتبين فيها لادشتو ابتداي يبي خدامه اي ليش بس انا بلعكس لاكبرو مابي الخدامه وع وشافتني راجعه من المستشفي وربي لاتشوفون الابتسامه والسعاده ليش الطيب معاهم جذي وريلي قاهرني شنو تقول وياها وانا ليوعندي ولد مريض يعني على ماانومهم قعد يبجي قعد الباجي واواصل للصبح وهلمجره وقمت انام بالصاله وريلي بالغرفه واليوم يايه تقولي حطي لزقه بضهرج وبنتها لاراحت وحده ينت وامس يمدحون مرت حماي ماتبهذلت نفس بعض الناس امبيه هذيج خدامة وبيت امها ويايبه ممرضه هذا يزا كل وحده تتنازل عند الريل باي شي ماعزيت نفسي لو موخوفي على عيالي وربي جان ماقعدت بدون خدم والمصيبه تقول اشعندها وبنتها تسافر تاخذ ثنتين عيالها 8سنين 6 سنين اقولها شدعوة ثنتين معاج تقول لاتعبت ماقدر اي شي ولما تكلم ريلي قالت لا مريضه بنتي واحنا شنو بنات الناس شلون ترضين عليهم انا مابي خدامه تربي عيالي ابيها تساعد لاحشا ولاتلمس عيالي ولاجدامي تمثيل حجي وايد مافي وقت

ام عبودى حياتى والله رديت عليج انتى قبل اى رد لانى حيل حاسه فيج وبوضعج

حاستج حيل مضغوطه وهذا كله من صحتج ونفسيتى فى بيتى وعلاقتج مع ريلج واعيالج

باختصار حبيبتى اقولج .... يبيلج خدااااااامه

محد بيفيدج لا اهل ولا ريل ولا عيال اللى بيفيدج صحتج مع احترامى حق الكل

يعنى لو كانت صحتج اوكى ونفسيتج عال العال هذا اكيد بينعكس عليهم

مالج شغل باى كلام ثانى يبيلج خدامه اختاريها عدل على نظرج

وانصحج يبيها تحت ال30 سنه افضل ومو متزوجه او اا متزوجه ما عندها عيال

عشان ما تحقد على عيالج ويكون لها خلق مو مثل اللى عندها عيال

ودام انج بتكونين على راسها واعيالج تحت عينج ان شءالله ما منها خوف

عامليها بالحسنى والله الحافظ

واذا تبين فى حل ثانى بس شويه يكلف ماديا مع انه وايد مريح لج

ما تكون الخدامه عندج على طول تشتغل وتطلع ومالج شغل لا باكلها ولا لبسها

ولا نومتها

مكتب يسوى معاج عقد لمده شهر اييبها لج يوميا حوالى خمس ساعات ما عدا الجمعه

ولى خلصت اهو يستلمها منج

امى جربتهم وحييييل مرتاحه عليهم ولا مقثه خدامه اربع وعشرين ساعه قاعده على قلبى

انا مثلج دسكين والثالث على وشك والخدم تعبت نفسيتى منهم خلاص لاعت جبدى منهم

وكاهى خدامه طلبتها من شهرين ونص اوصلت بالمكتب قلت لهم صرفوها ما ابيها

مع انى محتاجه بس قلت ماابيها عله على قلبى بالبيت

اتفقت مع هنديه تنظف لى 4 ايام بالاسبوع يت اسبوعين تقريبا

اليوم انطرها ما يت يوم ادقوالا تقولى ماراح اييى حصلت شغل ثانى

تخيلى حيل اكتئبت قلت اشلون برد اشتغل وانا دسك وظهرى غصب يالله شوى ارتاح من بدت تيينى

الحين قاعده افكر بالمكتب هذا والله شكله اريح لى


انتى شوفى شنو اللى يريحج بس لا تهملين نفسج عشان تقدرين تقومين بواجبج تجاه زوجج واعيالج ونفسج لااااااااازم ترتاحين

وربى يعينج :yaaaaaarb:

...اذا حابه رقم المكتب قوليلى :eh_s(17):​

 

[اطباق ماي ورد]

ام عبود شنو هذا تونى اقرى اللى بهالصفحه

يبى يتزوج لييييييش

 

[اطباق ماي ورد]

اليوم رتبت داري ونظفتها

رتبت مكرمين كبت الجواتي شلت الشتوي بالكراتينوطلعت الصيفي
رتبت كبت الجنط

وخميت داري ومسحتها عدل وغيرت الشراشف


وخذيت شاور دلعت روحي فيه

شامبو نوعين واحد طبي ضد القشرة وواحد بالعنبر مع زيت الزيتون
وبعدين حطيت البلسم

ونفسه شامبو المسك للجسم وحطيت سنفرة لافندر تزيل الجلد الميت وخلطه صابونيه للتبيض
عقب ييت سويت احلى بدكير لريولي سنفرة من بودي شوب على نعناع منعش وبااارد وفركتها بالمفراكه من shool الي بالصيدليات
وعقب كل انواع المرطبات حطيتها زيت اللوز وزيت تدليك وزبدة شيا وزيت اللوز بالفواكه لطخت عمري عدل

وطلعت الق لق واحسن من اميه صالون

وعقب تعطرت من دهون اطياب المرشود

وحطيت مكياج خفيف ولبست وسشورت شعري علسريع مشط عادي البروش وامرر معاه السشوار هالحركه تعلمتها من وحدة فلبينيه بالصالون شفتها مرة تس يها وايد سهله وماتاخذ وقت والنتيجه اوكيه
ونزلت عند خالتي تغديت

ونعيماً علي

ليمون ونعناع

ما شاءالله تبارك الرحمن حسيت انى فررررررش وانا اقرى :ggdw:

يعطيج العافيه


وايه صورى لنا الريلاكسيشن او قوليلنا اسم المحل واللى يعافيج يبيله :ch12:

 

[بنت الاحلام]

ليمونه يا قلبي من وين شامبو بالعنبر وابي صورته فديتج يا قلبي

يصلح للشعر الدهني

 

[ليمون ونعناع]

هذي صورة البخاخ حق المخاد يسوي ريلاكس وانا ابخه على ريولي وظهري اذا عوروني من الشغل او المشي الطويل ويريح وايد واسم المحل مكتوب عالبخاخ L'oct...

وهذي صورة السنفرة وزيت اللوز المر يشد ويوحد اللون وزيت تدليك بزلدة الشيا والجل على عنبر مو مسك انا غلطت اهو للجسم والشعر لان على زيت زيتون كله منتجات طبيعيه بدون مواد كيماويه من بيت الصابون اللبناني بالافنيوز فيز ٢

 

[بنت الاحلام]

اها فديتج مشكوره بشتريهن

 

[ليمون ونعناع]

العفو
حياج

http://www.q8yat.com/t1037364.html
ضحكني العنوان

 

[اطباق ماي ورد]

يعطيج العافيه ليمون ونعناع ماقصرتى على الصور

بس ممكن ابى اعرف اى صوب يصير محل بخاخ الريلاكس

عشان اروحله سيده يتعب الافنيوز اذا بفتر فيه وادوره

 

[om.aboodi]

يابعد قلبي انتي والله كلامج صح ومشكوررررة وايد انا كل يوم مغثه حسبي الله علي امه اتشيشه تقول قاعده بلبيت اشعندها واليوم اهو يقولي اشعندج ماعندج شي هالكلمة تحرني موقادره حتي اروح مكان

 

[om.aboodi]

ام عبود شنو هذا تونى اقرى اللى بهالصفحه

يبى يتزوج لييييييش

يقول تعب يبي يرتاح تخيلي

 

[PuPa^^SWeeT]

الله يعييينج ام عبوودي


من شنو تعب ؟؟؟

 

[ربيع_الروح]

السلام عليكم بنات

اتمنى تقبلوني عضوه معاكم من ربات المنازل الي بدون خدم



صراحة انا بعد تعقدت من الخدم يبت 4 خلال سنه
كل وحدة فيهم عقب جم شهر يطلع فيها بلي والا الله يفضحها جدامي
ويحفظلي ولدي منها



لحد ما قلت خلااااااااااااااااااص لي هني وستوب


وقررت إني أكون مثلكم وأفضل التعب الجسدي على النفسي
خاصة وان انا نوعي أحب اخذ راحتي في بيتي ما احب أحس روحي إن كل كلمة وحركة عليها
رقابة ومحاسبة

وما أنكر بعد إن تجمعكم شجعني وايد
وغير نفسيتي وايد
كان حده ضايق خلقي
وكنت بحالة ما يعلم فيها الا الله
لكن لما شفت تجمعكم
وقريت ردودكم حسيت إني مو بروحي
وإن في وايد نفس ظرفي
وإن حياتهم وايد سهله وماشية وبسيطة


ومشكورة وايد وايد صاحبة الموضوع
وبميزان أعمالج إن شاء الله

 

[بقلبي انت]

من زمان مو داشه الموضوع
حيالله خواتي الجدد تشرفونا بالتجمع نشيل بعض ونشجع بعض ونعطي افكار للبيت والتنظيف ونستفيد
من بعض


ام عبود ما اقول غير حسبي الله ونعم الوكيل خالتج هذي تحب تتحكم وتسيطر علي حياتكم وزوجج الله يهديه ويسخره لج
مو حاس بالتعب والضغط إلي عليج بس هونيها وتهون ادعي ربج الله يسخرلج زوجج وخالتج والله مادري شقول بس
شكله زوجج مسوين له غسيل مخ

قوليله جيبلي خدامه وتلاقيني عروس جديده لك كل يوم شكل والله حاله يرفعون الضغط والله الحين اتعب وشايله
البيت كله مع عياله وشايلته واخرتها بيتزوج الله يعينج

 

[بقلبي انت]

ربيع الروح حلو نكج عجبني

الله يخليلج ولدج بصحه وعافيه وصاجه الوحده ترتاح نفسيا وتتعب جسديا احسن من التعب والتفكير النفسي من الخدم
وبصراحه الوحده تاخذ راحتها من ناحية اللبس والاكل يعني ما في عيون تخزز بكل شي تفصل جسمج للبستي شي
حلو وملفت او قصير او لحطيتي ميكب وسويتي شعرج تصك علي الزوج بالخززز والله

ومالج شغل باحد إلي انتي تبينه سويه مو لازم اجيب خدامه عشان الكل عنده كبرستيج وبس صج تحسين انج غير
ومنبوذه عنهم لان نظرتهم لنا جذي جني من كوكب ثاني

وكل ماتضايقتي او تكيسلتي دشي هني عشان نعطيج دفعه قويه من النشاط والحيويه

 

[PuPa^^SWeeT]

حياكم الله بناااتت

 

[shai6ona19]

السلام عليكم

ياحظكم بنات ودي اصير نفسكم واستغني عن الخدامه

بس اللي مخليني اتردد كوي الهدوووم اكره اكره موووت

وانا عندي طفله رضيعه يعني لما ادخل اتسبح تمسكها عني لان مستحيل اخلي بنتي بروحها

وانا موظفه واخلي بنتي عند خالتي ام زوجي مع الخدامه لازم لانهها مره كبيره ماتقدر عليها بروحها

 

[Winter Q8]

السلام عليكم

ياحظكم بنات ودي اصير نفسكم واستغني عن الخدامه

بس اللي مخليني اتردد كوي الهدوووم اكره اكره موووت

وانا عندي طفله رضيعه يعني لما ادخل اتسبح تمسكها عني لان مستحيل اخلي بنتي بروحها

وانا موظفه واخلي بنتي عند خالتي ام زوجي مع الخدامه لازم لانهها مره كبيره ماتقدر عليها بروحها

شيطونة مادام تحبين الشغل و ماعندج مانع تشتغلين في حلول ..

أنا ولدي رضيع بالبداية اخذت امومة و لما صار عمره 6 شهور دخلته حضانة و الحمدلله مرتاحة و مااحاتيه كلش .. و اذا بتطلعين اخذيها معاج و او اذا طلعه بالليل نظمي نوم بنتج و نوميها عند خالتج و لما تردين تاخذينها .. بجذي تتططمنين انها نايمه و ماراح تقعد و لا راح تاذي خالتج
الهدوم ملابس الطلعه و الرسمية مصبغة سوي اشتراك معاهم و البيت الله يخلي النشافة بس لا تكثرين هدوم فيها و طلعيها اول ما تخلص لما تكون حارة و بس طبقيهم و بالكبت ..
و اذا مالج خلق تشتغلين الله يخلي الخدم بارت تايم اييبهم كل اسبوع ..

 

[PuPa^^SWeeT]

ونتر ما شالله علييج



شيطوونة جم عمر بنتج ؟؟؟



اذا صغييرة نوميها فراشها و تسبحي


اذا فوق 4 اشهر

ييبي سوالف اللي اتعلق عالفراش


او العاااب الfuzzy وتلعب فييهم علا ما اتسبحيين




شغلي صوت اغاني بارني لها


الكوي و الهدوووم ايي والله الشي اللي ماحبه



اشتري غسالة اتوتوماتيك و اتنشف هدووومي و سييدة اصفط بالكبت