يومياتي بالصور ولمده 3 اشهر متواصله حياكم ..

[نارنجه]

اليوم

الريوق
٣تمرات
قهوة بالحليب

عقب
شريحه اناناس
حبة كيوي


الغدا
سلطة
نص صدر دياية
روب


سناك

عصير قريب فروووت
شريحه اناناااس


العشا
اما خيار بالروب او روب بالخيار :/

بس احتمال شووربة لاني اكلت الروب مع الغدا
والمفروض شوربة او خضار مسلوووقة

 

[مشتاقه للحب]

هاذا غداي
]

2
عباره عن همبرجر مشوي وسلطه وعصير برتقال
هذا عشاي

2
عباره عن بيضه مقليه وصامولي بر صغير وشوربة خضار وحليب

 

[شيخه***البنات]

هليكم بالعافيه بنات ..

..

ام عزوز

ان شاءالله بحاول اوخر عن الككاو ..


..

نارنجه ..

حلو الرجيم بس صج قاسي يالله الله يسهل

عليج وتكملينه ..

 

[شيخه***البنات]

يومياتي امي

الغدا

صدر دياي + خبره خفيفه سمرا + ففشه حمص + ٣ بطاطاات بالعدد :/
+ دايت ..


ماتعشيت ولا سناك ولا شي حاشتني ضيقه ولوعه جبد

..

واليوم يومياتي

الغدا

بلاليط وبيضه

سناك

قطعه كيكه


وماتعشيت ليلحين ..

..

 

[مشتاقه للحب]

عليك بالعافيه شيخة البنات

أكلك يصحي ومشهي مشاالله

 

[ام عزيز 4]

 

[ام عزيز 4]

مشتاقه
نارنجه
شيوخه


صوركم انجاز. استمرواااا

والله يوفقكم

 

[نارنجه]

حلات الاسبونج بوووب لاحقني حتى بالمنتدى ههههههههه
بالعافية ام عزيززز

وانتي بعد صورج انجاز يا منجزة

يالنحس ع الاقل طلوا عل موضوعي جاملوني

http://www.q8yat.com/t1036966-3.html



/


شيوخه

فديتج الله يوفقنااا اجمعين و يارب نحقق نتايج حلوووووة
تصدقين اول يومين كانوا صعبين
الحين صار عادي
ولا عندي اشياء مايمديني اكلها
النظام سعراته اقل من 1000 كالوري
بس مشكلته حموضة الكيوي و الانانااس :/


وعفية ع الشاطرة
الصامدة
الي كلها ارادة و بتنزل ال 10 كيلو :****


/

مشتاقة للحب

عليج بالف عافيه
اكلج صحي ماشاااء الله
عسى ربي يتمم عليج و توصلين لهدفج
:*****




/

ياحلاتي
فهده
ندى
بسبوسة الرياض

منو مزعلكم؟
:/

 

[نارنجه]

يومي
الريوق
مثل كل يوووم

الغدا
لبن
سلطة
فول
ربع خبزة


سناك & العشا

العشا كان وداعية لرجيم ربيع:eh_s(9):
فاحتفلت بطريقتي

خس
وشوية من فطيرة دياي
روب
كيوية قبل ما انام للذكرى

 

[نارنجه]

اليوم كنت بصيدلية بوووتس

واخذت لي هالجل

جل حراري للتنحيف للفخود و الارداف و البطن
طريقته مرتين باليوم

واحلى وقت للاستخدام قبل الرياضة

تعليقي

فلفل هالجل حده حار
حاش ايديني من فوق الرسغ و صارت حمرررا و حارة
بعدين قريت انه لازم مايحوش المناطق الرقيقة و الحساسة

اما فخوذي
ماحسيت بشي الا بسيط
الله يعافي الدهن ههههههههه

وايد مدحوه
بستمر عليه قبل الرياضه والشورت الحراري

:***

 

[نارنجه]

وعلى فكرة

الصيدلانية مدحت حبوب حارقة للدهون مكوناتها طبيعيه چاي اخضر و مادري شنو
تقول تستخدم وقت ثبات الوزن
ودكاترة التغذية يصرفونها

 

[مشتاقه للحب]

هلا وغلا بالجميع

هلا ام عزوز بالعافيه ماكليتي مشكوره علي الكلام الحلو

نارنجه مشكوره خيتو

فطوري اليوم صامولي مع بنات بتر وحليب وحبة فاكهه

السناك ٣ تمرات

الغدا صدر دجاجه وسلطه و٢ توست

العصر حليب مع زنجبيل

العشا ٢ توست وشوربة خضار و٢ فاكهه

وشربت جاي اخضر من اشوي

الحمدلله اليوم ماشيه مظبوط

وسلامتكم

 

[توكا]

هااااااااااااااااااااااااااااااي
ممكن اشارك معكم

 

[نارنجه]

هلا فيج توكااا
اكيد تقدرين حياااج الله بيناا

 

[نارنجه]

اليوم رجعت لرجيم شيوخه :eh_s(22):


الريوق
كورن فليكس فتنس
حليب
رشه دارسين

نص شريحة اناناس



سناك
عصير قريب فروت

الغدا

2بيرقر
مسويته بطريقه الصينية

شوربه سليري و بروكلي


سناك
بسكوته
كوفي
اناناس

العشا

روب +تفاحه خضرا



والحمدلله ع النعمة

 

[شيخه***البنات]

مشتاقه للحب

فديتج تسلمين يالغاليه ..

..

نارنجه

بعد جججبدي على هالتشجيع الحلوو ..

، و ولكم ولكم تووووماي رجيم ههههه..

نارنجه

ترا هذاااا الجل موووووطبيعي

انا كنت استخدمه قبل لا اتزوج بعد لو تحطينه

وقت الحركه او لعب رياضه وتحطين بعدها نفس ماركته

سووو سكن بس الشد بتلاقين نتايج فتاكه بإذن الله

بس مو شد ١٠٠٪ بس شي احسن من ولا شي
..


ام عزيز

اضبطج ان شاءالله كل يوم انجاز يارب ..

 

[شيخه***البنات]

يومياتي امس

الغدا

٤ قفاش عيش + مرق خضار + اقل من نص صدر ديايه ..

سناك

ابل باااي بحجم السمبوسه ..

العشا قفشتين مكرونه + كبابه وربع خبزه


..

يومياتي اليوم

كنت طالعه

عالغدا

صمونه ستيك من مستر صبز ماقدرت اكملها حاشني شي مو طبيعي بمعدتي + دايت


خذيت دوا مال غثيان الحمدلله صرت اوكي

كليت قطعه كيكه ككاو

...

 

[مشتاقه للحب]

هلا بالجميع

نارنجه أكلك مشاالله يفتح النفس

كيف سويتي الهمبرجر

نارنجه مشاالله كم نزلتي علي رجيم ربيع

اذا النزول حلو بشجع

 

[نارنجه]

شيوووخ

والله مالي غنا عن رجيمچ احس اني ماكله الي بخاطري

وتستاهلين التشجيع بعد عمري
خاصة لانج التزمتي فيه و يارب تحصلين النتيجة الي في بالج
وكل البناات

وبخصوص الجل
اشوا طمنتيني اخاف عقب هالتشلوط ماحصل النتيجه ههههههههههه
ان شااء الله اخذ كريم الشد

:*****


سديكتي مشتاقة

بعد عمري تسلمين على الكلام الحلو :***

شوحي البيرقر بالمقلاة من غير اي زيت
قطعي بصلة + فلفل اخضر+ طماط شرايح

بصينية فرن او ببايركس
صفي البصل و حطي فوقه البيرقر و الفلفل الاخضر و الطماط

بالخلاط حطي طماطه و قفشين او اكثر صلصة طماط و فصين ثوم و ماي
هذي بتكون الصلصة الي بتصبينها فوق البيرقر

وغطيها بالقصدير و دخليها الفرن لين تذبل الخضار

ولما تطلعينها رشيها بكزبرة او بقدونس او اوريقانو

وبالعاافيه على قلبج


بخصوص رجيم ربيع
والله النتيجه حلوة

يعني بديت وانا ٧٢.٥
يوم الجمعه وزني ٧٠.٦
اليوم ٦٩.٣

ولاتشوفين شكلي الصبح كل شوي مغيره مكان الميزان اتاكد من الرقم ههههههههههه
ربي لك الحمد
بس الله يستر لا يرجع :/

 

[نارنجه]

ايه
طبعا ولا قطرة زيت تضيفينهااا
والملح و الفلفل ع حسب رغبتج