** تجمع الي مسوين جراحة الفك**

[ام الفاتنات]

مرحباً بنات .. أنا سويت عمليتي تاريخ ٢-٤-٢٠١٢ يوم الاثنين عند الدكتور توماس في مستشفي خليفة ومره تعبانه رجعو فكي الفلي من اليسار ٤ واليمين ٣ ويعدلون الميلان لانه فكي مائل جهة اليمين بعد العملية ٣ ايام ركبو لي مطاطات وتميت في المستشفى اربع ايام وأمس طلعت واكتشفت العضة غير متطابقة ومازال الميلان فيه استغربت من هالشي بنات بليز ساعدني لانه موعدي بعيد يوم الأربعاء مافيني صبر حاسة انه الدكتور غلط في العملية وماعلمني

 

[ام الفاتنات]

بنات فترة الأربع الايام اللي جلستها في المستشفى كانو يحطو لي كمادات باردة استمر بالكمادات الباردة ؟؟

 

[innocence]

اسراء

ماشالله النتيجه حلوه وطبيعيه
عقبال ماتشيلين البريسز وتنبسطين باحلى ابتسامه


ام الفاتنات

الحمد لله عالسلامه

بالنسبه للكمادات خلاص ابدي بالكمادات الدافيه الحين
ولاتحاتين الميلان ان شالله بيتعدل مع المطاطات خلال شهر بتشوفين تحسن ان شالله
هو اكيد التورم بيصير جهه مورمه اكثر من الثانيه وتلقين اسنانك لسا على وضعها القديم مايله ..عدلوا العظم وباقي الاسنان ان شالله عمليتك مافيها غلط وبيتعدل كل شي مع الوقت
انتي اسالي دكتورك وتاكدي اكثر منه

 

[ام الفاتنات]

مشكورة حبيبتي ردج ريحني وايد بس بغيت اسالج انتي قبل مسوية تعديل للفك؟ السؤال الثاني أنا عندي كمادات بلاستيكية مغلقة من المستشفى كانو يحطو لي وهي باردة اللحين اسخنها ولاشو ولاه أحط فوط؟

 

[اسيل 18]

اسراء تغيرتي تغيير جذري

رووووووووووووووووووووووووووووعه

وكل ماشوف صورك اتشجع اسوي العملية مع العلم اني جبانه

 

[هديل جداوي]

اسراء ماشاء الله صورك حلوه ياقمر
..

موفقين حبايبي كل اللي راح يسووا العملية


منتظره موعد العملية الله يسهلها يارب..

 

[AMISA]

مرحباً بنات .. أنا سويت عمليتي تاريخ ٢-٤-٢٠١٢ يوم الاثنين عند الدكتور توماس في مستشفي خليفة ومره تعبانه رجعو فكي الفلي من اليسار ٤ واليمين ٣ ويعدلون الميلان لانه فكي مائل جهة اليمين بعد العملية ٣ ايام ركبو لي مطاطات وتميت في المستشفى اربع ايام وأمس طلعت واكتشفت العضة غير متطابقة ومازال الميلان فيه استغربت من هالشي بنات بليز ساعدني لانه موعدي بعيد يوم الأربعاء مافيني صبر حاسة انه الدكتور غلط في العملية وماعلمني

الحمد لله على السلامة

 

[مس لزيزه]

اسراء وش ذا الزين وش ذا الحلا :icon30:

ماشاء الله تبارك الله

عقبالي_03BA:

 

[مسالمة66]

بنات بليز ابي اعرف اشلون اخذ موعد استشارة مع نائل الهزيم اهوا في اي عيادة الحين ؟؟ والبي عندها رقم العيادة اللي فيها نائل اكون شاكره لها

 

[innocence]

مشكورة حبيبتي ردج ريحني وايد بس بغيت اسالج انتي قبل مسوية تعديل للفك؟ السؤال الثاني أنا عندي كمادات بلاستيكية مغلقة من المستشفى كانو يحطو لي وهي باردة اللحين اسخنها ولاشو ولاه أحط فوط؟

العفو.. يب انا سويت عمليه قبل فتره
الكمادات هذي بس تنحط بالثلاجه الحين استخدمي مناشف دافيه او ممكن تشترين كمادات اللي تتعبى مويه عبيها مويه حاره واستخدميها

 

[اخت الامل]

من هو افضل دكتور في مدينه جده وكم ممكن تكون كلفة العمليه فك واحد

افضل دكتور واكثرهم امانة عبدالله القرشي هو رئيس جراحة الوجة والفكين في مستشفى الملك فهد وبالخاص يشتغل بعيادة الامين بحي الروضة روحي لة وبتدعيلي
انا كان نفسي اسوي عمليتة الفاشلة عندة بس للاسف ماعرفتو الامتاخر
روحي لة تراة جدا امين مو مادي واظن انو مو غالي وتراة يراعي ويقدر الظروف
موفقة

 

[اخت الامل]

بنات مين تعرف عنوان للدكتور عبد الله القرشي .​

اقصد عياده خاااااصه .​

فيه وحده تبيه ضروري .. وارسلت على الاخت نرجس بس ماردت لأنها ماعاد دخلت المنتدى .​

هلا بالغالية غلاااة الدكتور الرائع عبدالله القرشي بعيادة الامين بحي الروضة وهذا رقمها
26677086
وبالنسبة للعضوة نرجس قريب باذن الله تدخل بعد ماتركب التقويم الجراحي ترا دكتورها
باذن الحي القيوم عبدالله القرشي.
اعذرينا ع قلة توجدنا بس انتو بالقلب وانا كل مادخل القسم افتكر عمليتي الفاشلة
واقلب ع عمري المواجع :eh_s(16):

 

[اخت الامل]

اسرااااااااااااااااااااااااااء ماشاءالله لاقوة الا بالله قمرررررررررررررررررررررر الله يهنيكي ويسعدك

 

[مسالمة66]

اللي تعرف الدكتور نائل في اي عياااادة اكون شاكره لها ..


كنت حاطه تقويم ما كنت صغيره والحين احس استاني رجعو لي برا وكل مالهم يتقدمون .. رحت عيادين قالوا ما نقدر نحط لك تقويم السنيين اللي نبي نشيلهم انت شايلتهم .. قلت له شنو الحل قال مافي غير جراحة تقويمية يرجعون الفك كله .. فابي اروح لجراح الفك مرة وحده اهوا يعرف اذا احتاج او لا .. وهل اذا راح يسويلي العمليه لازم يركبلي تقويم قبل العملية علما باني مسويه يوم صغيره ؟؟

وهل المستشفى العسكري يسوونها جراحو الفك ؟؟

 

[الـهاجريه]

غلاء و اسراء مشكورين خواتي وماتقصرون ،، انا خلاص خذت قراري و بسوي العمليه و اتوكل على الله ،، موعدي مع الجراح بيكون 15 الشهر ،، بس بعدني متردده و بعد الموعد بقرر اذا بسوي العمليه عنده او لا

بس بنات عندي وايد اسئله وماعرف اذا رح اثقل عليكم ،،،
بس ماتعرفون اشكثر محتاجه اني اقرا رد على اسئلتي وحابه اخذ فكره اكثر عن العمليه ،،،


هذا الشي بيساعدني واايد لاني اذا خذت فكره عن العمليه
بكون مستعده اكثر و عارفه انا شو قاعده اسوي ،،

،،،



1 - كيف احصل دكتور التقويم و الجراح ؟ وعلى اي اساس اختارهم ؟ وكيف اضمن انه شغلهم بيكون ممتاز ؟

2 شو الاسئله المهمه جدا اللي مفروض اطرحها على دكتور التقويم و الجراح ؟

3 مرحله التقويم هل تكون بعد ماشوف الجراح على طول ولا تاخذ وقت ؟ يعني هل لازم حشو و تنظيف و الخ ؟ :eh_s(16):

4 وكيف يكون التقويم الجراحي نفس العادي شكله ؟ و يعور يوم يشدون ؟ و المواعيد تكون شهريه ولا ؟

5 يوم يقرب موعد الجراحه شو يصير ،،، يعني مواعيدي كاالعاده بتكون مع دكتور التقويم و يشد فكي بسس ولا يحصل تغيير لان العمليه قربت ؟

6 متى ادخل المستشفى للعمليه ؟ اقصد بنفس اليوم ولا قبلها بيوم ؟ وشوو يسوون فيني :eh_s(10):

7 شو احتاج اخذ معايه للمستشفى و تنصحوني فيه ؟ وشو لازم احط في بالي اول ماصحى من البنج يعني كيف العوار و الاحساس بيكون ؟

8 بعد العمليه على طول كيف يكون الاكل و النوم و الكلام و غسيل الاسنان ؟ و هل الوضع بيسمح انه حد يزورني ؟

9 مواعيد التقويم متى تكون ؟ اصلا كيف يشدون الفك و انا ماقدر افتح فمي ؟؟ :rgewrg:

10 البراغي اللي بالفك متى ينشالون ؟ ولا يتمون للابد ؟؟


،،،

و اسفه اذا ثقلت عليكم بالاسئله بس ياريت البنات اللي سوو العمليه يردون على الاسئله ،، جزاكم الله الف خير


:eh_s(17):

 

[ام الفاتنات]

مساء الخير انتي عند اي دكتور الأخت من الامارات ؟

 

[برنسيسة الرياض]

بنات الرياض ابي دكتور ممتاز واسعاره معقووله

 

[الـهاجريه]

امممم
هذي البنت رايحه اخر موعد للتقويم قبل العمليه ،،،
حاطين لها شي طويل ازرق داخل فمها عشان تعض عليه ،،،
حد عنده فكره شو هو ؟
و هل لازم يحطونه بكل الحالات ؟؟ قولو لا هههه :yaaaaaarb:

http://www.youtube.com/watch?v=lkfGcyAvHI4


صراحه واااايد خوفني اخ احس اسناني عورتني :eh_s(2): عوار العمليه كله يهون بس هذا الشي ماريده :eh_s(1):

،

بعد ماشفت تجارب الناس باليوتيوب بديت اخاف لوول احس الموضوع صار جد الحين
مايقدرون يخلصون كل شي بالعمليه ومع بنج كامل و خلصنا خلااص !!!

الله يعين

 

[الـهاجريه]

مساء الخير انتي عند اي دكتور الأخت من الامارات ؟

مساء النور اختي

انا بعدني ماخترت الدكتور ،،
بس حاليا ماخذه موعد مع الدكتور ميشيل ،، موعدي 15 الشهر لانه مسافر اخروني :eh_s(4):

بس احتمال اغيره لومارتحت له بعد الموعد ،،،
و اذا جرت الامور بشكل زين اتوقع بنبدا مرحله التقويم و العلاج ،،،

انتي مسويه العمليه اختي ؟؟؟
و اذا انتي من الامارات مع من تنصحيني اسويها ؟

 

[اسيل 18]

بنات الرياض ابي دكتور ممتاز واسعاره معقووله

اهلين برنسيسة الرياض

اذا كنتي تقصدي جراح للفك فافضلهم

الدكتور صالح البازعي في الحبيب

موفقة