السلام عليكم
بنات انا متابعه الموضوع من فتره و سجلت عشان اتناقش وياكم بحالتي ،،،، انا سرت قبل ثلاث شهور عند دكتور عشان اسوي تقويم بس قالي لازم عمليتين للفك ،،، اول شي اركب تقويم وبعدها بست او سبع شهور اسوي العمليه الاولى بالفك العلوي و العمليه الثانيه تكون بعدها بست سبع شهور او سنه ماذكر صراحه ،،، المهم اني طنشت الموضوع و الوالده بعد قالت لي هذا بس يريد بيزات ومايعرف شي لووول ! و انا نفسي كنت حاسه انه كلامه صادق بس طنشت لان بالاساس انا خوافه وماتخيلت اني ممكن اسوي عمليه خصوصا بشي تجميلي ومب ماثر عليه واايد !!! المهم اني رجعت مره ثانيه قبل اسبوع عند دكتور تقويم ثاني وهو نفسه اللي اشرف على عملية الفك اللي سوتها خالتي وهي حالتها مختلفه عني اشوي المهم انه قال نفس الكلام بالضبط لازم اركب تقويم وبعدها بست سبع شهور عمليه للفك العلوي وبعدها عمليه ثانيه للفك السفلي بس بعد ناسيه متى العمليه الثانيه قالي اعتقد بعد ست شهور ، بعني نفس المده الزمنيه اللي تفصل بين التقويم و العمليه الاولى !!!
المهم انا اللي شجعني انه يوم سالته لو ماسويت العمليه شو بيحصل ؟؟ قالي ويهج بيتم طويل لو سويتي العمليه بيقصر :eh_s(15): وبعد طريقه اكلج بتم غلط لو ماسويتي العمليه ،،، وهذا الشي شجعني لاني انا اوريدي اصلا متعقده من طول ويهي بس كنت متوقعه انه رباني يعني مافي سبب معين هو اللي مسبب الطول !!! فيعني قررت اتقبل فكره العمليه حاليا بس بعدني ماقررت 100% خصوصا انه ماعندي فكره عند اي دكتور بسوي العمليه ؟ وماعرف كيف بتكون العمليه يعني قريت اغلب الردود بس ماشفت وحده مثل حالتي اقصد عمليتين وفكين ؟ خصوصا اني اشوف اغلب البنات مسويات عمليه للفكين مره وحده فمادري ليش انا فكين و كل عمليه فك ؟؟؟ و حالتي انا مش وايد ماثره على شكلي الكل يقولون اني حلوه :eh_s(7): بس بعد دوم احصل تعليقات على ويهي ادري انهم يمزحون بس بعد انا مابغي احد يحصل فرصه انه يتمصخر ويعايب عليه !!! يعني المشكله اللي مسببها الفك انه مطول ويهي و الاكل يقولون اني اكل اغلط ! و الفك علوي يوم ابتسم تبان اللثه اشوي يعني مثل ماتقولون انتو و توصفونها با القمي سمايل ؟؟؟ وبعد الفك العلوي رايح على جنب و الفك السفلي على جنب مختلف كل حد في اتجاه ؟؟؟ مادري اذا عرفت اوضح حالتي !
فمادري بنات ياريت تساعدوني و انا اهلي معطيني الضو الاخضر و قالولي هذا قرارج و الوالده ادري انها خايفه عليه لدرجه انه اتقولي التقويم بيحل المشكله و بنسويلج تقويم في تايلند و الخ من هل كلام بس انا ادري انه التقويم صعب يحل المشكله لان اثنين من الدكاتره قالو نفس الكلام بالضبط وبدون تردد ،،، يعني واضح انه فيه مشكله ولو تنحل بالتقويم كان قالو :eh_s(11):
ع العموم انا حاليا تقبلت فكرت العمليه تقريبا و ابغي اسويها بقلب قوي بس بعد مابغي استعجل يعني انه عمليتين هذا بيكون وايد صعب انا يلا يلا اقدر اسويها الاولى و اتحمل الالم وبعد ارجع اسوي الثانيه صعب جدا جدا جدا :eh_s(16): فمادري بنات ياريت تشورون عليه و انا بعدني بال 18 ولهذا السبب الدكتور قالي احسن تسوينها الحين لان الجرح بيلتئم بشكل اسرع اما بعد العشرين بياخذ وقت اطول !
فيعني هل تنصحوني انتظر وقت اطول و اشوف اذا ممكن اركب تقويم ؟ و هل طبيعي اني احتاج عمليتين ؟ خصوصا انه الفك السفلي انا ماشوف فيه مشكله عادي ! و العمليه الاولى على حسب كلام دكتور التقويم بتكون كبيره بس احتمال اطلع من المستشفى بنفس اليوم ؟؟ استغربت وايد من هذي النقطه ! بس ارتحت بنفس الوقت لان واضح انهم واثقين بنجاحها ،،، و الحين اخذلي دكتور التقويم موعد مع دكتور العمليه وهذا نفسه الطاقم اللي مسوي العمليه لخالتي اللي كانت حالتها اصعب بوايد ومع ذالك نجحت وهذا الشي مريحني اشوي ! ولاكن بنفس الوقت خاايفه مب من الالم و المضاعفات هذا اكيد مخوفني بس الشي اللي مخوفني اكثر شكلي يوم يتغير ماعرف هل بيتغير للاحسن او للاسواء ؟؟؟ الالم و العوار و المضاعفات بتروح ان شالله ،،، بس الشكل بيتم للابد !!! :bbbiu:
وبعد انا بسويها بمستشفى حكومي و انتو ادرا بحال المستشفيات الحكوميه الواحد مايعرف يطلع منها كيف خصوصا انه بيوقعوني على ورقه انهم مايتحملون المسؤوليه ! يعني محد بياكلها في النهايه غيري انا وبسس !!!!
و بالنهايه اسمحولي لاني كتبت واايد بس حبيت اشرح حالتي و الاشياء اللي حصلت معي وياريت تشورون عليه بنات ،،، خصوصا بموضوع العمليتين وهل هذا شي طبيعي ولا ؟؟؟ و التقويم اللي يحطونه يكون جراحي ولاعادي ؟؟ وياريت لو وحده عندها فكره عن دكاتره الامارات تخبرني و انا حاليا ماخده موعد مع ميشيل اللي في مستشفى خليفه ،، هل فيه من البنات مسويه عنده ؟ و دكتور التقويم المفروض فطيم التركي ، بس يمكن اغيرهم مادري ؟؟؟ بعدني في البدايه لووول !!!
و انا بعدني ماسويت ولا اشعه لان الدكاتره الاثنين كلهم قالولي تحتاجين عمليه وبسرعه و بكل ثقه !! يعني هل اسوي اشعه ؟ لاني حاطه امل صغير انه ممكن تنحل المشكله بالتقويم :yaaaaaarb:
و اسفه ع الازعاج
:eh_s(7):
موضوع العمليتين عاااادي فيه حالات تحتاج عمليتين علشان تنحل المشكله بشكل نهائي
عندنا أكثر من بنت منهم الأخت سيزر تفاح .. حالتها احتاجت عمليتين
سوت العمليه الأولى الحمدلله والحين بانتظار موعد العمليه الثانيه
مابي أحبطج بس مثل هالحالات ما تنحل بالتقويم .. الحل الجذري لها هو العملية
معظم الحالات أو بالأصح أغلبها التغيير كان للأفضل والكل مستانس من النتيجة
دخلي المواقع الأجنبيه وشوفي صور الحالات قبل وبعد .. راح تتشجعين واااايد :rerrerek:
د.ميشيل سوت عنده العضوه
e7sas.majro07 حيييييل عاجبتها النتيجة وتزوجت عقب العمليه بعد .. الله يسعدها
شوفي ردودها علشان تتطمنين أكثر
وفي بعد عضوه ثانيه من الامارات تراجع عنده .. نسيت شسمها !!!
اقري الموضوع وشوفي بنات الامارات
بالنسبة لي و من وجهة نظري أنصحج بالعملية .. وإنج تبدين تباشرين بالاجراءات
لااااااتماطلين بالموضع علشان ما تتحسفين بعدين .. دامج صغيره سويها الحين
كلما تكبرين كلما تكبر مسؤولياتج والتزاماتج
والحلو اإنه أهلج مأيدينج ومعطينج الضوء الأخضر
سويها وتوكلي على الله
وكل شي يهووووووووون في سبيل الجماااااااااال :sfg:
