اسراء حبيبتي بقول لج مشكلتي
انا وجهي طويل لان الفك العلوي داخل والفك السفلي بارز والذقن طويل
الحين حاطة تقويم وقال لي الدكتور ان اسناني بدون العملية ( بالتقويم بس ) راح تترتب بنسبة عالية
الي ببالي اني اسوي بس تقصير الذقن وانفخ خدودي عشان ابين امتن يعني تطلع لي خدود
الي خلاني افكر فيها لانها موب خطرة وانا خوافة ههههه وخايفة اني انطر اخر شي اتراجع و ما اسويها
تتوقعين اني لو سويت تقصير ذقن مع الحقن بيفرق شكلي بنسبة كبيرة ولالا
لان احتمال كبير اسويها الاسبوع الجاي ا
بليزززز ردي علي انتي ولا اي حد يقرا سؤالي
ايه ونسيت اقول لج ان عندي سبب مقنع بوجود ظروف تعيقني
هو اكيييد راح يكون فيه تغيير في حال قصرتي الذقن ونفختي الخدود
لككككككن نسبة التغيير ما تتقارن بنتيجة الجراحة خصوصا انه انتي فكج العلوي مترجع
بس اذا انتي عندج ظروف قاهره تمنعج عن العملية .. سوي الخيار الثاني ( تقصير الذقن مع النفخ)
يعني نقدر نقول العوض ولا القطيعة
احنا نبي التغيير للأفضل حتى لو النسبة بسيطة
بس نصيييحة صلي استخارة ولا تستعجلين
وحطي ببالج انه في التأني السلامه وفي العجلة الندامة
انا مابيج تستعجلين وتسوينها وما تكون النتيجة مثل الصورة اللي راسمتها ببالج
نفخ الخدود مؤقت وراح تجددينه باستمرار
يعني اقدر اقول كنسبة افتراضية انه نتيجة جراحة الفك كاملة (للأفضل) ضعف نتيجة تفخ الخدود
لكن جراحة الفك ممكن تأثر على شكل خشمج
يعني تضحين بشي مقابل شي ثاني
الموضوع نسبة وتناسب والقرار راجعلج انتي
