دشتي 2012مع شريفه حياكم

[مس قطريه]

مس قطريه الله يعافيك ي البي بس نصيحه حبيبتي اذا تبين تنزلين صح ونزول مرضي وقوي ابعدي عن كل شي غير البروتين والدهون

واذا تبين خضار خوذي خس عندك اربعه شرايح خس 1 كارب يعني 8 شرايح 2 كارب نسبه بسيطه واعتبره هو الخبز انا كذا ماستخدم الا هو بزياده هو مليان الياف ومفيد مره :rerrerek:

الطماطم ابعدي عنها قد ماتقدرين لسببين اولا لان الطماطم الصغيره فيها 4 كارب وثاني شي تسوي احتباس سؤائل بالجسم
انا حتى الخيار تركته لان الحبه فيها 2 كارب
صرت اعتمد ع الخس فقط

يعني خس جرجير بقدونس فجل وخيار{ حبه وحده باليوم } هم احسن شي مع الريجيم:rerrerek:

والبصل ي بنات مليان كارب مثل الطماطم:eh_s(4): حاولوا تبعدون عنه في البدايه ع الاقل مرحله الحث لان هذي المرحله هي اكثر مرحله تنزلين فيها وزن ومجرد تزيدين طماطم وبصل يبطئ النزول عندك

يعني باختصار البدايه خليها عندك بروتين اللي هو بيض
تونه
لحوم {ابعدي عن الكبده والكلاوي }
دجاج { اذا بروستد شيلي الجلد يعني انتبهي للبقسماط لانو خبز}
السمك
والمايونيز بس بدون سكر > فريت ماحصلت كله بسكر ف تركته او اذا تحبينه سويه بالبيت موجوده طريقته باالنت سهله
والكااافين ي بنااااات انتبهوا منه:eh_s(4): لانه يفتح الشهيه ويزيد الانسولين اللي هو سبب السمنه الرئيسي وانتو عارفين وش يعني انسولين برجيمنا :eh_s(1):
والمشروبات الغازيه كلها فيها كافيين ماعدا سفن اب دايت ومكتوب عليه انه خالي من الكافين والسكر

وايضا ان اقصى وقت يجب ان يجلسه الانسان بدون طعام هو من اربع ساعات حتى سبعه بعدها يبدا الجسم يتهيأ لحدوث مجاعه وبالتالي يخزن الوجبة التي يتناولها الانسان بعد كل هذا الوقت ولا يحرق منها شيئ دفاعا عن نفسه
يعني لاتجوعين حالك انتبهي الجسم الجوعاان مااااايحرق ي بنات :eh_s(4):
وبرجيمنا هذا كل مااكلتي كل ماحرق جسمك وطبعا حاولي تقللين كميه اكلك لانك ماراح تطولين تاكلين مره ثانيه وبكذا تكونين تعودتي تاكلين اقل وتصغرين حجم المعده وبنفس الوقت تحرقين اكثر وهذا اهم اسلوب نحو الرشاقه :rerrerek:

وااذا تبين تخبصين حاولي تكون الوجبه بالافطار لان الجسم يحرق اكثر بالصباح الباكر

ايضا الفواكه ي بنات :eh_s(4):انتبهوا منها لانها توقف الكيتون ع طول ف لمى تبدين تاخذينها ابدي بالتدريج مثلا كوب برتقال فريش باليوم لمده اسبوع بعدين دخلي تفاحه وهكذا عشان ماتوقفين الكيتون بالجسم ف يبطل يحرق
ايضا عدم جمع اكثر من صنفين بالوجبه الوحده

ايضا الابتعاد عن اكلات الدايت لان فيها كارب اكثر :eh_s(4):وبنفس الوقت مجرد ماتقطعينها وترجعين للعادي يرجع الوزن يعني لاتتعودين عليها غلط نفس االشي للناس اللي تطبخ بالسلق وتبعد عن الزيوت مجرد ماتتركها ترجع تسمن
و رجيمنا هذا يساعد ع هالشي وهذي فرصه لنا عشان يكون رجيم العمر مو فتره وخلاص :rerrerek:


وبالاخير حاولي تنظمين وقتك تنامين بدري وتصحين بدري منها عشان الريجيم ومنها عشان الصحه والبشره
يعني اذا نظمتي وقتك بتتنظم وجباتك ولاتخربطين وتاكلين بين الوجبات
يعني بتكون وجبات صغيره مقسمه ع كل اليوم

تعبت :ch12:
هذي كل المعلومات اللي عندي ان شاء الله تستفيدون منها :eh_s(22):

حلاااا معلومات وايد وايد مفيده بس يا أختي حيرتيني


ما اعرف ايش اكل !!!!!؟


شروووووووف قالت ان اللحوم المجمدة بس 2 باليوم

والمرتد لا ما تنصح

يعني مافي الا مشاوي او تونه او اسماك بس انا ما احبها

يعني زهره مقليه مؤ زينة !!!؟

احس ضعت

:eh_s(16):

 

[حلآاا]

الله يعافيكم وينحفنا بصحه وسلامه > اهم شي

مس حبيبتي لاتضيعين ولا شي عندك خيارات كثير
والخضار مو موزينه بس كبدايه تاخر وتبطى نزول الوزن بس


تدرين انا اول مااكل بيض ابدا ولاتونه كنت ملغيتهم من حياتي ماحبهم

والحين صاروا موجودين كل يوم
لان هذي المؤكلات مافيها كارب يعني هي انسب شي وهي اللي تزيد الكيتون وترفع نسبه الحرق
يعني انا وش اسوي صرت احط بقدونس مع البيض او ابشر فوقه جبنه شيدر بكذا صرت اكله ويضيع لي طعم البيض

التونه صرت اعصر فوقها ليمون

او اخذ سمك مشوي فيليه من المطعم

وانا اول مستحيل اكل اي شي بحري

ف صرت الاشياء اللي ماحبها اضيف عليها اشياء تغير طعمها والحين تعودت عليها عادي

عندك خيارات كثير

بعطيك انا وش اكل حاليا

من الدجاج / اخذ شاورما, دجاج مشوي شيش طااوق دجاج., اوصال كباب دجاج , برقر دجاج

اللحوم اخذ لحمه مفرومه او اوصال لحم , لحم مشوي, محموس لحم,برقر لحم., يعني في اكثر من طريقه
{ انتبهي من الكباب اللي من المطعم بالغالب يكون فيه ممنوعات ف حبذا ماتاخذينه ع الاقل اول اسبوعين }

الاسماك ي تونه او سمك مشوي

واذا مليت اخذ جبنه اي نوع مسموح مع خس وفجل

حاولي صدقيني بتتعودين انا كنت مثلك اول ^^

بعدين انتي كم صار لك بالريجيم وكم تبين تنزلين ؟؟ عشان اقولك وش يناسبك

 

[مس قطريه]

صار لي ٣ ايام ادري شوي لووول


وزني كان ٩٦ صار الحين ٨٤ اخر مره قسته طبعا


ابي وني ٦٦ بعدين بنزل شوي شوي لين ٦٠


عطيني اكل ينزل بسرعه وصحي وباكله حتى لو مؤ عاجبني بس ابي اخلص

مثل البيض والتونه من بكره ببدا فيهم


العشا كليته بدر ي


نص ديايه مشوبه وسفن اب دايت

 

[Niceya]

إيه معجون الطماط ممنوع لأن من مكوناته سكر واحنا مسموحلنا بس حبة طماطة باليوم بس .. ماعلييه انسي اليوم ومن باجر انتبهي على هالشغلات الصغيرة دمار

 

[حلآاا]

وييييييه تعبج رااااااااحه فديت روحج:eh_s(17):


الله يسلمج بصله مفرومه طماتين مفرومات نص شده بقدونس مفروم وصحن لحم مفروم

كله خلطيه ويا بعض وكرتونتين معجون طماط ليمون قد ما تحبين بهاراتج الحلوة بس لا تحطين ملح

بعدين حمسيه بقفشه زيت زيتون ليما يستوي اللحم نص سوا

بعدين لفي ورق العنب او الكوسا او الملفوف

والماي اللي بتحطيمه مع ورق العنب ذوبي معاه ماجي و معجون طمااط

لان ماكو دبس ولا تنر بالموضوع لوووول

او اذا حابه سويه بالزيت زيتون والليمون هم بيطلع حلوووو


اي سؤالا انا حاضره:eh_s(8):

وجبتك مليااااانه كاارب :eh_s(4): وحنا المفروض مانتعدا 20 كارب باليوم :bbbiu:

الماجي ممنوع لانو مليان ملح
معجون الطماطم مليااان كارب
اذا حبه طماطم صغيره ممكن تاخر نزول الوزن عندك فمابالك بعلبه معجون وانتي حاطه ثنتين :eh_s(10):
يعني استهلكتي خلال الوجبه هذي كل الكارب المسموح لك باليوم وزياااده عليه
احسبي معي البصله المتوسطه الوحده 8 كارب
الطماطم الوحده 5 كارب وانتي حاطه ثنتين يعني 10كارب
الليمون الملعقه الوحده مسموحه باليوم اللي هي 2 كارب
صلصله الطماطم الكوب فيها 49 كارب :eh_s(4)::eh_s(4):

شوفي كم كارب وانا لسى ماكملت كل المقادير :eh_s(11):

تقدرين تختصرينها وتقللين الكارب كثير

حطي لحم مفرومه مع شويه ملح مع بقدونس واذا مره حطي نص طماطم وخليها هذي حشوتك مافيها كارب كثير مرره مناسبه

لان الحم المفروم والبقدونس وزيت الزيتون مسموح فيه وبالكميه اللي تبين

واذا مره تحبين الخضار
عندك الزهره الوحده 5 كارب
باميه 7 كارب
باذنجان 5 كارب
الملوخيه 7 كارب

واحسبي انتي المهم ماتتعدين 20 باليوم

وانا ماابي اعقدك حبيبتي بس انصحك مابيك تسوين رجيم وتتعبين نفسك ولاتشوفين شي يسر خاطرك ع الميزان وتتحطمين:bbbiu: واعلمك وشلون تحسبين وتمشين صح ع النظام عشان تشوفين النتيجه اللي ترضيك وشوي شوي راح تتعودين بس بالبدايه صعب شوي لانك مو فاهمته عدل بعدين يصير واضح لك لانك كل مابتعدتي عن الكارب نزلتي اكثر :eh_s(7):

 

[مس قطريه]

الساعه ٩ انا دخلت

 

[مس قطريه]

اي حلا اشرحي عااي ما ابي اسوي رجيم ع الفاضي


أنزين شلون اعرف كل شي وكم كارب فيه !!؟

 

[حلآاا]

مس من البدايه وكذا مايصر :bbbiu:

انتي نفسي ابي انزل عشرين كيلو يعني لازم نشد ع نفسنا شوي وانا مامعي وقت الا شهرين ونص عشان كذا تشوفيني منتبه واحاول ابعد عن اي شي فيه كارب :bbbiu:

واذا تبين تبدين صح ابدي مثل الاكلات اللي كتبتها لك ابعدي قد ماتقدرين عن البصل والطماطم والخضار ع الاقل لمى تنزلين عشره كيلو خلي اعتمادك الكلي بالاكل ع المسموحات اللي مافيهم كارب اللحوم والدجاج والاسماك والبيض هم وجباتك الرئيسيه ومن الخضار خس وبس لانه يشبع ومافيه كارب كثير
اذا مشيتي ع نفس كلامي هذا وماخبصتي لان اللقمه الوحده من اي ممنوع ترجعك اسبوع ورا مثل ماصار معي الاسبوع االلي فات تخيلي ضيعت اسبوع كامل لاني اكلت حلو راح تعب اسبوع كامل ع الفاضي :eh_s(11):
ف خلينا مع بعض ونحاول قد مانقدر نلتزم ع الاقل لين ننزل العشره كيلو والله يعين :bbbiu:

والكارب حبيبتي فيه عدادات كارب اكتبي بقوقل تحصلين كل شي محسوب فيه كم كارب يساعدك تعرفين تحسبين كم كارب تاكلين
والروابط اللي حطيتها فوق فيها عدادات كارب بعد

 

[مس قطريه]

اوووكيه بالعكس انا ما ابي اسوي رجيم وآخر شي انزل كيلو



عادي عندي اشد ع حالي وما اكل الا الصحي




بس لان اول مره اعرف بكل اللي قلتيه ما عدا ان الطماط يحبس الماي




انا بركز اكثر ع الأكل ... وع الرياضة ،،، وان شاء الله الجمعه الجايه اكون دخلت السبعينات





لان صج صج صج ملييييييييت من المتن

 

[حلآاا]

كفو كفو :eh_s(15):
مع بعض لين نوصل الوزن اللي نبيه باذن الله :eh_s(9):

الا وين باقي القروب :eh_s(10):

 

[مس قطريه]

بإذن الله


والله مدري !!!!!!!؟



شروف قايله دخلوا وهي ما دخلت

 

[حلآاا]

اجل قومي خلينا نرقص زومبا ع بال مايجون ههههه

 

[مس قطريه]

لووووووووول يلا

 

[Niceya]

لووووول

مس قطرية ردي قبل جم صفحة شروف حاطة جدول الكارب
يساعدج تحسبين منه ..



باقي يوومي
الغدا دياي مشوي + بيبسي دايت
العشا شوربة فطر بالكريمة والجبن

 

[شريفه 39]

فديتكم حبيباتي ضحكتوني الله يسعدكم ياحبي لسوالفكم بنات
<<<<<<<<<<<<<<<<<<<<<<<<<<<<<<ج
حلا حبيبتي ودي اعرف بس اتكنز وش يفرق عن دشتي صدقيني ان دشتي اسرع بالحرق بالذات المرحله الاولى الدكتور دشتي اخذ اتكنز وسوى عليه تعديلات والاهو نفسه مافي اي فرق

 

[شريفه 39]

حلا يامحلا الزومبا صح تتعب بس لما تخلصين تحسين براحه عجيبه

 

[حلآاا]

هلا شروووفه

هو صحيح اتكنز مخترع الريجيم ودشتي اخذه منه وسوا عليه بعض التعديلات والتعديلات هذي هي اللي تبطئ النزول يعني دخل بعض المسموحات بالمراحل وكذا

يعني الفرق ان اتكنز اقوى من دشتي واسرع وانا بصراحه ماعمري دخلت وقريت عن دشتي اول مابديت اقرا عن اتكنز وكنت ادخل مواقع اجنبيه وتعلمت الريجيم من اتكنز ومقتنعه فيه ميه ب الميه وبستمر بالمرحله الاولى لين اقرب من الوزن اللي ابيه بعدها انتقل للمرحله الثانيه وبعدين اثبت

بس شرووف بغيت الميوزك حقت الزومبا لحالها دورتها ماحصلتها اهى
ابي اتعلمها عجبتني مرررره

 

[Niceya]

ودي اسوووووي الزومبا بس صعبة وحركاتها وايد إفتر راسي لووووول

 

[رحيلة الصمت]

مساء الخير

كيفكم وكيف الرجيم

اليوم رايحه استقبال وحده وانواع الحلا والمعجنات طول وقتي اطالع واستغفر كل ماقالوا كلي قلت المعده تعبانه بعيد الشر

والحمدلله عد اليوم بسلام

 

[انسه رجه]

مرحبا صباياا
انا مثلكم محتاجه انقص على الاقل عشرين كيلو قبل رمضاان مو عاارفه وش اسوووي بضبط حتى ينزل الوزن مع انو خاطري اوصل لستين بضبط قبل الرمضان بس لو وصلت الخمسه وستين نعمة كريم يعني تتوقعون الغى الزيتون والبقدونس والكزبره والجبن حتى يضبط الوضع افيدوني
اليوم فطرت/ ملعقة جبن البقرات الثلاث + خياره+عشر حبات زيتون اسود