يومياتي (( ودي في عيد ميلادي أصير wojood الرشيقة ))

[wojood22]

تدرون بنات بكره الميزان لأني خلصت 10 أيام
ادعولي أنزل بكره
وايد خايفه من بكره ما أدري ليش ؟؟؟؟​

 

[wojood22]

صباح الخير

صباحكم رشاقة وتخلص من الوزن

​

 

[wojood22]

بنات أنا وايد محبطة اليوم:eh_s(11)::eh_s(11)::eh_s(11)::eh_s(11):

تدرون ليش

اليوم وزنت وطلعت ما نزلت غير كيلو واحد خلال عشرة أيام

بداية الريجيم كنت 107
بعد عشرة أيام صرت 104
الحين بعد عشرة أيام صرت 103

ياربي ليش مع أني ملتزمه بالريجي والرياضه بس ليش بس كيلو واحد:bbbiu:

قعدت أفكر قلت من شنو ليكون ممن الرز الى آكله كل يوم

ها بنات فهموني عطوني رايكم

تراني وايد محبطه حدييييييييييييي​

 

[أدووويا]

اهلين

لازم تقيسين وزنج اول ماتقومين الصبح و يكون العشاء امس خفيف معلومات من اخصائي تغذيه

شدي الهمه

اكلي اذا حسيتي بالجوع
ولاتاكلين بسرعه


وو اذا ضعفتي بسرعه تمتنين بسرعه بس اذا نزل وزنج شوي شوي ماتمتنين بسرعه

و موفقه

 

[wojood22]

اهلين

لازم تقيسين وزنج اول ماتقومين الصبح و يكون العشاء امس خفيف معلومات من اخصائي تغذيه

شدي الهمه

اكلي اذا حسيتي بالجوع
ولاتاكلين بسرعه


وو اذا ضعفتي بسرعه تمتنين بسرعه بس اذا نزل وزنج شوي شوي ماتمتنين بسرعه

و موفقه

هلا حبيبتي أدووويا:eh_s(7)::eh_s(7):

نصايحش روعه بحاول اطبقها عموما أنا آخذ وزني دايما الصبح

ويار يسمع منكم وانزل من وزني شوي شوي​

 

[wojood22]

سور ما قدر أدخل الا ألحين يعني انشغلت من الشغل للزيارات
عموما هذا يومي

قبل الفطور
كاس ماي دافي
كوب حليب قليل الدسم

فطوري في الدوام
2 توست + شريحة جبن قليل الدسم + عصير قريب فروت ​

 

[wojood22]

بين الوجبات
تفاحة

غداي كان
كوب معكرونه + سلطة

بين الوجبات
كاس شاي أخضر
تفاحة ​

 

[wojood22]

الرياضه
25 دقيقه مشي
25 دقيقه سيكل​

 

[wojood22]

عشاي
سلطة نخي ( نخي مسلوق + شوية جزر + خيار + فليفله + جبن دايت + ملعقة صغيره روب )
كوب حليب قليل الدسم

الماي
شربت وايد ماي يمكن 7 أكواب ​

 

[sindrella]

عليج بالعافيه وجود والله يوفقج إنشالله وتوصلين
للوزن اللي تبينه بصحة و عافيه

بس متى عيد ميلادج؟؟

 

[wojood22]

عليج بالعافيه وجود والله يوفقج إنشالله وتوصلين
للوزن اللي تبينه بصحة و عافيه

بس متى عيد ميلادج؟؟

نوورتي موضوعي حبيبتي sindrella:eh_s(8)::eh_s(8)::eh_s(8):

والله اعافيك حبيبتي

عيد ميلادي :eh_s(7)::eh_s(7): بكون 22/10

يارب أوصل لهدفي في هذا العيد​

 

[wojood22]

 

[wojood22]

اليوم إجازه
صحيت متأخره يعني على العشر​

بس اليوم الوحيد ومعاه السبت الا آكل فيه بيض​

فطوري كان
بيضه مسلوقه + 2 توست + كوب حليب قليل الدسم ​

بعده شربت 2 كوب ماي دافي شوي​

وبس :eh_s(7)::eh_s(7)::eh_s(7)::eh_s(7):​

 

[wojood22]

أكمل لكم يومي
اليوم الغدا في البيت العد بيت جدي
كليت مع العيلمن من غداهم
مجبوس لحم + سلطة وكثرتها يعني السلطة أكلت وايد والرز كليت شوي ​

 

[wojood22]

رحنا البحر العصر
مشيت تقريبا ساعه على البحر​

 

[wojood22]

عشاي كان وجبه مفتوحه لأني كملت عشرين يوم وأنا كل عشرة أيام أسوي لي وجبه
المهم كليت شوية فطاير وبيتزيات بس حسيت روحي ثقلت فيه فقلت توبه آكل مره ثاننيه هالكثر ​

 

[wojood22]

المهم خلصت يومي وأبي رايكم فيه

وأنا من بكره أذا اراد الله راح أبدي أقلل النشويات
وأفكر اترك الرز هاللأسبوع

تحياتي لكم ​

 

[أدووويا]

اهلا صديقتي

شخبارج

اقترح للغداء
يوم سمج
يوم دياي بالفرن
يوم ستيك و مشروم
يوم هريس او جريش او اش
يوم خضار مفيوحه
يوم جاينيز فود
يو م رز عن خاطرج بالزواره
يوم باسته او معكرونيه

بكميه قليله


و موفقه

 

[أدووويا]

و لا تنسين الرياضه
و شاى اخضر او مراميه او زرنجبيل .....

 

[wojood22]

اهلا صديقتي

شخبارج

اقترح للغداء
يوم سمج
يوم دياي بالفرن
يوم ستيك و مشروم
يوم هريس او جريش او اش
يوم خضار مفيوحه
يوم جاينيز فود
يو م رز عن خاطرج بالزواره
يوم باسته او معكرونيه

بكميه قليله


و موفقه

لا وغلا حبيبتي أدووويا
مرحبا ونور موضوعي بتواجدك فيه ​

تدرين وكأنك تقرين أفكارري :eh_s(10)::eh_s(10):​

هذا الا بصير يعني بنوع وبخلي يوم الزواره بس بآكل فيه رز​

تحياتي لك عيني
وأكيد ما بنسى الرياضه
على فكره قاعده هاليومين أشرب شاي أخضر ​