The 3rd hallenge 2 increase the Weight

[الصيدلانيه]

بسم الله الرحمن الرحيم​

السلام عليكم ورحمة الله وبركاته​

شلونكم خواتي الحلوات عساكم بخيير وصحه وسلاامه​

اعتذرر عن التأخير الغير مقصود بالانطلاق بالتحدي الثالث وذلك لظروف صحيه يعلمها ربي
​

باذن الله اليوم نبتدي التحدي الثالث بس بكوون شوي غير عن التحدي الاول والثاني وطبعا هذا برغبتكم ولمصلحتكم
بنتبع نظام ال10 نقاط نظام حبيبتنا (ماني من الناس)
يعني اتقيمين اكلج يوم بيوم ولااازم يكون 3وجبات رئيسية و4 سناكات والدرجات كالآتي
الريوق 2
الغداء 2
العشاء2
سناك 1
سناك 1
سناك 1
سناك 1​

والتحدي هذا يحتوي على مرحلتين يعني ميزانين
موعد الميزان الاول18/5 يوم الجمعه
موعد الميزان الثاني8/6 يوم الجمعه​

* المرحله الاولى اقصر من الثاانيه لانها تحسب من نهاية التحدي الثاني​

مثل ما انتوا عارفين مطلوب نزيد كيلوا واحد بكل مرحله ، ونظام الاكل اختيااري ، والي اتحب اتسوي مسابقات تشجيعية خلال التحدي نكون لها من الشاكرين ،​

واخر شي اذكركم ان الاستمراااار مهم والدخول بشكل يومي وتسجيل اليوميات المرفقة بالصوور كوسيله تشجيعيه
وتقييم اكلج بنهاية اليوم او بداية اليوم الثاني​

وهذا لنك التسجيل اذا في وحده حابة تشاركنا

http://www.q8yat.com/t1018224.html

وأسأل الله لي ولكم الوزن المثالي بصحه وعافيه وسلامة ​

وصلى الله وسلم على نبينا محمد​

ودمتم كما تودون​

أختكم/ الصيدلانيه:hjy5jewf:​

 

[الصيدلانيه]

أسماء المسجلات في التحدي الثالث:-​

الصيدلانيه
احآسيس هآدئه
ابريليه
الدروووب
جاردينيا 2012
تعبت وانا ادور
فجرر
كزنوفا
اسطورة الزين
اوركيد.5
ساره18
آهات الليل
نــــورهـ
Roty
m!ss craze
DnDoOn
sa7o0ora


وحيااكم وبياكم ​

 

[sa7o0ora]

الف الحمدلله على سلامتك خيتو صوصو ماتشوفين شر حبيبتي :eh_s(7):
واااااااااااااااااااااااو
وربي توني افكر ابدأ لحالي قبل ينطفي حماسي
قلت ببدأ ومتى ما بدأ التحدي كملت معاهم
بس الحمدلله بديتو قبلي
حددددددي متحمسه :ggdw:
رح ابدأ من بكره ان شاء الله لان اليوم مافطرت زين ولا تغديت زين
وكان ناقص كم غرض من المؤونه ما كملته الا اليوم
برووب
و لنا بااك مع صور المؤوونه والنظام اللي رح اتبعه

 

[Roty]

مبروك الافتتاح

والف سلامه عليج اختي صوصو

 

[m!ss craze]

مبروك الافتتاح
وسلامات صوصو

ان شاءلله من بكرة ببدى كويس لاني هالايام تعبانة الله لايوريكم ارهااااق

 

[sa7o0ora]

باااااااااااااااك

هذي المؤونه حقتي

رقم (1) : حليب صويا بنكهة الفايليا
رقم (2) : سيريلاك
رقم (3) : خلطة بسة مكحلة
رقم (4) : عدس اخضر مطحون
رقم (5) : فطيرة سفن دايز




النظام اللي رح اتبعه هو كالآتي :

- الوجبات الرئيسية كااااملة ( فطور + غداء + عشاء )
- خلطة بسه مكحله << مره وحده باليوم
- عدس اخضر (ابو جبه) مع حليب << 3 كاسات باليوم بعد الوجبات
- فطيرة 7دايز << 3 حبات باليوم بين الوجبات ( سنااك)
- سيريلاك مع حليب الصويا << مرتين باليوم ( سنااك)

وبكذا اكون كملت 10 نقااط ونقطة زيادة احتياط

بروووب

 

[تعبت وانا ادور]

:eh_s(7):


وعلييييييييج السلآم


آلحمدلله على سلآمتتتج حبوووبة


حيييل حلو النظآم .. انا فـ البدايه كلش ماقدر ع نظآم التقييم لاني صايمه لين الاثنين

:eh_s(2):

صووصو لازم ننزل صور وكذا ؟

 

[احآسيس هآدئه]

مبروك الافتتاح
صوصو سلامه قلبك حبيبتي

منوورين بنااات

 

[جاردينيا 2012]

مبرووووووووووك الافتتاح
وراح ابدأ من بكرة التصوير ^____^

 

[اوركيد.5]

بااك

وعليكم السلام صووصو

سلامتك ماتشوفين شرر

مبرووك الافتتاح

للتحدي الثالث


بنتبع نظام ال10 نقاط نظام حبيبتنا (ماني من الناس)
يعني اتقيمين اكلج يوم بيوم ولااازم يكون 3وجبات رئيسية و4 سناكات والدرجات كالآتي
الريوق 2
الغداء 2
العشاء2
سناك 1
سناك 1
سناك 1
سناك 1

والتحدي هذا يحتوي على مرحلتين يعني ميزانين
موعد الميزان الاول18/5 يوم الجمعه
موعد الميزان الثاني8/6 يوم الجمعه

تنظيم رائع وراح اطبقه ^_^

بالتوفيق للكل

 

[اوركيد.5]

up

بنات ابي اعرف كيف احط شريط الوزن

اللي بالتوقيع ..؟

اللي تعرف تقول لي كيف...؟​

 

[الصيدلانيه]

:eh_s(7):


وعلييييييييج السلآم


آلحمدلله على سلآمتتتج حبوووبة


حيييل حلو النظآم .. انا فـ البدايه كلش ماقدر ع نظآم التقييم لاني صايمه لين الاثنين

:eh_s(2):

صووصو لازم ننزل صور وكذا ؟

مو مشكله الايام الي تصومين فيهم نعفيج من التقييم
والتصوير الهدف منه تشجيع لج وللغير
لو ما تقدرين طلعي من العم google

 

[الصيدلانيه]

up​

بنات ابي اعرف كيف احط شريط الوزن ​

اللي بالتوقيع ..؟​

اللي تعرف تقول لي كيف...؟​

رفع الله قدرج
كوبي عالصورة
ومن خيارات سريعه- تعديل التوقيع
بيست

 

[الصيدلانيه]

فدييييتكم الشر ما يييكم والله يسلمكم من كل شرر

 

[الصيدلانيه]

5/5
بكون اول يوم نحسب فيه التقييم
وبنهاية المرحلة كل وحده تجمع تقييمها
يعني خلي عندج بنوت الفون

 

[الصيدلانيه]

يومياتي 5/5

تريقت
كورن فلاكس وحليب

تغديت
شوربة ذرة بالدياي

برياني دياي

لحد الحين 4/10

 

[sa7o0ora]

مرحباااااااا صباياا

يومياتي لليوم :

اول ما صحيت شربت حليب مع عدس ع الريق
بعدها بكم ساعه اكلت شيبس وشربت عصير تفاح
بعدها بكم ساعه فطرت فطيرة سبانخ مع عصير برتقال ( نقطتين)
قبل ساعه تقريبا تغديت هريس ( نقطتين)
والحين اكلت فطيرة سفن دايز مع عصير برتقال = سنااك (نقطة)

المجموع 10/5

 

[كزنوفا]

بنات انا زدت 3 كيلو في اسبوعين مش منتظمه باكلي وزدت

يوم افطر واتغدا واتعشاء زين ويوم بس افطر واتغدا يعني متذبذبه بس حافظت علي
الحلاوه الطحنيه ساندوش 1 قبل الغدا بساعه وحده قبل النوم
\واكل التمر مع الطحينه بعد كل وجبه
وزني كان 45 والحين صار وزني 48 باقي كيلوين وحقق الهدف الاول

اوصيكم يابنات بالحلاوه الطحنيه والتمر والطحينه

وان شاءالله بستمر وبشد حيلي اكثر


بنات والله زدت وبان علي جسمي وجهي صار فيه خدود

 

[ماني من الناس]

ماشالله عليكم بنات

شخباركم مع السمنه


نصيحه بنات اكلوا كم ملعقه رهش بعد الوجبات يثبت لكم السعرات لاتطير خخخ




ووووووووووووووووهيا

احلى اب للشطورات

وانا بصوم وبعدين بنضم لكم ابي كم كيلو زياده احطياط خخخ

 

[اسطورة الزيـن]

مبروووك التحدي الجديد ​

صوصوو
ألف سلامه عليك ي الغاليه ماتشوفين شر ...​

كزنوفا & ماني من الناس
مشكورين ع اضافتكم وتشجيعكم
لاخلا ولاعدم​

حسووس
تسلمين ي الغاليه ع سؤالك تو اشوفه بالتحدي الثاني
وتسلم أناملك ع التوقيع الحلووو​

لي بااك بيومياتي & التقييم​