يوميـــــات مخطوبة

[qa6wa_q8]

الله يوفقج ويهنيج انشالله
والف مبرووك

 

[طفلة العشرين]

وناااااااسه

بس لا تنسين تحطين لنا صور عشان نتخيل معاج الوضع

 

[الله يرحمك بابا جابر]

انااااااااااااااااااااااااااااااااااااااسه ماشاء الله .. الله يهنيج و يوفقج معاه و يبعد عنكم العين يا رب

 

[ba7renya]

الف الف مبرررروك عسى ربي يسعدج ويهيننننج ويرزقج الذريه الصالحه

 

[قلب راشد]

وناااااسه آآآآآآمين ياارب يوفقج ويخليكم لبعض

orangena

لا تقولين الكفر الوردي اللي فيه أزرق حتى انا عاجبني وما ادري متى بتااخذه

 

[قلب راشد]

مستخدمين موجودين حالياً يشاهدون الموضوع: 55 (37 أعضاء و18 ضيوف)

ما شااء الله ادعوا لها يا جمااعه بالتوفيق ولل55 بعد

مع تمنيااتي لكم بحيااه سعيده

 

[دخــــــــــــــــون]

وايد قطاعي الله يهديج

 

[orangeya]

وناااااسه آآآآآآمين ياارب يوفقج ويخليكم لبعض

orangena

لا تقولين الكفر الوردي اللي فيه أزرق حتى انا عاجبني وما ادري متى بتااخذه

اهلين حبوبة

عاد كنت ادور نكج بين الموجودين لما نزلت لنا نوار هالبارت قلت حسافه مالحقت البنيه كنتي ناطرتها

المهم بالنسبه للكفر اللي عاجبني وردي بس ماذكر انه فيه ازرق!

يبيله روحة بشوف اللي تقولين عنه

انا ترددت اخذ الكفر اللي كان عاجبني لان رفيجتي قالتلي احنا بنات واللي عجبنا ستايله كلاسيكي وممكن تحسينه حق متزوجين -مع اني مو مقتنعه تماما- بس حزتها اقتنعت مادري ليش!

وسالفة السعر تقولي ليش نشتري غالي الحين ؟ خليها حق بعدين عشان تحسين بفرق لما تتزوجين ... لان انا معاها عزابيه لول


عاد كنت مقتنعه بكلامها بس الحين بالفترة الاخيره نظامي عيش ايامك عيش لياليك خلي شبابك يفرح بيك

 

[bnt_7waa]

صج صج صج صج صج


مستانسه كثر ردودنا



يالله بنااااات زيدووو


الردووود عشان تستااانس نواره اكثر


يعطيج الف عافيه قولي لنا شكثر باقي على النهايه ؟؟

 

[bnt_7waa]

بنااااااااااات ماودكم نكتشف منو نواره


انا احسها عضوه معروفه بالمنتدى بس منخشه


شرايكم نكتشف لوووول


_03BA:

 

[سنـــــا]

الف الف مبرووووووك ..الله يسعدج ويهنيج ويتمم لج بخير ياااااارب
بصراااحه موضوع يهببببل انا عندي دوام وسهرااانه عشان اتابع
وفكرتج عجيبه وجديده الله يوفقج ويوفق الجميع

 

[orangeya]

صج صج صج صج صج


مستانسه كثر ردودنا



يالله بنااااات زيدووو


الردووود عشان تستااانس نواره اكثر


يعطيج الف عافيه قولي لنا شكثر باقي على النهايه ؟؟

ليش مستعيله حبوبة؟

ترى جذي أونس نعيش الاحداث شويشوي

لو كله مرة وحده بتمر القصة مرور الكرام

غير لما تشّوقنا .... وتنزلها على اجزاء


صحيح اني متشوقه واااااااايد حق النهايه

بس ماودي تخلص القصه لاني اندمجت ومستانسه انا نتفاعل معاها بكل حدث - مع ان استنتاجي يقول ان الاحداث مو فرررش يعني مو من قلب الحدث لاني من اول مرة قريت الموضوع يمكن قريته لي صفحة 28 دفعه وحده - بس لاحظت انها تتكلم عن الجو انه بااارد ولابسه جاكيت والجو هالاسبوع مو مال شتوي !

ممكن نقول جو حلو اي بس بارد لا...

وكان غبار باليومين اللي طافو...


بس هم زين منها تكتب وتروي لنا التفاصيل ...
جنا قاعدين معاها خلتنا نعيش الاحداث

اتهبل هالبنوته

 

[orangeya]

بنااااااااااات ماودكم نكتشف منو نواره


انا احسها عضوه معروفه بالمنتدى بس منخشه


شرايكم نكتشف لوووول


_03BA:

يراودني نفس الاحساس ! مادري ليش عاد !!!!!

يلا كل شي راح يبين بعدين

 

[akwa]

لا يوقف


لا يوقف



لا يوقف




الله يهنيج ويتمم لج على خير

 

[رذاذ المطر]

بنااااااااااااااات نووواره موجووووووووووووووووووووووووده

انا قلت راحت تنااام

ان شاء الله فيييه جززززززززززء جديد :ggdw:

 

[ام مضاوي]

بنااااااااااات ماودكم نكتشف منو نواره


انا احسها عضوه معروفه بالمنتدى بس منخشه


شرايكم نكتشف لوووول


_03BA:

بنت حوا


انا جكيتها منزماااااااااااااااااااااااااااااااان_03BA:

شوفي ردودي القديمه:dddds:

ونفس الخط


مووووووووووووووووووووووووومهم اهم شي الله يوفقج بحياتج حبيبتي

حتى لو عندج درزن يهال من يوسف الحين:ggdw:

 

[بنوته ادرايه]

ما ادري ليش ان القصه مو حقيقيه

المهم ادا كانت حقيقيه الف الف الف الف الف الف الف الف الف الف مبرووووووووووووووووووك والله يتمم عليج

عاد كان ودي انج تحطين صور الصاله دام قلتي ان رفيجتج صورة كل شي

لان الموضوع مع الصور شي مو طبيعي

يلا يلا كثري لنا من الصور...........

 

[q8**girl]

ونااااااسه نواره ربي يسعدج ودووم مستانسه ان شاء الله

 

[النوار]

بما أنكم بتديتو تملون ..
او عشان ماتطول السالفه ..
باختصر لكم ..
لين نوصل لي اليوم .. عشان ابتدي اقول لكم كلشي اول بأول ..

المهم ثاني يوم بعد ماطلعنا ندور اثاث .. انا كان داير راسي صج او مو عارفه اختار ..
قالي خل نروح البيت تريحين او نطلع نكمل .. قلت له اوكي
رحنا او اول مره ادش دورهم .. مرينا دار بدور .. كانت تحفه ماشاءلله وااااااااااايد حلوه
كأنها اللي نشوفهم بالافلام .. غرف البنات اللي فيها كل شي ..
انا احب هالستايل .. المهم قعدنا وياها شوي نسولف ..
قلت لها دار راسنا مع الاثاث تريقنا او على طول بدينا لين عقب الغدا او احنا ندور ..
كلشي حلو بس موقادره اركب مادري شفيني
قالت تبين اساعدكم؟
قلت لها اذا عندج وقت قالت عندي اكثر من 4 اشهر قاعده بس جذي .. او انا استانس بشغل نفسي
او بصراحه انا كنت ابيها من الله ..
او وثقت من ذوقها بيتهم اصلا بكبره يهبل .. حتى خالتي ذويقه بالاثاث ماشاءلله عليها
قالت لي خلاص انا بشوف وياكم
قلت لها اقولج شي
انا بقولج شاحب او شالاشيا اللي خاطري فيها او انتي تصرفي ..
انتي تعرفين احسن مني
بيني او بينكم ..
انا كنت احاتي ماعرف شنو ميزانيته او اهوا نوعه مايقولي ..
فماكنت ابي اشيله فوق طاقته ..
فكنت دايما عيني تروح عالسعر او مادري شلون متضايقه ..
ريحني اني هالحمل بينشال او بتفرغ حق جهازي والسفره والعرس
او اهيا كانت كل جم يوم تييب لنا اختيارات شرايكم بهاللون؟ او اي درجه احلى .. او هالسوالف .. خالتي بعد وايد ساعدتها .. ..
المهم خلولنا كلشي مفاجئه .. وقت الشغل ماشفنا ولاشي .. نشوف هنود طالعين داخلين او سيارات الاثاث فبقول لكم النتيجه .. شصار
اول شي .. شقتنا فيها دارين او صاله او مطبخ تجهيزات .. او حماميــن
الله يعزكم ببدي بالحمامات لاتسألوني ليش لاني مادري ههههههه..
حمام لضيوف اللي اهوا الحمام اللي برى صبغته بماروني او ذهبي خطوط ..
حطت منظره ذهبيه كبيره منقوشه ..
المغسله برخامه لونها غامق .. او من تحت نفس قماش الستاير بالكراكيش ..
او باب الحمام من داخل غامق مع بوردر ..
او في منظره كبيره بالطول ..

حمامنا احنا الله يعزكم شوي كبير غيرت الجبس من فوق .. خلت جاكوزي بزاويه او فوقه بالضبط قبه فيها ليتات صغااااااار .. بالظلام يصيرون نفس النجوم .. انصحكم فيهم رووووعه
الطوفه والبيبر سلفر او كحلي ..
فيها مربع كبير بالنص خالي فيه سجاده
او الاثاث ابيض منقوش .. او في وايد قطع كأنها شفافه ..

غرفتنا .. بيج مخطط.. السقف فيه مربع احمر .. او ثريه فيها كرستال او احجار حمره ..
السرير جلد احمر يشبه هالسرير

الكفر بيج او بني او احمر
في كرسي اللي يشيل ثنين .. او بالطوفه التلفزيون ..
او تحته طاوله نازله طويله .. ينحط فيها الرسيفر او فوقها صور او شغلات ..
بالطاولات اللي يم السرير مافي ابجورات .. بالطوفه الاضاءة .. او على طاوله صورة من الملجه او تحفه صغيره او شموع ..
او بالطاوله الثانيه صوره ليوسف واهوا صغير او صوره لي ..
بدور خذتها من امي بالخش مع صور وايد..
تحت باركيه او في قطعة موكيت اللي تيي خيوطها كبار .. حلوه حمره ..

بدار التبديل .. حطت بس الكومدينه او منظره كرسي .. او بالويه نفس الحديده مالت التعليق اللي بالكبت .. تتغطى بستاره
من نفس الوان اوراق الجدار

الصاله لونها فستقي .. مع كرسي على شكل حرف
L
بيج .. او كشنات ملونه ..
والستاره بيج او فيها خط كرستال عالطرف ملون الوان زاااهيه ماخذه منهم الوان المخدات اللي عالكرسي ..
جدام الكرسي .. التلفزيون واستيريو ..

والثريه ملونه تهبل فيها كرستال او قماش الاكواب كلهم بيج او الكرستال ملون او لون الحديد اللي فيها فستقي ..
على زاويه منظرة فريمها وردي .. او منقوشه اطرافها نفس الدانتيل .. وايد عجبتني ..
او بزاويه طاوله .. كراسيها ملبسه بقماش او تشيل 4 اشخاص

الغرفه الزايده .. خلتها غرفة ملابس ... خذت من ايكيا كبتين زاويه .. او حطتهم او بينهم منظره كبيره طويله ..
او ورى كبت كبير للجواتي .. او من فوقه نفس المصندوق .. للملابس الشتويه ..
او عجبني حاطه علب .. شفافه من ايكيا خذتهم حق الجواتي اللي لازم ينحفضون بعلب ..
او حاطه ملابس الثقيله الشتويه والتيشرتات الشتويه اللي تيي صوف خفيف .. او التريننقات الثقيله .. كل كرتونه مكتوب عليها بشكل حلوووووو ..
والاضاءة قووووووووويه السقف كله ليتات او سبوت لايت ..
او في بين الكبتات مجابل المنظره .. نفس محلات الفساتين دائره مرتفعه شوي .. عشان يبين كلشي .. حبيت الحركه .. وااااااااااايد

المطبخ .. بيبانه حمره او حطت فيه ثلاجه من برى كلها ستانستيل
كان خاطري بس خفت اطلبها قلت يمكن غاليه .. لكن الحمدلله
او حطت مواعين اشكالهم كيوت ..صحون على اشكال او هالسوالف ..
او طقم مواعين حلو
او في بلكونه من جزاز .. ترستها ورد طبيعي .. او حطت فيها كرسي نفس المرجيحه ..
او اكوريم سمج يهبل ..

كل دار كان لها شكل او صج استانست بالنتيجه وايد ..
خصوصا انهم ترسو البيت صور او انا هذا احلى شي عندي ..
طلعو من عند امي صور انا ماتذكرها ..
او كبرتها او فطومه اشتغلت عليها بالفوتوشوب سوت بعضها ابيض اسود او حركات خطيره ..
ماجسنا ولا شي غير زدنا بعض الاكسسوارات .. بس ..

المره اليايه بكتب لكم .. جمعة عايلتهم ..
او شسوو فيني بنات عمه ..

 

[ام الفهد712]

الله يهنيكم يااارب

ياالله ناااطرينج مووو طولين عليناااااااا