اختكم من دبي في خدمتكم

[لؤلؤة دبي]

اول شي حابة اشكرج وايد وايد على المجهود ، بصراحة استفدت وايد معلومات منج

جزاج الله خير اختي


انا ان شادالله بعد جم يوم رايحة دبي ، حابة اعرف شلون الجو الحين ؟؟ حر وايد ورطوبة ؟

وبالنسبة حق بوتيك برادا فتح في امارات مول ؟ لان اذكر اخر مرة رحت كانو حاطين ان راح يفتح قريبا


وبابا روتي مال الشاي والحليب فتح فرعه الثاني في دبي مول ؟؟


مشكوورة حبيبتي :eh_s(17)::eh_s(17):

هلا اختي لا تشكريني الشكر لله
والجو في دبي مايل للحرارة ودرجة الحرارة توصل الى 35 والفليل يكوون حلوو واتكون الحرارة 27 تقريبا وهذا الموقع يبين حالة الطقس
http://www.ncms.ae/arabic/forecast.asp
http://www.ncms.ae/arabic/


وبالنسبة لبوتيك برادا الي اعرفه موجود في برجمان وابراج الامارات ومول الامارات ما عندي فكرة عنه

ومقهى بابا روتي موجود في دبي مول

 

[ام فهوووود87]

حبيبتي لؤلؤة دبي بغيت فندق حلوة ورخيص او شقق فندقيه بليززززز حياتي

 

[ام فهوووود87]

ردي علي حبيبتي بسرعه

 

[مها 2012]

حبيبتي لؤلؤة دبي عندي سؤلين ياليت الاقي اجابه
تخفيضات الماركات مثل زارا وبيرشكا متى تبدا هل هي مع المهرجان في 14يونيو او تكون قبل يعني التخفيضات تبدا قبل المهرجان ولا كلها مع بداية المهرجان لاني حابه ازور دبي واحتمال تكون على نهاية مايو او بداية يونيو خاطري اعرف قبل اروح دبي
والسؤال الثاني سكي دبي ادخل اطفال عمر اربع سنوات او ممنوع
والسؤال الثالث انا دخلت موقع المترو وماحصلته يمر ناحيه الفيستال ومردف ستي سنتر لاني انشاءالله بعتمد في تنقلاتي على الميترو
واسفه ياحبيبتي على كثر الاسئله
وتمنى التوفبق لك على سعة بالك علينا وتجاوبك والله يسعدك دنيا واخره وشكرا

 

[جزيلة العطا]

اب
اب
اب

 

[مها 2012]

وينك يالغاليه

 

[لؤلؤة دبي]

هلا خواتي اسمحولي ع التاخير لاني ما دخلت المنتدى في الويكند وان شاء الله برد عليكم كلكم

 

[لؤلؤة دبي]

حبيبتي لؤلؤة دبي بغيت فندق حلوة ورخيص او شقق فندقيه بليززززز حياتي

هلا اختي بالنسبة لفنادق والشقق الفندقية شي وايد واخترتج هذي المجموعة

فندق جراند الاماارت
تشيلسى تاور للشقق الفندقية في شارع الشيخ زايد
فندق جلوريا في مدينة الإعلام في شارع الشيخ زايد
فندق فلورا بارك شقق واسعة ومستقلة في خور دبي
كورب اكزكتيف في منطقة البرشاء
فندق امواج روتانا في الممشى الحيوي على شاطئ جميرا
كورال الخوري للشقق الفندقية بموقع مركزي في حي البرشا بدبي،
فندق فلورا شقق فندقية في خور دبي، ويبعد كيلومترين عن مطار دبي الدولي
برج رقم واحد للاجنحة الفندقية
فندق Auris

ولو تبين زيادة خبريني وفالج طيب

 

[لؤلؤة دبي]

حبيبتي لؤلؤة دبي عندي سؤلين ياليت الاقي اجابه
تخفيضات الماركات مثل زارا وبيرشكا متى تبدا هل هي مع المهرجان في 14يونيو او تكون قبل يعني التخفيضات تبدا قبل المهرجان ولا كلها مع بداية المهرجان لاني حابه ازور دبي واحتمال تكون على نهاية مايو او بداية يونيو خاطري اعرف قبل اروح دبي
والسؤال الثاني سكي دبي ادخل اطفال عمر اربع سنوات او ممنوع
والسؤال الثالث انا دخلت موقع المترو وماحصلته يمر ناحيه الفيستال ومردف ستي سنتر لاني انشاءالله بعتمد في تنقلاتي على الميترو
واسفه ياحبيبتي على كثر الاسئله
وتمنى التوفبق لك على سعة بالك علينا وتجاوبك والله يسعدك دنيا واخره وشكرا

هلا اختي

التخفيضات اتكون من فترة لين الثانية بس اشهر تخفضيات اتكون في مهرجان دبي للتسوق ومهرجان صيف دبي الي بيكون تاريخ 14/6/2012 الى 14/7/2012

والاطفال من عمر 3 سنوات عادي يدخلون سكي دبي

وبالنسبة لمترو دبي ما يمر ناحية الفاستفال وسيتي مردف وتقدرين اتروحين بالتاكسي لان الفاستفال ومردف سيتي سنتر قراب من بعض

واي اسئلة اخرى لا تترددين فديتج

 

[هلا 2010]

مرحبا لولو بغيت نقشات حنه يجون الفندق

 

[مها 2012]

مشكوره اخت لؤلؤه دبي الله يعطيك العافيه بس حابه اعرف التخفيضات لو رحت على تاريخ 2012/5/22 بكون فيه خصم يعني الماركات تنزل تخفيضاتها ماتقيد بالمهرجان لأني خائفه ان الماركات تقيد بالمهرجان لازم يكون الخصم في نفس المهرجان ومشكوره

 

[شيختهم*]

انا ان شاء الله رايحه الاسبوع الجاي مع زوجي فما ابي اسكن بفندق ابي شاليه حلو وهادي ويكون سعره مناسب وابيه يكون خاص فينا وله مسبح خاص ابي اخذ راحتي فيه ومشكوره *

 

[لؤلؤة دبي]

مرحبا لولو بغيت نقشات حنه يجون الفندق

هلا اختي بعطيج ارقام صالونات عندهم خدمة انهم ييون الفندق

صالون فلورا للسيدات
رقم التليفون
042850555
العنوان
دبي، الراشدية


صالون هيفا
رقم التليفون
042665887

العنوان
دبي، الحمرية، عند جمعية الإتحاد التعاونية


صالون بثينة
رقم التليفون
042626744

العنوان
دبي، الحمرية، عند جمعية الإتحاد التعاونية.

 

[لؤلؤة دبي]

مشكوره اخت لؤلؤه دبي الله يعطيك العافيه بس حابه اعرف التخفيضات لو رحت على تاريخ 2012/5/22 بكون فيه خصم يعني الماركات تنزل تخفيضاتها ماتقيد بالمهرجان لأني خائفه ان الماركات تقيد بالمهرجان لازم يكون الخصم في نفس المهرجان ومشكوره

شوفي حبيبتي الاغلب ان كل المحلات والمراكز التجارية اتسووي تخفيضات خلال فترات المهرجان وما اضمن لج قبل المهرجان يكون في تخفيض ويكون على حسب المحل اذا يبي يسوي او لاا

 

[لؤلؤة دبي]

انا ان شاء الله رايحه الاسبوع الجاي مع زوجي فما ابي اسكن بفندق ابي شاليه حلو وهادي ويكون سعره مناسب وابيه يكون خاص فينا وله مسبح خاص ابي اخذ راحتي فيه ومشكوره *

فندق ارجان

ديزرت بالم

منتجع المها

 

[مها 2012]

مشكوره اخت لؤلؤه دبي وهذا من ذوقك وأخلاقك الله يعطيك العافيه ويجزاك الف خير

 

[ام فهوووود87]

ماقصرتي لؤلؤة دبي بعد قلبي ولله

 

[جروح ودموع]

يعطيج الف عافيه ما قصرتي

 

[مربى و قيمر]

ماقصرتي لؤلؤة دبي يعطييج العافيه حبيبتي
بغييت اسالج عن محل اطقم مطارات قهوه وشاي مع الاستكانات والفناجيين في دبي
ومشكووره

 

[رزه واستايل]

بسالج حبيبتي انا ناس قالولي ان في بر دبي محلات جلابيات واهدوم ممكن ادليني بالضبط وانا شاااااااااااااكره لجج