اللي مستغنية عن الخدامة و متحكمة بشغلها برة البيت و داخله اتدش

[*kim*]

ملزلزه مبروك ماجاج وحمدالله على سلامتج

 

[سمراءوافتخر]

السلام عليكم

شلونكم اخباركم بووبا كلج ذوق يا عسل مشكورة وباجي البتات ربي يعطيكم العافهي والصحة امس رديت من الدوام ومشكلتي دوامين الظهر ما سويت شي بس امس باليل انا واختي اختي خمت وسوت البيت وانا المواعين والمطبخ وقعدت افرك بالجدور بالسيم لين قلت بس هههههههههههههه خلصت 11:30بالليل الحمدلله صج تعب وهدت حيل بس سبحان الله ترتيب وتنظيفج انيتغير عن الخدم وللحين ما لقيت خدامه نص يوم وامي ما طبخت سوت خفايف وباجر ما ابيهم يسووون غدا اصلا صا لنا كم ااسبوع بالاجازة نطلب من بره وربكم كريم ادعوا لنا

 

[سمراءوافتخر]

ربي يسهل اموركم ويفرجها عليكم ويحقق كل احلامكم وامانيكم ويرزقكم الرزق الحلال الطيب من حيث لا تعلمون عاجلا غير اجل ويهدي لكم ازواجكم وعيالكم واهلكم ويحفظهم لكم ويكونون قره عينكم وتفرحون ويكون الفرح دووم بقلبكم وبدربكم ويحفظكم من شياطين الانس والجان يا رب يا كريم ونجتمع بالدنيا وبالاخره بالفردوس الاعلي يا رب يا كريم قولوا امين يا بنات

 

[ملوكـه]

مااتخيل اني اقعد بدون خدامه

اللي عندها اطفال صغار
شلون تقسم الشغل
بين التربيه والتنظيف والطبخ
صج تعب

حتى لو مو موظفه يروح
يومج كله وانتي مشتطه بالشغل

الله يعينكم

 

[سمراءوافتخر]

السلام عليكم شلونكم اخباركم بشرونا عنكم ليش تركتوا الموضوع لا تهجرونه حسافه عليه وايد حلو ويشجعنا ويعطينا دفعه ويبث فينا القوه ربي يخليكم لنا الالغلا ملوكة شوفي الغلا صحيح تعب بس السالفه يبلها ترتيب شويه وانا ما انكر اني تعبانه للحين بس يبله تعود وترتيب وباذن الله كل شي بيكون سهالات

 

[Melazlaza]

قوة
تجمعنا الحبيب
سمراء حبيبتي نورتي الموضوع ويعطيج العافية انتي وخواتج ماشالله بنات شطار
احسلكم لي تزوجتوا الا سنع ومنع يفتخر فيكم الزوج


كيم حبيبتي شلونج
الله يبارك فيج
حبيبتي ماعليه ظرفج يلزمج بالخدامة باجر تتخرجين ومنتي بعازة خدم
الله يوفقج وتدشين تبشرينا بتفوقج

ملوكة حبيبتي تجمعنا هذا خاص للي مستغنية عن الخدامة وسعيدة بحياتها ونشجع فيه بعض والحمدلله كلنا ايدنا بيد بعض وفرحانين بالي احنا فيه وهم كان في من تجمعنا عندهم خدم واستغنوا ومرتاحين الله يتمم عليهم
احنا مانجبر احد يترك الخدم بس مانبي احد يحبطنا
في مواضيع ثانية عن الخدم واهميتهم تقدرون تطرحون افكاركم بكل حرية بدون تحبيط لنا



بنات شرايكم نطرح افكارنا بالترتيب والتنظيم لرمضان الله يعوده علينا وعليكم بالخير والمحبة

 

[فرس بيضا]

يعطيييكم العافيه بنااات
تصدقوون انا مستغربه من نفسي واهلي ورفيجاتي بعد
صارلي تقريباً شهرين بدون خدامه والحمدلله احس براحه نفسيه موو طبيعيه
العاده لما تروح الخدامه اكوون مثل المطقوقه علي راسهاا ماعرف ارضي من سماي بس سبحان الله هالمره غييير
يمكن لأن لاعت جبدي من سوالف الخدم و وصاختهم
المهم سهااالااات والله بدون خدامه اشتغل متى مابغييت شقتي صغيره و كل ١٠ ايام اجيب وحده نص دوام تساعدني بالشغلات الصعبه
و صج هالموضووع ساعدني ورفع معنويااتي ،،،، قرقت وااجد بس حبييت أشااركم

 

[سمراءوافتخر]

السلام عليكم

ملزلزة فديتج الغلا كلج ذوق والمكان منور فيكم الغلا حبيبتي شوفي رغم التعب احيانا بس تصدقين احس البيت غير سبحان الله انتم اخباركم احوالكم احنا الحمدلله بخير ولهت عليكم وعلي سوالفكم الحلوة وعلي يومياتكم

 

[عسل مرت قيمر]

صااامديييين

 

[ليمون ونعناع]

فدييينكم يالسنعات
والله لزلز خوش قكرة وصح لسانج بكل كلمه قلتيها
وانشالله اللي تنوي تستغني عن الخدامه تقدر بس اهي تنوي وتدش تجمعنا وراح تحس بالفرق
واليهال نسئوليه الام والبو

الدش ووشر انشاله اليوم بركبها وادشنها وناسه

وشريت غساله اكبر لولدي فيها نشاف مسوين عليها عرض بجمعيتنا ب ٣٢ تشيل ٧ كيلو والصغيرة اللي عندي بوديها بيت اهلي اذا نمت عنهم استخدمها

اليوم برتب المطبخ لان امس غيرنا ترتيب الكباته نسوي مكان للعزيز الدش ووشر

 

[PuPa^^SWeeT]

مساء الخير





الموضوع بقلبي و ما انسااااه


و عرفني على بنات و النعم فييهم صدووقات و طيبات و حبيبات

 

[ليمون ونعناع]

ا ي و الله ماينسي ابد

 

[ليمون ونعناع]

وصج والله فقدنا زوجي توأم روحي

 

[سمراءوافتخر]

السلام عليكم

علي قولة الغلا قيمر مرت عسل صامدين وحتي ما قمنا ندور خادمة نص يوم وقفنا شي بس يمكن نستائنف ههههههههه نبيها نص يو تساعد الوالدة وتطلع ورمضان علي الابواب ادعوا لنا امس بصراحه كسلت حيل هههههههه وحدة منخواتي غسلت المواعين والثنيه نشرت الهدوم الغسيل الن بصراحه لي يومين ارد من الدوام اغسل الماعين وافرك الجدور بالسيم اخ ايدي ههههههههه والمطبخ واكون خلاص امس كسلت بس اليوم بشوف شنو راح اسوي

 

[توتاتوتا]

السلام عليكم و رحمة الله و بركاته


فيس مستحي

شخباركم يا حلوات


اشتقت لكم نفر نفر


و اجهز لكم موضوع جديد اهداء لكم




انا بسبب الاكزيما الي سااااءت حالتها مره ماعاد قدرت اسوي شي لي الحين اكثر من شهرين و تحسنت الحمد لله


اطلب نص دوام اراكم لها المواعين و تجهز لي اغراض الغدا و تغسل الحمامات و هيكا

 

[توتاتوتا]

كنت بستسلم و اجيب خدامة الكل يقول لي انتي الي تحتاجين خدامة


بعدها جاني برودكاست لخدامة تلبس طفل عمره سنتين تقريبا و هو فاحط من الصياحح و هي تقرص فيه و كانها تلبسه و تعض اذنه تخيلوا


كل مقاطع الاساءه للاطفال كوم و هذا كوم


المقاطع ذيك الخدامة تضرب في غياب رقيب لكن هذي عينها للباب او للام و خبث من تحت لتحت

و المقطع مب فبلد عربي

 

[توتاتوتا]

فارتحت و تاكدت اني فالطريق الصح و الله يعطيني و كل وحده تبي تعتمد على نفسها الصحة و العافيه و يسهل امورها و يسخر لها خلقه


و ادعوا لي اتعافى من الاكزيما للابد


اختكم ام عبدالله

 

[بقلبي انت]

السلام عليكم شخباركم بنات
السنعات الجدد نرحب فيكم بتجمعنا هذا وعسي الله يطرح فيكم البركه ويعطيكم الصحه والعافيه ولا يحوجكم للخدم
الله يلعنهم

انا مغبره من زمان مادخلت كل من لزلز من طرحت فكرة القروب ماقمت ادخل>>>> رحت فيهااااا طرااااااخ

انا الحمدلله صكيت السنتين ولله الحمد وضعي بالسليم والتمام ومقسمه شغل البيت ومرتااااحه عالاخر
والله ثم والله ان عندي وقت فراااغ كبييييير ماعرف شسوي فيه احيانا اخذ فره عالبيت اشوف يمكن اطلعلي شغله
اسويها او اذا كلش يأست ازور اميمتي اونسها

وهذا التجمع عشان نشجع بعض اننا نقوم بنفسنا ولا نعتمد عالخدامه واذا وحده عندها ظرف تجيب لها خدامه بارت تايم
نص دوام تشتغل بالاسبوع 3 مرات تنفض البيت كله وإلي تقول اشلون تقدرون عالشغل ومافي وقت فراغ اقولها لا والله
فيه وقت فراغ وإلي تسوي لها جدول للشغل بترتاح عالاخر خاصه انها ما تأجل شغلها

 

[؛؛حلاوه؛؛]

كنت بستسلم و اجيب خدامة الكل يقول لي انتي الي تحتاجين خدامة


بعدها جاني برودكاست لخدامة تلبس طفل عمره سنتين تقريبا و هو فاحط من الصياحح و هي تقرص فيه و كانها تلبسه و تعض اذنه تخيلوا


كل مقاطع الاساءه للاطفال كوم و هذا كوم


المقاطع ذيك الخدامة تضرب في غياب رقيب لكن هذي عينها للباب او للام و خبث من تحت لتحت

و المقطع مب فبلد عربي

حسبي الله عليها من شفته مو مرتاحة كلش ودي اعرف بشنو عاقبوهاث
مافي أسوأ منها ومافي تعذيب كثر جذي. قالوا جنه بالمكسيك

صج عذبته

 

[سمراءوافتخر]

السلام عليكم
ام عبدالله ربي يشافيج شفاؤا تاما عاجلا غير اجل يا رب يا كريم وربي يعين ويسهل علي الجميع يا رب يا كريم