اللي مستغنية عن الخدامة و متحكمة بشغلها برة البيت و داخله اتدش

[بقلبي انت]

توتا الله يشافيج ياقلبي ويعافيج من الاكزيما وانا سمعت ان زبدة الشيا الاصليه زينه وايد للاكزيما
طبعا الاصليه مو مغشوشه والله يعينج ياقلبي

سمراء حياج بالتجمع والله يعطيج العافيه انتي وخواتج والشغل لتقسم عليكم يهون ويخلص بسرعه ومافي
تعب عليكم اهم شي تريحون الوالده من الشغل
ذكرتيني بايام العزوبيه ههههه كنت انا وخواتي نجي من المدرسه علي طول نبدل وندخل المطبخ ننجب الغدا ونغسل المواعين
وارض المطبخ والغاز كله وبعدين ندرس والحمدلله طلعنا سنعات ببيوتنا ونعرف ندير الشي ونسويه

 

[بقلبي انت]

صج بنات شنو نظامكم برمضان ان شاءالله يعوده علينا بالصحه والعافيه
انا عالمعاشات بمر السوق واشتري مواعين رمضان عندي كم شغله ناقصه واهم شي صحن التشريب
ويمكن اشتري شغلات للقرقيعان من بو ميه وازهب الشغل وافصل لبناتي دراريع للقرقيعان

والمفرزنات السمبوسه والسبرينق روول واللذي منه راح اطلبه بس مادري من منو للحين افكر ابي شي حلو
لاني السنه إلي طافت تعبت وانا اسوي السمبوسه حشوات وايده هالسنه برتاح بشتري جاهز
إلي تعرف حريم شغلهم حلو او محلات للسمبوسه والكبه والسبرينق روول تقولنا

يالله بنات دوركم شنو مخططاتكم لرمضااان

 

[اطباق ماي ورد]

ياحلوكم بنات وياحلو تجمعنا

ايه جذيه خل ترد روحنا

 

[توتاتوتا]

هذا اهداء ثاني لكم حبيباتي

http://www.q8yat.com/t1055411.html#post30493837


و صورة للتشويق و الطريقة و لااااا اسهل

 

[اطباق ماي ورد]

يسلمو توتا شكله يشوق

 

[Winter Q8]

ليمون و نعناع .. شنو حضانة ولدج ؟

توتاتو ..يم يم ... تسلم الأيادي .. بس منتجات ماجي و اللي مثلها أكش منها ,, لانها متروسة جلوتامات أحادي الصوديوم
...
استكمالاً لموضوع الأغراض و شيلتهم .. جياس ايكيا اشتروا الحجم الكبير و حطوه بالسيارة راح تستفيدون منه وايد ..

 

[سلالام]

السلام عليكم
صراحه خوش موضوع الله يعطيكم الصحه والعافيه
ويبعدكم عن الخدامات
صراحه انا عندي وسواس من الخدامات كلش ما احبهم
ولا اثق فيهم مهما بينت انها طيبه وحبوبه ومهما قعدت
عندنا سنين
ما دري احس نفسهم رديه
ودايم انصح البنات انهم يستغنون عن
الخدامه بس ماكو فايده يقولون احنا
موظفات ومانقدر على شغل البيت ومجابل عيالنا
زين كا خواتنا المصريات ماشاالله من عمر موظفات من ايام
امي وامج وكا مجابلين شغلهم وبيتهم وعيالهم
واللي ما تقدر على مجابل عيالها شحقه جايبتهم
سوري طولتها واهي قصيره
بس شسوي كاسرين خاطري هالاطفال المقطوطين
عند الخدامه تعذبهم وتبهدلهم

 

[بقلبي انت]

خوش اكله تووتا وسهله حييل بس انا ما اكل عيش بسويها لزوجي وعيالي

ونتر صاجه الجيس الكبير لازم بالسياره نبهتيني عليه عاد انا كل ماروح لامي ترجعني البيت مليانه اغراض
واكل صج حوسة شيلتهم حلوه فكرتج


سلالام هلا والله فيج منوره بينا وحياج الله معانا
صاجه الخدامه لو شنو تكون ولو شنو تسويلج ماتحسين بالامان فيهم خبث وغدر سبحان الله ماحبهم
وسالفة الجهال والله قلبي تعب من كثر ما اشوف هالشوفات اطفال متعلقين بخدامتهم اكثر من امهم ويطيعونها بكل شي
وخدم تعذب اطفال وتتلذذ بالشغله وهم مساكين مايعرفون يتكلمون ويشتكون والام لاهيه ومشغوله حسبي الله علي كل ام
قاطه عيالها بايد الخدامه وموكفو صراحه تنجب غيرها ودهم بس لو يشمون ريحتهم ومالله كاتب لهم يحملون

وإلي ما تقدرعلي فراق الخدامه في شي اسمه خدامه مؤقته تجيها جم ساعه تشيل عنها الشغل وترجع مكانها بس احنا
تعودنا عالخدم وصاروا من الرفاهيه مانقدر نستغني عنهم علي كثر بلاويهم وهم مانتوب

 

[سمراءوافتخر]

السلام عليكم

مشكورة الغلا بقلبي هواها كلج ذووق الغلا صدقنيي كلنا كنا جذيه يوم صغار نرجع من المدرسه والكليه نساعد الوالدة بس من اشتغلنا وانا بالذات دوامين الله المستعان البارحه كان دروي بالمطبخ والحمدلله ما خليت شي .
الغلا وينتر ربي يعطيج العافه يالغلا وعجبوني الاكياس حلوة الفكرة بس بناات ابي رقم الفلبينيات اللي يجون خمس ساعات ب10 دنيانير وين احصلهم ابي ابيهم علشان نضبط البيت قبل رمضان وبعد ابي اعرف من وين اشتري السبوسه والكبه والشغلات السنعه وشكرا لكم

 

[اطباق ماي ورد]

صج بنات شنو نظامكم برمضان ان شاءالله يعوده علينا بالصحه والعافيه
انا عالمعاشات بمر السوق واشتري مواعين رمضان عندي كم شغله ناقصه واهم شي صحن التشريب
ويمكن اشتري شغلات للقرقيعان من بو ميه وازهب الشغل وافصل لبناتي دراريع للقرقيعان

والمفرزنات السمبوسه والسبرينق روول واللذي منه راح اطلبه بس مادري من منو للحين افكر ابي شي حلو
لاني السنه إلي طافت تعبت وانا اسوي السمبوسه حشوات وايده هالسنه برتاح بشتري جاهز
إلي تعرف حريم شغلهم حلو او محلات للسمبوسه والكبه والسبرينق روول تقولنا

يالله بنات دوركم شنو مخططاتكم لرمضااان

وناسه التشرى حق رمضان الله يبلغنا اياه وياكم على خير

صوري لنا مشترياتج بقلبى انت

بس تدرين السمبوسات وجذيه ماكو احلى من شغل ايدج

سوى من الحين على راحتج وفرزنى احسن

 

[اطباق ماي ورد]

ليمون و نعناع .. شنو حضانة ولدج ؟

توتاتو ..يم يم ... تسلم الأيادي .. بس منتجات ماجي و اللي مثلها أكش منها ,, لانها متروسة جلوتامات أحادي الصوديوم
...
استكمالاً لموضوع الأغراض و شيلتهم .. جياس ايكيا اشتروا الحجم الكبير و حطوه بالسيارة راح تستفيدون منه وايد ..

هلا ونتر اشلونج حبيبتى

تسلمين على فكره الاجياس

بس اشلون يعنى يصير اشتريها من ايكيا ؟

 

[Winter Q8]

بقلبي هواها .. اي اهم عارضينها للبيع أصلاً

 

[البرنسيسه77]

انا عندي خدامه بس ربة بيت بس مجابلتها واعرف شنو تسوي وهم راحة بال لاني عندها بالبيت لكن الخوف من الموظفه اللي عندها خدامه مخليتها عند عيالها بالبيت ورايحه الدوام هني الخوف


الله يستر علينا وعلي عيالنا شر لا بد منه

 

[PuPa^^SWeeT]

مساء الخير




مساء الفل و الياسمين





بالكويتي


مساء الحر و الرطوبة و الغبار



كله بوقت واحد

 

[بقلبي انت]

سمرا ياحياتي الله يكون بعونج صج تعب دوامين الله يعطيج الصحه والعافيه

بقلبي هواها ان شاءالله اصور الاغراض وبحطها
والسمبوسه والباقي والله مالي خلق اسوي صج شغل الايد غير بس تعب والله وبنفس الوقت بغير
بس عاد تدرين والله اخرتي انا مسويه السمبوسه ادري بنفسي هههههه
يمدحون عجينة السمبوسه من السعوديه مادري شسمها يقولون ماتشرب دهن وايد ومقرمشه شكلي لسافرت
بجيب منها وبجرب

 

[CuTe_FaCe]

السلام عليكم
شلوونكم يالسنعات

ياريت تضموني وياكم بهالتجمع السنع

انا باجر بمشي خدامتي(حسبي الله عليها ونعم الوكيل)
بعدين اقولكم سالفتها

المهم مو عارفه من وين ابتدي وشنو اسوي
عندي ولدين الله يحفظهم واحد سنه وثلاث شهور والثاني اربع شهور

والحمدالله ماكنت قاطه عيالي قط عليها بس صج كانت تعاوني فيهم

لان وايد يبجون مع بعض و يبون رضعه او اكل مع بعض��

فكنت صج بعازتها ��

بس الحين راح يكون وضع مؤقت ماكو خدامه

و ودي يكون دائم بس صج خايفه من الوضع

انا ساكنه بيت حموله بس كل واحد بغرفته
ماعندي احد يعاوني فيهم.....

تكفووون بنات موعارفه شلون ادبر حالي او ارتب اموري

سااااااعدوني عسى ربي يوفقكم

 

[توتاتوتا]

يامرحبا فيش كيوت فيس


الله يسهل امورش


اول شي اقنعي نفسش الامر سهل و بسيط مع الترتيب و التنظيم وسواء تبينه مؤقت او دائم

اشتري حباسه كبيره موب الي على شكل سرير الدائريه بسنتر بو
ينت

للي عمره سنة و ديفيديات علشان تلهينه اتوقع اكلهم سهالات و باقي الامور بالتدريج


اليوم اشوف فاليوتيوب ام لعشرة اطفال جابت توام عمرهم 10 و توام عمرهم 4 و ست توائم عمرهم 3 و بيتها كانه حضانه و عندها طفل معاق


و طبعا بدووون خدامة

 

[نبض حبيبها]

السلام عليكم
من زمااان عن التجمع

انا وحدة صار لي4سنوات متزوجة وطفلتين ومستغنية عن الخادمة
اللهم إلا خادمة نص دوام مرة أو مرتين بالأسبوع ومرتاحة جذي الحمدلله

موقف بالمستوصف بط جبدي:
الخادمة شايله ولد بو3سنوات تعبان وواقفة تنطر الدور وشايله جنطة البيبي
قلت يمكن الام والدة بالبيت ولا عندها ظرف قاهر والابو قاط الخادمة عالمستوصف
المهم الولد قعد يبجي والخادمة تسكت فيه
وصل دور الخادمة....جان المفاجأة هني اكتشفت إن الام قاعدة عالكرسي ولاهية بالايفون
والخادمة تقول للمعزبة:
يللا ماما دور
جان تقوم المعزبة ولا هامها ولدها وتدخل والخادمة وراها!!!!!!
الحمدلله الذي عافانا
انا الولد كسر خاطري لما كان يبجي كان ودي أشيله وأعوضه حنان الام المفقود​

 

[R W 3 A]

السلام عليكم
الله يعطيكم العافيه وعساكم عالقوه
بصراحه وايد وايد شجعتوني وزدتو من حماسي
صارلي سنتين متبهذله مع هالخدم شفت وجربت اشكال وانواع مو طبيعيه
حالتي النفسيه صفررر من وراهم
والخدم مو نفس قبل الحين الخدامه عبالها اهي المعزبه
وكثر ماتعطينهم وتسويلهم مايبين بعينهم منكر حسنه والله
اخر وحده كانت عندي اثيوبيه حقيررره ووقحه وكله تنفس وماتبي احد يامرها وحدها ملقووووفه
كل شي عندها تلفون البيت تكلم اهلها بديرتها واهني وكروت الدولي احنا اللي نشتريهم لها وتلفزيون تقعد تطالع وبلعه 24 ساعه الماجله كلها فبطنها وغير اني كل اسبوع ايبلها يونيفورم يديد بس حدهاااا وصخه وريحة دارها تبط الراس وجم مره ادخل دارها حتى دارها انظفها
وفوق كل هذا لا تطبخ ووصخه والله انا وراها انظف ولما اوريها الوصخ تسوي روحها ماتشوف
ولا يهال ولا لويه اخر دلع
وايد غثتني واذتني وغير كل يوم لها سالفه وحنه وذلفت بمصيبه
والله الحيييين راحه مابعدها راحه
قلت توووبه ايب خدااامه خلاص والله
اصلا مو مستفيده منها شي غير النفسيه والمحاتاة والمغثه
انا ايبها لاني موظفه ودوامي مرات يطول لي ورا العصر
بس قررت قرار حازم بيني وبين نفسي ان ما ايب خدم كلش
اتعب شوي بس نفسيتي مرتاحه واصلا صرت احس بيتي خفيف ونظيف وريحته اتينن على ايدي مع ان شقتي عوده بس هم راحه من غيرهم
ولا اني حاطتلي وحده تنضلني وحاطه عينها علينا بطلعه والدخله وتغثني بسوالفها

ومن عقب ماقريت هالموضوع حدي تشجعت وكل ما اتعب اذكركم انسى التعب
وقلت اذا بنظف تنظيف عميق يعني كبتات المطبخ ووالمخزن والخ ايبلي بارت تايم تيني 5 ساعات وتنظف جدام عيني وتروح

والله كريم

 

[اثمان]

السلام عليكم


صراحه يعطيكم العافيه


أنا جربت فترة ٧ شهور بدون خدامه

واضطربت أخذ اجازه من دوامى وخصوصا انه اعيالي صغار. وووووايد احاتيهم



لكن اذا كنت باجازه ما احب اعتمد عليهم


اذا شافوج محتاجتهم ويشوفون نفسهم حيييل