فكرة تراودني بشدة وهي ( الولادة المنزلية )

[فكرة]

الولادة عملية طبيعية تتم تلقائياً . . ومن هذا المنطلق فكرت ان ألد لوحدي في غرفة اجهزها بكامل التجهيزات اللازمة .. ولست الأولى والأخيرة فقد سمعنا عن الممرضة البريطانية التي ولدت نفسها بمساعدة المرآة !
وسمعنا عن الكثيرات وضعن في السيارات وفي بيوتهن بدون سابق تجهيزات وكلهن يأكدون انها اسهل ولادة مرت عليهن .. فكيف اذا كانت مجهز لها باستعداد تام ..

طبعاً الفكرة مابعد تتبلور تماماً ولكن حبيت ان اشارككن فيها لأنه مازالا لدي قليل من التردد ..

سأعود لأكتب التفاصيل التي رتبتها في ذهني لولادة سهلة ومريحة وخصوصاً لنفسية .. ولكن بعد أن ارى ارائكن .. :eh_s(7):

 

[راقيه وجذابه]

حبيبتي شلون تولدين بالبيت

لازم دكتوره لازم خياط لازم مساعده

يمكن لاقدر الله تعسرت الولاده شنو تسوين

اصلاً وقت الولاده انتي موصوب شي فمابالج تولدين نفسج

كلش كلش ما انصحج فيها جدتي ولدت عمي الصغير في البيت وكان مافي عنايه طبعاً بعدها حاشها تلوث على ما اظن او ترجثم مكان خروج الطفل وتمت تتحسف طول حياتها

احنا بالمستشفى ومساعدات ويالله وادفعي وسوي ووووو و ويالله يالله بعد

شلون البيت

خافي على صحتج حبيبتي وعلى البيبي الحين مو مثل قبل كل شي تغير

موفقه

 

[c a t w o m a n]

أعتقد إذا ماني غلطانة


قانونيا ممنوع الولادة المنزلية بالكويت عندنا


واذا تبين رأيي الشخصي المستشفى أفضل من جميع النواحي


و خلال الولادة المرا والياهل معرضين حق كل شي لازم عندج طاقم ولادة كامل متكامل ليش هالعنا

الفلوس ايللي بتحطينها بتجهيز غرفتج بالبيت حطي ربعها بولادتج بأحسن مستشفي تحت عيون الدكاترة


والله يسهل عليج

 

[*kim*]

فكره غريبه

 

[يارب يطيب عبود]

المستشفيات نعمه من الله
الصراحه ماحبيت فكرتك

 

[روح الأحزان]

اهو وناسه بس مستحيل لاسمح الله كلشي يمكن يصير وحزتها شنو بتسويين الاحسن تكونين بالمستشفى وتحت اشراف الدكاترة

 

[فكرة]

اشكركم على ردودكم الطيبة ..
ويالله عاد ياتقنعوني يا أقنعكم ..

اولا ً الي خلاني اقرر هالقرار ان الولادة في المستشفى يرغمونا على الوضعية التقليدية وهي الاستلقاء على الظهر ورفع القدمين بشكل يثير الخوف والهلع .. اما الطب الحديث اثبت ان هذه الوضعية ليست الافضل لتسهيل عملية الولادة ..
وان الوضعية المثلى هي ان تكون الوالدة بوضع عامودي منتصب فتسهل الولادة بفعل الجاذبية الارضية ..

وقالت لي الاخت الكريمة راقية وجذابة شلون مع الدكتورة والخياطة .. الدكتورة مااحتاجها لأن الولادة راح تتم تلقائياً سواء تدخلت الدكتورة ام لم تتدخل واما الخياطة فهناك طرق و وضعيات تمنع حدوث التمزقات العميقة الا من تشققات خفيفة حول فتحة المهبل وهذه تندمل بسرعة مع العناية بها تلقائياً ولاتحتاج لخياطة ابداً .. وهذا داعٍ اخر يدعوني للولادة المنزلية ..
لأن في المستشفى يستعجلون ويجرون الشق والخياطة بينما لو يصبرون شوي فما يحتاج شق وخياطة الي تلعوزنا عدة اسابيع بعد الولادة زيادة على الام الحس والصدر


شكر جزيل لك عزيزتي راقية وجذابة توافقيني الان ولا لأ ؟:eh_s(7):


لي عودة لمداخلات بقية الاخوات ..

 

[مضاد حيوي]

صج فكرة غريبة
أكيد هذه أول ولادة لج لأنج مو متخيلة اشلون صايرة الولادة
حسبالج نفس الافلام
و بعدين هذيج البريطانية انتي تقولين اهي ممرضة .. يعني عارفة و مار عليها
مواقف كثيرة ومتدربة
تعوذي من ابليس و لا تتهورين

 

[مضاد حيوي]

و أحب أضيف أنج تحتاجين الخياطة مو لأن حدث تشقات خفيفة
تحتاجينها علشان تضييق المنطقة و ما تعانين من توسع و ترهل
و اذا حبيتي أسألي اهل الخبرة الي جربوا الولادة من غير خياط
أسألي عن المشاكل الزوجية الي حاصله و ركضتهم وراء كل منتج
يضيق و يشد هذا غير الهوا الي راح تعانين منه

 

[راقيه وجذابه]

وراج وراج ياتقنعيني يا اقنعج هههههههه

هم لا لا لا ياقلبي توني شايفه ولاده طبيعيه باليوتيوب وشفت كل شي هههههههه >>> عووووبه

قصدي ماقدر يطلع الراس الفتحه صغيره وراس الجنين وجسمه شكبره لازم شق ياقلبي

بعدين نظافه وعنايه ورعايه بالمستشفى ينظفون البيبي ويسون له فحوصات ويتطمنون عليه

زين بالله بسألج لو مع الولاده انخفض نبض الجنين لاسمح الله ( بالمستشفى يبين بالأجهزه ) انتي شلون بتعرفيييييييين ؟؟؟؟؟؟

بالله البيبي لتف على راسه الحبل السري >> برااااااااا

اسم الله عليج وعليه بس نحط احتمالات ، حزتها انتي ماتدرين

اقولج لا يعني لا انا علمتج >> نعم شتبين

يالله اقنعيني ههههههههههههههههههه

 

[فكرة]

أعتقد إذا ماني غلطانة

قانونيا ممنوع الولادة المنزلية بالكويت عندنا


واذا تبين رأيي الشخصي المستشفى أفضل من جميع النواحي


و خلال الولادة المرا والياهل معرضين حق كل شي لازم عندج طاقم ولادة كامل متكامل ليش هالعنا

الفلوس ايللي بتحطينها بتجهيز غرفتج بالبيت حطي ربعها بولادتج بأحسن مستشفي تحت عيون الدكاترة


والله يسهل عليج

انزين شدرى القانون ان الطلق فاجأنا وماقدرنا نوصل المستشفى واضطرينا للولادة في البيت
ثم اني ماراح اولد فيالبيت الا اذا تأكدت من الدكتورة ان كل شي تمام وان الولادة ماراح تكون فيها مضاعفات ولايوجد احتمال خطورة ما ..
اما عن تجهيزاتي مافيها اي كلفة مادية .. بكتب بعد شوي شنو راح نحتاج ان شاء الله
اما عن احسن المستشفيات فبهاذي باخذ برايج وبروح آخذ لي فرة على المستشفيات وبسألهم اذا يولدوني بالطريقة الي انا اختارها .. واذا حصلت زين بطاوعك ..


شكرا لك كانومان ..

 

[راقيه وجذابه]

ياربي قهرتني هالبنت :eh_s(14):

مايدرون انج ولدتي بالقصد عادي انا افتن عليج

 

[فرفشه منعنشه]

كلن ينام عالجنب اللي يرحه وانتي كبيره وبالغه وفاهمة وابخص بقراراتج والبنات انصحوج والباجي عليج
والله يعطيج الصحه والعافيه وتتخذين القرار السليم
​

 

[احلامي غير]

اكيد خطر عليك انتي ماتامنين وقتها شو يصير يمكن يجيك نزيف وتدوخين ولااحد يمك بسم الله عليك فرضا بعد الولادة تسكر الرحم على المشيمه لانها صارت لوحده وعلى طول سوو لها عمليه عشان ماتنزف وتموت بسم الله عليك بس احس انك ان شاءالله تمزحين ولاجاء وقت الجد غير انا دكتورتي البريطانيه تقول الولادة باالبيت عندهم لازم طاقم طبي تدرين وتقول الاسعاف يكون متجهز لاي شي يصير العمليه موسهله تراها اخراج روح من روح وامهاتنا اول كان ماعندهم خيار وياكثر الي ماتوا والى الاطفال الي يولد ويموت ومشاكل كثير والله عزوجل هو الحافظ لكن ربي عزوجل امرنا باخذ الاسباب
​

 

[فكرة]

المستشفيات نعمه من الله

الصراحه ماحبيت فكرتك

أمين يطيب عبود والله يعطيه الصحة والعافية

تدرون مبين علي مروقة لأني توني مسجلة وارد على مداخلة ستانسو ابي هالحين قبل لا أفتر :d

 

[ضمر الخصور]

فكره مره غريبه

الله يهون عليك يارب

 

[yes or no]

حبيبتي لو مجربه الولاده من قبل
استحاله تقولين هالكلاااااام

 

[ام اغلى الناس]

هههههههه
افكارج غريبه
بس انا مفكرتها من قبلج
قلت ياليت اجربها بالبيت
وبعدين شفت الولاده تحت الماي
بس لما جت الصجيه خقيت ههههه
انا جربت وعندي ولد وهذا ثانب حمل
الحمل بروحه يهد الحيل
ف مابالج بالولاده
اخذت ابرة ظهر وماحسيت بشي بس هما انهد حيلي وتعب نفاس
جسمي طول لين حسيته رجع لطبيعته

حبيبتي استخيري ونصيحه لاتسوينها
خافي على البيبي وعلى نفسج
الحياه تجارب ومغامره
بس لاتغامرين بروحج وروح ولدج او بنتج
لاترموا انفسكم بالتهلكه

 

[فكرة]

تهيئ تهيئ :eh_s(2): كتبت ردود مفصلة لكل وحده منكم .. وبعدين راحت اختفت .. طلع لي شي اول مره يطلع لي في حياتي الانترنتية ( لايمكن لصفحة الويب ان تفتح بسبب كثرة الازدحام في الموقع !!!!! )

بسم الله ماشاء الله حطمتوا الرقم القياسي في النشاط والحيوية مابين المنتديات .. الحمدلله اني سجلت هنا ..
عاد هالحين سمحوا لي اني اكتب زبدة الموضوع ويعز علي اني ما أرد عليكم وحده وحده وخصوصاً
راقية وجذابة هالبنت مبين عليها فعلاً انها راقية وجذابة وخفيفة دم بعد .. ومايهونون البقية .. بس شسوي حركة اختفاء كل الي انكتب تحطم الواحد وتخليه يتكيسل يعيد الي كتبه ..

نبدأ بسم الله الرحمن الرحيم ..


بكتب لكم طريقة ولادتي المنزلية ان شاء الله الي توصلت لها من خلال بحثي وقرائتي وتبقى لي لأستكمل طمأنينتي الكاملة سؤال الدكتورة .. ولاينبغي التفكير بلولادة المنزلية الا اذا تأكدتي من الدكتورة من عدم احتمال حدوث اي مضاعفات اثناء الولادة ..





1- أولاً من بداية الشهر السابع نبتدي برياضة كيجل لأنها تقوي عضلات المنطقة وتساعد على التحكم بالدفع .. وندهن المنطقة بزيت الزيتون دار مادار الفتحة وهذا اجراء وقائي لعدم تشقق فتحة المهبل ..

2- ومن بداية التاسع نبدأ نشرب شاي اوراق التوت لأنه يساعد على ارتخاء الاعصاب وسلامة نفسية الحامل وتخفيف الالام ..

3- المشي اليومي لمدة نصف ساعة او ساعة .

4- الجماع يساعد على تسريع موعد الولادة


5- الحرص على تناول 7 تمرات يوميا ابتداء من الشهر التاسع .

6- وللوقاية من النزيف بعد الولادة ينصح بتناول الكرنب لأنه غني بفيتامين ك الذي يعمل على منع النزيف . . وكذلك الرضاعة المباشرة بعد الولادة تمنع النزيف ..

وللوقاية ايضاً من نزيف مابعد الولادة ..

عشبة معطف المرأه
تفيد الاسهال, والنزيف
وهذه العشبه تقوي الاعضاء التناسليه
وخاصة الرحم لذا فهي مفيده من اجل التحضير للولاده
كوقايه ما قبل وبعد الولاده.
وتساعد في حالات الاجهاض, وتقوي الحمل وتفيد لكابة ما بعد الولاده
انها تمثل النعومه, الرقه في دور الام .



هذا ماتوصلت لحد الآن لما قبل الولادة .. وسأوافيكم بعد قليل بترتيب افكاري للولادة المنزلية ..

 

[سويت فانيلا]

اختي انتي فيج شي