يوميـــــات مخطوبة

[لــــين]

السلام عليكم و رحمة الله وبركاته



بنات ودي اقول شغله .. يا ريت تتقبلونها بصدر رحب


طبعا مبين عليكم جميعاً الاستمتاع بقراءة اليوميات و الاعجاب بالقصه و كاتبها .. و هذا شي طبيعي و ميول فطري للبنات انهم يحبون السوالف و الهذره




عفوا مع احترامي لنوار و لقصتها .. لي بعض الشغلات ودي اعقب عليها ...



القصه فيها تفااصيل وااااااايد وااااااايد واااااااايد مالها ابدا داااااعي !!!
و في كلمات كللللش مو كويتيه !!
قد تكون تميل للبدوي .. بس البنت بينت باكثر من موقع انها مو بدويه .. وانها فررري و اهلها فرري و مو متحجبه , مع العلم ان اللي نعرفه عن البدو انهم متحفظين و ملتزمين بالعادات و التقاليد .. و ملتزمين بلبس الشرعي ( بغض النظر عن قناعتهم فيه )

الاخت نوار .. ليما البنات سئلوها انتي فيج عرج ( نظراً لبعض كلماتها ) تهربت و قالت بعدين تعرفون ؟!!! <=== ما اعتقد فيها شي لو قالت اي و الله فيني عرج او لا انا كويتيه 100% .. لا عيب ولاا حرام .. بس ليش تخفي هالشغله .. الله اعلم !!!


ما ادري هالقصه قصة حياتج يا نوار او من وحي الخيال !!
بصراحة انا مستبعده انها تكون واقعيه ..
شدعووووووه شنو هالقصه اللي كلها تتمحور حول حياة نوار ..
الناس كلهم كلهم زينين !!!!!!!!


على كل حال .. حبيت اعرض لكم بعض من الكلمات الغريبه اللي قريتها , كلش الكويتين ما يستخدمونها .. و بعض التفاصيل اللي قالتها و ملها ابدا داعي .. ولا ادري شنو الفكره منها !!

قمت حتى شعري مانسلته! كانت مستعيله او انا توني قاعده والله اذكر اني مانسلت شعري بذاك اليوم!!

من متى بالكويت نقول ما نسلت شعري !!!!!!!!!!!!!

خذيت لي جم جوكليت او مشيت وصلت على رفوف المعلبات .. خليتهم او رحت وراهم
صف كاتشب او مايونيز او لقيت كذا سوس خذيت منهم سيزر درسنق .. او ايتالين ..
او مشيت لي ورى تذكرت انا يزعم ابي اضعف ليش ماخذا Chocolate رديته او كملت .. لقيت رفوف لكريمات .. خذيت مزيل المكياج من جونسون اللي ايي قطن مدور فيه المنظف .. خذيت مناديل جونسون الورديه بعد ..
او وصلت لي نتروجينا خذيت مقشر الوجه .. او نسيت اسم الشركه خذيت منهم مسك علبته زرقه .. ينحط مرتين بالاسبوع او ينحط عليه بخار ..
ينظف او يفتح البشره ..
لفلفت .. جان ألقى الصيدليه دخلت لقيت اللي تبيع فليبينه .. على طول قلت لها ابي
غسول للمنطقة الحساسه نصحتني
للتنظيف"Feminine Wash"
من شركة
Vagisil

او خذيت فيتامين للشعر فقط .. علبتة رصاصيه او فيها ازرق..

طلعت من الصيدليه جان ادش محل العطورات اخذت عطر كارتير اللي على قلب الجديد
او خذيت عطري المفضل ستيلا ..
او كوكو شانيل

كلهم مخلصين وكل يوم كنت اقول باجر باروح اشتري ويطوف اليوم ..
المهم بعدين رحت لقسم الخضره شريت كذا شي منهم الخس الامريكي او الخس البنفسجي نسيت اسمه ..

اول شي شنو تقصد بكلمه بزعم ؟؟؟
انا فهمت شنو تقصد .. بس ما خبرت الكويتين يقولون بزعم !!!

و غير كلمه ( بزعم ) بصراحة لفتني تعددها للشغلات اللي شرتها .. اوكي شنو تبي توصل له من هالتعدد الغريب !!

دخلت ولا النسوان داشيين او كلهم واقفين يسلمون ..

خبري بالكويت ينقال عن النساء = حريم مو نسواان !!!




و من الشغلات الغريبه اللي مرت بالموضوع و مالقيت لها تفسير منطقي

قلت في قلبي على طول! يمه هذي من متى تتصل في امي اكيد صايره مصيبه!! سبحان الله

من الكلام مبين ان نوار و امها يعرفون هالمره بدليل قالت يمه هذي من متى تتصل على امي <=== يعني في سابق معرفه من كلامها

بعدين نكتشف مع الاحداث ان العايلتين ما يعرفون بعض .. و ام يوسف تتصل و تبي تزورهم علشان يتعرفون عليهم لانهم سمعوا كل خير عن نوار و اهلها !!!!!!!!!!!!!!!

انا بالكورس الاخير بالجامعه

لاحظوا قالت انها بالجامعه ...اول مره اشوووف طالبه جامعيه بسنه تخرج تقوم الصبح و تطيحله فراااااره من مطعم لي مطعم و من سوق لي سوق و صالون لي صالون ... لوووول وين الجامعه !!
اوكي يوم طنشتي .. يومين .. ثلاث .. مو كل الكورس !!!!
ما اتذكر انها داومت الا مره وحده .. ليما كانت تسمج يوسف و يتفاهمون على فكرة تقديم الملجه !!!!!
و حطوا تحت داومت خطين .. يعني سبحان الله على كثر الاحداث اللي تصير ولاا حدث مهم صار بالجامعه !!!

تقول ابوج بهاليومين بدى يسأل .. رفيجه دايما يقعد بديوانية ابو الولد ..
ويمدحهم وايد يقول خوش ناس ..

و بعدين مع الاحداث نعرف ان ابو يوسف متوفي !!!! شلووووووووون ؟؟
اي اي بعد قالت ان زوج خالتها يعرفه ..... يالله تتطوف ان يعرفونه قبل لا يتوفى !!
بس شلون يزرونه بدوانيته <==== الله اعلم !!

لاقتنا خالتي بالرايه اول شي .. قعدنا نتمشى .. او طلعنا رفيجتها مادحت لها وحده عندها مشغل بالبيت .. تقول شغلها ثقيل او حلو
رحنالها والصراحه كانت مضيعة وقت .. ألوان او اشكال او قماش غير او غير .. جنه لبس فريسه!! يفشل .. طلعنا او رحنا الصالحيه .. تمشينا برى اول او بعدين دخلنا
المجمع او الحمدلله بأول محل لقيت لي بدله مرتبه ..
او بعد محليين لقيت لي الله يعزكم الجوتي .. وصج ارتحنا ..
ومكافئه رحنا كلينا بلورنزو ..
سوالف .. او ضحك ..المهم دخلنا البيت على اذان المغرب ..

لو تلاحظون على حسب كلامها قعدوا الصبح و سوالفوا و سووا حجوزات الصالون و الحلو و خلافه .. ثم راحوا الرايه (نقدر نقول ان روحتهم للرايه كانت بحدود الساعه 10 مثلاً اذا كانوا قاعدين من 8 او 9 ) حلوو
خلينا نقول قضوا ساعه بالرايه ( ما بين تتسوق و تقيس بدلات) يعني على الساعه 11 راحوا حق مشغل البيت اللي قالت لهم خالتها .. خلينا نقول مع الزحمه خصوصاً و قت الظهر و طلعت دوامات وصلوا الصالحيه الساعه 12و نص <=== الصالحيه يسكرون 1 و يفتحون 5 العصر !!!!!!!!!!!!!!
شلون مداها بنص ساعه تلاقي بدله و جوتي .. اوكي اوكي فرضاً فرضاً انا تقديري غلط .. و مداها بنص ساعه تحصل بدله حلوه و جوتي ..
راحوا لنوتر ياكلووون ( خلونا نقول الساعه 2 ) .. اللللللللللللله من ال2 لي اذان المغرب (حوالي الساعه 5 على ابجر توقيت ممكن) <=============== بصراحة الاحداث مو ضااابطه و توقيت غير منطقي بالمررررررررررررررررره !!!!!

انا ماألتفت عليه بس كانت على الطاوله الدله .. او كنت اشوف انعكاسه فيها ..
وامي كانت تسولف وياه او اهوا يتكلم او يتحرك او خشمه بالدله يصير كبيييييييييييييييييير ويصغر او انا ماسكه الضحكه كنت بموت ..

طبعا انا نفعتني الدله فكلش ماشفت ويها
بس لما يكون بزاويه صح .. ويها شحلاته .. لونه حلو .. ومسوي قفل ..وحطت غترته حلوه
او ريحته .. ممممممممم واصله لي عندي ..
او عينه حاده بس شكها حلو .. ههههههه والله جميل ماشاءلله

صلي على النبي .. دله بتبين لج ان عينه حاده و شكلها حلووو ؟!
و بعدين شنو هالطاوله اللي بمستوى ويهه ... و طبيعي الدله بتكون على طاوله بعيده شووي يعني متر على القليل ..
و شدعوه لاصق ويه بالدله علشان يبين خشمه كبير لهدرجــــــــــه !!! <=== سوري بس كلش ما تتفوت !!

---- بنات حطوا دله جدامكم و شوفوا اذا يبين الويه لي هالدرجه .. وانتوا حكموااا !! ----

ولا جيس شكبره ..عند الباب .. اخذته او دخلت ..

جيس شكبره .. اخرتها داخله ........................................ محفظه على قولة الام !!!

رحنا قهوة Paul
انا اكلت سيزر سالد

و بعدين قالت ..

ريل اختي انتبه قالي صرتي تاكلين سلطه عادي
قلت له بصوت واطي لا
لف علي قالي ماتاكلين سلطه؟
قلت له لا ماحب السلطه

قمــــــــــة التناقض !!

بعدين سوت خادمتنا مجبوس .. عاد مجبوسنا احنا غير
وايد لذيذ .. خذنا من الجمعية فلفل اخضر كبار او احمر او كان في بنفسجي او برتقالي او اصفر ..
فضيناهم .. او حشيناهم بالمجبوس .. او كل وحده فيها قطعة دجاجه ..
او شكلهم كان حلوووووووو ..

لو ترجعون للمشاركه رقم 506 بالصقحه رقم 51
راح تلاقون ان الاخت نوار ما شاء الله عليها هبت ريح .. مسويه مجبوس من الظهر .. حق عزيمه العشا اللي مسويتها خالتها ام يوسف .. لووووووووووووووووووووول






هذولي ^^^ قليل من كثير .. في واااااايد شغلات ما ادش المخ .. بس طوفتها و اكتفيت بالشغلات اللي صج سوتلي علامه استفهام كبيره

بعد الاشياء الغريبه اللي عرضتها لكم .. اعتقد تقدرون تقررون اذا هالقصه صجيه ولاا من وحي الخيال !!
انا برأي هالنوع من القصص ما تتعدى احلام اليقظه .

بصراااااااحة .. انا مستغربه من اعجابكم بالقصه على الرغم من كل هالتناقضات الواضحه ..
انا مو قصدي اجرح بشخص الكاتبه .. ولكن حسيت انها تضحك علينا بكلامها !!!
ودي اعرف شنو تبي توصله بالضبط ؟؟؟





ملاحظه : مشاركتي اعتبروها بعض التساؤلات .. اللي ما لقيت لها جواب مقنع
ارحب بمناقشتها .. و ودي احد يقنعني !

 

[ام الفهد712]

حبيبتي نحترم رااايج واسألتج

ولنفرض انهااا مو واااقعيه ومنقوووله

عادي شاللي بصيررر يعني بس احنا اللي ما حبيناااه ان تييه حبيبة جمووول وتقول انهااا تقص عليكم وانا وريلي قااعدين نضحك شكوووو عيب والله عيب

واحنا راضيين باللي قاااعده تكتبه سواء منقول ولا لأ ومستانسين عليهاااا

وانشالله البنااات ما يقصرووون وردوون على اسألتج

ولا ليش الموضوووع ماله داعي يكبررر اللي مو عاااجبه ويحس ان القصه فيهااا تناقض ومنقوووله يقرى ولا يعلق او من الاساااس لا يدش الموضوووع

وشاااكرتلج حبيبتي

 

[لــــين]

حبيبتي نحترم رااايج واسألتج

ولنفرض انهااا مو واااقعيه ومنقوووله

عادي شاللي بصيررر يعني بس احنا اللي ما حبيناااه ان تييه حبيبة جمووول وتقول انهااا تقص عليكم وانا وريلي قااعدين نضحك شكوووو عيب والله عيب

واحنا راضيين باللي قاااعده تكتبه سواء منقول ولا لأ ومستانسين عليهاااا

وانشالله البنااات ما يقصرووون وردوون على اسألتج

ولا ليش الموضوووع ماله داعي يكبررر اللي مو عاااجبه ويحس ان القصه فيهااا تناقض ومنقوووله يقرى ولا يعلق او من الاساااس لا يدش الموضوووع

وشاااكرتلج حبيبتي

بغض النظر القصه منقوله او من كتابة نوار ..

هذا كلا يرجع حق مصداقيه نوار ... الله اعلم




اي نعم غلط اللي صار .. خصوصاً ان الموضوع اخذ اكبر من حجمه وعلى شي شخييييييف و تافهه !!





موفقين جميعاً .. ولاا زالت انتظر الرد على تساؤلات

 

[foofo]

لاتعليق
ومتاااااااااااااااااااااااابعه

 

[lawyer-GoMaR]

صباح الخير
حبيبتي لين انا بقولج كذا شغله مو رد بالضبط على تساؤلاتج نقطه نقطه بس اقدر اقولج رد عام... صراحه احنا كلنا كان لنا ملاحظات وتساؤلات ولو ترجعين حق ردودنا بتلقن هالشي وبتلقين ان احنا متكلمين بالخاص بهالموضوع... عادي ..بس التساؤلات هذي مافيها اي طعن بمصداقية البنت انا اقولج ليش وفقا لوجهة نظري واتمنى تتقبلينها وترى اهيا في النهايه وجهة نظري الخاصه الي مالها اي صله بكون كلام نوار صج او خيال

1- بالنسبه حق المبالغه او التفاصيل الي مالها داعي اتوقع ان البنت خذت اسلوب السوالف يعني روايتها جنها تقول سالفه لأحد بالتالي كل انسان يسولف احيانا يفصل زياده عن اللزوم واحيانا يبالغ في التعبيرات من باب الضحك او الطنازه او الوصف ..ألخ مافيها شي
20- بالنسبه لسالفة الاماكن بالكويت انا بقولج شغله مره نوار قالت رحنا مع يوسف ماكي بالمرينا ..انا من نفسي ما قط سمعت عن ماكي بالمرينا في عالبحر وبالافينيوز بس ماحطيت ابالي سؤء نيه قلت يمكن في وانا ماعرفه يمكن البنت بتقول افينوز قالت مرينا ..تصير.. ومسألة التوقيت هذي عادي ..انها كانت تقصد طلعة العصر موالصبح الصبح بس ماذكرت الوقت يعني نقزت بالاحداث اربع ساعات وذكرت المهم بيومها من غير ماتحط كل مشوار الساعه جم
3-بالنسبه للهجه انا معاج لهجتها فيها وووواااايد بحريني بس بحسن نيه ممكن نقول ان امها او ابوها بحريني اعرف وايد ناس جذي وعايشين اهما واهلهم كلهم بالكويت.. واذا ييتي للخيال اقولج يمكن البنت بحرينيه وصارت لها كل هالاحداث بالبحرين بس عشان ماتنعرف غيرت من احداث روايتها وهذا من حقها وحطتها بديره ثانيه مافيها شي تطعيم الروايه بشيء من الخيال والتمويه ..وايد تصير وكذا قصه قريت يذكر الكاتب ان الاسماء او الاماكن وهميه عشان ماتنفضح الاسره مافيها شي..خصوصا لو انتبهتي ان تغيير المكان او الاسم او اي تفصيل صغير مايهز من تسلسل الاحداث ماله اي تأثير على متعة القراءة ومايأثر على مصداقية الحدث بوجه عام لأن الحدث صار ... فليش ندقق على كل شي البنت مو قاعدين نحقق معاها البنت يت تسولف من كيفها ومحد جبرها فليش نفترض انها بتجذب وتقول ان القصه صج وهي خيال ؟؟
واذا بتقولين انتوا بعد كانت لكم ملاحظات بنقولج ان ملاحظاتنا كانت عشان نعرف تفاصيل اكثر مو عشان نطلع وين الصج ووين الجذب، يعني وحده تبي تعرف الاسم وحده تبي تعرف وين ساكنه شنو جنسيتها


هذا بالنسبه لملاحظاتي الشخصيه أما بالنسبه للي ذكرتيه بخصوص التناقضات انا بقولج رايي بملاحظاتج وياليت تتحملين قرقتي
1- بالنسبه حق استغراب نوار اتصال الام<< ممكن تكون من معارفهم بس ماكو صله كلش لا تلفونات لاش يتعرف بيت قلان بالاسم بس ماتعرفهم شخصيا فلما امها دشت وصكت الباب وقالت فلانه دقت خافت وقالت اتصالها غريب اكيد في شي..والي يأكد الموضوع انها ذكرت انها تعرف اخته لما سلمت عليها بالجامعه اول يوم شافها يوسف وحتى قالت اول مره تسلم العاده يلام من بعيد دليل ان في معرفه سطحيه
2- بالنسبه حق ان الابو يقعد بدوانية ابو الولد او الخال عادي.حتى لو الابو متوفي بس الدوانيه معروفه دوانية فلان ..ويمكن ماصارله وايد متوفي ..انا يدي الله يرحمه توفى وليلحين يقولون دوانية فلان ونفس الناس يقعدون فيها مع خوالي مايقولون دوانية خوالي او واحد منهم فهمتي قصدي
3-بالنسبه للبوك والجيس بقولج شغله لو تلاحظين البوك يابه لها يوسف من بره ..وانا لما اشتري جناط او بواكه ماركه من بره وخاصه ال في وديور هناك مو نفسنا عندهم اتيكيت خاص يعني يحطولج الشغله في بوكس نفس الي نشوفهم بالافلام اول معاهم بوكسات وايد مو جياس نفس الحين ..بس مع التطور المحلات قامت تحط اجياس بس اذا طلبتي بوكس يطلعولج بوكس ..بالكويت ماكو هالشي حق البوك والجنطه (اقصد البوكس المربع الكبير الي بدال الجيس مو بوكس البوك نفسه) فيمكن يوسف كشخ البوك وطلب ينحط ابوكس كبير وحطه بجيس فصار الجيس شكبببره ..صح ولا لا ؟؟
4- سالفة الدله صح اكيد محد بيشوف بهالدقه بس الدله من بعيد تغير بالاشكال ويمكن البنت حطت اسلوب مبالغه عشان نضحك..واكيد لما قالت ماشفته كلش ماكانت تقصد حرفيا يمكن حانت منها التفاته جذي ولا جذي بعد ماراح ندقق على جم مرة التفتت ورمشت ..
5-سالفة الجامعه .. حبيبتي لو تردين للبارتات الاولى بتشوفين اها كاتبه انه جامعتها مسائي ..فأكيد انها جامعه خاصه مسائي طبيعي تطلع الصبح

وبس هذا الي اذكره من ملاحظاتج واتمنى تتقبلين كلامي وارد واقول احنا قاعدين نقرا لروايه للمتعه وتقصي تفاصيل اكثر مو قاعدين نقراها لمعرفة هل هي خيال ام واقع ..هذا يخص كاتبة الموضوع وتقبلوواا ردي..واتمنى البنات الي يأيدون كلامي يساعدوني اذا نسيت شي ..

 

[babya]

كملي نواااااااار ناطرينج

 

[bambena]

اول شي اكو ماكي بمارينا اللي اهو ماكي ويفز



والصراحه نوار انا منج لاتكملين القصه

قصه صجيه مو صجيه منقوله ملفقه

مو مهمممممممممممممم المهم حلوه عجبتنا


البنت تكتب وانتو تحللون !!! ليش ماتستمتعون باللحظه وبس !

طبخت الصبح بالليل طلعت كلمته كيييييفهاااااااااااااااااا

مو كل شي ينطبق عليج ، ينطبق على غيرج


انا من بدايه القصه انبطت جبدي من الملاحظات

حبيبه جمال اذا صج منقوله حطي الرابط ولا لا تدشين الموضوع احسن

انا مكانج نوار ما اكمل الموضوع واسكره خلاص

 

[xxx]

! تنبيه !

ارجو الالتزام بأدب الحوار وعدم التشكيك بمصداقية صاحبة القصة بدون دليل

ومن ستخالف ذلك سيتم توقيف عضويتها

 

[eng.jacvara]

يللا نوااااااااااااااااااااااااااااااااار نـــــــــــــــــــــــــــــــــــــــــــــــاطريــــــــــــــــــــــــــــــــــــــــــــــــــــــــــــــــنج
لا تبطـــــــــــــــــــــــــــــــــــــــــــــــــــــــــــــــــــــــــــين عليـــــــــــــــــــــــــــــــــــــــــنا

 

[ام عفاف الكويت]

لاول مره اتابع واستانست حسيت اني معاج لووول كملي وربي يهنيج

 

[ام مضاوي]

يالله نوار وينج

والله توني دشيت اون لاين على طول ليومياتج

واستانست انهم ردو القصه واستانست اكثر انهم ثبتوها

وكلام المديره العامه بنت الكويت

على رااااااااااسي

واتمنى الكل يحترمه وبلاتخريب للقصه

متااااااااااااااااااااااااابعه

 

[>عين أبوي<]

مبروووووووووووووووووك رجووووووووع القصه

وااااااااي فرحت يوم شفتهااااااااا

واحنا ناااطرينج نوااااااااااااري

 

[دخــــــــــــــــون]

مبـــــــــــــــــــــــــــــــــــــروك التثبيــــــــــــــــــــــــــــــت يانـــــــــــــــــــــــــــــــــــوار

 

[ام الفهد712]

الف الف الف مبرووووك على التثبيت تستاااهلين يااااقلبي

صج ضااااق خلقي يوم ادور الموضوووع ومااا لقيته

وستاااانست يووووم ثبتووووه

نااااطرينج مو طولين علينااااااااا

 

[pink-rose]

مبروووووووووك عالتثبيت يا نوار

 

[Om ToOoTa]

الف مبروك حبوبه ع التثبيت

وناطرينج

 

[احترت اعبر]

مبرووووووووووووووووووووووووووووك التثبيت حبيبتي وناطرينج لاتتاخرين علينا

 

[عطر البحرين]

نوااااااااااااااااااااااااااااااااااااااااااااااااااااااار ناطرينج

 

[shai6onah]

بنات صلو على النبي اهي كلها قصه ليش انتو مكبرين الموضوع الي تحلل والي تطلع اغلاط والي مادري شنو يزاها الله خير البنيه حطت لنا قصه اهي الصراحه عاجبتنا ان كانت صج وان كانت صج وفيها بعض المبالغه وحتى لو ما كانت صج اهي عاجبتنا وخلاص واذا نوار تبين تكملين قولي بكمل واذا ما تبين قولي مابي لا تعلقينا لانه مو حلوه هالحركه منج والي يبي يتكلم خل يتكلم

 

[bnt_7waa]

بناات ماني مستوعيه صاار تخربطب بالصفحات اعتقد


شنو اخر جزء نزلته نواره ؟


ولا معقوله مانزلت شي مده يومين