الي يبي ينحف يدخل معانا القروب

[قيثارةالشوق]

هاي الحين جعت اكلت خس وقطعت جبن شرايح وحده وعصرت ليمونه وزيت زيتون اكلته ماااحبيته ولاكملته وشربت فيمتولايت وبس

مشكووووووره حبيبتي شنوفه

 

[chnoof11]

حبيبتي صاحبه الأمل إذأ كانت دكتورتك تعرف الرجيم. بتقولك حلو واستخدميه واذا كانت مأتعرفه بتقولك مو زين. و مضر. وبتذمه

 

[جلكسيه عسل]

صباح الخيير جميعا

كل شي مضبوط انشاء الله

رياضه نص ساعه مشي لاغير
الغداء حمسه دجاج


طبعا تعشيت همبرجر لحم وخس وسفن دايت

 

[chnoof11]

حبيبتي جلاله سلطانه الي فيك عادي وطبيعي مبروك معناته انتي ماشيه صح ولا تخافين بس يومين او ثلاثه العصبيه والنفسيه الزفت لان السكر طلع من جسمك

 

[chnoof11]

حبيبتي جلاله سلطانه لايضيق صدرك ولا تكدرين هذا الشي جانا كلنا معناته الرجيم ان شاء بدي يحرقمعناته ناسبك الرجيم ولوكنت حاسه بالدوخه خوذتي تمره وحده فقط اول يوم وثاني يوم وان شاء الله راح يرجع الوضع عادي واحسن واذا كنت تبين سكر اشربي فيمتوا بارد وراح اكون اول باول بس حبيبتي ابي منك طلب
ابي منك اسمك
العمر
البلد
طول
الوزن
الهدف الاول والثاني والثالث *

 

[chnoof11]

حبيباتي انا راسلت الدكتور علي موقعه من يومين
سالته كم اجلس علي المرحله الاولي
قالي ١٢ اسبوع
وسالته عن زبده الفول السوداني
قالي في اليوم اخذ ٢ملعقه كبيره
وسالته عن اي سكر استخدم
قالي اي سكر حق مرضي السكر
اذا عندكم اساله اكتبوها لي اساله

 

[chnoof11]

يالله حبيباتي بكره الميزان

 

[chnoof11]

حبيباتي انا الصباح اكلت بيض مقلي ونسكافيه
والغداء كباب مشوي لحم ودجاج
والعشاء مويه لاني شبعانه من الكباب

 

[Enthusiastic]

صباح الخير لأحلى بنات الله يوفقنا ويساعدنا
اقترح حبيبتي نخلي الميزان كل اسبوعين أو كل شهر عشان الي مانزل وزنها مايجيها احباااااط
وإلي مافيها صبر توزن بس لازم تتحمل النتيجة لو كان الوزن بطئ او غير مرضي او اصلا مثل ماهو
الله يعطيك العافية

 

[Enthusiastic]

الفطور 2 بيض مسلوق و1ملعقة مايونيز كامل الدسم و1 خيارة صغيرة وشربت زنجبيل بالقرفة بدون سكر

 

[chnoof11]

ان شاء من الاسبوع الجاي بنخليها كل اسبوعين بس اليوم بنوزن لان في بنات انا مواعدتهم اليوم وان شاء نكون نحفانين
وبالعافيه فطورك

*

 

[قيثارةالشوق]

مساء الخير
فطوري بيضتين مقليه بالجبن الشرايح وحده
وشربت ماي بس
والغدا ان شالله دجااج مقلي وخس
حبيبتي ممكن تسألينه بالنسبه لوزني كم اظل عالمرحله الاولى وزني 87 وطولي 165

 

[قيثارةالشوق]

صج ماسجلت هدفي
الاول 80
الثاني 75
الثالث 70
الرابع والاخير
65 هذا الوزن يسووي جسمي سمبتيك اه ع جسمي من قبل

 

[chnoof11]

بنات ابشركم نازله كيلوين الحمدالله صار وزني ١١٦ ياربي لك الحمد. كان وزني ١٢٢وفي ٣اسابيع صار ١١٦ الحمدالله نزلت ٦كيلو وتغير مقاس ملابس كنت البس xxxLالحين صرت البس xxL ومقاس التنوره كنت البس اكبر مقاس ٦٠ والحين البس ٥٦ ياربي لك الحمد والشكر علي نعمه النحف
يالله بنات اتحفوني اتحفوني من نزل وزنه *

 

[chnoof11]

حبيبت قلبي قتلك الي وزنها فوق ٧٠ تقعد ١٢ اسبوع

 

[قيثارةالشوق]

مبرررررررررررررررررررررروك حبيبتي تستاهلين يارب يزيدك نزول وتستانسين بأحلى جسم ورشاااااقه يارب

 

[chnoof11]

عشان ان شاء الله مايجي. مضان الا وحنا داخلينا المرحله الثانيه عشان مانحرم نفسنا من شي نكون زي كل الناس بس بحساب ونقدر ناكل شوربه اي نوع وسمبوسك وربع خبزه ونص كاس حليب او لبن وحبه فاكهه
يالله يالله تحمسوا عشان نوصل لهمرحله

 

[chnoof11]

ياحياتي ياقيثاره وانتي بعد الله يناولك مرادك انتي اليوم كم صارلك يومين او ثلاثه

 

[Enthusiastic]

:eh_s(9): مبروك مبروك مبروك للقائدة chnoof11 نزول الوزن
فرحت لك يا عمري عقبال باقي البنات بانتظارهم :eh_s(22):
:ggdw:
ماشاء الله تبارك الله لاقوة إلا بالله الله ينحف الجميع بصحة وعافية

 

[قيثارةالشوق]

هلا حبيبتي اليوم لي ثااااني من الرجيم يارب نوصل للمرحله الثانيه رمضان مشكله نظل بالمرحله الاولى