The 3rd hallenge 2 increase the Weight

[كزنوفا]

الدروب
اكويس استمري عليه وقولي وش صار معكي

صوصو

الحلا لذيذ مره وشهي

اضم صوتي مع البنات مددي موعد الميزان

 

[احآسيس هآدئه]

درووبي الحمدلله بخير انتي شخبارك
فديتك ياعسل

تقيم امس 9/10

 

[توووووتة الحلوة]

يبااارك بحياااتج فدييييييتج وانتي مبرووك الي نقصتيهم فالج الوزن الي يرضيج
طولي 159
ودي اوصل 59 باذن الله وصحه وعاافية واشووف بس انا ابي خدووووووود:eh_s(10):

مشكوررررررة، ان شاء الله اوصل للي ابيه قريبا. انا اشوف ان وزنج الحين 55 حلو بالنسبة لطولج، انا زوجه اخوي، ماشاء الله تبارك الرحمن جسمها واااااااااايد حلويعني لا نحيفة و لا متبتبة باختصار قمة في الرشاقة ... اهي طولها 160 و وزنها 55

انا هذا رايي و انتي براحتج، بس انا حبيت ادلي بدلوي >> صوصو لاحظي قوة اللغة العربية عندي هههههههههههههه

بسم الله وماشاءالله نعلن نتايج ميزان المرحلة الاولى18/5 ​

توووووتة الحلوة

السابق/ 63
الحالي/ 62.3
النقصان/ -700 الحمدلله :ggdw:​

الفائزتان
احآسيس هآدئه& كزنوفا
+2.200جرام
الف الف مبروووك وعساااهم بصحه وعااافية

​

واااااي حدي استانست شفت اسمي طالع :eh_s(9)::eh_s(9): مممممممممممممواه صوصو :eh_s(22):
الف مبروك حسوس على الفوز، استنست لج وااااااايد لانج بصراحة حييييييييل نحيفة، اقل شي لاوم توصلين لها 55، يعني تقريبا بقى لج 7 كيلو و هم بعد فرحت ل كزنوفا

صوصو هذي الخلفيه
تستاهلين

صوصو، اعجبني مرررررة الكلام اللي مكتوب في الخلفية، الكلام روووووووووووعه

حسوس كالعاده مبدعة :rerrerek:

سوري بنات نسيت احط وزني
وزني 53 وطولي 158
حللمي اصير 58
بس في اشياء مافهمتها للحين ، السناك عبارة عن شنو ؟!
ويعطيكم الف عافية بنوتااات واتمنى تقبلوني معاكم

ليش حبيبتي وزنج يعتبر حلو بالنسبة لطولج، بليزززززززز تراجعي عن الفكرة خصوصا اذا كنتي مو متزوجة، لان بعد الزواج غصب تزيدين
ترى انا مو متزوجة لكن هالكلام من قراءتي

توته بالعكس سيلينا جسمها حلو ليه تقولين انها جلد على عظم
على الاقل فيها شويه لحم
انا نحيفه مره من فوق وابي اسمنهم يديني كأنه بزر صغيره
مافيه لحم شوي يمسك لي الملابس :eh_s(11):

لا قلبوووووووو سيلينا تعتبر نحيفة مرة دقيقي في صورها، لكن اهي ما شاء الله عندها خدود. ترى انا مثلك يعجبني جسم سيلينا

حسوس صدقيني انا حاسة بمعاناتك، انا بالعادة ما اشجع كثير على انو الواحد يزيد وزنه من باب نحافه و لا سمنة :eh_s(16): لكن انتي فعلا تحتاجين انك تزيدين وزنك، الله يكون بعونك

 

[توووووتة الحلوة]

مساائ الخيرااات للي مست علينا
شلوونكم شخباااركم
عسى زدتوو اكلكم ؟
حااولوو الهدف 10/10 وبسسسسسس والباااجي خسسسس
نبي كلنا نزيد ع الميزان ع الاقل كيلوو حبيباااتي

لووووووووووول، هالاسبوع للاسف بعض الناس ما خسوا جتني الدودو، و لعبت بحسبتي افتحت شهيتي، صرت كله بلعه X بلعه

مساااء الخيير

تقييم امس 7/10

اليوم تريقت اندومي :- اكلة بعض الناس ولاا شراايج تووووته لوووووووووول

ههههههههههههههه، مت من الضحك، صوصو مو وقت انج تقطين نغزات بعض الناس حساسين ، فديت الحساسين و المرهفين انا

توته هيدا التوقيع بتاعك

تسلمين ايدينك، قلبوووو ... قولي امين الله يوفقك و يحقق كل اللي في بالك

شوي كلمة مبدعة عليك، ترى انا ما اجامل من زمان و انا اقول هالكلام لما اشوف تصاميمك، الله يبارك لك ويزيدك

 

[توووووتة الحلوة]

صوصو
ابقول شي بس لاتكفخيني ههههه
رايي اننا نمدد هالتحدي الاخير
يعني نخليه 4 او 3 مرات نوزن فيه الحين وزنا الاولى
لانه تعرفين الحين موسم اختبارات

لاااااااا حسوس، استني اشوي خليها تكفخني معاك مرة وحده انا بعد لي نفس مطالبك >> الاخت هالاسبوع جايبه العيد ههههههههههههه

يسعد مساااااكم

شخباركم

صوصو
وشذا الحلى رهيييييييب
اجل ساوييه وتعالي عندي>>اكبر عجازه باالعالم العربي خخخخ
والله جد مددي المده كمان شوي عشان البنات

لووووووووووول، الدروب طلعتي مثلي عجازه، بس اطلاقا ما اتوقعك اكثر مني عجز وكسل، انا ضاربه الرقم القياسي هههههههههههه

توته وحسووس
شخباركم ي توته ي العصله>>_^
وانتي ي حسووس ي دوووبا شخباارك>>_^

هاااااااااااااي ... اصحي من البداية قاعدة تتطنزين علي، لاااااااااااااا ما اقبل ... راح اشتكيك عند مديرتنا علشان توقفك عند حدك :rgewrg: حدي عصبت >> ترى قاعدة اتغشمر معاج، حبيت النغزه اللي قطتيها لوووووووووووووول

اه يا دروب كأنك تدرين عني من زمان و انا ودي احد ينادين يا العصلة :eh_s(2): دايم انا متبتبة :eh_s(16):

ايه نسيت اقولج مشكووووووووووورة على سؤالك عني، انا الحمدلله بخير

 

[غيوومة]

صوصوو انا راي من راي حسووس بعد خلنا نووصل كلنا للوزن المثالي مع بعض
بنتحمس كلنا فديييتج :*

توووووتة الحلووة فديييتج والله رفعتي معنويااتي بس انا من كثر ما متنت ونحفت صار
عندي شوية ترهلااات ابي اصير 58 عشان جسمي يشد شووي قبل الزوااااج >> مخطوووبة :$

تقييمي امسس 8/ 10 ولله الحمد
طبعا صرت اخذ م.ص حلبه وراها ملعقة عسل مرتين باليوم >> متحمسسسه مرررة هههههههههه
ربي يمتنا بصحة وعـاااافية كلنا يااااارب

 

[احآسيس هآدئه]

تووته
وربي ابتسم لاقريت ردودك
ايوه سيلينا فيها خدود عشان وجها عريض لاحظي الوجه اكبر من الجسم
ليت شوي تعرض عظمه يديني لانه حتى لو سمنت لازم العظم تعرض عشان يبين
الله يسمع منك يارب ويسعدك حبيبتي
اهم شي انها عجبك التوقيع :eh_s(22):


غيوومه
ربي يوفقك ويتمم عليك وتحققين الوزن اللي ببالك

 

[احآسيس هآدئه]

صباحو
تقيم امس 7/10

 

[الصيدلانيه]

يااا حلووكم وكلكم متفقين على تمديد التحددي
بس اسمحوولي م اقدر والله
وعلى فكره التحدي هذا انا مددته الى الدبل يعني 40 يوم المفروض 20 يوم
وغيير جذي انتوو اصللاا م تبينوون وقت الميزان يعني شووفواا كم وحده وزنت ؟؟؟؟
ووقت نتااايج التقييم م تبيبنوون خير شر اخر مرة بس انا وحسوس سجلنا نقاطنا والبقية وييييييين ؟!!!!!
انشووف الييوم كم وحده بتسجل نقاطها ؟؟؟
وشددوو حيلكم باااجي اسبوع ع الميزان
وساامحووني ع القصوور
أحبكم خوااتي

 

[الصيدلانيه]

بسم الله وماشاءالله نبدأ التقييم الثاني لمجموع النقاط من 15/5 الى 25/5 نهايه يوم امس

الصيدلانيه
87/100 ( الحمدلله)

الي بعدي كوبي وكملي الله يرضى عليج

 

[كزنوفا]

الي الان مافهمت التقيم ولا مره حسبت


بس الحمدالله بطني بينفجر شوي بس باكل حلاوه طحينيه مع كوتيل واختم العصر وارتاح

 

[غيوومة]

مسسسا الخييير فدييييتكم

تقييمي امسس 10/8 ولله الحمد

صوصوو مافهمت شلون اسوي التقييم ؟! اجمعهم كلهم يعني ؟!

 

[احآسيس هآدئه]

صوصو يعني هذا اخر تحدي ؟ :eh_s(2)::eh_s(2):



غيومه ايوه اجمعيها كل نقاط تقيمك اليومي

 

[كزنوفا]

هلا بنتوتات كلت اليوم لين احس اني بنفجر

والحين جاء وقت النوم تصبحون علي الخير

نصيحه للبنات اللي تسهر مب زين السهر لازم تاخذي كفاية وقت الليل

 

[الدروووب]

هلا شباصات_^

امممم صوصو معك حق بكل شي بس هذا مشكلت التجمع
لو حنا متحدين ويدنا مع بعض ومسوين حماس كان شفتي الكل متواجد
بس مشكلنا الحماس وحده تدش وحده تطلع هع توم وجيري
طيب انتي تقصدي ان التجمع رح ينتهي بنهاية ها الشهر؟؟ اذا كيذا كويس

ترا انا نادر اذا حسبت التقييم
اليوم 10/9

ابشركم رحت عند اهل امي لان لي مده مااروح
وشافوني قالو تغيرت وجسمي احلووو وناااااااااسه
حت جدتي اللي دوم تقول نحفانه قالت بسم الله عليك سمنتي بغيت اطير من الفرحه بس مسكت نفسي خخخخخ

تووته
هههههههههه ي زينك اجل بسمعك دووم باالعصله
ان شاء الله توصلي لوزنك المناسب

 

[احآسيس هآدئه]

بسم الله وماشاءالله نبدأ التقييم الثاني لمجموع النقاط من 15/5 الى 25/5 نهايه يوم امس

الصيدلانيه
87/100 ( الحمدلله)
احآسيس هآدئه
77/100
( ماكنت انزل تقيمي كل يوم بس اغلب يكون 8 و7)

الي بعدي كوبي وكملي الله يرضى عليج​

​

​

​

 

[احآسيس هآدئه]

كزنوفا
شوفي اول صفحه
التقيم عباره عن اكلك الوجبات الرئيسية تقيم كل وجبه نقطتين
اما السناك اللي هي بين الوجبات الرئيسية تكون نقطه


دروبي
زين ماشاء الله بشرتينا
عاد شدي حيلك ونبي نشوفك بموعد الميزان :eh_s(4):

البنات كانوا متحمسااات بس مو بيدهم اختفوا عندهم اختبارات وهم ماقدموا اعتذار
انا ماقول انه الحين مافيه حماس بالعكس فيه بس ضعيف
شدوو همتكم يابطات المستقبل :eh_s(14):

 

[الصيدلانيه]

الي الان مافهمت التقيم ولا مره حسبت


بس الحمدالله بطني بينفجر شوي بس باكل حلاوه طحينيه مع كوتيل واختم العصر وارتاح

:rgewrg:
بنخلص التحدي وانتي من البداية موجوده والحين تقولين مو فاهمه
عموما حسووس م قصرت وضحت لج

مسسسا الخييير فدييييتكم

تقييمي امسس 10/8 ولله الحمد

صوصوو مافهمت شلون اسوي التقييم ؟! اجمعهم كلهم يعني ؟!

مسااء الخييراات
اي حبووبه كل 10 ايام نجمعهم فيصير من 100

صوصو يعني هذا اخر تحدي ؟ :eh_s(2)::eh_s(2):



غيومه ايوه اجمعيها كل نقاط تقيمك اليومي

اي اخر تحدي بقيادتي ياجي بنات القسم فيهم الخير ، وعن نفسي مفكره افتح تحدي بعد عيد الفطر

هلا شباصات_^

امممم صوصو معك حق بكل شي بس هذا مشكلت التجمع
لو حنا متحدين ويدنا مع بعض ومسوين حماس كان شفتي الكل متواجد
بس مشكلنا الحماس وحده تدش وحده تطلع هع توم وجيري
طيب انتي تقصدي ان التجمع رح ينتهي بنهاية ها الشهر؟؟ اذا كيذا كويس

ترا انا نادر اذا حسبت التقييم
اليوم 10/9

ابشركم رحت عند اهل امي لان لي مده مااروح
وشافوني قالو تغيرت وجسمي احلووو وناااااااااسه
حت جدتي اللي دوم تقول نحفانه قالت بسم الله عليك سمنتي بغيت اطير من الفرحه بس مسكت نفسي خخخخخ

تووته
هههههههههه ي زينك اجل بسمعك دووم باالعصله
ان شاء الله توصلي لوزنك المناسب

دوووووم والنااااسه فدييييييييتج تستااااهلييييييييين
وي سلااام ع الثقه نادر م تحسبين التقييم:rgewrg:

 

[الصيدلانيه]

يااا سلاااام عليكم تبووني امدد التحدي:bbbiu:

وفي ناس ليييحن م تعرف شنوو يعني نظام النقاط
وفي ناس اتعرف وم تحسب
وفي ناس تختفي بدوون عذر
:bbbiu::bbbiu::bbbiu::bbbiu::bbbiu:

 

[الصيدلانيه]

لااا تقوولون امتحانات
تسجيل اليوميات م ياخذ 10دقايق باليوم
ولما اتحسين انج راح تكتبين تتشجعين وتستحين اتييبن رقم يفشل
وشكثر قلت لكم كتبوو التقييم بالنوت عندكم بس عمك يتصيمخ
وعموما الله يووفقكم