ودي بقى أخت لنا ... كانت من قبل سمينة ...
ولم تحصل على الرشاقة من خلال التخبيص في الأكل ولا من خلال النوم والأكل والراحة ...
ببساطة حرمت نفسها بإرادتها من جميع المحمرات والمشمرات وكل ما لذ وطاب لآن هو ده سبب الدهون والتخمة اللي كنا فيها قبل ما نبدأ الريجيم ونفوق لنفسنا ...
واتحركت كثير ... لازم علشان تكون إنسانة جديدة رشيقة ... كل شي وله ثمن ولكل كنز مفتاح وما فيش حلاوة من غير نار ... نقرأ مع بعض ...
-----------------------------
انا يابنات وزني كان 130 شهر سته
بين يوم و ليله حسيت اني تعبانه من نفسي ومالي خلق اي احد
علشاني قبلها بيوم رحت حق عزيمه وكل ما التفت اشوف بنات اشحلات اجسامهم
رجعت للبيت وانا ابجي من كل قلبي و دموعي عشر عشر
زوجي يقول شفيج قلت ما فيني شي بس تعبانه
المهم بنات قعدت ساعتين وانا ابجي جنه ميت لي احد واحس جسمي كله يعرق وأرجف من الحرقه الدموع
انا تزوجت وانا عمري 14 وزني كان 70 كنت مربربه يعني
تزوجت ويبت 2 اطفال وصلت لين 130 كنت تاركه نفسي وعمري ما فكرت اسوي رجيم بحياتي
المهم
اخذت عهد على نفسي اني ما اطلع برا البيت كلش بس بالعيد
اروح لاهلى و ارجع على طول و ما اقول حق اي احد اني مسويه رجيم حتي امي واختواتي
ولا حتي زوجي
وحطيت نظام حق نفسي
من غير دكتور ولا دكتوره
بديت الرجيم2009
شهر 6 من منتصف الشهر
المهم
رحت غسلت وجهي وكتبت شنو بيكون رجيمي
للحين كاتبته بالمذكره عندي
الي اهو
اول شئ يوميا مشي ساعه او رقص ساعه
طول اليوم اشرب اعشاب واذا جعت باكل
سلطات او خضار او فاكهه
والغدا قطعه لحم او 2 بارقير او 2 صدر دياي مع خضار + علبه روب او زبادي
وانا اكثر شئ كنت اكله من الخضار الجزر علشاني حيل احبه
وتفاح
عرموط
خس
خيار
طماط
بصل اخضر
بطيخ
رجي
بس هذول بما اني ما اقدر اشتري غيرهم
و في اليل اذا حسيت بقرصه الجوع
اخذ شده كرفس واكلها
او بقدونس
يشهد الله على اني كنت اموت من اليوع بس اصبر نفسي واسوي لي مشروبات شاخنه
5 كاسات باليوم
كان زوجي يسئلني ليش كله تشترين فاكهه و خضار للبيت محد ياكل كنت اقول له اليهال لازم ياكلون فاكهه ويتغذون
ما قلت له ابد .. صار كل ما يطلع يجيب معا جيس خضار معا
مثل شمر ,شاي,حليب خالي الدسم مره باليوم هذا,شاي اخضر,زنجبيل يعني اشكل تقريبا اشرب
كنت استانس حيل
من اول اسبوع
نزلت 10 كيلو اكيد نصهم ماي
المهم انا ما صدقت عمري كنت شويه و يغمي على بس ما قلت له ولا حق اي احد
صار زوجي كله يسئلني خاف فيج شئ شرايج تروحين للطبيب
قلت لا ما فيني الا العافيه بس عيالك معذبيني
المهم الاسبوع الي ورا نزلت 5 كيلو فرحت حيييييييييل بجيب وصليت صلاه شكر
الاسبوع الي ورا نزلت 4 كيلو
والي ورا والي ورا صرت كله انزل 3 كيلو او 2
وثبت على 2كيلو اسبوعيا
الحين بفضل الله صار وزني 69
وابي اكمل لين اوصل 60 وعقب بإذن الله 55
يا كريم يارب
المهم بقول لكم شنو صار
من الشهر الثاني زوجي قالي اذا ما قلتي شفيج ترا بزعل عليح شفيج جذي ضعفانه
قلت له ما في شئ بس فيني القولون و ما اقدر اكل كله اشرب ماي
سويت روحي ما ادري ,, وقلت له صج انا مبين على نازله
قال بصوووووووووووت عالي اييييييييييييييييييييييييي وااااااااااااااااااااااااااااا يد
المهم عقب حرام صار كل ما سمع عن علاج حق القولون يابه لي وانا اعطيه حق ابوي لووووووووول
زوجي اول ما كان يقرب لي و ما يحسسني اني انثي
صج انه حيل طيب بس احسه متقزز من شكلي
و ما يطلعني يستحي من شكلي
الحين ما شاء الله تبارك الرحمن كل ويك اند طالعين
وكله يسمعني كلام حلو
وايد يقرب مني بشكل يومي.......
وانتو ادرا
بأذن الله تستفيدون من التجربه الي غيرت حياتي
--------------------------
أكيد بإذن الله استفدنا ... باقي التطبيق ... وربنا يتوب علينا
