تجمع صيف ماليزيا 2012

[حلاي غيــر]

ناطرتج عشان اشوف البرامج

 

[سمرq8]

ماقصرتو بنات صج صج نورتولي
بس حلاي غير شولان بارك هذا وين موجود باي منطقه

 

[سمرq8]

بنات كولامبور راح اقعد فيها 6 ايام ماادري شسوي فيها
قلت يوم اروح جنتق ويوم اروح كاميرون وباجي الايام شوبنق ماادري احس بصير اخر ايامي زهقا اش رايكم

 

[كوكا كولا]

قاعدة اجرب

ههههههههههههه

حطيت صورة منو شافتها لووووول

 

[كوكا كولا]

سمرq8

بحط الحين جدولي واخذي منه الي تبينه
انا مثلج بقعد بكوالالمبور 6 ليالي غير طبعا ال 3 ليالي الأولى

لأن نظامي راح يكون

3 ليالي كوالالمبور
3 ليالي لنكاوي
6 ليالي كوالالمبور

بس متنقله بكوالالمبور مو كله فيها يعني سياحة طول النهار ووناسه

 

[نـعـومـه]

فدييييييييت ماليزيا ذكريات شهر العسل

واللي تقول زهقه ترا في اماكن وايد

عندج حديقه الزهور
حديقه الفراشات
حديقه الطيور
حديقه الحيوان
مكان ماعرف اسمه نوكل قرود هههه
مصنع الحديد
مكان ماعرف اسمه بس مثل طراد يودينا مكان نشوف فيه بعوض على ما اظن فيه ليتات من الله الباعوضه

هذا اللي اذكره بالعاصمه

 

[حلاي غيــر]

شولان بارك بكوالا بشارع العرب بس صاير عل نهايه الشااارع

 

[سمرq8]

انا ان شاءالله باجر بروح احجز واضبط اموري الجدول اليومي كله عندي اوكي معاده كولامبور ماادري احس شوي بزهق فيهااا بس بحاول اقضيها ال 4 ايام الباقيه شوبنق وبدور لي المجمعات اللي احصل فيهم اشياء حلوه وموموجوده بالكويت
كولا يمال العافيه تعبتج معاي ادري وان شاءالله تروحين وتردين بالسلامه يارب

 

[كوكا كولا]

نـعـومـه

حياج الله بتجمعنا
هههههههههههه قصدج في سيلانجور الفراشات المضيئة اي وايد حلوة انا حاطتها ضمن جدول رحلاتي بخاطري اشوفهم
عاد صج حلوين تشوفينهم جذي يشبون وانتي بالقارب؟؟؟؟

 

[كوكا كولا]

حلاي غيــر

نصيحه وخري عن شارع العرب اسكني شوي بعيد يعني مسافه 5 دقايق وايد احسن
لأن وايد يذمون السكن بشارع العرب علشان الأشكال الخايسه بالليل

 

[كوكا كولا]

سمرq8

نطري بعلمج الحين كل شي حلو في كوالالمبور اصلا وايد لووووووول
بس خل احط صور البرامج حق الأيفون المهمة

 

[كوكا كولا]

هذي البرامج الي عليها دائرة حمره




وهذا برنامج أسعار العملات وايد مهم حق التشري








وفي برنامج وايد وايد حلو اسمه find mecca وايد حلو للصلاة واتجاه القبله اهو بفلوس بس يستاهل قيمته حيل



وهذا برنامج حق تحميل الصور من الأيفون لي المنتدى





وهذا الطقس العادي بس ضفت كوالالمبور فيها

 

[كوكا كولا]

سمرq8

هذي الأماكن الحلوة في كوالالمبور الي حطيتها ضمن جدول رحلاتي اليومية

العجله الدوارة (عين ماليزيا) eye on malaisya
يوم كامل في أفاموسا
حديقة بحيرة بردانا روعه هالحديقة ويمها حديقه الطيور والزهور
جنتنق يوم كامل وانتي نازله من جنتنق في مصنع الشاي والككاو ومشتل الفراولة
ولايه سيلانجور لاصقه في كوالالمبور حيل وروعه فيها (المعبد الهندي + الفراشات المضيئة + منتزه ديسا بارك+ شلالات تمبلر بارك+
مسجد شاه علم + بحيره شاه علم ركوب القارب الجندول الملكي مثل قارب فينيسيا بايطاليا تقريبا)

بحيرة تيتي وانجسا روعه وفيها مطعم بنص البحيرة وزوارق بحرية
القطار المعلق فوق الشارع اسمه المونوريل تجربته حلوه وايد جربوه ورخيص حيل
مرتفعات فريزر وايد حلوة وبارده تبعد ساعتين من كوالالمبور
القرية الفرنسية روعه يم جنتنق وفيها الحديقة اليابانية روعه



هذي الأماكن الي انا خططت اروح لها ان شاء الله

 

[سمرq8]

كولا
انا راح اسكن ب سلانجور يومين اقدر اروح لي ولاية سلانجور من هناكعادي لو ازيد يوم ل سلانجور

 

[سمرq8]

بنات شوفو موضوع شهد حيل حلو
شكلي انا بلغي سلانجور واروح لها من كولامبور يعني بصير جدولي
كولامبور 3 ايام
بينانج 2
لنكاوي 2
ورجع كولامبور
اش رايكم :bbbiu:

 

[شيخة الحلوة]

سمر يعني لنقاوي بس ليلة؟؟؟؟

انتي رايحة بروحج مع زوجج؟

 

[سمرq8]

شيخه الحلوه
لنكاوي ليلتين والثالثه نسوي فيها شيك اوت
اي ناا رايحه مع ريلي

 

[شيخة الحلوة]

اانا باقولج تجربتي ويمكن في احد يخالفني
انا رحتلها وانا بالملجة مع اهلي
تدرين شنو متتتت على لنقاااوي مع انها رطووبة شوي بس عجيييييييييييييييييييييييييييييبه حدها رومانسية
وراح تشوفين كله معاريس هناك
وتوهم متزوجين وااايد حتى اجانب تلقين
وكنت قايله اول ما اتزوج باروحلها بس ما الله قسم سبحان الله

يعني اذا ودج دو رومانسي مو ان طلعات واكشن ورحلات وتبين تمشي ورومانسية وتركبون قارب وايد حلوة لنقاوي والبحر عجيب

يعني انا لو منج اخليها 3 ليالي لانها حلوة
يمكن مثل ماقلتلج تقرين مواضيع بنات يذمونها ترى والا ما استانسو فيها
بس انا عن نفسي ودي اروحلها واقعد على الاقل 3 ليالي فيها خاااصه اذا رايحة بروحي مع ريلي

وجنتنق اختي تروح تسكن فيها 4-5 ليالي اهيا تروح مع ريلها وتبي استرخاء عرفتي مو شرط رحلات
والله يكتبلج اللي فيه الخير
وانتي تحددين تبين سفرتج طلعات واكشن والا تبين فيها رومانسية وريلاكس اكثر تحددين رحلتج

 

[نـعـومـه]

نـعـومـه

حياج الله بتجمعنا
هههههههههههه قصدج في سيلانجور الفراشات المضيئة اي وايد حلوة انا حاطتها ضمن جدول رحلاتي بخاطري اشوفهم
عاد صج حلوين تشوفينهم جذي يشبون وانتي بالقارب؟؟؟؟

اييي شفتهم يشبون سبحان الله ولما يمشي الطراد مادري القارب ههههه

المهم لما يمشي الهوا وايد حلوو وحسيت بأحساس غريب ظلمه وهواااااااا مادري شلون

بس بالاخير قرصنا هههههههههههههه خلصت الرحله نحكك ريولنا وانا وزوجي حمرت ريولنا يعني حطو دوا باعوض قبل الرحله

 

[ساره الدوسري]

سمرq8

هذي الأماكن الحلوة في كوالالمبور الي حطيتها ضمن جدول رحلاتي اليومية

مسجد شاه علم + بحيره شاه علم ركوب القارب الجندول الملكي مثل قارب فينيسيا بايطاليا تقريبا)
حبيبتي بسالك وين مكان ركوب القارب؟؟؟؟ :eh_s(7):

بحيرة تيتي وانجسا روعه وفيها مطعم بنص البحيرة وزوارق بحرية.. وكذلك اين مكانها في لنكاوي ولا كوالامبور؟؟؟؟
القطار المعلق فوق الشارع اسمه المونوريل تجربته حلوه وايد جربوه ورخيص حيل؟ وين مكانة :eh_s(7): ؟؟؟؟
الله يعافيك يارب..