زوجي وموضوع الخدامه

[happy girl]

زوجي يبيني ادفع فلوس الخدامه معنه طيب وحبوب ومايقصر معاي بالهدايا بس متنح يبيني ادفعها وانا صراحه يطيح من عيني الرجال اللي ياخذ فلوس من مرته ويقط عليها المسوليات اكرهه بسبب هالموضوووووع يكرهني فيه وانا بعد ماني صبوره اقعد بدون خدامه شسوي ؟؟؟؟

 

[Combat]

Up
الله يعينج

 

[لمى الهاجري]

هذا ريلج حبيبج وهو كل شي بحياتج لازم تقدرين ظروفه وتساعدينه وفلوسه وفلوسج ما في فرق الحياة تشارك

 

[فوفو22]

زوجي يبيني ادفع فلوس الخدامه معنه طيب وحبوب ومايقصر معاي بالهدايا بس متنح يبيني ادفعها وانا صراحه يطيح من عيني الرجال اللي ياخذ فلوس من مرته ويقط عليها المسوليات اكرهه بسبب هالموضوووووع يكرهني فيه وانا بعد ماني صبوره اقعد بدون خدامه شسوي ؟؟؟؟

لو تفكرين فيها بالعقل

الخدامه تقوم باعمال الزوجه

يعني الطرف المرتاح والمستفيد من وجودها بدرجه اكبر هي الزوجه

فمافي مانع ادفع عشان راحتي

فوفو

 

[miss_jamsheer]

يمكن ماعنده انتي ادرا بظروفه واذا عندج دفعي ليش با وليش يطيح من عينج تري الزواج مساعه وتعاون مو كل شي عالريال اشدعوه

 

[اميره1980]

اذا ريلج زين وياج شالمانع ؟
ترا الحياة مشاركة و اذا انتي تعرفين ريلج زين و ما يقصر وياج و لا على بيته بالعكس ساعديه و كوني سنده بالدنيا حتى لو طلب منج شغلة ثانية تشاركينه وياه هم ساعديه

 

[ReD&FoSHia]

ليش يطيح من عينج
اهو ما خذا من فلوسج له اهو
يبيج اتساعدينه
مايقدر يقوم بكل شي
اذا انتو بشقة بروحكم لا والله ساعديه تكاليف الحياة بالكويت تستدعي المساعدة و التعاون

 

[يوم أقبلت]

بالعكس اشجع المساعده الزوجبن

 

[اميرة زوجي]

عادي حبيبتي ما فيها شي لا تكبري الموضوع
موفقة انشالله في حياتك

 

[أبلة فاتن]

ليش الزوج لمن يتقدم لوحده شرط الاول قبل لا يسأل عن جمالها يبيها موظفة ؟؟

خلاص افهموها بنات ,, يطيح ما يطيح هذي مشكلتج بما انج رضيتي تكونين زوجه

وربة أسرة تحملي كل شيء لا تستلمين ولا تعذربين بينج وبين زوجج ولا تبحثين

عن المثالية راح تتعبين تمسكي بزوجج دام زين معاج وهو ماخذا وحده تشتغل

الا لانه مو قادر والديرة غالية صراحه والخدامات شغليهم لان الخادمة لج انتي

مو له بتساعدج بشغل البيت اللي مفروض الزوجه هي اللي تقوم فيه مو الرجال

لا تصيرين متعصبه ومتحيزه خلج ريلاكس وجيبيها​

 

[غنوة ستايل]

شوفي ياقلبي اهواريلج مو قادر على فلوس الخدامه ؟ وله بس جذي عناد معاج ؟
وله طمع منه !! انتي جاوبي على السؤال وقرري على اساس جوابج ..
ليش يبيج تدفعين فلوس الخدامه ؟؟

 

[بحـةةِ غيـآبِ ≈ ™]

صح كلآم لمى الهآجري

 

[.mahra]

زوجي يبيني ادفع فلوس الخدامه معنه طيب وحبوب ومايقصر معاي بالهدايا بس متنح يبيني ادفعها وانا صراحه يطيح من عيني الرجال اللي ياخذ فلوس من مرته ويقط عليها المسوليات اكرهه بسبب هالموضوووووع يكرهني فيه وانا بعد ماني صبوره اقعد بدون خدامه شسوي ؟؟؟؟

بالأول الله يبعد عنكم الشيطــــان .... فديتج من كلامج علاقتكم مع بعض حلوووة وعسي الله يخليه لج ولا يجوف غيرج بس بقول لج شئ وهذا شئ تعلمته من امي وأبوووي ^^ فديتهم عسي الله يبـاارك بعمرهم وربي مااراح أجوف شرات حبهم لبعضهم رغم الظروف الي كانت والحمدلله صبرو وصبرنا ونلنا الي كنا نتمناااه ..
رغم أن خوات أمي كل وحده عندها خدامه بس أمي عمرها ماتذمرت و كانت تعرف بظروف أبوي وعمرها ماطلبت خدامه فديييت طبااااخ أمي ...كنا نحن بنتاها ونساعدها والله من وانا عمري 10 بديت الشغل .. الحمدلله عمرنا ماتذمرنا ... وأبوي مايحب الأكل الا من أيد أمي قال لها بجيب لج خدامه بشرط ماأبيها تطبخ .. (( يعني للتنظيف بس ))..
وخلاصه الموضوع حبيت أقول لج وأنصحج لا تخربين علاقتكم دامها حلوه بسبب صغير وماله داعي اصلن تكبرينه .. ياااما بنات أطلقو بهالسبب يا أتيب لي خدامه أو توديني بيت أهلى ؟؟..!! ((والله لا يجيب هالشئ بينج وبينه )).. والله نصيحه بلا خدامه وبلا هم ....الخدم والعيااااذ بالله منهم والله يفكنا منهم ومن شرهم بعضهم خبيثااااااات .. يعني خلي ريلج بعيونج وأنتي الي أخدميه لا تخلين غيرج يخدمه ....

حاولي تشيلين كل شئ بنفسج أهو يوم بيجوف وضعج وبنفسه بيب لج خدامه ... يعني لا تصرين عليه ...

بس ماخبرتينا أذا كان عندج عيال أو توج متزوجه .. لأن الي توهم متزوجين يدلعون أسمحيلي ماأعرف وضعج بالضبط بس حبيت أنصحج ^^

 

[حلاا الدنيا]

وين المشكله انج تدفعين للخدامه لاتحاولين تخلينها مشكله اشوفه امر عادي

 

[الزيـــــ^^ـــــن]

وشنو المشكله تدفعين للخدامه اذا انتي موظفه ،؟؟
مادامه طيب وكريم معاج .. لاتصيرين انانيه .. الحياه الزوجيه مشاركه لاتخلين بينج وبين زوجج حدي وحدك ماحب
هالطبع كللللللللش
الله يهديج

 

[al-musk]

انا بعد مـا احب الريال اللي يأخذ فلوس من مرته ،،، بس اذا ماعنده عادي انتي تدفعين ويعوضج لما يصير عنده

هذا رأيي وانا قاعده أقيس الموضوع علي

الله يوفقكم حبيبتي

 

[رحيل المرافيء]

اذا ماعنده مافيها شي انتي تدفعين
الخدم صاروا غاليين اقل وحدة 850 يعني راتب كامل
وترى الريال من حقه يشرط على المرة ماتشتغلين الا لي نسبة من الراتب لانه مالها حق تطلع من البيت
من غير شوره هو قالج الخدامة عليج وقارني عاد انتي
بين اللي ياخذ من زوجته نسبة من الراتب وبين يقول ييبي الخدامة بس
لاتصيرين عسرة ولاتخلين مسألة الخدم تسبب مشاكل بينج بينه

 

[صادقة بكلمتي]

والله حبيبتي البنات ماقصروا وانتي عرفتي بريلج اول كلامج طيب وكريم مايقصر وانتي ادرى بظروفه والسبب الرئيسي اللي خلاه يقولج الخدامة عليج وترا الحياة ال وجية مشاركة لا تخلينه بعسارتج هم يحس انج جعصة ولا انانية وتحبين تاخذين منه ولا تقدمين شي هم مو له الا لنفسج ولبيتج فكري عدل وراجعي نفسج وقرري انتي ابخص فحياتج وبريلج والله يسعدج وياه طول العمر ولا تفرقكم توافه الحياة]

 

[جذابه بنت ذيابه]

دامج موظفه ادفعي عاوني زوجج حلوه المعاونه بهالزمن كل شي غالي و يمكن زوجج عنده مصاريف واجد ..
خلج اطيب منه

 

[شواااقه^-^]

البنات ماقصرو واللي بقوله مافيهاا شي ترا مؤ كل شي على الزوج هم هو يتعب بعاشه له حق يسوي اللي بنفسه مؤ معقوله ان يقصر على نفسه بعد له حق بمعاشه مافي رجال يرضى ان مرته اتسعده الا اذا كان عنده ظروف وأكيد انتي أدرى واللي أشوفه معاش ألخدامه مؤ نقص شي يعني أكسبي زوجج أحسن من يأخذ فكره انج أنانيه وما تفكرين الا بنفسج