تجمع الضعاف واللي يبون يسمنون .. تعالي حطي طولج ووزنج الحالي ..+ "الهدف"

[dalo0oa121]

رد: تجمع الضعاف واللي يبون يسمنون .. تعالي حطي طولج ووزنج الحالي ..+ "الهدف"

طولي 143
وزني 38
الهدف: 45

 

[شوق مسافر]

رد: تجمع الضعاف واللي يبون يسمنون .. تعالي حطي طولج ووزنج الحالي ..+ "الهدف"

السلام عليكم
تقريبا الموضوع صار له فتره يعني سنه تقريبا
فاحبه اعرف منو زاد وزنه على هالاشياء ذي؟
وغير كذا االحبوب كله اقدر احصله في الصيدليات لاني في مدينه مستحيل احصل محل عطارين هنا افيدوني تكفون
وبنسبه لحبوب الحلبه تطلع ريحه او لا ؟
وعطيكم العافيه ..

 

[قاهره عذالي]

رد: تجمع الضعاف واللي يبون يسمنون .. تعالي حطي طولج ووزنج الحالي ..+ "الهدف"

حبوب الحلبه عادي ماتطلع ريحه اذا كل يوم تسبحين وتحطين ديودرنت طبي

انا الحين وزني صار 67 الحمدلله

وكل هالحبوب من الصيدليه

 

[شوق مسافر]

رد: تجمع الضعاف واللي يبون يسمنون .. تعالي حطي طولج ووزنج الحالي ..+ "الهدف"

مشاء الله وزنك مررره حلوووو وعقبالي
ومشكوره حبيبتي ع سرعة الرد >> اول مره تضبط معاي احد يرد علي بسرعه > بطير من الفرحه خخ
اممم انا ياقاهره جالسه اقراء الردو ودار راسي
لاني مو عارف شنو ابلع في اليوم من هالحبوب
واحس انواع وايد حاطينهم وانا احسس اني بتهور وباخدهم كلهم من الحماس
بنسبه للمكسرات ماتوقع احصل هنا لان شكلها عربيه
اما الباقي بدور كل الصيدليات وبحصلهم > ملت من الضعف
يعني ممكن اذا ماعليش امرر
تضبطي لي البرنامج وشنو النواع الحبوب الا اخدهم وكيف الطريقه
وطبعا انا ودي اطلب من خلطة ام يعقوب اذا سمعتي فيها
هل تنفع مع البرنامج
اسمحي لي حببيتي ادري هذرتي وايدد
بس ادري عندش سعة بال علينا
الله يوفقش ويزقش ماتتمني ...
وزني 48
طولي 161
اتمنى .60

 

[قاهره عذالي]

رد: تجمع الضعاف واللي يبون يسمنون .. تعالي حطي طولج ووزنج الحالي ..+ "الهدف"

انتي تقريبا نفس طولي

صراحه لاحيل ضعيفه


شوفي اهم شي بعد كل وجبه

اشربي حليب مخلوط بالترا بروتين او اخلطي الالترا بروتين مع ماي حار

بعد كل وجبه ابلعي حبتين خميره طبعا بعد ماتكونين شربتي الترا بروتين


لازم تدخلين بنظامج المكسرات وعسل المكسرات

البطاط المقلي والمقليات عموما

الالتزام على الاقل بالوجبات الثلاث

التقليل جدا من الشاي والقهوه


بالنسبه للحلبه في طريقيتن

اما انج تاكلين حبتين حلبه باليوم قبل الاكل

او انج تسوين حليب مع حلبه وتشربينه قبل النوم مباشره

حبوب الجنسنغ اللي من الصيدليه حيل فادتني ابلعي منها حبه او حبتين باليوم

اهم شي

الاكل

مقليات
معجنات خاصة البيتزا
الاندومي والمعكرونات
مكسرات وركزي عليها حيل لان فيها سعرات حراريه كبيره

عصير البرتقال يوميا زين يساعد انج تستفيدين من الحبوب

التمر مع الطحينيه

الموز بالحليب البارد مع كيس من االدريم ويب بالخلاط حلو ع الريق يطلع الوجه

البيض المقلي - البطاط المقلي - الزبده مع الخبزز

اكلي على طول لا توقفين احرصي على الاكل


( حبوب خميره + حلبه + الترا بروتين او اي مكمل غذائي تلقينه مثل سوستاجين او انشور بس الترا بروتين اقوى + جنسنغ من الصيدليه + المكسرات حييييييييييل مهمه خاصه الفستق واللوز على طول ابلعي منه وعسل المكسرات بعد )


التزمي وشوفي شلون راح تصيرين

شوق المسافر شوفي ردي على غربة مشاعر بهالصفحه شاااااااامل

 

[شوق مسافر]

رد: تجمع الضعاف واللي يبون يسمنون .. تعالي حطي طولج ووزنج الحالي ..+ "الهدف"

تسلمين عيوووني والله ماقصرتي
صراحه انتي عسلل
وفيش الخيررر
بس عندي سؤال يمكن ماحصل مكسرات بالعسل ينفع اخد انا و اخلطهم ؟
وبنسبه لحبوب كبد القد مو ضروري؟
اسسسفه والله مكثرتها بسألتي
مشكوررررررره والله يوفقش يااااااارب

 

[حبي للابد]

رد: تجمع الضعاف واللي يبون يسمنون .. تعالي حطي طولج ووزنج الحالي ..+ "الهدف"

السلام عليكم ورحمه الله و بركاته


بتكملون المسيره والا خلاص متنتوا ؟

 

[شوق مسافر]

رد: تجمع الضعاف واللي يبون يسمنون .. تعالي حطي طولج ووزنج الحالي ..+ "الهدف"

( اختي حبي للابد )حبيبتي توني ببتدي حياش معاي >> تبي احد يحمسها

 

[قاهره عذالي]

رد: تجمع الضعاف واللي يبون يسمنون .. تعالي حطي طولج ووزنج الحالي ..+ "الهدف"

تسلمين عيوووني والله ماقصرتي
صراحه انتي عسلل
وفيش الخيررر
بس عندي سؤال يمكن ماحصل مكسرات بالعسل ينفع اخد انا و اخلطهم ؟
وبنسبه لحبوب كبد القد مو ضروري؟
اسسسفه والله مكثرتها بسألتي
مشكوررررررره والله يوفقش يااااااارب

اي عادي

سوي عسل مكسرات وهم اكلي مكسرات

كثري منهم صج ينفعون

بالنسبه لحبوب زيت كبد الحوت

شوي يسدون النفس لذلك قطعتهم

كيفج اذا تبينهم حبه باليوم من النوع المركز مع العشا لان جد يسدون النفس عن الاكل

 

[قاهره عذالي]

رد: تجمع الضعاف واللي يبون يسمنون .. تعالي حطي طولج ووزنج الحالي ..+ "الهدف"

السلام عليكم ورحمه الله و بركاته


بتكملون المسيره والا خلاص متنتوا ؟

انا صح متنت بس مكمله بمسيرتي

 

[حبي للابد]

رد: تجمع الضعاف واللي يبون يسمنون .. تعالي حطي طولج ووزنج الحالي ..+ "الهدف"

انا وياكم انشالله ، ودي في العيد اطلع وحده ثانيه )؛

ملييت من الضعف ، و الشهيه المنسده ، و فقر الدم ، و الوجه الاصفر الضعيف

ابي اصير مربربه !!

ابي خدود

ابي خلفيه

ابي صدر

--------> حشا مو انثى

و بالنسبه لبرنامجي بقولكم عقب ما اشوف حماسكم

 

[قاهره عذالي]

رد: تجمع الضعاف واللي يبون يسمنون .. تعالي حطي طولج ووزنج الحالي ..+ "الهدف"

ناطرينج يا حبي للابد

ودنا نستفيد من الافكار اللي ببرنامجج

 

[شوق مسافر]

رد: تجمع الضعاف واللي يبون يسمنون .. تعالي حطي طولج ووزنج الحالي ..+ "الهدف"

قاهره مشكووره حبيبتي ماقصرتي وانشاءالله ببتدي من اليوم
بعد شوي بطلع اجيب الحبوب بس انا انتظر رد بنت خالي عليهم اذا فيها اضرار اوان عادي مع بعض او لا ومرره متحمسه ان شاءالله قبل رمضان برجع البلد ودي اذا رجعت يشوفوني وحده ثانيه
وكان ودي اخد خلطات ام يعقوب او مونليزا لتسمين بس شكله مافيه شحن عندهم ...
الاخت حبي للابد يلا انا وانتي نحمسس بعض طبعا الباقي سمنو يعني ماراح يتعبون مثلنا خخخ
يلا احنا ننتظر افكارش والحماس طبعا ...
يلا بقوم افطرر بانكيك :d

 

[شوق مسافر]

رد: تجمع الضعاف واللي يبون يسمنون .. تعالي حطي طولج ووزنج الحالي ..+ "الهدف"

السلام عليكم
حصلت اكثر الاشياء هنا لفيت لف لين لقيت هالحوسه كلها بس حبوب الحلبه ماحصلتها بس بدورها بس مابعد اخذهم حبيت اتاكد من قاهره >> سورررري والله كثرتها
شفتهم بس الشركه المصنعه مختلفه حق كل المواد المذكوره والبروتين مادري اذا ينفع اخد شركه ثانيه خايفه تطلع عضلات لان هنا بزياده اشوف الرجال ياخدوهم و موجودين عندهم كنه شي اساسي
المهم فيدوني بليزز مررره متحمسه وبكرا ودي اخد كل شي
طبعا لقيت هنا مكسرات بالعسل > في الماركت العربي اسمها حلاوة المكسرات ومرسوم عليها رجال فيه عضلات ماتضر صح ؟
اسفففه والله زودتها بس تحملوني > تبي تسمن

 

[حبي للابد]

رد: تجمع الضعاف واللي يبون يسمنون .. تعالي حطي طولج ووزنج الحالي ..+ "الهدف"

السلام عليكم ورحمه الله وبركاته


اهليييين و سهلييييين و دبلها مرتيييين*


اي كذا الحماس و لا بلاش


حبيباتي انا ابي انصحكم نصيحه و انتو و كيفكم ، بالنسبه للبرنامج اللي تبين تسوينه لا تتقيدين بوجبات لشهر كامل !*

جذي راح تمليييين من الاكلات الدسمه اللي في برنامجج و راح تنسد شهيتج !


لان بالعقل وجبه و تاكلينها يومياً امانه مو ملل ؟؟

ثانياً لا تضغطون على نفسكم بأكلات صح انها تسمن و بوقت قياسي بس طعمها مر او مو حلو ! *جذي ما راح تقدرين تكملين باقي الوجبات ! و شهيتج بتكون مسدوده !*


اكلي الاكلات اللي تحبينها و تدرين انها تسمن !*


و اخر شي لا تستعملون خلطات من الحريم ! انا ما اذمها و ادري انها تسمن بس عيبها مؤقته شهر شهرين و عقبها تردين مثل ما كنتي ،، خلونا نمتن علا طول ، الى متا و احنا ندور الخلطات اللي تسمن ؟!؟!*

الحين بقولكم عن برنامجي :*


نظامي كل اسبوع اغيـــر*

يعني اسبوع استمر على وجبه و عقب اسبوع استمر على وجبه ثانيه و عقب اسبوع استمر على وجبه ثالثه و اذا بس هاذي و جباتي اعيـــد على وجبه اول اسبوع !*

و اقولكم شنو الحلو في الموضوع ؟*

اكون شفقانه ! ولهانه ! مشتاقه ! لوجبه اول اسبوع !*

حلو التغيير*

انا ما استعمل حبوب ! الحبوب الوحيده اللي استعملها هي ( هيــر فــيت )*

و الحمدلله نفسيتي حلوه بس ماكو اراده !*


الحين ابدي في طرح برنامجي و انشالله ينال على اعجابكم : -------> ( اصلح مذيعه صح )

الاسبوع الاول :*
الريوق : طبعاً بما اني موظفه اكل مع بنات الدوام *و ريوقنا عباره عن خفايف ، اهم شي اني كل يوم اتريق ! و طبعاً في الدوام استغل الوقت و اتقهوا مع البنات و اكل سنيكرز او بونتي !*

الغداء : عيش + فته*

بنات الريوق و الغدا ما يتغيرون بنظامي لانه شي يومي*

العصريه : انصحكم و بقوه في ( كب كيك )*
من المطاحن !! *واي واي واي يهبل طعمها !
مع عصير منجا كيدي دي*

المغرب : قهوه و شاي طبعاً ما اشرب الشاي بس حاطته منظر و هالله هالله بالككاويات !
مثل : كيندر + بونتي + سنيكرز !*

عقبها عصير انا اطلبه لاني مالي خلق اسوي و رخيص بس دينارين و بدولكه كامله كبيره ! عباره عن :*

حليب بالموز بالعسل بالمكسرات ( لذييييييذ لذيييييذ لذييييذ شقول شخلي )


العشاء : مرات عيش و دجاج او لحم و مرات خبز ؛*
رهش + زبده الفول السوداني و احط جنبها قيمر عشان تخفف الطعم + جبن شيدر من المراعي اقطعه مربعات و اكله مع المرتديلا + حمص احط فوقه طماط مقطع مع شطه مع زيت الزيتون + و بقولكم خلطه سهله قريتها هني و طبقتها : قفشه نوتيلا و قفشه قيمر و قفشه لوز مقطع سلايس و قفشه فستق . *


بنات انتوا اختاروا اللي يعجبكم مو شرط كل الانواع / اوكيه حبايبي ؟*


نكمل ...

عقب العشا بساعتين حلبه*

و نوم العافيه*


الحين بقولكم شنو اللي راح يتغير عشان نروح للاسبوع الثاني و شنو اللي ماراح يتغير !

بالنسبه للريوق و الغدا ما يتغير !*
و العشا مرات عيش و مرات خفايف خبز مثل اللي انا كاتبته ،*

الكب كيك استمروا عليه اسبوع و الاسبوع الثاني غيروه في كوكيز و عندي رقم محل يبيع كوكيز لذيذ خمسه و عشرين حبه بدينار ونص على ما اعتقد*


و الحليب بالموز بالعسل بالمكسرات استبدلوه بخلطه انا سويتها و عجبتني هي :*
حليب + قفشه صغيييره حلبه + ربع قفشه نسكويك + قفشه حلاوه طحينيه سايله + قفشه لوز مطحون + قفشه فستق مطحون*

صح مقاديرها واجد بس والله الطعم جنااان و يا حبذا لو تزيدون قفشه سيريلاك يم يم*
و الحلبه ماراح تحسون بطعمها لان النسكويك غطا علا طعمها ،

و العشا مثل ما قلت اعيد و ازيد عيش او خفايف تسمن*

و بعد ساعتين بدال الحلبه استبدلوها بحليب مع قفشه عسل و قفشه مكسرات يمي لا تعليق !

و نوم العوافي و هذا الاسبوع الثاني*

نجي للاسبوع الثالث على بركه الله*

الريوق و الغدا ما يتغير*

العصاري شبس ليز مع عصير منجا ( او )
كرواسان بالشوكولاته*

المغرب تقهوا و شدوا حيلكم بالحلويات ، مهلبيه جاهزه او بسبوسه ،، واي عندي رقم وحده تسوي بسبوسه بالقشطه *عذااااب سعرها بخمسه بسس تهبل*

المهم *نستبدل خلطه الحليب اللي قلتلكم عنها بحليب انشور او اي مكمل غذائي مرتاحتله*

العشا اطلبوا مررره مطعم بيتزا هت او تعشوا برا المهم غيروا من روتينكم ،*

عقب العشا بساعتين سيريلاك*


و نوم العوافي يا رشيقات المستقبل

و لا تنسون الموال كله ينعاد*

ادري طولت عليكم بس والله ابيلكم الفايده مثل ما انا ابيها، واي وحده عندها اي استفسار ما يردها الا كيبوردها و عسى ربي يمتني و يمتنكم بصحه و عافيه*

دمتم سالمين *

 -------> حدها متحمسه

 

[حبي للابد]

رد: تجمع الضعاف واللي يبون يسمنون .. تعالي حطي طولج ووزنج الحالي ..+ "الهدف"

امبيه قرقرت

 

[حبي للابد]

رد: تجمع الضعاف واللي يبون يسمنون .. تعالي حطي طولج ووزنج الحالي ..+ "الهدف"

وينكم بنات ؟

 

[حبي للابد]

رد: تجمع الضعاف واللي يبون يسمنون .. تعالي حطي طولج ووزنج الحالي ..+ "الهدف"

( شوق مسافر )

وينج

اي احد ؟

 

[شوق مسافر]

رد: تجمع الضعاف واللي يبون يسمنون .. تعالي حطي طولج ووزنج الحالي ..+ "الهدف"

هلا يالبى امري؟
موضوعش مرررره حلووو ويبي لي امشي ع هالنظام انا ماراح استمر ع طبخه وحده لاني كل يوم اطبخ وانوع في طبخاتي بس كلها دسمه خخخ
ومشكوررررره حبيبتي ...

 

[حبي للابد]

رد: تجمع الضعاف واللي يبون يسمنون .. تعالي حطي طولج ووزنج الحالي ..+ "الهدف"

يا هلا بشوق مسافر

الا صج جم وزنج ؟ و جم الوزن اللي تبين توصلين له ؟؟

انا ببدي ، وزني كان 47

و والله يوم مشيت على نظامي لمده اسبوعين زدت كيـــلو ( ادري شويه بس حدي مستانسه ) كل وحده و طبيعه جسمها

وزني الحين 48

و طموحي 55

اذا بتسأليني جم طولي تراني مادري
اللي اعرفه ان الحلو علي 55