شركات التغذيه منو احسن فيهم وجم نزلنى (الجزء الثانى وبالصور)

[LUXURY]

بنات حرام تشتركون وماتلتزمون
اهو الاشتراك مع الالتزام يضعف
ديرو بالكم علبن تخفيف تخربطون حرام

 

[om MaRyooM]

^
^
اخر اسبوعين بس خربطت لأن كانت بتييني الدورة ومشتهية سوييييييييييت
ونفسيتي تعبانه لوول

 

[LUXURY]

ام مريوم كلها شهرين اللي اشتركتي فيه بكالوري كنترول وخربتيهم عيل اشبقى خخخخخخخخ
المشكله بالالتزام والكنترول على نفسج
بس ماشاء الله ضعفتي على لو فات 4 كيلو
لو تلتزمين بشركات تنزل 3 شهور وتنزلين بالشهر 3-4 كيلو ممتازييييييييين

 

[Om_Ksha]

لووووووووووووووووول كلكم نفسي خلص اشتراككم و الوزن ثاابت ههههه يالله ماكو الا نخفف و نمشي

 

[Pretty Amoola]

لاكشري خلاص ما بقى إلا أنا وإنت :bbbiu:

إن شاء الله بنضعف ونصير رشيقات بالعيد :yaaaaaarb:​

 

[العينآوية]

شركات التغذية حلوة حق تثبيت الوزن بناآت لأنها أكل خفيف

بس ماااظني انها تنحف ذآك الزود والدليل تجآرب البنااات

يالله معي بس على التخفيف خخخخخخخخخ

وفلوسكم خشوهاآ حق فستآن حلو يوم تضعفوووووون

 

[Day Dreamer]

انا ضعفت كيلوين باول اسبوع
تضعف حق اللي يلتزم باكل الصندوق بدون تخربط+رياضه

 

[LUXURY]

أموله
يالله نشد الهمه
أمبييييييييييييه صايرة ما العب رياضه يا حسرة :\
يبيلي فناقر
المهم ولا فتفوته من بره الصندوق صامدووووووووووون
تعالي نسيت انتي اي شركة؟؟؟


العيناوية
كلام داي صح
لو تردين الصفحات القديمه والجزء الاول بتشوفين البنات واااااااااااايد ضعفو والا جان ماتشجعنا واشتركنا
بس باقط فلوسي واشترك واخربط بالزواره واجامل هذي وانعزم عند هذي واقول ماضعفت
وبعدين مع التخفيف تلعبون رياضه ليش ماتلعبون مع الوجبات؟؟

 

[Pretty Amoola]

انا ضعفت كيلوين باول اسبوع
تضعف حق اللي يلتزم باكل الصندوق بدون تخربط+رياضه

داي دريمر مبروك نزول الوزن وعيني عليج باردة

نجاح الرجيم الالتزام بالأكل وممارسة الرياضة بشكل منتظم

واصلي حبيبتي وشاركينا بيومياتج

وإن شاء الله نشجع بعض للوصول للرشاقة

 

[Pretty Amoola]

أموله
يالله نشد الهمه
أمبييييييييييييه صايرة ما العب رياضه يا حسرة :\
يبيلي فناقر
المهم ولا فتفوته من بره الصندوق صامدووووووووووون
تعالي نسيت انتي اي شركة؟؟؟
؟؟

يللا يا لاكشري ابتدي سوي رياضة حتى لو نص. ساعة مشي

باليوم عشان تطلعين بنتيجة أحسن .

وأنا مشتركة بدايت سنتر ومرتاحة معاهم

 

[كشكش]

بنات منو تعرف مقر شركة كالوري كنترول
قالولي برج جاسم بالمرقاب ..

ما ادل المرقاب ومو مشكلة بدلها بس برج جاسم شنو .. يم شنو معرووف !

عندي موعد اليوم ومتوهقه ..!​

 

[Pretty Amoola]

بنات منو تعرف مقر شركة كالوري كنترول

قالولي برج جاسم بالمرقاب ..​

ما ادل المرقاب ومو مشكلة بدلها بس برج جاسم شنو .. يم شنو معرووف !​

عندي موعد اليوم ومتوهقه ..!​

إن شاء الله البنات يفيدونج ...

أو أقترح عليج ادقين عليهم وخليهم يوصفون لج المكان ...

وبالتوفيق يارب​

 

[العينآوية]

انا ماني ضد الشركاآت بالعكس اشجع يكفي انه أكل صحي ومابه دسسم

القصد : دام الوحدة تعرف نفسهآ ماا تقدر تلتزم حرآم تقط هالفلوس

انا احس انها حلوة حق تثبيت وزن لأنه لاحظي الأكل فيه نشويآت وفيه حلويات

طبيعي الجسم ما بينزل عليها ذاك الزود

120 دينآر هذي ينزلون فيهآ عندنا 10 الى 20 كيلوو ( مركز نيوترشن مثلا )

انا اللي معور لي قلبي تدفعين هالمبلغ عشآن 2 -3 كيلو ؟ هذا اللي احسه حرآم

عندج مركز نيوترشن ( اظن قريب يفتح بالكويت ) هم مب شركة توصيل لكنها نظام غذائي

يعطونج البرناآمج وانتي تسوين الاكل في البيت وفيه عندهم نماذج نزلت على 40 كيلو وفووق

تدفعين 1200 او 1700 على حسب ويكون برنآمج سنوي ومعه منتجات مجانية

لآ فتح بالكويت جربوا حظكم معاه

 

[LUXURY]

كشكش
من وين بتروحينله؟
شوفي انا اروحله جني باروح دسمان يايه من صوب المنصوريه على يميني والنزهه مع الروضه يصيرون وراي. لما تكملين باييلج الجسر (اللي اذا اخذتيه فرعي يمين تروحين دسمان ) لا تاخذين الفرعي خليج بنص الجسر بتييج اشاره, اخذيها يسار وخلج عاليمين بتييلج لفه يمين (قبل اللفه بتشوفين يمينج صالة التزلج) اخذي هاللفه اليمين بتييج اشارة هم اخذيها يمين وكملي سيده بايونج صالة التزلج وديسكفري , برج جاسم بالضبط جبالهم بيكون غلى يسارج

إن شاء الله فهمتي وصفي الخواره خخخخخخخخخ


اموله
لا اشوة اليوم احترمت نفسي ولعبت خخخخخخخخخ


العيناويه
حبيبتي نزول 2-5كيلو بالشهر ممتاز وصحي ويعتبر نزول من الدهون
أما اكثر من جذي كله من عضل وسوائل
صح انا معاج بنقطة ان اللي يشترك لازم يلتزم
بس تره لازم نشويات وحلويات
وهالشئ مايثبت الوزن بالعكس ينزل نزول صحي
النشويات فيه مادة مادري شنو تغذي خلايا المخ علشان جذي ريجيم اتكنز ومن طقته يسبب امراض عصبيه وصرع
والحلويات مسوينها بمقادير وطريقه صحيه تصير يمكن ربع عدد سعرات حلوياتنا العاديه
الفكرة بعدد السعرات بغض النظر عاللي حاطينه اهم يمشون عالهرم الغذائي كل شئ ينحط بالوجبات
وماسمعت صراحه عن هالمركز

 

[LUXURY]

أنا خذيت موعد عند ليناز أند ديناز يوم الخميس الاسبوع الياي
علشان من يخلص هالاشتراك علطول ليناز يبلشون
وبأجربه ان شاء الله حلو اهم شئ ابي اكل ناطع وحلو راهي خخخخخخخخ
بلاعه

 

[أمـــــل]

حرام جذى تشتركون وتدفعون وماتلتزمون لا جذى حرام ........... والله لو سوون مثلي جان التزمتوووو صج لان انا اكتشفت اني وحده من الناس موحب احد يقيدني وتعب نفسيا فجذى انا اختار اللي ابيه وع مزاجي شرط التزم بكلوري

تحياتى

 

[sts400]

سبحان الله وبحمده سبحان الله العظيم

 

[تووته البسكوته]

كشكش

برج جاسم مقابل مجمع ديسكوفري

 

[روعة الأمومة]

السلام عليكم بنات شلونكم

انا كنت اقرا الموضوع من زمان بس قلت مابي اشارك الا لما اخلص الصفحات و اقراها كلها

"حياة زوجي" يعطيج الف عافيه عالموضوع الحلو و الله يردج بالسلامه

انا الله يسلمكم الشهر اللي طاف اشتركت مع كالوري كونترول اسبوعين نظام 3 وجبات و سناكين و اخترت يوم الجمعه يكون فري آكل على راحتي و حطتلي 1700 كالوري ليش اني حامل بالشهر السادس و وديتلها ورقة موافقه من دكتورتي النسا و الولادة اني اشترك معاهم

لانه صراحه بنات رمضان قريب و انا بحمالي الاولي انتفخت بشكل مو طبيعي و صار شكلي بشع مع العلم اني قبل كتن رشيقه و حتى عقب ما ولدت ما قدرت ارد وزني مثل اول

و الحمدلله الحمدلله ماشالله التزمت معاهم بهالاسبوعين عدل و وزني كان ثابت و ما صعد ولا حتى 100 جرام زياده تبارك الرحمن ف وايد استانست بس الماي عندي كان نازل شوي و الدهون شويه مرتفعه 3 من 10

حتى اهيا قالت لي شكلج ملتزمه عدل ما تبين تزيدين الكالوري قلتلها لا انا ما صدقت يثبت وزني لانه ادري بعدين بيصعد وايد

و هذي تجربتي و سامحوني طولت عليكم

و بالنسبه لي اكل كالوري كونترول وايد وايد لذيذ و يهبل و انا تعودت عليهم

 

[Tamaraa]

بنات انا اليوم كان موعدي عند لينا ودينا الصراحة صرلي مشركة معاهم اسبوع ونص و الاخصائية وايد مستانسة مني حق اني 3 كيلو 500 جرام قالتلي النتيجة ممتازة وقالتي الزيارة الثانية انشالله اكون نازلة اكثر الصراحة اكلهم وايد زين حبيتة و خصوصا انهم منزلين منيو جديد من السبت الي لطاف و الاخصائية قالتلي بعد في منيو جديد حق رمضان ادعولي انزل بنات انا وايد مستانسة
​